Девятьяров, Александр Андреевич
| Александр Андреевич Девятьяров | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Кушемнимыз | Батя | ||||||||||||
| Вордӥськем дырыз | 15-тӥ инвожое 1907 | ||||||||||||
| Вордӥськем интыез | |||||||||||||
| Кулэм дырыз | 2-тӥ южтолэзе 1985 (77 лет) | ||||||||||||
| Кулэм интыез | |||||||||||||
| Кунмуртлыкез |
 СССР |
||||||||||||
| Кыӵе войскоез |
 СССР-лэн Военно-воздушной кужымъёсыз (ВВС) |
||||||||||||
| Служить карон аръёсыз | 1929—1931, 1933—1946 | ||||||||||||
| Званиез |
  |
||||||||||||
| Ожмаськонъёс/ожъёс |
Быдӟым Атыкай ож • Днепр понна ожмаськон • Корсунь-Шевченковской операция • Ясско-Кишинёвской операция |
||||||||||||
| Данъетъёсыз |
|
||||||||||||
Александр Андреевич Девятьяров (15-тӥ инвожое 1907, Сарапул утем, Ватка губерния — 2-тӥ южтолэзе 1985, Иж) — Совето Союзлэн Героез. Быдӟым Атыкай ож вакытэ — 1-тӥ Украин фронтысь 2-тӥ воздушной армилэн 1-тӥ гвардейской штурмовой авиаполклэн 8-тӥ гвардейской штурмовой авиадивизилэн 140-тӥ гвардейской штурмовой авиаполклэн воздушно-стрелковой службая полклэн командирезлэн юрттӥсез, гвардилэн майорез.
Улон сюресэз
Вордӥськиз 15-тӥ инвожое 1907-тӥ арын Ильнеш гуртын[К 1] ӟуч крестьян семьяын. 7 классэз йылпумъяз. Свердловск улосысь Кузино станциын грузчик луыса ужаз. 1929-тӥ-1931-тӥ аръёсы Горд Армиын служить кариз. Арми бере металлургической техникумын дышетскиз, Ижысь машина поттон заводын шлифовщик луыса ужаз.
1933-тӥ арын Оренбургысь лётчикъёслэн школаязы дышетскыны пыриз. Училище бере Новочеркасскысь бомбардировочной авиациын служить кариз. 1940-тӥ арын оштолэзьысен — лётчик-инструктор луиз. Война кутскем бере школаез Уралэ выжтӥзы, отын лётчикъёсты, уйин бомбардировкаосы лобась штурманъёсты дасязы. 1942-тӥ арын гудырикошконэ фронтэ шедем интые, тактикая вылӥ курсъёсы вуиз, Ил-2-ен лобаны дышетскемез бере, фронтэ келязы.
1943-тӥ арын гудырикошкон толэзе В. Г. Рязановлэн 1-тӥ штурмовой авиационной корпусаз вуиз. 66-тӥ Киевской штурмовой авиаполклы комэске юнматӥзы.
Девятьяров Украинаез мозмытон понна ожъёсын сэзь луэменыз висъяськиз, Корсунь-Шевченсковской операци йылпумъяськем бере, солы Герой ним сётэмын. Ясско-Кишинёвской операци дыръя Ротмистров генераллэсь 5-тӥ гвардейской танковой армиезлэсь командной пунктсэ утемез понна Александр Невскийлэн орденэныз пусъемын.
1945-тӥ арын 15-тӥ толшорозь Девятьяров 80 пол тушмон техникаез но тушмон кужымез штурмовать карон ож лобанъёсы потаз, со пӧлысь 65 полаз валтӥсез вал. Быдӟым Атыкай ож йылпумъяськытозь 91 пол ож лабанъёсы азинлыко потаз.
СССР-ысь Вылӥ Кенешлэн Президиумезлэн 1945-тӥ арын 10-тӥ оштолэзе гожтэм Косэтэзъя гвардилэн майорезлы Александр Андреевич Девятьяровлы Совето Союзлэн Героез дано ним сётэмын[2].
1946-тӥ арысен майор А. А. Девятьяров — запасэ лэземын. Улӥз Ижкарын. Трос аръёс ӵоже ДОСААФ-лэн элькун комитетэзлэн тӧроез вал. «Гражданстрой» трестын ужаз. 1973-тӥ арын «Земля под крылом» (1980тӥ арын тупатъяса поттэмын) нимо тодэ ваёнъёссэ печатлаз. Ӟеч тыршемез понна Октябрь Революцилэн но «Знак Почёта» орденъёсын пусъемын. Улонысь кошкиз 1985-тӥ арын 2-тӥ южтолэзе. Ватэмын Ижкарын.
Буре ваён
- Ижкарысь Егит лётчикъёслэн школазылы Совето Союзлэн Героезлэн Алнександр Девятьяровлэн нимыз сётэмын. 2023-тӥ арын 15-тӥ инвожое школалэн юртаз военной лётчикез буре ваён пул юнматэмын[3].
- Геройлэн нимыз Ижкарын Ялан ӝуась тыл азьысь Совето Союзлэн Геройёсызлы сӥзем стелаын гожтэмын.
- Алнександр Девятьяровлэн нимыз Ижкарын Машина поттон заводын ужасьёслэн но Корсунь-Шевченковский карын (Украина) Геройёслэн Аллеяязы буре ваён пул вылазы
Данъетъёсыз
- Совето Союзлэн Героез (1945-тӥ арын 10-тӥ оштолэзе поттэм 7360-тӥ номеро Косэт);
- Кык Ленин орденэз;
- Октябрь Революцилэн орденэз;
- Горд Знамялэн кык орденэз;
- Александр Невскийлэн орденэз;
- Горд Кизили орден;
- «Знак Почёта» орден;
- медальёсыз.
Комментарийёс
- ↑ Ильнеш гурт, Сарапул уездысь Чеганда волосте пыре вал, берлогес Новопоселеновской но Ныргында сельсоветъёслэн пӧлэсазы пыртэмын Каракулино ёросысь Удмуртиыын; али дыре гурт со ёросэ ик кылемын[1].
Валэктонъёс
- ↑ mirus Ильнеш [ӟуч] Родная Вятка. Эскеремын 2019-09-03 арын
- ↑ Ими гордится Удмуртская земля. Девятьяров Александр Андреевич
- ↑ Школе юных летчиков в Ижевске присвоили имя Александра Девятьярова, udm-info.ru (16 июня 2023). Эскеремын: 25 толсуре 2024 арын.
Чӧлсконъёс
- Александр Андреевич Девятьяров [ӟуч] «Герои страны» сайт.
- Тодмо муртъёс алфавитъя
- Каракулино ёросын вордӥськемъёс
- 15-тӥ инвожое вордӥськемъёс
- 1907-тӥ арын вордӥськемъёс
- Ватка губерниын вордӥськемъёс
- 2-тӥ южтолэзе кулэмъёс
- 1985-тӥ арын кулэмъёс
- Ижкарын кулэмъёс
- Совето гвардия
- Совето Союзлэн Героез
- Ленин орденлэн кавалеръёсыз
- Октябрь Революци нимо орденлэн кавалеръёсыз
- Горд Знамялэн орденэзлэн кавалеръёсыз
- Александр Невскийлэн орденэзлэн кавалеръёсыз (СССР)
- Горд Кизили орденлэн кавалеръёсыз
- «Знак Почёта» орденлэн кавалеръёсыз
- «1941-тӥ—1945-тӥ аръёсы Быдӟым Атыкай ожын Германиез вормем понна» медален пусъемъёс
- «Прагаез мозмытэм понна» медален пусъемъёс
- Оренбургысь Авиацияя вылӥ военной Краснознамённой училищеын дышетскемъёс
- Быдӟым Атыкай ожысь лётчикъёс
- Днепр понна ожмаськонэ пыриськемъёс
- КПСС-лэн ёзчиосыз
- Тодмо муртъёс:Ижысь машина поттон завод
- Авиациысь майоръёс (СССР)
- Совето Союзлэн Геройёсыз (Удмуртия)