Шабердӥ
| Гурт | |
| Шабердӥ | |
|---|---|
 | |
| 56°54′59″ с. ш. 53°00′05″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 3412 |
| Почта индекс | 427015 |
|
|
|
Шабердӥ (ӟуч: Шабердино) — Дэри ёросысь вaшкaлa удмурт гурт, Шабердӥ интывыл ёзэтлэн центрез. Вуж нимыз Вуко-Чудьза.
Интыяськемез
Интыяськемын Ижкарлэсь 14 иськемын. Ижкарен Шабердӥ тракт пыр герӟаське.
Историез
1744-тӥ—1747-тӥ аръёсы ортчем 2-тӥ ревизилэн йылпумъянъёсызъя, Кузон губерниысь Кузон утемысь Вуко Чудьза гуртын 40 адями улӥз — ясашной кун вотякъёс[2].
1802-тӥ арын Дэри волостьысь Вуко Чудьза гуртын 15 юрт вал, отын 62 пиосмурт лыдъяськиз[2].
Дасэтӥ ревизилэн ивортодэтэзъя, 1859-тӥ арын Сарапул утемысь Вуко-Чудьза казённой гуртын 31 юрт вал ини, отын 262 улӥсез лыдъяськиз: 128 воргорон но 134 нылкышно[3].
Революцилэсь азьло Шабердӥ Ватка губерниысь Сарапул утеме пыре вал.
1920-тӥ арын гурт выль кылдэм Вотской автономной улосэ пыриз, Шабердӥ сельсоветлэн центрез луиз.
1994-тӥ арын Шабердӥ сельсовет Шабердӥ гурт администрацилы пӧрмытэмын, нош 2005-тӥ арын — «Шабердӥ» муниципал кылдытэтлы.
2025-тӥ арын ивортодэтъя, Шабердӥ гурт «Шабердӥ» интывыл ёзэтлэн центрез луэ.
Экономика но мерлыко удыс
Гуртлэн валтӥсь предприятиез — ООО СХП «Леон», со кылдытэмын «Шабердинское» ОАО но «Урал» ООО банкрот кылем предприятиосты огазеяса. ОАО «Шабердинское» таӵе ик нимо совхоз бордысь кылдытэмын.
Шабердӥын ужало: Шабердӥ шор ёзо школа, Шабердӥ нылпи сад, Лулчеберетъя Шабердӥ комплекс, клуб.
Синпелетъёс
2016-тӥ арын Шабердӥ гуртын Быдӟым Атыкай оже пыриськем Совето Союзысь Геройёслы, Удмуртиын вордскемъёслы, сӥзем аллея кылдӥз. «Вормон нюлэс» акция улсын 100-лэсь уно чагыр кызъёс но лыстэм пужымъёс мерттэмын[4].
Тодмо гуртоос
- Серафима Христофоровна Лебедева — историк, этнограф, музейчи, Удмуртиысь культура удысысь дано ужась. Кузёбай Герд нимо йӧскалык премилэн но Удмурт Элькунысь Кун премилэн лауреатэз.
Валэктонъёс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ 1 2 Шабердино [ӟуч] Родная Вятка.
- ↑ Списки населенных мест Российской империи. Том VIII. Вятская губерния. Список населенных мест по сведениям 1859—1873 годов.
- ↑ В Удмуртии заложили Аллею Героев Советского Союза [ӟуч] Общероссийская общественная организация ветеранов органов внутренних дел.