Берпуметӥ звонок
| Берпуметӥ звонок | |
|---|---|
 | |
| Юнматэмын | сӥземын школаез йылпумъянлы |
| Пусъё |
 Латвия Грузия |
| Дырыз | 25-тӥ куартолэзе (дырыз мукет но луыны быгатэ) |
| Сям-йылолъёс |
школьной форма чебермам гырлы «Выпускник» лента |
| Герӟаськемын | школаен люкиськон ӝыт (ӟуч: Выпускной вечер) |
 Медиафайлъёс РувикиМедиа пушкын | |
Берпуметӥ звоно́к (ӟуч: Последний звонок) — дышетсконзэс йылпумъясь нылпиослэн сямлы пӧрмем праздниксы. Школаосын берпуметӥ звонокъёс куартолэзь пумын ортчыло, дышетскон йылпумъяськем бере, экзаменъёс кутскытозь. 2024-тӥ арын Россиысь школаез йылпумъясьёс понна берпуметӥзэ гырлы куараос чузъяськизы 24-тӥ—25-тӥ куартолэзе[1]. 2025-тӥ арын со 24-тӥ куартолэзе радъяськоз.
Историез
Таӵе праздник ортчытон малпанзэ дэмлаз вал совето педагог, РСФСР-ысь сӥё-дано дышетӥсь Фёдор Брюховецкий.
Школаез йылпумъянлы сӥзем праздник нырысьсэ ортчытэмын вал 1948-тӥ арын 25-тӥ куартолэзе Москваысь 182-тӥ номеро школаын (али 1388-тӥ номеро)[2].
1970-тӥ аръёслэн кутсконаз СССР-ысь Калыкез дышетонъя министерстволэн решениезъя, праздник официальной луиз но арлы быдэ пусйиськылыны кутскиз. Нырысь ик со 10 классэз быдтэмъёс понна гинэ ортчытъяськиз, берло, 11 аръем дышетон системае выжем бере, со 11 классэз быдтэмъёслэн праздниксы луиз[3].
Та ужрадлэн пӧртэмлыкез ― школной вальс но инме воздушной шар лэзьян. Праздниклэн яркыт тодметэз ― гырлы куара[4]. Совето вакытэ школаез йылпумъям нылашъёс та нуналэ тӧдьы сиресо форменной дэрем но тӧдьы азькышет дӥсяллязы, йырсиосазы тӧдьы лента пунылӥзы, пияшъёс ― форменной брюки, тӧдьы дэрем но пиджак. 1990-тӥ аръёсы «Выпускник» гожтэмен яркыт лентаос кылдӥзы.
Пандемия вакытэ праздник мукетгес луиз. 2020-тӥ арын со онлайн-форматэн ортчиз. 2021-тӥ арын — ужрадэз сюбегатыса ортчиз. Калыкез дышетонъя министерстволэн ВКонтакте вотэсбамысь официальной бамаз сӥё-дано ужрадлэн трансляциез возьматэмын вал.
2022-тӥ арын Россиысь школаосын Берпуметӥ звонок огдышем сямъя ортчиз.
Калыкез дышетонъя министерстволэн ӵектэмезъя, 2024-тӥ арын школаосын берпуметӥ звонокъёс 24-тӥ но 25-тӥ куартолэзе ортчизы. Кунгож палась Курск но Белгород улосъёсын праздник онлайн-форматэн радъяськиз[5].
2025-тӥ арын берпуметӥ звонок 24-тӥ куартолэзе ортчоз[6].
Ортчытон сямъёс
Берпуметӥ звонок — дышетсконзэз йылпумъясьёслы, дышетскисьёслы но соослэн анай-атайёссылы сӥзем праздник. Сӥё-дано ужрадын ӧтем куноос ӟечкылан кылъёссэс верало, школалэн директорез но дышетӥсьёс ӟеч сӥзёнъёсын вазисько, дышетсконзэс йылпумъям егитъёс но соослэн анай-атайёссы пумитазы таукарон кылъёссэс верало. Озьы ик кыл сёто нырысетӥ классын дышетскисьёслы.
Кылдэм сямъя, нылашъёс тӧдьы азькышетэн школьной форма дӥсяло, шергес со — тӧдьы дэремен пеймыт тусо юбка. Пияшъёслэн — йӧно костюмъёс. Кема дыр ӵоже школаосын совето вакытэ юнматэм форма возиськиз. Но берло вакытэ пумен вӧлмиз туала куронъёслы тупасезгес. Котьку сямен ик школаез йылпумъясьёс форма вылтӥзы «Выпускник» лента кертто, мӧляязы пичи гырлы яке гырлы тусо значок быртто [7].
Та нуналэ, праздниклы сӥзем линейка йылпумъяськем бере, выпускникъёс понна, гырлые жугыса, берпуметӥ звонок сёто. Ӵемысь сое ӵошен сёто 11 классэз йылпумъям пияшен нырысетӥ классысь нылаш. Собере ваньзы ульчае потыса, инме воздушной шаръёс лэзьяло. Выпускникъёс понна нырысетӥ школьной вальс шудэ.
Галерея
Берпуметӥ звонок Башкортостанысь Мишкино черкогуртын. 23-тӥ куартолэзе (2019).
К. Давлеткилдеев нимо республиканской художественной лицей-интернатын Булат Султангареевлэн премиеныз сӥё-дано пусъён ужрад.
Озьы ик учке
Валэктонъёс
- ↑ Минпросвещения назвало даты последних звонков и выпускных РБК.
- ↑ Ирина Макеева. В школах России прозвенит «последний звонок» Парламентская газета.
- ↑ Линейки, чаепития и фотосессии: как пройдет последний звонок в 2025 году, Постньюс (3 куартолэзе 2025). Дата обращения: 7 куартолэзе 2025.
- ↑ Янгыш цитированиын: Неверный тег
<ref>; для сносок:0не указан текст - ↑ Для российских школьников прозвенел последний звонок. Как это было РБК Life.
- ↑ Установлены единые дни проведения последнего звонка и выпускного в школах в 2025 году Минпросвещения России.
- ↑ Лещинская В..
Литература
- Лещинская В. Праздники для старшеклассников: 9—11 класс. — М.: Аделант, 2017.