Ермаков, Фома Кузьмич

Рувикиын таӵе фамилиен мукет муртъёс сярысь гожтосъёс вань. Учке: Ермаков.

Фома Кузьмич Ермаков
Вордӥськем дырыз	30-тӥ оштолэзе 1927({{padleft:1927|4|0}}-{{padleft:4|2|0}}-{{padleft:30|2|0}})
Вордӥськем интыез	Кионгурт[d], Можга утем[d], Удмурт автономной область, РСФСР, СССР
Кулэм дырыз	11-тӥ толсуре 2015({{padleft:2015|4|0}}-{{padleft:12|2|0}}-{{padleft:11|2|0}}) (88 лет)
Кулэм интыез	Иж, Россия
Кун	СССР  Россия
Тодос удысэз	литературоведение
Ужан интыез	Историяя, кылъя но литературая Удмурт институт
Дышетскемез	Удмурт кун университет (1953)
Учёной степенез	филология наукаосъя кандидат
Учёной званиез	профессор
Данъетъёсыз

Фома́ Кузьми́ч Ермако́в (30-тӥ оштолэзе 1927, Кионгурт^[d], Удмурт автономной область — 11-тӥ толсуре 2015, Иж) — совето удмурт литературовед, 1954-тӥ—1976-тӥ аръёсы — Наукая но эскеронъя Удмурт институтысь наукая ужась, литературая секторен кивалтӥсь. Удмуртъёс пӧлын нырысетӥез филология наукаосъя кандидат (1961).

Улон сюресэз

Вордӥськиз 1927-тӥ арын 30-тӥ оштолэзе Можга уездысь Вавож волостьысь Кионгуртын (али — Удмуртиысь Вавож ёрос). Крестьян семьяысь потэмын.

Сизьым аръем школаез йылпумъямез бере 1941-тӥ—1944-тӥ аръёсы дышетскиз Можгаысь ветеринарияя техникумын. 1944-тӥ—1949-тӥ аръёсы Кионгуртысь зооветучастокын пудо першал луыса ужаз.

1949-тӥ арын Педагогикая удмурт институтысь кылъя но литературая факультетэ дышетскыны пыриз. Институтэз 1953-тӥ арын йылпумъяса, Ӟатча шор ёзо школаын дышетӥз, отӥяз Удмурт книга поттониын редактор вал.

1954-тӥ—1977-тӥ аръёсы — Наукая но эскеронъя Удмурт институтын наукая бадӟымез ужась, литературая секторен кивалтӥсь.

1957-тӥ арысен КПСС-э кутэмын. 1958-тӥ арысен СССР-ысь Гожъяськисьёслэн огазеяськонысьтызы ёзчи. 1961-тӥ арысен филология наукаосъя кандидат.

Институтын ужакуз, Кузебай Гердлэсь творчествозэ эскеременыз сэрен 1977-тӥ арын толшоре партиысь поттӥзы. Апелляция сётӥз, ужез А. Я. Пельше дорозь вуиз, 1978-тӥ арын куартолэзе КПСС-лэн ЦК-езлэн эскеронъя парткомиссиезлэн пуктэтэзъя выльысь партилэн радъёсаз берыктэмын, парт стажез утемын.

1977-тӥ—1984-тӥ аръёсы — Удмурт АССР-ысь Гожъяськисьёслэн огазеяськонысьтызы художественной литератураез вӧлмытонъя бюроысь литсотрудник.

1984-тӥ—2000-тӥ аръёсы Дышетӥсьёслэсь тодон-валанзэс будэтонъя удмурт институтын ужаз: бадӟымез дышетӥсь, доцент (1984); удмурт кылъя но литературая кафедраысь доцент но профессор (1990), удмурт кылэз дышетон методикая кафедраен кивалтӥсь (1991) вал.

2000-тӥ арын 1-тӥ коньывуонэ пенсие потӥз. Творчествоя ужзэ азинтӥз. 2015-тӥ арын 11-тӥ толсуре Ижкарын улонысь кошкиз.

Ужъёсыз

1954-тӥ арысен печатласькиз. Дуннеысь 22 калык кылъёсын 450-лэсь ятыр наукая ужъёслэн авторзы луэ, соос пӧлын: 14 монография, коллективен гожтэм 4 монографиосын главаос, книгаос, бичетъёс, 5 брошюра, нылпи садъёсын, шор ёзо школаосын но ссузъёсын дышетыны чаклам удмурт литературая 5 программа, совето но кунгожсьӧр 28 газетъёсын печатлам ог 300 статья.

«Очерки истории удмуртской советской литературы» книгалэн огез авторез (1957).

Удмурт литературая нырысетӥ монографилэн («Поэзия и проза М. П. Петрова», 1960), озьы ик «Путь удмуртской прозы» (1975), «Творческие связи удмуртской литературы с русской и другими литературами мира» (1981), «Удмуртская поэма» (1987) монографиослэн авторзы.

СССР-ысь Наукаосъя академилэн «История советской многонациональной литературы» (1970—1974) куать томъем изданиезлэн удмурт литературалы сӥзем вань главаослэн авторзы луэ. Таӵе энциклопедиосы пыртэм 60 статьяослэн авторзы: «Большая советская энциклопедия», «Краткая литературная энциклопедия» (1962—1978), «Литературный энциклопедический словарь» (1987), «Удмуртская Республика» энциклопедия (2000).

Ф. К. Ермаков нырысетӥосыз пӧлын Кузебай Гердлэсь историын интыез сярысь тодэ ваёнъёсты ӝутӥз, возьматӥз солэсь литератураын, наукаын но дышетонын узырлыксэ но кулэлыксэ. Финн-угор литературоведенилэн зарни фондаз таӵе ужъёсыз пыризы: «Удмуртский поэт и учёный» (1988), «Кузебай Герд. Жизнь и творчество» (1996), дышетӥсьёслы пособиос, учебникъёсын, энциклопедиосын главаос, произведениосын бичетъёслы азькылъёс. Фома Кузьмич бадӟым уж лэсьтӥз, Гердлэсь сочинениоссэ 6 томен поттыны дасяса но печатласа (2001—2005).

Данъетъёсыз

• Удмурт АССР-ысь лулчеберет удысысь дано ужась (1989);
• Удмурт Элькунысь наука удысысь дано ужась (1992);
• К. Герд нимо йӧскалык премилэн лауреатэз (1992);
• Удмурт Элькунлэн Кун премиез (1994) — «Кузебай Герд. Жизнь и творчество» но «Межпредметные связи русской и удмуртской литератур» книгаосыз понна;
• Эшъяськон орден (1995);
• медальёс, соос пӧлын:
  • «1941-тӥ—1945-тӥ аръёсысь Быдӟым Атыкай ож вакытэ ӟеч ужам понна»;
  • «В. И. Ленинлэн вордскемез дырысен 100 арез пусъён»;
• РСФСР-ысь Гожъяськисьёслэн огазеяськонзылэн правлениезлэн (1987) но Удмурт Элькунысь Кун Кенешлэн данъян грамотаоссы (2002);
• Росси Федерациысь вылӥ профессиональной дышетон удысысь дано ужась (2002).

Валэктонъёс

Литература

• Краткая литературная энциклопедия / А. А. Аникст и др. — М.: Сов. Энцикл., 1978. — С. 296. — 970 с.
• Писатели и литературоведы Удмуртии: Биобиблиографический справочник / А. Н. Уваров. — Ижевск: Научная книга, 2006. — С. 46—48. — 219 с. — ISBN 5-9631-0005-4.
• Фома Кузьмич Ермаков: Жизнь и творчество. — Ижевск: Удмуртский университет, 2002. — 109 с. — ISBN 5-7029-210-6.
• Максимов А. Патриарх удмуртского литературоведения [ӟуч] // Герд. — 2002. — 27 апреля.
• Богомолова З.А. Дорогой исследователя [ӟуч] // Удмуртская правда. — 1989. — 22 сентября.
• Лебедев И. Фома верящий [ӟуч] // Удмуртская правда. — 2007. — 27 апреля (№ 48). — С. 14.
• Максимов А. Творчество М. П. Петрова в зарубежной и отечественной критике и переводах: К 100-летию со дня рождения М. Петрова [ӟуч] // Луч: журнал. — 2005. — № 11—12. — С. 81—84.
• Ермаков Ф. К. Мои пути-перепутья. — Ижевск: ИД «Афродита», 2007. — 80 с. — 300 экз.
• Богомолова З.А. Высокое предназначение (Ф. К. Ермакову — 80 лет) [ӟуч] // Италмас. — 2007. — № 1. — С. 56—57.
• Пислегин Н. В. Удмуртский институт истории в годы Великой Отечественной войны [ӟуч] // Индакар. — 2015. — С. 31.

Чӧлсконъёс

• Фома Кузьмич Ермаков [ӟуч]

• 90 лет со дня рождения Ермакова Фомы Кузьмича [ӟуч]