Чутырь
| Черкогурт | |
| Чутырь | |
|---|---|
 | |
| 57°23′18″ с. ш. 53°14′42″ в. д.GЯO | |
| Кун |
 Россия |
| Федерацилэн асмосэз | Удмуртия |
| Муниципал ёрос | Эгра |
| Часовой поясэз | UTC+4:00 |
| Улӥсез | |
| Улӥсез | 832 мурт (2023) |
| Официальной луись кыл | удмурт, ӟуч |
| Цифровой идентификаторъёс | |
| Телефон кодэз | +7 34134 |
| Почта индекс | 427132 |
| Код ОКАТО | 94218855001 |
| Код ОКТМО | 94518000586 |
| ГКГН-ысь номерез | 0518053 |
|
|
|
Чутырь — Удмурт Элькунысь Эгра ёросын одӥгез тужгес вашкалаез гурт. Кылдэмын 1698-тӥ арын. Интыяськемын элькунлэн шор люкетаз[1]. Чутырь гурт поселенилэн шорсюлмыз.
Интыяськемез
Интыяськемын Нязь шур дурын. Интыяськемын кунлэн шораз, «Ижкар — Эгра — Глазкар» Р321 сюреслэн 69-тӥ иськемаз. «Эксэй сюрес» вылын (ӟуч сямен вераса — «государева дорога»). Эгра ёрос карлэсь лымшорен шунды ӝужан вискын ог 21 иськеме[2] пуксемын.
Историез
Чутырь черко гурт кылдэмын 1689 арын[3]. Гуртлэн нимыз шурлэн юн читыръяськыса быземеныз герӟаськемын («читыр-чутыр бызе» — ӟуч кылэ берыктыса — извиваясь бежит). Истори ласянь та гурт туж тунсыко луэ. Нырысь ик: Вознесенской нимо черк. Со дас ар ӵоже пуктӥськиз (1819—1829). Солэсь азьпал та интыын пу черк сылӥз (1752)[4]. Выль черклэн усьтӥськемез дырысен ик татын службаос ортчытъяз но калык пӧлын дышетон уж нуиз протоиерей Василий Андреевич Курбатов-Раевский. Кузпалыныз ӵош соос крестьян нылпиосты дышетон юрт усьтӥзы, черкын кырӟась хор кылдытӥзы, черк котыре эмьюм будосъёсын сад мерттӥзы, муш бакча заводизы. Ачиз Василий Андреевич першал луыса, гурт калыкез эмъялляз. Вашкала сад-бакчаез утён вылысь, 2022-тӥ арын улӥсьёслэн огъя кужыменызы но «Добрый город Петербург» благотворительной фондлэн юрттэмез улсын татысь инты утялтэмын но шутэтскон интылы пӧрмытэмын[5].
Озьы ик тунсыко «баӵко юртлэн» (поповский дом) историез. Сое 1800 арын черк вӧзы ӝутӥллям. Вӧл-вӧл бадӟым 12 укноосын, ньыль палдурысо липетэн, кор борддоръёсыз пулэн шуккемын, огпал липет вылаз коръёслэсь ик пичияк висъет ӵыпемын — мезонин. 1824 арын, кузь сюрес вылын шутэтсконъяз, та юртын изёно луэм Александр I эксэй. Со сяна, Чутырь черкогурт пыр потэмын тодмо ӟуч гожъяськись Василий Жуковский.
Граждан ожъёс мыныку, со юртлэн борддорез, снаряд шедьыса таркаськем. Со вакыт отын Володарской полклэн штабез интыяськемын вылэм. Собере — волостной правленилэн исполкомез. Быдӟым Отечественной война аръёсы татчы Ленинград улосысь Муромысь нылпи сад выжтэмын вал. 1985 арын та юртэз пулы сутӥллям.
Гуртлэн кылдэмез но соин герӟаськем интыос сярысь пыр-поч гожтэмын Чутырысь краеведлэн Динарида Волковалэн книгаяз[6].
1844-тӥ арын усьтэмын земской школа. Со чкерк палан, гуртлэн пумазгес интыяськемын вал. Школаын куинь класс сяна ӧй вал. Совето властьлэн нырысетӥ аръёсаз волостной управленилэн азьвыл юртаз 1 ступеньем школа усьтӥськиз. 1930-тӥ арын — колхозысь егитъёслы школа, 1933-тӥ арын со быдэс луисьтэм шор ёзо школалы пӧрмытэмын. 1937-тӥ арын школа ӝуаса быриз. 1940-тӥ арын со интые типовой пу школа пуктыны кутскемын но ар куспын лэсьтыса быдтэмын вал. 1955-тӥ арын школа шор ёзо луиз. 1981-тӥ арын шур сопалан школалы излэсь бадӟым юрт пукыны кутскемын. 1984-тӥ арын 1-тӥ куарусёнэ усьтэмын[7].
Улӥсез
Чутырын нырысь улӥсьёс удмуртъёс вылӥллям. Соос татчы Юбериысь улыны лыктӥллям[8]. Берлогес Киров улос котырысь но мукет интыосысь вуыса, ӟучъёс каръяськиллям.
Кедра Митрейлэн «Дитя больного века» автобиографической повестяз пыртэм персонажъёс пӧлын Чутырын улӥсьёс но вылӥллям[9].
Трос тодмо адямиос вордскемын но будэмын Чутыр музъем вылын. Одӥгез соос пӧлысь Колчаклэн прапорщикез Дмитрий Константинович Анисимов. Со ик Австралиысь нырысетӥез ӟуч библиотекарь но нырысетӥ ӟуч правосланой приходлэн регентэз[10].
2023 аръя улӥсьёслэсь лыдзэс чакласа, Чутырь черкогуртын 832 адями лыдъяськиз. Соос пӧлысь: 6 аресозь нылпиос — 83 мурт, 7 аресысен 17-озь — 98 мурт, 18 аресьем егитъёс 29 аресозь — 100 адями, 30 аресысен 60-озь — 358 адями, 60 аресысен но мӧйыгес — 181 мурт, 80 арес но солэсь кемагес улӥсьёслэн лыдзы — 12 мурт[11].
Валэктонъёс
- ↑ Пельменный маршрут по Игринскому району
- ↑ Чутырь.
- ↑ С юбилеем, Чутырь
- ↑ К 190 летию храма Вознесения Господня села Чутырь Игринского района.
- ↑ В селе Чутырь Игринского района Удмуртии благоустраивается старинный сад [ӟуч] Светлый путь (21-09-2022). Эскеремын 24-11-2025 арын
- ↑ Волкова Д. Г. Сторона моя родная. Между Нязью и Лозой. Текст на русском и удмуртском языках. Ижевск, 2020 г. 367 с., ил.
- ↑ О школе [ӟуч] МБОУ Чутырская СОШ. Эскеремын 24-11-2025 арын
- ↑ чутырь [ӟуч] Родная Вятка. Эскеремын 24-11-2025 арын
- ↑ Долгими дорогами Кедра Митрея
- ↑ Прапорщик Колчака из Удмуртии-первый русский регент и первый русский библиотекарь в Австралии. Людмила Ларкина
- ↑ Население села Чутырь Игринского района Удмуртской Республики
.svg)
.svg)