Гуртысь уж

Википедиысь материал
Гуртысь уж
Школьник гуртысь ужзэ дася
Школьник гуртысь ужзэ дася
Кутӥськон ӧрыз дышетон

Гуртысь уж яке гуртын уж (ӟуч: Дома́шнее зада́ние или дома́шняя рабо́та, озьы ик ДЗ яке ДР, «домашка») — уж, кудзэ дышетӥсь сётэ нылпиослы ас кожазы быдэстон понна. Сыӵе практика кутӥське материалэз юнматон но тодон-валанэз эскерон понна[1][2].

История

Гуртысь ужез быдэстон практикаос Вашкала вакытъёсы ик кутӥськылӥзы: Вашкала Египетын, Вашкала Грециын но Вашкала Римын урокъёсын заданиоситы быдэстэм сяна, гуртысь уж но сётъяллязы[1].

XVIII даурын Священной Рим империысь  [ӟуч] (удм. «калык школаосын» классно‑урочной система тужгес чурыт вал, отчы одно ик пыртэмын вал ас коже быдэстоно ужъёс; та модель быдэс Европае вӧлмыса, Россие но вуиз. Шундыпуксён палась исследовательёс малпамъя, гуртысь ужлэсь туала формазэ влмытӥз американ реформатор Хорас Манн: солэн кичӧлтэмезъя США-ын XIX даурлэн шораз школьникъёслы гуртысь уж сётъяны кутскемын[1][2].

XX даурын гуртысь уж сётъян пумысен пӧртэм малпанъёс кылдӥзы: США-ысь дышетӥсьёслэн малпамзыя, нылпиосты урокъёс бере ужатон соослэн тазалыксы вылын шӧдӥське, соин валче куд-ог штатъёсын покчи классъёсын дышетскисьёслы огдырлы гуртысь уж сётъямысь дугдэмын вал. Кыкетӥ дунне ож бере, экономикаен но политикаен герӟаськем ужпумъёсын  [ӟуч] (удм. сэрен американ школьникъёслэн гуртысь ужзы тросгес луиз, нош мерлыклэн дурбасьтэменыз (со творчествоез лябомытэ, пе) кулэсмиз. Курланъёсты лыдэ басьтытэк, XXI даурын США-ысь школаын дышетскись гуртысь ужзэ быдэстон понна кык поллы тросгес дырзэ быдтылӥз (4,5 час котыр), 1990-тӥ аръёсын ӵошатыса[3]; озьы ке но, пӧртэм штатъёсын гуртысь ужлэн быдӟалаез пӧртэм луэ, кылсярысь, куд-огъёсаз воксё но уг сётъяло[4][5].

Финляндиын но тросаз скандинав кунъёсын гуртысь уж туж ӧжыт сёто, бадӟым саклык висъяське заданилэн ӟечлыкезлы но критической мышлениез  [ӟуч] (удм. будэтонлы; нылпиос урокын проектъёс бордын ужало. Япониын нылпилэн нагрузкаез шоро-куспо, трос саклык висъяське ас коже ужаны быгатонэз но практической быгатонлыкъёсты азинтонлы. Италиын, Ирландиын, Польшаын но Испаниын гуртысь ужез быдэстонлы арняяз куать часысен дас часозь висъяське. Озьыгес ик Китайын — отын школьникъёс, гуртысь ужез быдэстэм сяна, репетиторъёсын ужало[4][5].

Россиын

Гуртысь уж сярысь валатонъёс нырысьсэ пумисько XVII дауре, Россиын Народной училищеос  [ӟуч] (удм. кылдон вакытэ. «Росси империысь народной училищеослэсь Уставзэс» юнматэмен валче (1786) Фёдор Янкович классно-урочной системаез юнматӥз: гуртысь уж дышетон ужлэн оно ик кутӥськись компонентэз луиз, ӵемысь механической дышетонлы — зубрёжкалы пӧрмылӥз. Сыӵе амал XX даурлэн кутсконозяз кутӥськылӥз. Берлогес методистъёс уроклэсь пуштроссэ воштӥзы; гуртысь уж, тодон-валанэз юнматон сяна, сое улонын кутыны быгатонэз азинтонлы пӧрмиз[6].

Совето вакыт бере но гуртысь уж одно ик кутӥське дышетон процессын. XXI дауре со тодон-валанэз юнматон но экзаменъёслы дасяськон амал чотын кутӥськылӥз; электрон дневникъёс  [ӟуч] (удм. но онлайн‑платформаос кылдэмен солэн формаез воштӥськиз. Огвакытэ ик быдӟалаез йылӥз: витетӥ но куатетӥ классын дышетскисьёслы гуртысь ужзэс быдэстон понна 2-3 час кулэ луылӥз, бадӟым классъёсын дышетскисьёс — эшшо кемагес[4][7].

2020-тӥ аръёслэн кутсконаз выльысь гуртысь ужлэн кулэлыкез сярысь вераськонъёс кылдӥзы. Дышетӥсьёс но мерлык удысын тыршисьёс туала технологиос, текст кылдытон программаосты  [ӟуч] (удм. кутыса, гуртысь уж формально гинэ быдэстӥське шуыса верало. Кун Думалэн тӧроез Вячеслав Володин 2025-тӥ арын гудырикошконэ гуртысь ужез палэнтон сярысь ивортӥз, со верамъя, гуртысь уж «бадӟым нагрузкаен» сэрен но искусственной интелект кылдэмен, юнме дыр быдтонлы пӧрмиз. Озьы ик со пусйиз, исследовательской но творческой ужъёс критической мышлениеез азинтыны юртто, соин та пумысен кенешыны кулэ[8].

2025-тӥ арын 1-тӥ куарусёнысен Калыкез дышетонъя министерстволэн дышетскон нагрузкаез сюбегатон но, пӧртэм арлыдэз лыдэ басьтыса, гуртысь ужез лэсьтон дырез тупатӥсь 704-тӥ косэтэз кужымлыко луиз. Табере нырысетӥ но 2-3-тӥ классын дышетскисьёс понна гуртысь ужез быдэстонлы 1 час висъяськыны кулэ, 4-5‑тӥ классын дышетскисьёслы — кык часозь, 6-8‑тӥ — 2,5 часозь, 9-11‑тӥ — 3,5 часозь. Со ужкагаз Роспотребнадзорен валче дасямын[9].

Ужпумъёс

Педагогикая методикаосъя, гуртысь ужлэн валтӥсь мугез — урокын басьтэм тодон-валанэз юнматон, валамтэосты выльысь эскерон но дышетон. Сыӵе уж нылпилы темаез подсказкаостэк, юрттэттэк валаны, тодаз возьыны юрттэ но выль материалэн тодматскыны дася. Озьы ик со дышетӥсьлы нылпилэсь темаез макем валамзэ тодыны но азьпал ужзэ радъяны юрттэ[1][10].

Мукетыз ӟеч палыз — саклыкез будэтон, темаез эскерыны быгатон; школьниклэн ассэ ужатыны быгатонлыкез  [ӟуч] (удм. юнма, нылпи дырез кулэезъя кутыны дышетске[2]. Дышетӥсьёслэн верамзыя, нылпилэн критической но творческой мышлениез исследовательской проектъёс но ас кажаз литератураез лыдӟемез улсын юнма[9]. Туала технологиос нылпилы солы кельшись амалэз бырйыны луонлык сёто (лыдӟон, видеоразбор). Ас коже быдэстэм уж озьы ик пиналлы ассэ умойгес валаны юрттэ: подростокъёс умойгес шӧдыны кутско ас тунсыкъёссэс, со азьпал улонзэс радъяны юрттэ[1].

Кун Думаысь дышетонъя комитетлэн тӧроезлэн Ирина Белыхлэн малпамезъя, литература выллем куд-ог предметъёсты урокын гинэ валаны дыр уг тырмы, бадӟым текстъёсын одно ик ас коже тодматскыны кулэ, со озьы ик нылпилэсь творческой быгатонлыкъёссэ будэтэ[9].

Курланъёс

Американ психологлэн Харрис Куперлэн 2000-тӥ аръёслэн шораз ортчытэм эскеронъёсыз возьмато, гуртысь ужлэн быдӟалаез дышетсконлэн ӟечлыкез вылын туж ляб шӧдӥське, ДЗ-лэн пайдаез бадӟым классъёсын дышетскисьёсъя гинэ валатске[11]. Бадӟым классъёсын дышетскись 18 сюрс нылпиез эскеронъёс возьматӥзы, гуртысь ужлэн укыр бадӟым луэмез нырысь ик школьной программалэн перегруженностез бордысь потэ, соин валче, нылпилы секыт материалэн ас кожаз тодматсконо луэ, озьы нылпилэн тунсыкез ӵемысь быре. Мукетаз эскеронэ 4,3 сюрс нылпи пыриськиз. Таизлэн йылпумъянъёсызъя валано луэ, гуртысь ужез быдэстон бордын кема пукись нылпиос урокын мыло-кыдогес ужало, но ӵемысь соослэн тазалыксы лябгес луэ, соос стресслы капчиен сётӥсько. Со дыре ик трос сётэм уж трос нылпиё семьяын будӥсь нылпилэсь дышетсконзэ лябомытэ, малы ке шуоно, соослы юрттэт уггес тырмы, нош анай-атайёссы асьсэос материалэз ляб тодо ке, соослэн юрттэтсы изъян гинэ вайыны быгатэ[12][13].

Россиысь дышетӥсьёс гуртысь ужлэсь быдӟалазэ дышетон программаен герӟало. «Учитель» профсоюзлэн ёзчиезлэн Анна Штернберглэн верамезъя, кутэм нормаос ученикез «укыр трос информациен» тодматскыто, но гуртысь ужтэк сое ваньзэ валаны уг луы. Дышетӥсьлэн верамезъя, программаез воштыны кулэ. Калыкез дышетонъя министерство улсысь мерлыко кенешлэн ёзчиез Дмитрий Лутовинов пусйиз, гуртысь уж зэмзэ но туж трос сётӥське, малы ке шуоно, ӧвӧл солэн тупатэм регламентэз. «Учитель» профсоюзлэн тӧроез Дмитрий Казаков, 2025-тӥ арын 1-тӥ куарусёнэ кутэм косэт пумысь кенешонын вераз, выль нормативъёсты дэмланъёс чотын гинэ кутоно, малы ке шуоно, шуг вераны, кӧня дыр кулэ котькуд нылпилы гуртысь ужзэ быдэстон понна[9].

Валэктонъёс

  1. ↑ 1 2 3 4 5 Что такое ДЗ (домашнее задание): надо ли делать, обязательно ли, зачем выполнять и для чего, Умскул Журнал (20 куарусёнэ 2024). Эскеремын: 21 куарусёнэ 2025 арын.
  2. ↑ 1 2 3 Кто придумал домашнее задание и зачем [рус.]
  3. ↑ Pinsker, Joe. The Cult of Homework, The Atlantic. Эскеремын: 21 куарусёнэ 2025 арын.
  4. ↑ 1 2 3 Домашние задания в школе: история, международный опыт, плюсы и минусы, влияние на детей и перспективы отмены в России [ӟуч] obr.so. Эскеремын 21 куарусёнэ 2025 арын
  5. ↑ 1 2 Домашнее задание: есть ли в нем необходимость? — Центр развития интеллекта «Пифагорка» [ӟуч] Центр развития интеллекта «Пифагорка». Эскеремын 21 куарусёнэ 2025 арын
  6. ↑ Бакулина Е. А., 2010, с. 156—157.
  7. ↑ Педсовет. Домашнее задание вызывает стресс (19 оштолэзе 2008). Эскеремын: 21 куарусёнэ 2025 арын.
  8. ↑ Володин предложил обсудить отмену домашнего задания для школьников, РБК. Эскеремын: 21 куарусёнэ 2025 арын.
  9. ↑ 1 2 3 4 Депутаты подготовили единые требования к домашним заданиям в школах, РБК. Эскеремын: 21 куарусёнэ 2025 арын.
  10. ↑ Нужна ли домашняя работа в школе?, Блог «Школы Будущего Online». Эскеремын: 21 куарусёнэ 2025 арын.
  11. ↑ Стресс, конфликты, переутомление, недосып: почему школам пора отказаться от домашних заданий. Эскеремын: 21 куарусёнэ 2025 арын.
  12. ↑ Слепухина, Ирина. Учеба без передышки: почему домашние задания могут вредить школьникам. Эскеремын: 21 куарусёнэ 2025 арын.
  13. ↑ Cooper H., Robinson J. C., Patall E. A., 2006.

Литература

«https://udm.ruwiki.ru/w/index.php?title=Гуртысь_уж&oldid=501354»-ысь басьтэмын