Чумой черкогурт
| Черкогурт | |
| Чумой | |
|---|---|
 | |
| 57°25′02″ с. ш. 53°26′27″ в. д.GЯO | |
| Кун |
 Россия |
| Федерацилэн асмосэз | Удмурт Элькун |
| Муниципал ёрос | Эгра |
| Шор интыезлэн ӝуждалаез | 197 м |
| Улӥсез | |
| Улӥсез | 128 мурт (2020) |
| Цифровой идентификаторъёс | |
| Почта индекс | 427133 |
| Код ОКАТО | 94218835005 |
| Код ОКТМО | 94518000441 |
| ГКГН-ысь номерез | 0518052 |
|
|
|
Чумой — Эгра ёросысь черкогурт. Интыяськемын Удмуртилэн шораз.
Интыяськемез
Чумой интыяськемын кунлэн шораз, лысо но куаро писпуо интыын[1], Камйыл вырал котырын[2], Чумой шур дурын. Эгра ёрос центрлэсь лымшор но шунды ӝужан пала 45 иськемын. Тужгес ӝужыт интыез — 197 метр зарезь вадьсын[3].
- Куазь
Куазь шоро-куспо континентальной, толалтэ кема кыстӥське, кезьыт но трос лымыё луэ. Гужем — вакчи, шуныт. Ар ӵоже омырлэн шорлыко температураез 2,7 °С луэ. Пӧсьтолэзе, (арлэн тужгес шунытэз толэзяз) температура +18,7 °C шуныт возиське (абсолютной максимум — 36,6 °C); толшоре −13,5 °C кезьыт луэ (абсолютной минимум — −47,5 °C). Ар ӵоже 500 мм пала зор-кот усе[2].
Часовой пояс
Чумой черкогурт,быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ[4].
Улӥсез
1678-тӥ арын черкогуртын улӥсез 6 семья вал. 1869-тӥ арын 165 мурт лыдъяськиз, ваньмыз удмуртъёс. 1892-тӥ арын куинь ӟуч хозяйство ватсаськиз. 1897-тӥ арын Росси империын ортчытэм огъя лыдъян-чотанъя, Чумой черкогуртын 34 хозяйство пусъемын вал, отын улӟсез: черк ужасьёс — 9 мурт, военнойёс — 19 мурт, ӟучъёс — 21 мурт, удмуртъёс — 225 мурт.
2002-тӥ арын ортчытэм переписья, 181 улӥсьёс пӧлысь 91 %-эз удмуртъёс вал[5]. 2010-тӥ арын улӥсез 137 мурт вал[6], 2012-тӥ арын — 133 мурт. 2020-тӥ арын гуртын 128 мурт лыдъяське вал[7].
Гуртын 7 ульча: Центральной (Бадӟым ульча), Речной (Хутор), Заречной, Родниковой (Колтыма), Родниковой пролка (Бобыль ульча), Школьной но Полевой[8].
Кылдэмез сярысь
Куд-ог малпанъёсъя, черкогуртлэн нимыз Чумой шур бордысь кылдэмын (Чумой — Вало, Кильмезь но Чупчи шуръёслэн бассейнъёсысьтызы пичи шуръёс). Мукетызъя — «чум» кыллэсь, валатонэзъя со нюлэскысь пичи корка, шалаш, чулан шуэмез возьматэ[8]. Кушъя школаысь дышетӥсь, Чумойыны вордӥськем но будэм Татьяна Ипатова «Имена родной земли» книгаяз гурт нимзлэсь кылдэмзэ воршуд нимын герӟа[9].
Чумой (Чюмой) черкогурт нырысьсэ пумиське 1678-тӥ арын ортчытэм калыкез лыдъян-чотанын. Со вакытэ гуртын 6 семья вал. Филологи наукаосъя докторлэн Михаил Атамановлэн «По следам удмуртских воршудов» книгаяз Чумой Пурга воршудно-родовой группае пыре шуыса гожтэмын (XVII даурысь исторической документъёсын — Порга), со тужгес бадӟымез группа лыдъяське.
1893-тӥ арын гуртын одӥг престолэн пу черк пуктэмын. Вӧсямын 1894-тӥ арын 9-тӥ южтолэзе, Богоявление нуналэ, соя ик черк Богоявленской шуыса нимамын[10]. Пытсамын 1961-тӥ арын. «Удмурт Элькунысь Эгра ёрос муниципал округ» муниципал кылдытэтысь депутатъёслэн 2024-тӥ арын 12-тӥ толсуре кутэм решенизыя, черклэн юртэз чумой калыклы берыктэмын вал. 2014-тӥ арысен кутскыса, черк волонтёръёслэн но гурт калыклэн юрттэменызы выльдӥське[11].
1892-тӥ арын 120 мурт тэрымон приходской школа усьтэмын. Отчы Чумойысь сяна матысь гуртъёсысь пиналъёс но дышетскыны ветлылӥзы. Нырысетӥ дышетӥсьёс вал: Аркадий Константинович Никольский, Николай Фёдорович Васнецов но Пётр Петрович Клюкин. Эгралась шаертодонъя музейын нырысетӥ дышетскисьёс пӧлысь одӥгезлэн Марфа Метелёвалэн умой дышетскемез сярысь документэз утиськемын. Со «Сертификат похвалы» 1902-тӥ арын, школаез йылпумъякуз сётэмын вылэм, отын школа директорлэн священниклэн Андрей Голубевлэн но дышетӥсьлэн Параскева Бодалёвалэн кинюртэмъёссы пуктэмын.
Черк бордын озьы ик библиотека усьтэмын вал. 1910-тӥ арын библиотекаос сярысь тодэтъёсын Чумой библиотекаын 33 книга возиське шуыса пусъемын, соос пӧлын: литургической пуштросо книгаос; историяя книгаос; учебникъёс но мукет, озьы ик газет-журналъёс.
1921-тӥ арын нырысь лопатно-кадочной артель кылдытэмын, соберегес ик — ик ыжку посонъя артель усьтэмын вал. 1931-тӥ арын 12 хозяйствоез огазеяса, «Чумой» нимо колхоз кылдытэмын. 1936-тӥ арозь отчы гуртысь вань улӥсьёс пыремын ини вал.
Быдӟым Атыкай ож кутскемен, гуртысь ваньмыз сямен егит воргоронъёс фронтэ кошкизы, кылемез трудармиын тыршизы. Нылкышноос но пиналъёс Ижевск-Балезино чугун сюрес лэсьтонэ басьтэмын вал. Тыложысь 10 мурт гинэ берытскиз, куамынлэсь тросэз быорыны шедиз[8].
2023-тӥ арын 5-тӥ гудырикошконэ Чумой гуртлы 345 ар тырмонлы сӥзем сӥё-дано ужрад ортчиз. Сое усьтон азьын Богоявленской черкын иерей Вадим Агафонов молебен ортчытӥз[12].
Валэктонъёс
- ↑ Приказ Министерства природных ресурсов Российской Федерации от 28 марта 2007 г. № 68 «Об утверждении Перечня лесорастительных зон и лесных районов Российской Федерации»
- ↑ 1 2 Схема территориального планирования муниципального образования "Игринский район" Удмуртской Республики [ӟуч] Федеральная государственная информационная система территориального планирования (ФГИС ТП). Эскеремын 5-11-2025 арын
- ↑ Chumoy [англи] GeoNames. Эскеремын 5-11-2025 арын
- ↑ Федеральный закон от 03.06.2011 № 107-ФЗ «Об исчислении времени», статья 5 [ӟуч]
- ↑ Коряков Ю. Б. База данных «Этно-языковой состав населённых пунктов России» [ӟуч] lingvarium.org. Эскеремын 5-11-2025 арын
- ↑ Всероссийская перепись населения 2010 года [ӟуч] Родная Вятка. Эскеремын 5-11-2025 арын
- ↑ Где находится Чумой: показать на карте Игринского района Удмуртии. Население. Код ОКТМО. Координаты [ӟуч] strannik.info. Эскеремын 5-11-2025 арын
- ↑ 1 2 3 Дубовцева, Нина. Чумой...Как много в этом слове. История села в документах и воспоминаниях. [ӟуч], calameo.com, Игринская районная библиотека имени К.Митрея (2013), С. 162. Эскеремын: 1 шуркынмонэ 2025 арын.
- ↑ Татьяна Ипатова. Имена родной земли [ӟуч], Проза.ру (2016). Эскеремын: 1 шуркынмонэ 2025 арын.
- ↑ Чумой. Богоявленская церковь [ӟуч], Родная Вятка. Эскеремын: 1 шуркынмонэ 2025 арын.
- ↑ Историческое событие [ӟуч], ВК. Храм Богоявления Господня с. Чумой Игринское благочиние (23-12-2024). Эскеремын: 1 шуркынмонэ 2025 арын.
- ↑ Жители с. Чумой отметили 345-летие села [ӟуч], Глазовская епархия (7-08-2023). Эскеремын: 1 шуркынмонэ 2025 арын.
.svg)
.svg)