Мувыр (Эгра ёрос)
| Черкогурт | |
| Мувыр | |
|---|---|
| удм. | |
 | |
| 57°37′46″ с. ш. 53°19′00″ в. д.GЯO | |
| Кун |
 Россия |
| Федерацилэн асмосэз | Удмуртия |
| Муниципал ёрос | Эгра |
| Гурт поселение | Зура |
| Историез но географиез | |
| Кылдэмын | 2008 |
| Часовой поясэз | UTC+4:00 |
| Улӥсез | |
| Улӥсез |
|
| Официальной луись кыл | удмурт, ӟуч |
| Цифровой идентификаторъёс | |
| Телефон кодэз | +7 34134 |
| Почта индекс | 427161 |
| Код ОКАТО | 94218810016 |
| Код ОКТМО | 94518000216 |
|
|
|
 |
|
Мувы́р (ӟуч: Мувыр (Игринский район)) — Удмуртиысь Эгра ёросысь Зура гурт поселение пырись гурт.
Историез
1960-тӥ аръёсы Мувыр гуртэз неперспективной лыдъязы, улӥсьёсты артысь гуртъёсы выжтӥзы. Коркаосты кесязы-куашкатӥзы, музъемзэ гыризы-ӵошкатӥзы. Гурт 1980-тӥ аръёсы воксё быдтэмын вал[1]. Мувырез быремысь выльысь ӝутӥз татын вордӥськем но будэм Александр Корепанов. Армиын служба нуыса берытскемез бере, со дасо арзэ артысь Зураын анай-атаеныз улӥз[2]. Нош 1992-тӥ арын аслаз семьяеныз ӵош азьвыл Мувырлэн интыяз гольык бусы шорын корка пуктыны кутскиз. Нюлэс дасяны, ыж вордыны ӧдъяз, музъем басьтӥз но сое утялтыны кутскиз[3]. Ӝоген Корепановъёслэн нырысетӥ бускельзы кылдӥз, отӥяз куке-соку вордскем юртъёссэс кельтэм мукет гуртоос но та палъёсы берытскыны ӧдъязы. Озьы гуртын одӥг гинэ урам кылдӥз — Светлой[2].
Удмурт Элькунысь Кун Кенешлэн 2008-тӥ арын 16-тӥ толсуре юнматэм постановлениеныз Мувыр гурт выльысь кылдытэмын вал. Татчы сюрес лэсьтӥзы, электро но ву кыскизы[2].
2018-тӥ арын ивортонъёсъя, Мувырын 12 корка но 30 улӥсь лыдъяськиз, таос пӧлысь 7-ез — нылпиос. Нош 2024-тӥ ар кутсконын гуртоослэн лыдзы 39-озь йылӥз, таос пӧлысь 9-эз — пиналъёс[2].
Мувырын гурт туризм мыло-кыдо азинске, татын выльысь улӟытэм гуртъёслы сӥзем музей усьтыны чаклало. 2023-тӥ арысен Мувырын «Гурт — Россилэн лулыз» улоскуспо фестиваль арлы быдэ ортчылэ[4].
Александр Корепанов фермер хозяйстволэн йырыз луэ, хозяйствояз пудоез 350 йыр, таос пӧлысь 150-эз — кысконо скалъёс[2].
Интыяськемез
Эгра ёросысь Лозо шур дурын интыяськемын.
Инфраструктура
- Мувыр йӧл кыскон ферма но йӧллэсь сиён лэсьтонъя цех[5][6];
- Курадӟытыса вием дун-чылкыт Георгий Победоносецлы сӥзем часовня[3];
- Музей[6];
- Пыжен уян станция;
- Кемпинг но пукон интыос[4].
Валэктонъёс
- ↑ Мувыр отметил юбилей [ӟуч] Министерство сельского хозяйства и продовольствия Удмуртской Республики. Эскеремын 21.08.2025 арын
- ↑ 1 2 3 4 5 Екатерина Сентемова (12 февраля 2024) Семейное дело: жители Игринского района восстанавливают родную деревню Мувыр [ӟуч] susanin.news. Эскеремын 21.08.2025 арын
- ↑ 1 2 Ольга Константинова (03 марта 2018) Один в поле воин: как фермер из Удмуртии возродил родную деревню [ӟуч] udmurt.media. Эскеремын 21.08.2025 арын
- ↑ 1 2 Возрожденная деревня Мувыр [ӟуч] visitudmurtia.org. Эскеремын 21.08.2025 арын
- ↑ Мария Подлесских (14 июля 2025) В Мувыре жить: удмуртская деревня стала финалистом федеральной премии «Жить вместе» [ӟуч] Удмуртская правда. Эскеремын 21.08.2025 арын
- ↑ 1 2 Мувыр — возрожденная деревня для жизни с нуля [ӟуч] udm-info.ru (18 сентября 2023). Эскеремын 21.08.2025 арын
Чӧлсконъёс
.svg)
.svg)