Фоминов, Михаил Александрович

Википедиысь материал
Фоминов Михаил Александрович
Михаил Фоминов.jpg
Удмурт Элькунысь цифровизациез азинтонъя министр
Флаг
3-тӥ коньывуонысен 2023 — 11-тӥ шуркынмонэ 2025
Кивалтэтлэн тӧроез Ефимов Роман Валерьевич
Элькунлэн тӧроез Бречалов Александр Владимирович
Азьпалчиез Меджитов Тимур Ришатович
Бӧрысьчиез Александр Олюнин
Вордӥськемын 26-тӥ южтолэзе 1972({{padleft:1972|4|0}}-{{padleft:3|2|0}}-{{padleft:26|2|0}}) (54 года)
Сюмси, РСФСР, СССР
Дышетскемез

Фоминов Михаил Александрович (ворд. 26-тӥ южтолэзе 1972, Сюмси, Удмурт Автономной Советской Социалистической Республика) ― Удмурт Элькунысь цифровизациез азинтонъя министр[1] 2023-тӥ арын 3-тӥ коньывуонысен 2025-тӥ арын 11-тӥ шуркынмонозь.

Улон сюресэз

Вордӥськиз 1972-тӥ арын 26-тӥ южтолэзе Удмурт Элькунын Сюмси черкогуртын. 1994-тӥ арын Ижысь техникая кун университетысь «Робототехнические системы и комплексы» ёзэтэз йылпумъяз, 1998-тӥ арын ― Удмурт кун университетэз «Менеджмент» удысъя[2].

Ужудысэз

1994-тӥ арысен, Техникая университетеэз йылпумъямез бере, «Соцкультбанк» коммерческой банкын  [ӟуч] (удм. программист луыса ужаз. 1994–1997-тӥ аръёсы «Внешторгбанклэн» Ижысь филиалаз инженер-программист вал. 1997-тӥ арысен валтӥсь инженер-программист луиз. 1998–2007-тӥ аръёсы автоматизацияя но связья ёзэтэн кивалтӥз. 2007–2009-тӥ аръёсы «Внешторгбанклэн» филиалэзлэн ватсаса усьтэм офисэныз кивалтӥз. 2009–2012-тӥ аръёсы «Банк ВТБ  [ӟуч] (удм.» ОАО-ын филиалэн кивалтӥсьлэн воштӥсез луыса ужаз. 2012-тӥ арысен кун службае выжиз, 2014-тӥ арозь Удмурт Элькунысь информатизацияя но связья министрлэн воштӥсез вал. 2015–2017-тӥ аръёсы ― Удмурт Элькунысь Информатизацияя но связья агентстволэн кивалтӥсезлэн воштӥсез. 2018–2021-тӥ аръёсы ― Удмурт Элькунысь информатизацияя но связья министрлэн нырысетӥ воштӥсез. 2021–2023-тӥ аръёсы ― Удмурт Элькунысь цифривозациез азинтонъя министрлэн Тимур Меджитовлэн нырысетӥ воштӥсез, 2023-тӥ арын коньывуонлэн кутсконаз Удмурт Элькунлэн тӧроез Александр Бречалов Александр Фоминовез Удмуртиысь цифровизациез азинтонъя министре юнматон сярысь косэт гожтӥз[2]. 2025-тӥ арын 11-тӥ шуркынмонэ министрлэн интыужысьтыз ас мылкыд каремезъя кошкиз. Со интые огдырлы министрлэсь ужзэ быдэсъясе юнматэмын солэн нырысетӥ воштӥсез Александр Олюнин[3].

Ваньмон дырыз

Ваньмон дыръяз Михаил Фоминов мыло-кыдо тырше бакчаяз. Яратэ спортэн вырыны, бассейнын уя, мотоциклэн ветлэ. Ачиз верамъя, руль сьӧрын шутэтске. Тунсыкъяське крезьгурен, гитараен шудэ, кырӟа (сизьым гитараез гуртаз). Гажа классической крезьгурез, ӵемысь Филармоние но Операя но балетъя тетаре ветлылэ[4].

Валэктонъёс

  1. ↑ Структура Министерства [ӟуч] Официальный сайт Министерства цифрового развития Удмуртской Республики. Эскеремын 01.07.2025 арын
  2. ↑ 1 2 Игорь Бобров (3 октября 2023) Михаил Фоминов стал министром цифрового развития Удмуртии [ӟуч] IZHLIFE. Эскеремын 01.07.2025 арын
  3. ↑ Софья Акимова. В Удмуртии назначили нового руководителя Министерства цифрового развития [ӟуч], izhlife (11-11-2025). Эскеремын: 12 шуркынмонэ 2025 арын.
  4. ↑ Министр цифрового развития Удмуртии Михаил Фоминов: «Информационные технологии – это про комфорт и удобство» [ӟуч] Удмуртская правда (14 декабря 2023). Эскеремын 01.07.2025 арын
«https://udm.ruwiki.ru/w/index.php?title=Фоминов,_Михаил_Александрович&oldid=500469»-ысь басьтэмын