Гурт — Россилэн лулыз
| Гурт — Россилэн лулыз | |
|---|---|
 | |
| Инлыкез | улоскуспо |
| фестиваль[d] | |
| Кутсконэз | 2023 |
| Ортчытон интыез | |
| 57°37′46″ с. ш. 53°19′08″ в. д.GЯO | |
| Ортчытон интыез | |
| Кун | |
 |
|
«Гурт — Россилэн лулыз» (ӟуч: Деревня — душа России) — быремысь выльысь ӝутэм гуртъёслы сӥзем улоскуспо фестиваль. Удмуртиысь Эгра ёросысь Мувыр гуртын ортче.
Историез
Нырысетӥез «Гурт — Россилэн лулыз» фестиваль Эгра ёросын 2023-тӥ арын 29-тӥ пӧсьтолэзе радъяськиз. Ужрад дыръя кӧня ке пол пусъемын вал, со Мувыр гуртэз сӥлы каре шуыса. Соку киужъёсъя но пӧраськонъя пӧртэм мастер-классъёс, сиён-юонэз веръян, выльысь улӟытэм гуртэтӥ экскурсиос, гурт удысысь техникаен адӟытон, арганчиослэн но чорыгасьёслэн вожвылъяськонъёссы, вузкарон но модая этно-дефиле, «Брангурт песянайёслэн» концертсы радъяськиз[1][2]. Нырысетӥ араз фестивале Удмуртиысь, Пермь, Свердловск, Киров улосысь, Мускоысь, Ханты-Мансийск автоном округысь, Казахстанысь сизьым сюрслэсь ятыр адямиос пыриськизы. Шулдыръяськонэз дасясьёс оскытӥзы, Мувырын фестиваль арлы быдэ радъяськылоз шуыса[1].
2024-тӥ арын ужрадлэн программаез паськытаз: экскурсиосы, адӟытонъёсы вуылэм, концерт учкем сяна, куноос чорыгасьёслэн но усточи пӧраськисьёслэн вожвылъяськонъёсазы, квестъёсы, ӵошатсконъёсы но семьяослы чаклам шулдыръяськонъёсы пыриськизы[3]. Ужрадэз радъясьёс оскытӥзы, фестивальын поттэм вань коньдон интыысь вашкала вуко ӵыпетэз ӝутыны мыноз шуыса[4]. Озьы ик туспуктэмъёсын, гурт улонлы но удмурт лулчеберетлы сӥзем нылпиослэн суредъёсынызы сэрег лэсьтэмын вал[5]. Волонтёръёс нимысьтыз ожгар операцие пыриськисьёслы ватӥськон вотэсъёс пунӥзы, гожтэт гожъязы но окопын кутӥськись сюсьтыл лэсьтӥзы[6].
2025-тӥ арын 26-тӥ пӧсьтолэзе Мувырын «Гурт — Россилэн лулыз» III улоскуспо фестиваль йылпумъяськиз. Фестивале Удмурт Элькунысь мурт нылпиосты бордазы улыны кутэм семьяос но вуылӥзы. Соос понна «Адӟем карымон гурт семья» нимысьтыз площадка ужаз. Кенешыны но шутэтскыны луонлык кылдытон ужпум пуктэмын вал[7].
Мувыр гуртысь часовня котыре, курадӟытыса быдтэм дун-чылкыт Георгий Победоносецез сӥлы карыса, вань поколениосысь Атыкай музъемез утисьёслы «Соос Родина понна ожмаськизы» нимо синпелет пуктӥзы. Талы Мувырысь фермер хозяйствоен кивалтӥсь Александр Корепанов кичӧлтонэн потӥз. «Гурт — Россилэн лулыз» III улоскуспо фестиваль улсын синпелетэз сӥё-дано усьтӥзы[8].
Мувыр
1980-тӥ аръёсы Мувыр гурт неперспективной лыдъямын вал но, со Эгра ёрослэн картаосысьтыз ышиз. Гуртэз выльысь ӝутон борды Мувырысь потэм ужбергатӥсь Александр Корепанов басьтӥськиз. 2009-тӥ арын гуртын со выль корка пуктӥз, 2021-тӥ арын кыскем йӧллэсь сиён лэсьтонъя пичи завод усьтӥз. 2023-тӥ арын «Мувырез усьтыса» гурт туризмез азинтонъя проектсэ быдэстон вылысь грант утӥз. Озьы гурт кунокуаосын, пукон интыосын, мунчоен туризмъя быдэс комплекс пӧрмиз. Татын пыжен но сап-бордэн уянъя, квадроциклъёсын но валъёсын ворттылонъя эко-туризмъя маршрут кылдытэмын вал[9]. 2023-тӥ арысь ивортонъёсъя, Мувырын 13 корка ӝутэмын[2]. 2024-тӥ арын отын 39 улӥсь лыдъяськиз[6].
Азьланяз Корепанов Мувырын удмуртъёслэсь крестьян юртъерзэс пуктыны медэ[2].
Валэктонъёс
- ↑ 1 2 Более 7 тысяч человек посетили первый фестиваль возрожденных деревень в Удмуртии «Деревня – душа России» [ӟуч], news.rambler.ru. Эскеремын: 17 гудырикошконэ 2025 арын.
- ↑ 1 2 3 В Мувыр на фестиваль возрожденных деревень приехали 7 тысяч человек [ӟуч], izhevsk-news.net. Эскеремын: 17 гудырикошконэ 2025 арын.
- ↑ София Хохрякова. Фестиваль возрожденных деревень состоялся в Игринском районе Удмуртии [ӟуч], Росагротуризм.рф. Эскеремын: 17 гудырикошконэ 2025 арын.
- ↑ Фестиваль Деревня - душа России прошёл в Игринском районе [ӟуч], myudm.ru. Эскеремын: 17 гудырикошконэ 2025 арын.
- ↑ II Межрегиональный фестиваль Мувыр [ӟуч], dshi1-igra.udm.muzkult.r. Эскеремын: 17 гудырикошконэ 2025 арын.
- ↑ 1 2 Анастасия Елсукова. 7 тысяч гостей посетили фестиваль «Деревня-душа России» в Удмуртии [ӟуч], udm.aif.ru. Эскеремын: 17 гудырикошконэ 2025 арын.
- ↑ 26 июля в деревне Мувыр Игринского района завершился III Межрегиональный фестиваль возрожденных деревень «Деревня – душа России» [ӟуч], uszn.udmurt.ru. Эскеремын: 17 гудырикошконэ 2025 арын.
- ↑ Екатерина Сентемова. Памятник защитникам всех поколений появился в возрождённой деревне Мувыр [ӟуч], susanin.news. Эскеремын: 17 гудырикошконэ 2025 арын.
- ↑ Фестиваль «Деревня — душа России» пройдет в Мувыре Удмуртии [ӟуч], udm-info.ru. Эскеремын: 17 гудырикошконэ 2025 арын.
Чӧлсконъёс
- Возрождённую удмуртскую деревню покажут туристам [ӟуч], lenta.ru. Эскеремын: 17 гудырикошконэ 2025 арын.
- В Мувыр на фестиваль возрожденных деревень приехали 7 тысяч человек [ӟуч], izhevsk-news.net. Эскеремын: 17 гудырикошконэ 2025 арын.
- В деревне Мувыр Игринского района состоится Межрегиональный фестиваль возрожденных деревень [ӟуч], izvestiaur.ru. Эскеремын: 17 гудырикошконэ 2025 арын.
- 27 июля 2024 года в д. Мувыр Игринского района состоится второй фестиваль «Деревня – душа России» [ӟуч], minkultura.udmurt.ru. Эскеремын: 17 гудырикошконэ 2025 арын.