Фёдоров, Леонид Павлович
| Леонид Павлович Фёдоров | |
|---|---|
 | |
| Вордӥськем нуналыз | 28-тӥ толсуре 1934 |
| Вордӥськем интыез | |
| Кулон нуналыз | 2-тӥ пӧсьтолэзе 2012 (77 лет) |
| Кулэм интыез | |
| Кун | |
| Ужудысэз | журналист |
Леонид Павлович Фёдоров (28-тӥ толсуре 1934, Лудорвай починка, Удмурт Автономной Советской Социалистической Республика — 2-тӥ пӧсьтолэзе 2012, Иж) — совето но росси журналист, публицист. Удмурт Элькунысь дано журналист, Россиысь дышетон удысысь отличник.
Улон сюресэз
Вoрдскиз 1934-тӥ арын 28-тӥ толсуре Лудорвай починкаын крестьян семьяын. Атаез Быдӟым Атыкай ожын быриз[1].
1950-тӥ арын Лудорвай гуртысь 7 классъем школаез ушъян листэн йылпумъяз. Ижысь педучилищее пыриз. Студент аръёсаз Иван Кудрявцев артистлэн драмкружоказ ветлӥз. Дышетсконзэ горд дипломен быдтэм бераз экзаменъёстэк Ижысь пединститутэ кутӥзы. Сое но горд дипломен йылпумъяз[2].
Уже интыяськиз ВЛКСМ-лэн Ижысь райкомаз, отын секретарь луыса тыршиз. «Ленинец» газетэз поттӥз. Собере куриськиз Лудорвай школае, дышетӥз бадӟым классъёсын. 2 ар ортчыса, Шабердӥ школае выжиз, ӟуч кылъя но литературая дышетӥсь вал[2].
1965-тӥ арын нош ик «Ленинец» газетлэн редакцияз интыяськиз. Редакция Ижысь Дэрие выжем бере Фёдоров Иже кылиз[1].
1967-тӥ арысен Удмурт радиоын ужаз. Кутскиз берыктӥсь луыса, собере иворъёс дасяз, бӧрысь гожтэтъёсъя ёзэн кивалтӥз[1].
8 ар ортчыса, нылпиослы потӥсь «Дась лу!» газетлэн редакцияз наукая, ужъя но спортъя ёзэтэ интыяськиз[1].
1989-тӥ арысен — «Советской Удмуртия» газетлэн редакцияз журналист.
1994-тӥ арын пенсие потӥз.
Л. Фёдоров — кӧня ке бичетъёслэн авторзы но люкасьсы. Со ик Вань удмуртъёслэн I ӧтчамзы дырысен 80 ар тырмонлы сӥзем «Удмуртское национальное движение: связь времен» (Ижевск, 2003) книгаез дасяз. Мыло-кыдо пыриськиз удмурт движение. Фёдоровлэн нимыз 2006-тӥ арын «Удмурт Кенеш» огазеяськонлэн Данъян книгаяз пыртэмын вал[3].
Данъетъёсыз но нимъёсыз
- Ужысь ветеран
- Удмурт Элькунысь дано журналист
- Россиысь дышетон удысысь отличник[3]
Валэктонъёс
- ↑ 1 2 3 4 Фёдоров Леонид Павлович [ӟуч] Воршуд.
- ↑ 1 2 Рашит Хайдар Ӝуатскем кизили уг кысы [удм.] Удмурт дунне.
- ↑ 1 2 Фёдоров Леонид Павлович [ӟуч] КаЛенДарь | Знаменательных и памятных дат Удмуртии.
Литература
- Удмуртская Республика. Культура и искусство : энциклопедия. – Ижевск, 2014. – С. 498–499.
- Писатели и литературоведы Удмуртии : биобиблиографический справочник. – Ижевск, 2006. – С. 181.