Алабго

Википедиысь материал
Кар
Алабго
биг. Алабуга, ӟуч: Елабуга
Shishkinskiye prudy (park in Elabuga)-14.jpg
Гербез
Гербез
55°46′00″ с. ш. 52°02′00″ в. д.GЯO
Кун РоссияFlag of Russia.svg Россия
Федерацилэн асмосэз Татарстан
Муниципал ёрос Алабго
Кар поселение Алабго
Тӧро Рустем Нуриев[1]
Историез но географиез
Кылдэмын 1007-тӥ арлэсь бер ӧвӧл
Нырысьсэ пумиське XVII дауре
Азьвыл нимъёсыз Трёхсвятское черкогурт
Кар с 1780-тӥ арысен
Быдӟалаез
  • 41
Шор интыезлэн ӝуждалаез 156 м
Часовой поясэз UTC+3:00
Улӥсез
Улӥсез
Ӵемлыкез 1797,81 мурт/км²
Агломерация Набережные Челны
Йӧскалыкъёс ӟучъёс, бигеръёс, чувашъёс но мукетъёсыз
Конфессиос мусульманъёс, православнойёс но мукет
Катойконим алабгоос, алабго пи, алабго ныл[2].
Официальной луись кыл бигер, ӟуч
Цифровой идентификаторъёс
Телефон кодэз +7 85557
Почта индекс 423600
Код ОКАТО 92415
Код ОКТМО 92626101001
ГКГН-ысь номерез 0012611
городелабуга.рф
Алабго (Россия)
Точка
Алабго
Red pog.svg
Москва
Алабго (Татарстан)
Orange pog.svg
Казань
Точка
Алабго
Логотип РУВИКИ.Медиа Медиафайлъёс РувикиМедиа пушкын

Алабго (биг. Алабуга, ӟуч: Ела́буга ) — Россиысь Татарстанысь кар (1780-тӥ арысен). Алабго ёрослэн административной центрез, Алабго кар поселение кылдытэ. Пыре Набережные Челны агломерацие но Нижнекамск производствоя интывыл комплексэ (ТПК-е).

2021-тӥ арысь ивортонъёсъя, Алабгоын 73 630 адями улэ лыдъяське.

1000 аръем историен купеч кар сямен тодмо Алабголэн историяя центраз али но XVIII даурысь уно пуктӥськемъёс сыло. Кар таӵе нимо-дано адямиос сярысь тодэ ваёнъёсты уте: Иван Шишкин  [ӟуч] (удм. — Алабгоын вордӥськем дано суредась; Марина Цветаева — Азвесь даурысь кылбурчи; Надежда Дурова — Ньылетӥ  [ӟуч] (удм. но Куаетӥ  [ӟуч] (удм. коалициысь оже, 1812-тӥ арысь Атыкай оже пыриськем кавалерист-нылмурт; Владимир Бехтерев  [ӟуч] (удм. — тодосчи-психоневролог. Ваньмызлы таослы карын сӥзем музейёс ужало.

Но огез учкымонэз инты луэ Алабго городище  [ӟуч] (удм., калыкын сое «Шайтан кар» нимало.

Этимология

XVI даурлэн кыкетӥ люкетаз бигер «Алабуга» гурт сямен кылдэмын; нимыз тюрк Алабуга нимысь потэмын (меӵак — «чибориё ош», «буга» — «ош», ним кузёлэсь кужымзэ возьматэ). Мукет ивортонъёсъя, нимыз артысь бигер Алабуга ты бордысь потэ (берыктыса — «юш-чорыг»)[4].

Ӟуч калык йылэмен, гуртэ черк ӝутӥзы, отчы оскисьёсын данъяно куинь Святительёслэсь мудорзэс вуттӥзы (сӥземын Василий Великийлы, Григорий Богословлы но Иоанн Златоустлы), калык верамъя, обросэз черклы Иван Грозный  [ӟуч] (удм. кузьмаз. Та дырысен гурт пӧрмиз «Трёхсвятское» нимо черкогуртлы; гуртэз бигер нимез «Елабуга» кырыжтыса но нималлязы[5].

Интыяськемез

Интыяськемын Кам шурлэн бур палысьтыз ӝужыт ярдураз, Туймы шур усён котырын, республикалэн Кузон шоркарезлэсь 200 иськемлэсь палэнын. Карлэн быдӟалаез 41,1 км²[6].

Туймы шурлэн Каме усён интыез

Куазь


Куазь. Елабуги
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Абсолютной максимум, °C 5,4 5,6 13,5 29,0 32,4 36,8 38,1 39,1 31,6 24,2 14,4 13,0 39,1
Шорлыко максимум, °C −8,1 −7,1 −0,2 10,3 19,4 24,0 25,9 22,9 16,4 7,9 −0,9 −6,1 8,7
Шорлыко температура, °C −11,6 −10,8 −4,3 5,5 13,5 18,4 20,4 17,8 11,9 4,8 −3,5 −9,2 4,4
Шорлыко минимум, °C −15 −14,5 −8,4 0,7 7,5 12,8 14,8 12,6 7,4 1,6 −6 −12,3 0,1
Абсолютной минимум, °C −37,3 −34,3 −29,8 −19,2 −4,1 −0,6 1,6 1,0 −3,5 −12,5 −28,7 −37,7 −37,7
Зор-кот усён нормаез, мм 37,8 27,2 28,2 29,8 46,9 55,1 57,8 67,6 58,5 49,9 45,1 45,2 549,1
Источник: Климат — Елабуга [ӟуч] meteolabs.org. Эскеремын 11-12-2025 арын

Куазь тодметъёс
Шоро-куспо
температура 		толшоре −11,4 °C
тулыспалэ −11,0 °C
южтолэзе −4,8 °C
оштолэзе 4,8 °C
куартолэзе 12,6 °C
инвожое 17,7 °C
пӧсьтолэзе 19,3 °C
гудырикошконэ 16,5 °C
куарусёнэ 11,2 °C
коньывуонэ 3,9 °C
шуркынмонэ −4,7 °C
толсуре −9,5 °C
Омырысь
мускытэз 		араз шорлыдын 75,0 %
Толлэн
ӝоглыкез 		араз шорлыдын 4,3 м/сек
Источник: NASA. База данных RETScreen retscreen.net. Эскеремын 11-12-2025 арын

Куазь шоро-куспо континентальной.

Историез

Шоретӥ дауръёс

Валтӥсь статья: Алабго городище  [ӟуч] (удм.

Археологиысь быдэс вакытэз Алабго котырысь шараям асьме эралэсь VIII—V даур азьло пусъем Ананьинской могильникъя  [ӟуч] (удм. нимазы. Археологиысь, историысь огъя ивортонъёсъя, Алабго городищеысь но котырысьтыз вашкала сӥосысь шедьтосъёсты эскерыса, экспертъёслэсь дунъетъёссылэсь тупамзэс чакласа, Росси Федерациысь валтӥсь наукая центръёслэсь йылпумъянъёссэс санэ басьтыса, Татарстан Республикаысь Наукаосъя академилэн Историяя институтысьтыз  [ӟуч] (удм. тодосчиослэн кенешсы ялӥз: Алабго кылдӥз X—XI дауръёс вискын, 1005-тӥ—1010-тӥ аръёсы со кар типъем поселение сямен азинскиз.

Карлэн тодметэз — Алабго городищелэн башняез

Вашкала дырысен татӥ гужем но толалтэ Кам вамен выжылӥзы. Болгар вакытэ Волжской Булгарилэн  [ӟуч] (удм. шор ёросъёсысьтыз Шор но Вылӥ Прикамьее (вису  [ӟуч] (удм. доры) но отӥяз Ледовитой океанозь нуись вузкарон караван сюреслэн оглюкетэз вал. XII дауре тямыс башняосын но ӝыныё башняосын тӧдьы излэсь мечеть (Ак-мечеть) ӝутэмын вал, со конструкциезъя укшалляз Билярысь — Болгарысь (IX—XX) но Болгарысь (XIII—XIV) собор мечетьёслы, тупалляз Сусысь (Тунис) но Багдадысь (Ирак) мечеть-крепостьёслы. Али дыре та мечеть-замоклэн бервылъёсыз домонгольской эпохалэн музъем вылын огназ утиськем болгар лэсьтосэз луо. Берло аръёсысь археологияя гудӥськонъёсъя тунсыко йылпумъянъёсты шараяло, соосъя Алабгоез асьме историысь домонгольской вакытлэсь азьвыл кылдэм-улэм болгар каръёс пӧлы пырто. Асьме эраысь IX—X дауре Булгар кун кылдӥз, отысь тужгес дуноез синпелет луэ «Алабго городище» — вашкала булгар карлэн бервылъёсыз. 1860-тӥ аръёсы выльдэм вашкала крепостьлэн огез башняез оскисьёсты, карысь куноосты, туристъёсты ялан бордаз кыске[7].

Трёхсвятское черкогурт

Тодмо Курбинский князьлэн  [ӟуч] (удм. гожъямъёсаз пусъемын эксэй Иоанн IV Васильевич Грозный Кузонэз киултэм бере ӟучъёслэн Кам вылэ походэн ӝоген мынэмзы сярысь. XVII даурлэн нырысетӥ четвертяз дасям Бадӟым Чертёжъя книгаын Трёхсвятское поттылэмын: «нош Ик шурлэн улӥязгес Кам шур вылын 40 верстаын Шайтан (ӟуч: Чёртов кар — со ик Алабго». Чакламзыя, Иван Грозный эксэй косэмъя, Трёхсвятское черкогурт кылдытэмзы но нырысетӥ Покров черк ӝутэмзы бере, Покров черклы кузьмамын вал Куинь Святительёслэн мудорзы[8], таин валче Алабго Трёхсвятское черкогурт нимаськын ӧдъяз. Куинь Святительёслэн оброссы туннэ но карысь Покровской черкын утиське, суредамез аръёс ӵоже ӧз гужа[9], со вашкала грек стилья быдэстэмын. Куинь Святительёслэсь мудорзэс Иоанн IV эксэй Покров черклы кузьмам дырысен Трёхсвятское черкогурт «Трёхсвятское, Елабуга тож» нимаськылӥз[10].

Кузон царство куашкам бере Алабго городище интыын 1614-тӥ арын иноческой обитель пуктэмын вал. 1616-тӥ арын со интыын Троицкой монастырез но черкъёссэ пуктон йылпумъямын вал, но кема ӧз ужа, 1764-тӥ арын быдтэмын вал.

Карлэн кылдэмез

1780-тӥ арын Екатерина II  [ӟуч] (удм. императрицалэн указэз шараямын вал, соя Алабго Ватка губерниысь уезд карлэсь инлыксэ басьтӥз. Со вакытэ Алабгоын ог 1 000 адями улӥз, 400 пала коркаос лыдъяськылӥзы.

1833-тӥ арын Алабго Россиын ву гумыос кыскем каръёс радын ньылетӥез луиз. Ву пыртӥзы карлэн йырыз, дано суредасьлэн бубиз Иван Шишкин кичӧлтэмъя но солэн коньдонэныз. Пулэсь гумыос кузя артысь ошмесъёсысь ву карлэн шор площадьысьтыз резервуаре вуылӥз, татысен сое колонкаен калык аслыз лэзьялляз[11].

XIX даурлэн кыкетӥ люкетэз — со Ушков купеч-промышленник выжыослэн азинсконзы. Ӵапак Ушковъёс Прикамьеын химияя завод кылдытӥзы. Нырысетӥзэ химияя заводэз  [ӟуч] (удм. пуктӥз К. Я. Ушков 1850-тӥ арын Выль Кокшанын. Производствоезлэн пӧртэмлыкезъя но быдӟалаезъя, ужез адӟем карымон пуктэмезъя, 1890-тӥ аръёсы со вань ӟуч химияя заводъёс пӧлын нырысетӥ интыын возиськылӥз[12].

Ватка губернилэн карта вылысьтыз Алабго, 1901-тӥ ар

XX даур кутсконын карын 10 000 улӥсь лыдъяськылӥзы, соос пӧлын 600-лэсь уно купечъёс, радазы 12 миллионеръёс вал. Тужгес тодмо Стахеев купечъёслэн выжызы («И. Г. Стахеев но пиосыз», «Г. И. Стахеев но ваньбур кутӥсьёсыз» бадӟым вузкарон юртъёс арлы быдэ 150 миллион манетозь барыш поттылӥзы) Россиысь пӧртэм регионъёсы нянь вуттылӥзы, озьы ик Англие, Германие, Францие, Голландие, Бельгие. Прикамьеысь нянь вузан рынок быдэсак соос киын вал. Соослэн кужмо выжызы туж бадӟым капиталъёсты бергатъяз — Уйпал Сибирьын зарни приискъёссы, мувӧй промыселъёссы, асьсэлэн пароходствозы, заводъёссы но фабрикаоссы вал.

Гирбасов купечъёс вузаськон но закупен вырон ужзэс ӟеч пуктӥзы. «Ф. П. Гирбасов пиосыныз» вузкарон юрт арлы быдэ 510 сюрс пуд нянь басьялляз. Гирбасовъёслэн асьсэлэн биржаоссы вал. Рыбинскын, Нижний Новгородын но Санкт-Петербургын нянен вузкарылӥзы.

Россиысь калыкез лыдъян-чотанъя ужкагазъёсын эксэй чиновникен 1904-тӥ арын гожтэмын: «Карын улӥсьёс данъясько ӟеч уж лэсьтэмъёсынызы. Алабгоын сямен таӵе шырыт сюлэмын благотворительностен вырись мукет уезд карез пусйыны шуг. Алабгоысь вашкала дырысен ӟеч ужъёсынызы тодмо купечъёс асьсэ коньдонэнызы карын но мукет интыосын черкъёс пуктылӥзы…». 1870-тӥ арысен 1917-тӥ арозь карын вал нимысьтыз «Благотворительной гражданъёслэн И. И. но Д. И. Стахеевъёслэн комитетсы», отысь бадӟым коньдон висъяськылӥз калыклы юрттэтлы. Стахеевъёслэн благотворительной комитетсы сяна, кудӥзлэн счётаз 1904-тӥ арын 2 млн манетлэсь ятыр уксё утиськиз, кылдытэмын вал та амалъя ик ужась озьы ик бадӟым капиталъёсты бергатӥсь но пӧртэм приходъёсын черкъёс пуктӥсь Чернов купечлэн комитетэз.

1907-тӥ арын Росси империысь Кун Думалэн II ӧтчамысьтыз  [ӟуч] (удм. депутатэ Ватка губерниысь Алабго уездысь быръемын вал Алабго карын вордӥськем Хабибрахман Масагутов.

Революция но Граждан ож

1917-тӥ арын 6-тӥ южтолэзе Февраль революция бере Алабгоын сылӥсь 230-тӥ пехотаен запасной полкын выль командирез быръён радъязы. Солдатъёслэн куремзыя, полкен кивалтӥсь подполковник Лукашевичез воштӥз капитан Дроздин[13].

Октябрь революция дыръя кунысь котькытын кивалтэтэз вошъяны ӧдъязы. Алабгоын та ужен выризы Бондюжской химияя заводысь ужасьёс[14]. Алабгоысь купечъёс, нырысь ик Стахеевъёс, 230-тӥ пехотаен запасной полклэн радлыкез гажась но йылолъёсты гажась офицер составезлы оскыса, пумит кариськизы[15]. 1917-тӥ арын 16-тӥ шуркынмонэ крестьян депутатъёслэн уезд ӧтчамзы властез Советъёслы сётоно кариськиз. Большевикъёс Алабго уезд Кенешез бырйизы, солы тӧрое юнматӥзы С. Н. Гассарез. Солэн кивалтэмез улсын ваньбурез лушканэн-куашкатонэн артэ асэстон (ӟуч: национализация кутскиз. 1918-тӥ арын 27-тӥ тулыспалэ Алабгоын контрреволюционной мятеж ӝутонын янгыше уськытэмын но ыбылэмын вал Спасской соборлэн протоиерейез П. А. Дернов но куинь пиосыз[16]. 1918-тӥ арын куартолэзе Алабго Кенешлэн исполкомез постановление кутӥз, отын пусъемын вал: «…Сюгаысь пияла поттон заводэз асэстэмен лыдъяно, та пумысен санкцизэ куроно Калык хозяйствоя вылӥ Кенешлэсь»[17].

1918-тӥ арын 17-тӥ куартолэзе Челябинскын большевикъёслы пумит ӝутскиз Чехословатской корпус  [ӟуч] (удм., ӝоген со кужмо ожмаськонлы пуромиз. Пӧсьтолэзе—гудырикошконэ КОМУЧ-лэн  [ӟуч] (удм. Калык армиезлэн  [ӟуч] (удм. частьёсыз В. О. Каппель кивалтэм улсын киултӥзы: 5-тӥ пӧсьтолэзе — Уфаез, 7-тӥ пӧсьтолэзе — Бугульмаез, 6-тӥ гудырикошконэ — Кузонэз. 17-тӥ гудырикошконэ Мензелинск понна ожмаськон кутскиз. 1918-тӥ арын гужем Алабго котырын кылдытэмын вал крестьян самообороная отряд, со озьы ик большевикъёслы пумит ӝутскиз. Сое валтӥз Нырысетӥ дунневыл оже пыриськем подполковник Викторин Михайлович Молчанов. Отрядлэн вормонъёсыз шӧдскымонэсь вал, отчы пыриськисьёслэн лыдзы но 9 сюрсозь йылӥз, нош Молчанов уездысь вань вооружённой формированиосты валтыны ӧдъяз. Байсарово, Поисево, Матвеевка черкогуртъёс котырын ожмаськонъёс вожмаськыса кадь мынӥзы. 1918-тӥ арын 7-тӥ куарусёнэ тӧдьыос куинь вооружённой пароходъёсын Алабго дорозь вуизы но карез киултӥзы[18]. Но коньывуонэ ни, Горд армилэн огъя наступление потэменыз, чигнано луизы. 4 сюрс муртэн Калык армия борды итӥськем Молчановлэн отрядэз Уфа пала мыныны приказ басьтӥз[19].

1918-тӥ арын сӥзьыл Алабгоын подпоручик чинын 2-тӥ Уфимской армейской корпусысь 8-тӥ Камской стрелковой дивизилэн батареяяз кутэмын вал Совето Союзлэн вуоно Героез маршал Л. А. Говоров.

1919-тӥ арын 25-тӥ оштолэзе Кокшан завод палась Алабго котырын ожмаськонын Колчак адмираллэн тулыс наступлениез улсын «гордъёслы» пумит сылӥз Ӟуч армилэн 58-тӥ Акмолинской стрелковой полкез. 1919-тӥ арын 2-тӥ куартолэзе Алабго киултэмын вал, карын азьвыл администрациез берыктӥзы[20].

1919-тӥ арын куартолэзе—инвожое Кам вылын шур флотэн ожмаськизы. 1919-тӥ арын 24-тӥ куартолэзе Дун-чылкыт Ключ мыс котырын ог-огзы вылэ урдскем флотилиос куспын тужгес кужмоез ожмаськон пуромиз. Горд флотилиен кивалтӥсь ас мылкыдызъя, оперативной югдурез но 2-тӥ армиысь омырскись 28-тӥ дивизиысь ужзылэсь радлыксэ чаклатэк, Алабгоез ыбылыны решение кутӥз. Карез но артысь трактэз пуштытъямысь потӥзы Волжской ожгар флотилиысь 2-тӥ но 4-тӥ дивизионъёс. Со дыре ик Ожгар шур флотилиысь 1-тӥ но 3-тӥ дивизионъёсысь корабльёс Алабго доры вуизы шундыӝужанлэсь азьвыл ик. Та вормонъёссы шоры учкытэк, котыртэме сюронлэсь кышкаса, 25-тӥ куартолэзе тӧдьыос городэз кельтӥзы. 26-тӥ—27-тӥ куартолэзе 2-тӥ Горд армилэн частьёсыз Алабгое пыризы[21][22].

1919-тӥ арын пӧсьтолэзе круизэн ортчон сямен Алабгое Н. К. Крупская  [ӟуч] (удм. вуылӥз. Со «тӧдьыосын» алигес кельтэм гуртъёсын улӥсьёс пӧлын революционной агитацияя миссиез быдэсъяз[23].

ВЦИК-лэн 1921-тӥ арын 5-тӥ толшоре юнматэм постановлениеныз Бигер АССР-е Ватка губерниысь Алабго уездысь вань волостьёсыныз валче карез но пыртӥзы[24].

СССР

1921-тӥ арын йӧскалык автономиос кылдэмен валче Алабго уезд кык люкетлы висъямын вал: лымшор — Алабго кантон — Бигер АССР-лы сётэмын вал, нош уйпал — Можга уезд — Вотской АО-е.

1921-тӥ—1928-тӥ аръёсы Алабго луиз Алабго кантонлэн шоркарез, 1930-тӥ арын 10-тӥ гудырикошконысен — Бигер АССР-ысь Алабго ёрослэн центрез. 1925-тӥ—1926-тӥ аръёсы Алабго кантонлэсь исполкомзэ валтӥз Россиысь боксъя нырысетӥ абсолютной чемпион Нур Алимов.

1941-тӥ арын та коркан ассэ быдтӥз Марина Цветаева

Быдӟым Атыкай ож вакытэ карын эвакуациын (1941-тӥ—1944-тӥ аръёсы) ужаз Ленинградысь кун университетлэн ёзэз, кивалтӥз соин академик В. А. Амбарцумян. Ёзын ужасьёс пӧлын вал В. И. Смирнов, В. А. Фок, В. В. Соболев (отӥяз академикъёс). Со вакытэ ик Алабгоын интыяськылӥз Вышний Волочёк карысь эвакуациен вуттэм хлопчатобумажной фабрикалэн оглюкетэз. Татын ик улӥз но 1041-тӥ арын 31-тӥ гудырикошконэ улонысь ас мылкыдызъя кошкиз кылбурчи Марина Цветаева.

Ож бере кар вӧзысь шараязы мувӧй кылдэм бадӟымесь интыосты — Первомайской, Алабго, Красноборской но мукет. 1961-тӥ арын Алабгоын мувӧй но газ поттонъя «Прикамнефть» огазеяськон усьтӥськиз.

1985-тӥ арын СССР-ысь кивалтэт Алабго котырысь Кам шур доры Камской трактор завод  [ӟуч] (удм. пуктонъя решение кутӥз, отын тракторъёс но кулэ дыръяз танкъёс бичаны чакламын вал. Калыкын но хозяйствоосын ӧжыт кутӥськемысьтыз но ожгар стратегияя куронъёс воштӥськемен, кунын улӥсьёслэсь мукет кулэяськонъёссэ быдэстыны тыршыса, ӝутӥськись завод 1988-тӥ арын конверcия пыр потӥз но удыссэ воштӥз, со луиз Алабгоысь легковой машинаосты поттон завод  [ӟуч] (удм. (ЕлАЗ). Быдӟалаезъя АвтоВАЗ-лы тупась ЕлАЗ араз 900 сюрс ЕлАЗ-1121 «Кама» (мукет поколениысь ВАЗ-1111 «Ока») микролитражной автомобильёсты бичаны кулэ вал, отӥяз — ЕлАЗ-1125 азинсконо автомобильёсты (ВАЗ-эн но «Fiat»-эн ӵош кылдытэм А-93 кодовой пусэн)[25]. Заводысь ужасьёсын но соослэн семьяосынызы карын улӥсьёслэн лыдзы 300—400 сюрсозь йылыны кулэ вал (карез быдӟалаезъя республикаын куинетӥ интые поттыса), нош Алабгоысь улоно кварталъёсысен заводлэн промплощадкаозяз но Набережные Челны дорозь ӝог ветлӥсь трамвай ыстыны медо вал. Планъя чаклам социалистической экономика куашкамен но отӥяз СССР быремен, ЕлАЗ малпамъя ӧз быдэсмы ни, со пичи сериен лицензиен кунгожсьӧр автомобильёсты поттыны кутскиз (ЕлАЗ-1121 автомобильлы проектэз палэнтӥзы, отӥяз сое воксё но «ватӥзы»; АвтоВАЗ А-93-лы концепт ЕлАЗ-1125 озьы ик ӧз быдэсмы, нош «Фиатын» Fiat Punto модель кылдытӥзы[25]; ВАЗ-1111 автомобильёс мукет заводъёсын пичиен потӥзы, озьы ик артысь Набережные Челныын — ЗМА)[26].

Постсоветской вакыт

2005-тӥ арын Татарстанлэн кивалтэтэз кичӧлтэмъя Россиысь Правительство кунысь но кунгож сьӧрысь компаниосын бадӟым инвестициосъя ӵектосъёсты быдэстыны ӟеч луонлыкъёс кылдытон вылысь ЕлАЗ-лэн бадӟым площадкаяз кылдытӥз «Алабуга» нимо нимысьтыз экономикая зона, со кунамы промышленностья но производствоя нырысетӥосыз сыӵе зонаос пӧлы сюриз, кытын автомобильёс но комплектующийёс, пӧртэм тӥрлык но приборъёс лэсьто, химияя но гурт удыс сырьёез переработать каро но мукет.

2007-тӥ арын 24—26 гудырикошконэ Алабголэсь сюрс ар тырмонзэ Россия тыр паськыт пусйизы, Татарстанысь Кузонлэсь сюрс арзэ озьы пусйизы вал. Юбилейлы карын кӧня ке кулэ луись объектъёс выльдэмын но пуктэмын вал[27][28].

Карлэн архитектураез

Архитектурая ансамбль сямен кар азинскыны ӧдъяз XIX даурлэн кыкетӥ люкетаз. 1850-тӥ арын гудырикошконэ бадӟым тылпу пеньлы пӧрмытӥз 500-лэсь ятыр пу коркаосты; карын али но чебер адскись из юртъёсты ӝутӥзы. Набережной, Покровской, Спасской, Казанской ульчаосын трос тунсыко особнякъёс, дышетон заведениослэн корпусъёссы, магазинъёс интыясько. Та урамъёсын улӥзы тодмо купечъёс. Уезд но кар училищеос, Нылкышно гимназия, синтэмъёслы училище, Епархиальной нылкышно училище, Александринской нылпи приют, Никольской черк но мукетъёс юртъёс купечъёслэн коньдонэнызы пуктэмын вал. Ӵапак купечъёслэн шырыт сюлэмзылы луыса, Алабгое электро тыл но ву кыскемын вал, озьы кар Россиысь югытэн но вуэн улӥсь нырысетӥ дас каръёс пӧлы пыриз.

XIX даурысь карлэн ландшафтъя но интыя тупатскемез историяя но лулчеберетъя трос синпелетъёсын герӟаськемын. Алабгоез пуктонъя проектэз малпакузы, карлэсь Туймы шурлэн ярдураз пуксемзэ чаклазы.

Вашкала карлэн люкетэз, ӟеч утиськеменыз но ӵош кылдэменыз, шер пумиськылӥсь но дунлыко луэ. Карын тросгес прямоугольной кварталъёсыз, соос ог-огенызы вожин урамъёсын герӟаськемын (XVIII даурысь ялан ужась проектъя), 2-3 этажъем граждан архитектурая юртъёсын котыртэмын. Таӵе планировкалэн шор сюлмыз луиз Спасской соборлэн соборной площадез.

  • Спас Нерукотворной тусбуйлы сӥзем Кафедральной собор — вить куполэн но куинь пределэн, духовной кивалтэтлы чаклам улыно-вылыно пристроен быдӟым сооружение. 1821-тӥ арын вӧсямын (Алабгоысь тужгес бадӟымез черк лыдъяське). Черкез чеберъянэ-буянэ пыриськизы дано суредась академистъёс: И. А. Осокин, Верещагин вынъёс, Бруни. Соборысь тужгес вӧсьлыко мудор луэ Христос-Спасительлэн Нерукотворной тусбуйыз. Спасской Соборен артэ интыяське Александр Невский нимо пичигес часовня;
  • Алабгоысь Казанско-Богородицкой монастырь, 1856-тӥ ар;
  • Набережной ульча. 1780-тӥ—1784-тӥ аръёсысь планъя кылдэмын, Туймы шурлэн ӝужыт ярдурез кузя кыстӥське. Нёжал вадьсысь терасса кузя мыныса, карысь шундыпуксён люкетысьтыз кварталъёсты лымшор палласянь котыртэ. Умой утиськемын Набережной урамлэн историяя пуктӥськем интыез, со Туймы но Кам шуръёслэн паськыт нёжалзы пала учке. Алабголэн валтӥсь «фасадэз» луэ, сое Спасской собор но Никольской черк архитектурая быдӟалаосы кужмоято на. Набережной вуж карысь утиськем огназ трос улон но пыдын ветлон инты луэ. Карысь со огназ инкуазья тупатӥськыса лэсьтэм вашкала сямъя пуктэм урам;
  • Епархиальной нылкышно училищелэн юртэз, карысь огез учкымонэз инты. Юрт «ватка барокко» стилья 1903-тӥ арын алабго узыр купеч нылкышнолэн, выжыысь дано гражданкалэн Глафира Фёдоровна Стахеевалэн коньдонэныз пуктэмын. Епархиальной училище ӝутыны план но смета лэсьтӥз Ватка губерниысь инженер, классной суредась, I степенё архитектор И. А. Чарушин;
  • Кар магистратлэн юртэз — XIX даур шорысь архитектурая синпелет, татын карысь магистрат, дума, словесной но сирота судъёс, полицейской управление интыяськылӥзы.
  • Спасской ульча, шораз — Спасской собор

    Спасской ульча, шораз — Спасской собор

  • Гассарлэн ульчаез

    Гассарлэн ульчаез

  • Казанской ульча

    Казанской ульча

Улӥсез

Улӥсь калыклэн лыдыз
1856[29]1897[30]1913[31]1926[32]1931[33]1959[34]
5700↗9800↗10 300↗11 200↗12 500↗21 992
1967[35]1970[36]1979[37]1989[38]1992[39]2000[40]
↗32 000↘31 728↗35 574↗53 537↗61 600↗67 500
2001[41]2002[42]2003[43]2004[44]2005[45]2006[46]
↘67 200↗68 663↗68 700↗69 100↗69 720↗69 991
2007[47]2009[48]2010[49]2011[50]2012[51]2013[52]
↘69 981↗70 024↗70 728↗70 878↗71 181↗72 049
2014[53]2015[54]2016[55]2017[56]2018[57]2019[58]
↘71 991↗72 929↗73 333↗73 817↗74 031↘73 913
2020[59]2021[60]2023[61]
↗73 962↘73 630↗73 890
10 000
20 000
30 000
40 000
50 000
60 000
70 000
80 000
1913
1970
2001
2006
2012
2017
2023


2020-тӥ арын ортчытэм калыкез лыдъян-чотанъя, 2021-тӥ арын 1-тӥ коньывуонэ улӥсьёслэн лыдзыя кар 223-тӥ интыын вал, 1118 каръёс пӧлысь. Росси Федерациысь каръёсын лыдмет[62].

Выжы калыкъёс 2013-тӥ арын 1-тӥ толшорлы

Ӟучъёс — 51,7 %, бигеръёс — 42,6 %, чувашъёс — 1,0 %, удмуртъёс — 0,8 %, поръёс — 0,2 %, мукет выжы калыкъёс — 3,7 %.

Кивалтон ёзъёс

2010-тӥ арын 13-тӥ оштолэзьысен Алабго ёрослэн но Алабго карлэн администрациенызы кивалтӥсьлэсь ужзэ быдэсъясь, калык депутатъёслэн Алабгоысь огазеям кенешсылэн тӧроез луиз Татарстанысь транспортъя но сюрес возёсъя азьвыл министр Геннадий Емельянов, 25-тӥ оштолэзьысен — Алабго ёрослэн йырыз. 2019-тӥ арын 19-тӥ куарусёнысен Алабго ёрослэн исполкомезлэн кивалтӥсезлэсь ужзэ быдэсъясь луиз Рустем Нуриев, нош со арын ик коньывуонысен Алабго ёрослэн исполкомезлэн кивалтӥсез луиз.

Экономика

  • Мувӧй поттон промышленность: «Прикамнефть» НГДУ, Алабгоысь буровой ужъёсъя управление;
  • Заводъёс: легковой автомобильёс поттонъя «ПО ЕлАЗ» ОАО, железобетон конструкциосъя, кирпич поттонъя;
  • Бытовой техникаез бичанъя завод: вӧйын ужась бытовой электрообогревательёс, электро мясорубкаос поттонъя Алабуга ЗАСС, пыре De'Longhi  [ӟуч] (удм. группае;
  • Капчи промышленностья но сиён-юон поттонъя предприятиос: сӥльлэсь консерва лэсьтон комбинат, йӧл поттон комбинат, нянь пыжон завод, «Эссен Продакшн АГ» АО;
  • Энергетикая предприятиос: Алабго ТЭЦ;
«Алабуга» ОЭЗ-лэн администрациез но ужъя центрез

2005-тӥ арын толсурысен Алабго ёросын усьтӥськиз промышленностья но производствоя «Алабуга» нимо нимысьтыз экономикая зона. «SOLLERS-Елабуга» предприятиын сериен поттыны ӧдъязы FIAT Ducato автомобиль. СП компанилэн «SOLLERS-Isuzu» но «SOLLERS-Елабуга» автозаводъёс пуктэмын вал[63].


2017-тӥ арын 8-тӥ толсуре «Алабуга» ОЭЗ-лэн интывылаз ортчиз Bars Technology аккумулятор батареяосты поттонъя заводэз сӥё-дано усьтон, со «Кориб» группае пыре[64].

2011-тӥ ар понна ас коже поттэм вузъёслэн быдӟалазы, ас кужыменызы обработкая производствоын ужъёсты но услугаосты быдэстӥзы 24,60 млрд манет тыр.

Транспорт

Карлэн уйпал кунгож дортӥз ортче М7 «Муско — Уфа» авто сюрес, кар дортӥ сюрес вайяське Алабго — Ижкар — Пермь сюреслы. Туймы шурлэн усёназ Кам дурын пристань вань, со турист рейсъёсты ялан кутэ. «Алабуга» СЭЗ доры Тихоново станциысен чугун сюрес лэсьтӥзы. Матысез аэропорт — Бегишево, интыяськемын Камлэн паллян ярдураз Набережные Челны но Нижнекамск каръёс вискын.

Карысь транспорт — автобусъёс но такси.

2025-тӥ арын 15-тӥ пӧсьтолэзе Алабго Россиысь кыкетӥ кар луиз, кытын электросамокатъёсты прокатэ сётъяны алӥзы. Сюрес вылын кышкытлыклэсь утиськонъя комиссилэн кенешоназ кутэм решениез юнматӥзы, карлэн инфраструктураез та транспортлы дась ӧвӧл шуыса[65]. Алабго карын сяна, алон юнматэмын быдэс Алабго ёросын но, озьы ик — «Алабуга» ОЭЗ-ын[66].

Учкымон интыос

Валтӥсь статья: Учкымон интыос  [ӟуч] (удм.

Алабго трос тодмо адямиосын герӟаськемын. Татын вордӥськиз но ӵемысь татчы вуылӥз И. И. Шишкин (уноез картинаосыз, тужгес даноосыз но, карысь чебересь интыослы сӥземын), татын ик музей-юртаз  [ӟуч] (удм. оглюкетэз суредъёсыз утисько, Набережной ульчаын синпелет пуктэмын. Алабгоын ужало Надежда Дурова кавалерист-нылмуртлы сӥзем  [ӟуч] (удм., М. И. Цветаевалы сӥзем музейёс. Алабго уездын вордӥськиз В. М. Бехтерев (1857—1927) — тодосчи-психоневролог, солы музей  [ӟуч] (удм. сӥземын.

Карын ужа КФУ-лэн Алабгоысь институтэз, со азьвыл Епархиальной училищелэн азьвыл юртаз интыяськемын[67]. Юрт азьын Алабгоысь тужгес тодмо благотворительлы Стахеевлы синпелет пуктэмын, солэн коньдонэныз ик та дышетсконни ӝутэмын вал, XX даурлэн кутсконысьтыз архитектурая синпелет луэ.

1989-тӥ арын кылдытэмын вал Алабгоысь историяя, архитектурая но художествоя музей-заповедник.

2008-тӥ арысен арлы быдэ радъяське росси Спасс ярмарка.

Карысь Петропавловской шайвылын Кыкетӥ дунневыл ож вакытысь немец но япон военнопленнойёсты ватэм интыос.

  • Учкымон интыос
  • Купеч Алабго, Набережной ульча, бур палан Спасской соборлэн гырлы жугонэз

    Купеч Алабго, Набережной ульча, бур палан Спасской соборлэн гырлы жугонэз

  • «Шишкин тыметъёс» панорама

    «Шишкин тыметъёс» панорама

  • Архитектурая синпелетъёс
  • XX даур кутсконысь Епархиальной нылкышно училище, али КФУ-лэн Алабгоысь институтэз

    XX даур кутсконысь Епархиальной нылкышно училище, али КФУ-лэн Алабгоысь институтэз

  • Университетлэн туала юртэз

    Университетлэн туала юртэз

  • XX даурысь Алабгоысь Казанско-Богородицкой монастырь

    XX даурысь Алабгоысь Казанско-Богородицкой монастырь

  • Туала монастырьлэн интывылаз пуктэм Инмар Анайлэн Казанской мудорезлы сӥзем черк

    Туала монастырьлэн интывылаз пуктэм Инмар Анайлэн Казанской мудорезлы сӥзем черк

  • Спасской собор

    Спасской собор

  • Покров черк

    Покров черк

  • Мечеть

    Мечеть

  • Синпелетъёс но монументъёс
  • В. М. Бехтеревлы синпелет

    В. М. Бехтеревлы синпелет

  • И. И. Шишкинлы синпелет

    И. И. Шишкинлы синпелет

  • Д. И. Стахеевлы синпелет

    Д. И. Стахеевлы синпелет

  • Н. А. Дуровалы синпелет

    Н. А. Дуровалы синпелет

  • Алабго городищее юнматэм Ибрагим I эмирлы синпелет

    Алабго городищее юнматэм Ибрагим I эмирлы синпелет

  • ЧАЭС-ын пуромем авариез утялтонлы 30 ар тырмонлы мемориал

    ЧАЭС-ын пуромем авариез утялтонлы 30 ар тырмонлы мемориал

  • Ялан ӝуась тыл

    Ялан ӝуась тыл

  • Быдӟым Атыкай ожын быремъёслэн нимъёсынызы мемориал пул

    Быдӟым Атыкай ожын быремъёслэн нимъёсынызы мемориал пул

  • Геройёслэн аллеязы. Л. А. Говоровлы, А. А. Гавриловлы, П. И. Захаровлы, Г. Г. Романовлы, П. С. Сафроновлы сӥзем бюстъёс (паллянысен буре)

    Геройёслэн аллеязы. Л. А. Говоровлы, А. А. Гавриловлы, П. И. Захаровлы, Г. Г. Романовлы, П. С. Сафроновлы сӥзем бюстъёс (паллянысен буре)

  • Геройёслэн аллеязы. Г. В. Вазетдиновлы, С. П. Спирьковлы, Б. С. Шабалинлы, Р. Х. Гайнуллинлы сӥзем бюстъёс (паллянысен буре)

    Геройёслэн аллеязы. Г. В. Вазетдиновлы, С. П. Спирьковлы, Б. С. Шабалинлы, Р. Х. Гайнуллинлы сӥзем бюстъёс (паллянысен буре)

Шайвылъёс

  • Троицкой шайвыл;
  • Петропавловской шайвыл.

Вын луись каръёс

Валэктонъёс

  1. ↑ Нуриев Рустем Мидхатович [ӟуч] tatcenter.ru. Эскеремын 11-12-2025 арын
  2. ↑ Грамоты.ру [ӟуч] gramota.ru. Эскеремын 11-12-2025 арын
  3. ↑ https://rosstat.gov.ru/storage/mediabank/Bul_MO_2023.xlsx
  4. ↑ История города [ӟуч] городелабуга.рф. Эскеремын 11-12-2025 арын
  5. ↑ Поспелов Е. М. Географические названия России. Топонимический словарь. — М.: Астрель, АСТ, 2008. — С. 181—182. — 523 с. — 1500 экз. — ISBN 978-5-17-054966-5.
  6. ↑ Статистика [ӟуч] elabugacity.ru. Эскеремын 11-12-2025 арын
  7. ↑ Г. Р. Руденко, Е. А. Кашапова, Р. Р. Брускова, Т. И. Агишина, О. Е. Есипова, Г. А. Фролова, Р. М. Хабибуллина. Елабуга. Путеводитель. — Санкт-Петербург: Маматов, 2012. — 49 с. — 1100 экз. — ISBN 978-5-91076-065-7, 5-91076-065-3.
  8. ↑ Собор Покрова Пресвятой Богородицы, город Елабуга [ӟуч] tatmitropolia.ru. Эскеремын 11-12-2025 арын
  9. ↑ И. В. Шишкин. История города Елабуги. — М.: Синодальная типография, 1871. — 54 с.
  10. ↑ Елабуга (Тресвяцкое) [ӟуч] Родная Вятка. Эскеремын 11-12-2025 арын
  11. ↑ Виктория Чернышева (14-04-2025) Удивительное сооружение XIX века раскопали в Елабуге [ӟуч] Журнал «Родина». Эскеремын 11-12-2025 арын
  12. ↑ Елабуга // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  13. ↑ А. Г. Шляпников. Канун семнадцатого года: Семнадцатый год. — М.: Политиздат, 1992. — 383 с.
  14. ↑ Сергея Николаевича Гассара [ӟуч] elabuga-tat.narod.ru. Эскеремын 11-12-2025 арын
  15. ↑ А. Х. Халиков. История Татарской АССР. — Казань: Таткнигоиздат, 1968. — 719 с.
  16. ↑ Спасский собор [ӟуч] love-elabuga.narod.ru. Эскеремын 11-12-2025 арын
  17. ↑ История города Можги [ӟуч] mozhga-gov.ru. Эскеремын 11-12-2025 арын
  18. ↑ Гражданская война [ӟуч] chelni.info. Эскеремын 11-12-2025 арын
  19. ↑ Молчанов Викторин Михайлович [ӟуч] bounb.ru. Эскеремын 11-12-2025 арын
  20. ↑ История Елабуги [ӟуч] ruskompas.ru. Эскеремын 11-12-2025 арын
  21. ↑ Валерий Клавинг. Гражданская война в России: белые армии. — М., СПб.: АСТ, Terra Fantastica, 2003. — 637 с. — ISBN 5-17-019260-6, 5-7921-0578-2.
  22. ↑ Речная боевая флотилия на Каме [ӟуч] antibr.ru. Эскеремын 11-12-2025 арын
  23. ↑ Надежда Константиновна Крупская [ӟуч] mendeleevsk.ru. Эскеремын 11-12-2025 арын
  24. ↑ 5 января. Постановление ВЦИК. Об изменениях в административно-территориальном делении Вятской губернии [ӟуч] docs.historyrussia.org. Эскеремын 11-12-2025 арын
  25. ↑ 1 2 Олег Полажинец Всё, что вы не знали о будущем «Оки»: что такое ЕлАЗ-1121 [ӟуч] Автомобильный журнал «Колёса». Эскеремын 11-12-2025 арын
  26. ↑ История создания и развития предприятия [ӟуч] elaz.ru. Эскеремын 11-12-2025 арын
  27. ↑ 1000-летие Елабуги [ӟуч] yelabuga.ru. Эскеремын 11-12-2025 арын
  28. ↑ 1000-летие Елабуги: что в программе праздника [ӟуч] rt-online.ru. Эскеремын 11-12-2025 арын
  29. ↑ http://www.MojGorod.ru/r_tatarstan/elabuga/index.html
  30. ↑ http://www.MojGorod.ru/r_tatarstan/elabuga/index.html
  31. ↑ http://www.MojGorod.ru/r_tatarstan/elabuga/index.html
  32. ↑ http://www.MojGorod.ru/r_tatarstan/elabuga/index.html
  33. ↑ http://www.MojGorod.ru/r_tatarstan/elabuga/index.html
  34. ↑ http://demoscope.ru/weekly/ssp/rus59_reg2.php
  35. ↑ http://www.MojGorod.ru/r_tatarstan/elabuga/index.html
  36. ↑ http://demoscope.ru/weekly/ssp/rus70_reg2.php
  37. ↑ http://demoscope.ru/weekly/ssp/rus79_reg2.php
  38. ↑ http://demoscope.ru/weekly/ssp/rus89_reg2.php
  39. ↑ http://www.MojGorod.ru/r_tatarstan/elabuga/index.html
  40. ↑ http://www.MojGorod.ru/r_tatarstan/elabuga/index.html
  41. ↑ http://www.MojGorod.ru/r_tatarstan/elabuga/index.html
  42. ↑ http://www.perepis2002.ru/ct/doc/1_TOM_01_04.xls
  43. ↑ http://www.MojGorod.ru/r_tatarstan/elabuga/index.html
  44. ↑ https://web.archive.org/web/20040705160118/http://www.tatstat.ru/statnas.asp
  45. ↑ http://terrus.ru/cgi-bin/allrussia/v3_index.pl?act=reg&id=16&from=d_er&group=1&year=2005
  46. ↑ http://terrus.ru/cgi-bin/allrussia/v3_index.pl?act=reg&id=16&from=d_er&group=1&year=2006
  47. ↑ http://terrus.ru/cgi-bin/allrussia/v3_index.pl?act=reg&id=16&from=d_er&group=1&year=2007
  48. ↑ http://www.gks.ru/bgd/regl/B09_109/IssWWW.exe/Stg/d01/tabl-21-09.xls
  49. ↑ http://www.tatstat.ru/VPN2010/20101/%D0%A2%D0%BE%D0%BC1-%D0%BD%D0%BE%D0%B2.zip
  50. ↑ http://www.tatstat.ru/VPN2010/DocLib8/Оценка%20численности%20постоянного%20населения%20на%201%20января%202011г.pdf
  51. ↑ http://www.gks.ru/free_doc/doc_2012/bul_dr/mun_obr2012.rar
  52. ↑ http://www.gks.ru/free_doc/doc_2013/bul_dr/mun_obr2013.rar
  53. ↑ http://tatstat.gks.ru/wps/wcm/connect/rosstat_ts/tatstat/resources/a34a46804f041c26ae6abe22524f7e0f/МОчисл2014.pdf
  54. ↑ http://www.gks.ru/free_doc/doc_2015/bul_dr/mun_obr2015.rar
  55. ↑ http://www.gks.ru/free_doc/doc_2016/bul_dr/mun_obr2016.rar
  56. ↑ http://www.gks.ru/free_doc/doc_2017/bul_dr/mun_obr2017.rar
  57. ↑ http://www.gks.ru/free_doc/doc_2018/bul_dr/mun_obr2018.rar
  58. ↑ http://tatstat.gks.ru/wps/wcm/connect/rosstat_ts/tatstat/resources/64ec280049620f14a900ff3fbd401489/МОчисл2019.pdf
  59. ↑ https://rosstat.gov.ru/storage/mediabank/CcG8qBhP/mun_obr2020.rar
  60. ↑ https://rosstat.gov.ru/storage/mediabank/tab-5_VPN-2020.xlsx
  61. ↑ https://rosstat.gov.ru/storage/mediabank/Bul_MO_2023.xlsx
  62. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  63. ↑ Луиза Игнатьева, Полина Иванова (27-08-2008) Sollers Isuzu поехала на рынок [ӟуч] kommersant.ru. Эскеремын 11-12-2025 арын
  64. ↑ Минниханов открыл завод аккумуляторов Bars Technology в Елабуге [ӟуч] realnoevremya.ru (08-12-2017). Эскеремын 11-12-2025 арын
  65. ↑ Во втором российском городе запретили прокат электросамокатов [ӟуч] РБК. Эскеремын 11-12-2025 арын
  66. ↑ Юлия Акмурзина (16-07-2025) Город без самокатов: как жители Елабуги отреагировали на полный запрет кикшеринга [ӟуч] inkazan.ru. Эскеремын 11-12-2025 арын
  67. ↑ Елабужский институт Казанского федерального университета [ӟуч] историческийбагаж.рф. Эскеремын 11-12-2025 арын
  68. ↑ Елабуга и турецкий город Сафранболу станут побратимами [ӟуч] tatar-inform.ru. Эскеремын 11-12-2025 арын
  69. ↑ Сарапул и Елабуга стали городами-побратимами [ӟуч] udmgossovet.ru (27-09-2018). Эскеремын 11-12-2025 арын

Литература

Чӧлсконъёс

«https://udm.ruwiki.ru/w/index.php?title=Алабго&oldid=507391»-ысь басьтэмын