Егит лётчикъёслэн школазы

Егит лётчикъёслэн школазы
Егит лётчикъёслэн школазы
Директорез	Шахова Ольга Вячеславовна
Тип	Ватсаса тодон-валан сётонъя центр
Адресэз	426063, Ижкар, Карл Либкнехтлэн ульчаез, 53-тӥ юрт
Сайтэз	ciur.ru/izh/izh_upcdo/de…

Егит лётчикъёслэн школазы (ӟуч: Школа юных лётчиков) — Ижысь школае ветлоно кадь арлыдо нылпиослы ватсаса тодон-валан сётонъя центр.

Историез

1964-тӥ арын Ижкарысь аэроклубез быдтоно кариськизы, солэн инъетэз вылын ДОСААФ-лэсь Ижысь дышетонъя авиацияя центрзэ кылдытӥзы. Мукет араз татын Егит лётчикъёслэсь школазэс усьтӥзы, но та пумысен сиё-дано ужрад 1967-тӥ арын 10-тӥ оштолэзе гинэ ортчытӥзы^[1].

Нырысетӥ араз ик школа покчи пиналъёсты дышетыны люказ. Авиаподготовкая сяна, школаын патриотъёсты будэтонъя занятиос мынӥзы.

2015-тӥ арысь ивортонъёсъя, школа кӧня ке ӧръя ужа, валтӥсьёсыз пӧлын — ожгар патриотизм, спорт но техника ласянь нодъян. Школаысь курсантъёс авиацилэсь но космонавтикалэсь, ожгар ужлэсь, радиотехникалэсь инъетсэ дышето, мугорзэс кыдато, авиацияя тренажёръёсын но парапланъёсын [ӟуч] (удм. лобало, самолётысь но парашют вышкаысь парашютэн тэтчало. Занятиосты запасысь офицеръёс нуо: лётчикъёс, парашютистъёс, авиатехникъёс^[2].

Школаын 6 курсъёс, татын шор ёзо школаосысь 4-тӥ—11-тӥ классъёс тодон-валанзэс муромыто. Курсантъёсты авиацилы, ожгар ужлы, парашютэн тэтчаны дасяло, соос ожгар ужез, метеорологиез, астрономиез, космонавтикалэсь историзэ дышето. Школаын мужестволы сӥзем урокъёс радъясько. Озьы ик нылъёсты школае кыскон вылысь егит стюардэссаосты дышетонъя курсъёс усьтэмын вал^[1].

Егит лётчикъёслэсь школазэс нылпиослы «Бриз» зарезь центрен огазеямзы бере, вуоно морякъёсты дасяны ӧдъязы^[1].

2015-тӥ арын Егит лётчикъёслэн школаязы ог сюрс кузя 6,5—17 аресъем пиналъёс дунтэк дышетскизы^[1].

2019-тӥ арысен школа юнармеецъёсты дасянъя центрлэсь статуссэ басьтӥз^[3].

ХХ даурлэн кутсконаз пуктэм школа выльдонлы кулэяськыны кутскиз, нош рос-прос тупатъян ужъёс ортчытъямын ӧй вал. Быдӟым ож вакытысь школа юртын 1127 номеро эвакогоспиталь [ӟуч] (удм. интыяськылӥз.

2022-тӥ арын Егит лётчикъёслэсь школазэс тупатъязы: вылтуссэ, дышетон классъёссэ, пыронзэ выльдӥзы, озьы ик электро езъёссэ, шуныт но ву сётӥсь гумыоссэ воштӥзы. Парашютэн тэтчаны выль вышка ӝутӥзы. Соку ик выль авиастимуляторъёс, пилоттэк лобась аппаратъёс но ТЛ-1 самолётлэн кабинаез басьтэмын вал^[4].

2023-тӥ арын 15-тӥ инвожое Егит лётчикъёслэн школазылы Совето Союзысь Геройлэсь Александр Девятьяровлэсь нимзэ сётӥзы. Соку ик дышетоннилэн фасадаз дано аспалчилы сӥзьыса буре ваён мемориал пул шуккизы^[5].

2024-тӥ арын ивортонъёсъя, школаын 2100-лэсь ятыр пиналъёс дышетско, соосты 26 дышетӥсьёс визьнодало^[6].

Данъетъёсыз

1999-тӥ арын Егит лётчикъёслэн школазы Мускоысь «Школа-99» калыккуспо III адӟытонын лауреат луиз;
Волгоградын ортчем военно-патриотической клубъёслэн Россиысь нырысетӥ люкаськоназы лауреат но дипломант луиз;
Болгариысь Пловдив карын ортчем калыккуспо акциын дипломант луиз; .
Монино карысь Гагарин нимо академиын ортчем егит авиаторъёслэн но космонавтъёслэн Россиысь фестивалязы дипломант луиз;
Санкт-Петербургын ортчем военно-патриотической клубъёслэн Россиысь II люкаськоназы лауреат луиз; Егит лётчикъёслэн школаысьтызы командалы Россиысь III люкаськонэз Ижын радъян вылысь факел сётэмын;
Оренбургын ортчем Россиысь школьникъёс пӧлын военно-прикладной но технической ӧръёсъя спортъя спартакиадаын дипломант луиз;
2004-тӥ арын — Смоленскын ортчем военно-патриотической клубъёс пӧлын III люкаськоназы пыриськиз;
2005-тӥ арын — Мускоын ортчем Россиысь школьникъёс пӧлын военно-прикладной ӧръёсъя спортъя спартакиадае пыриськиз;
2006-тӥ арын — Кузонын ортчем ожгар-спортъя «Победа» шудонлэн финалаз пыриськиз;
2007-тӥ арын — Россиысь «Муско — авиационной» фестивальлэн дипломантэз, ватсаса тодон-валан сётонъя учреждениос пӧлын радъям улоскуспо конкурсысь финалист;
2008-тӥ арын — Россиысь авиацияя ватсаса тодон-валан сётонъя учреждениосысь музейёсъя конкурсын дипломант;
2009-тӥ арын — Удмуртиысь трос амалъя ожгар но спорт нюръяськонын 2-тӥ инты;
2010-тӥ арын — Удмуртиысь мультимедия проектъёсъя «Во славу Отечества» ӵошатсконын 3-тӥ инты.

Мынон-ветлон схема

Карысь транспорт: Карл Либкнехтлэн ульчаез, 53. Автобус: 25; 47; 45 (маршрутка); 53 (маршрутка) — ог 40 метр вамышъяно^[7]. Троллейбус: 6; 6д; 10; 14; 2; 4. Кызьы отчы вуоно

Музейёс

Егит лётчикъёслэн школа юртазы 2 музей ужа: Надежда Курченколы сӥзем калык музей но «Ижысь соколъёс — Россиысь Геройёс». Кыкез но выль экспонатъёсын узырмытэмын.

2023-тӥ арын Егит лётчикъёслэн школазы «Инбам милемыз бырйиз» проектэныз эшшо одӥг музей кылдытон вылысь Президентлэн лулчеберет кичӧлтонъёсъя фондлэсь [ӟуч] (удм. грантсэ утӥз. Проектэз быдэстон улсын бадӟым уж лэсьтэмын вал: эскеронъёс ортчытэмын, методикая уж нуэмын, дизайн лэсьтэмын, радъямын но медиа ласянь юнматэмын. Озьы нылпиос Егит лётчикъёслэн школаязы дышетскемъёслы но нимысьтыз ожгар операцие пыриськем но Совето Союзысь но Россиысь Геройёс нимъёсын пусъемъёслы сӥзем «Вунонтэм эскадрилья» музей кылдытӥзы. Атыкай музъеммес 21 утисьёслэн нимъёссы озьы весяклы юнматэмын^[8].