Каникул

Википедиысь материал
Learning.svg

Материалъёс басьтэмын Б.Н. Ельцин нимо библиотекаысь

Arrow-Right.png
Library.png
Та гожтосын Б.Н. Ельцин нимо Президент библиотекалэн фондысьтыз материалъёс кутэмын
Рос-прос учке
Каникул
Каникул. Суредасез Анатолий Янев. 1980-тӥ аръёс
Каникул. Суредасез Анатолий Янев. 1980-тӥ аръёс
Кутӥськон ӧрыз Дышетон
Кылдэмын XIX даурлэн кыкетӥ ӝыныез (Россия)

Кани́кул — дышетскон вискын планъя чаклам шутэтскон яке мукет мер ужпумъёсын герӟаськем дыр. Со дышетон сярысь катрадлыкен, календарной дышетскон графикен но интыосысь дышетон юртъёслэн актъёсыныз юнматэмын.

Этимологиез

Вашкала Римын гужем пӧсь вакыт Сириус  [ӟуч] (удм. кизилэн ӵук адӟиськемезлы тупа вал. Сое Canicula («пичи пуныпи») шуыса нималлязы. Озьы ик со нуналъёсты но «dies caniculares»[1]—"пуны нуналъёс" (22-тӥ пӧсьтолэзьысен 23-тӥ гудырикошконозь) шуыса нимазы. Табере озьы нимало гужем отпуск вакытэз, куке тужгес пӧсь луэ[2][3][4].

Россиын

Россиын 1917-тӥ арозь каникул кылын нимаськылӥз гужем шутэтскон дыр. Владимир Дальлэн  [ӟуч] (удм. толковой словаряз тазьы гожтэмын: «Каникул — со гужемлэн пӧсь вакытэз, юмшан но дышетскон юртъёсын шутэтскон дыр; быдэсак каникулъёс кутско 1-тӥ пӧсьтолэзьысен но 15-тӥ гудырикошконозь кыстӥсько; куд-ог интыосын инвожоысен яке куартолэзьысен кутско»[5].

Революцилэсь азьпал начальной школаосын но приходской училищеосын  [ӟуч] (удм. каникулъёс куать-сизьым толэзь кыстӥськылӥзы — «бусы ужъёсты йылпумъян дырысен вуоно арын кутскытозь». Кыӵе улосын интыяськемез лыдэ басьтыса, коньывуонэ-толсуре кутскылӥзы но южтолэзе-куартолэзе йылпумъяськылӥзы[6].

НИУ ВШЭ-лэн Дышетонэз азинтонъя институысьтыз валтӥсь научной сотрудник профессор Ирина Абанкина пусйиз[7]:

Асьме дорын школьной каникулъёс праздникъёслы яке куазьлы улсатэмын вал. Южтолэзьлэн пумаз — оштолэзьлэн кутсконаз каникулъёс тудву кошконэн герӟаськемын, тросаз улосъёсын сыӵе дыръя школае вуыны туж секыт луылэ. Дышетсконэз 1-тӥ куарусёнэ кутскон — со допетровской вапумлэсь азьпал юнматэм выль ар. Сӥзьыл каникулъёс—шуркынмонэ пусйиськись праздниклы тупатэмын.

1803-тӥ арын дышетон реформаосын «Калыкез дышетонъя предварительной правилоос» печатламын вал. Отын выльзэ дышетскон арез 1-тӥ гудырикошкон толэзьысен кутскыса, вуоно арлэн 1-тӥ пӧсьтолэзяз йылпумъяно шуыса пусъемын[8].

Совето вакытэ дышетскон арез пӧртэм дыре кутскылӥзы. Тросаз школаосын —14-тӥ гудырикошконэ.

1935-тӥ арын Калык комиссаръёслэн Кенешсы но ЦК ВКП(б) «Начальной, шор ёзо но шор школаосын дышетонэз радъян но пуш радлыкез сярысь» постановлени поттӥзы. Со документъя дышетскон ар 1-тӥ куарусёнэ кутскылӥз. Озьы ик пусъемын шутэтскон вакытъёс: сӥзьыл — 5-тӥ шуркынмонысен 9-тӥ шуркынмонозь, толалтэ—30-тӥ толсурысен 10-тӥ толшорозь, тулыс — 24-тӥ южтолэзьысен 31-тӥ южтолэзёзь, гужем — дышетскон арез йылпумъм дырысен 31-тӥ гудырикошконозь[8].

Гурт школаосын тулыс каникуллэн дырыз интыысь куазез чакласа тупатӥське, ёросысь Депутат кенешъёслэн быдэсъясь комитетъёслэн решенизыя.

СССР-ысь Министръёслэн Кенешсылэн 1970-тӥ арын 8-тӥ куарусёнэ кутэм 749-тӥ номеро постановлениезъя[9] школаосын дышетон 1-тӥ куарусёнысен кутске но, экзаменъёсты но практикаез лыдэ басьтыса, 1—7-тӥ классъёсын дышетскисьёс понна 30-тӥ куартолэзе йылпумъяське, 8-тӥ классын дышетскисьёс понна — 10-тӥ инвожое, 9—10-тӥ (11-тӥ) классъёсын — 25-тӥ инвожое.

Каникулэ вуиз. Суредасез Фёдор Решетников. 1948-тӥ ар

Туала школаосын каникулъёслэн дырзы 2012-тӥ арын 29-тӥ толсуре кутэм «Росси Федерациын дышетон сярысь» 273-ФЗ-тӥ номеро федерал катэн юнматэмын[10].

Россиысь студентъёс понна каникуллэн огъя тупатэм дырыз ӧвӧл. Вылӥ дышетон завединилэн кивалтэтэз, дышетон планэз, дышетон амалэз но производственной практикаез  [ӟуч] (удм. чакласа, ас кожаз расписание лэсьтэ. Ӵемысь студентъёс экзаменационной сессия бере шутэтскыны пото. Каникуллэн дырыз дышетскон нуналъёслэь лыдзэс чакласа тупатӥське. Вузъёсын, кудъёсаз дышетскон ар куинь яке ньыль семестрлы люкиське, дышетон модульёс вискын но ватсаса шутэтскон дыр сётӥське[11].

Колледжъёсын но техникумъёсын  [ӟуч] (удм. гужем шутэтскон вузъёсын сямен ик тупатӥське: нырысь сессия, собере производственной практика но каникулъёс. Производственной практика чакламын ӧвӧл ке, каникулъёс ӵемысь инвожо толэзьлэн шораз — пумаз, экзаменъёс бере кутско. Призводственной практикае пуктэм студентъёс пӧсьтолэзьлэн кутсконаз — гудырикошконлэн кутсконаз шутэтскыны пото[11].

Каникулъёслы расписаниен студентъёс тодматскыны быгато деканатын, дышетон заведенилэн сайтаз яке личной кабинетаз.

Мукет кунъёсын

Дуннеысь кунъёсын каникуллэн дырыз пӧртэм луэ. Германиын дышетскон ар 24-тӥ гудырикошконысен 15-тӥ куарусёнозь пӧртэм интыосын пӧртэм дыре кутске[7]. Тол каникулъёс толшор пумын — тулыспалэ кутско. Школаосын сӥзьыл шутэтсконзы коньывуон толэзьысен кутске но ӵемысь кык арня кыстӥське. Рождественской каникулъёс 20—23-тӥ толсурысен 3—11-тӥ толшорозь кыстӥсько.

Финляндиын гужем каникулъёс 1-тӥ инвожоысен гудырикошконлэн шорозяз кыстӥсько. Рождественскойёсыз — 22-тӥ толсурысен 8-тӥ толшорозь. Паска каникулэ южтолэзь пумын яке оштолэзьлэн кутсконаз пото[12].

США-ысь пӧртэм штатъёсын, школьной округъёсын, дышетон заведениосын пӧртэм арлыдо дышетскисьёс пӧртэм дыре шутэтско. Сӥзьыл ӵемысь — куарусёнэ яке коньывуонэ, толалтэ — тулыспалэ яке южтолэзе, тулыс — южтолэзе яке оштолэзе, гужем — инвожоысен гудырикошкон пумозь[13].

Китайын дышетскон ар кык семестрлы люкиське, соин ик отын тол но гужем каникулъёс гинэ луо. Гужем — пӧсьтолэзе но гудырикошконэ, толалтэ—толшорлэн шорысеныз тулыспаллэн шорозяз.

Япониын дышетскон ар оштолэзьлэн кыкетӥ арняысеныз кутске. Гужем каникулъёс — пӧсьтолэзьлэн пумысеныз гудырикошконозь, толалтэ — толсур пумысен толшорлэн нырысетӥ арняозяз, тулыс — южтолэзьлэн шораз.

Филиппинъёсын шутэтскон дырез Дышетонъя министерство юнматэ. Дышетскон ар гудырикошконэ кутске но инвожое йылпумъяське. Рождественской каникулъёс ӵемысь 24-тӥ толсуре кутско но 6-тӥ толшор бере нырысетӥ вордӥськонэ йылпумъясько. Школаослэн кивалтӥсьёссы ас мылкыдзыя куинь шутэтскон нунал ватсаны быгато[14].

ЮАР-ын дышетскон ар толшорлэн шорысеныз кутске но ньыль четвертьлы люкиське: толшорысен южтолэзёзь, оштолэзьысен-инвожоозь, пӧсьтолэзьысен куарусёнозь но коньывуонысен-толсурлэн кутсконозяз. Гужем каникулъёс толсуре кутско но толэзь но ӝыны кыстӥсько, вуоноез дышетскон ар кутскытозь.

Танзаниын выль дышетскон ар выль ар праздникъёс бере кутске. Тужгес кузьёсыз каникулъёс — "гужем" каникулъёс толсур толэзьлы тупало. Вуоно каникулъёс Рамадан  [ӟуч] (удм. толэзе кутско. Одӥг толэзь пӧсьтолэзе шутэтско[15].

Ӟечбур, пионер гужем! Суредасез Герман Безукладников. 1992-тӥ ар

Школьной каникулъёслэн графиксы

Россиын котькуд дышетон заведение каникул дырез, Росси Федерациысь Калыкез дышетонъя министерстволэн дэмланъёсыз вылэ пыкиськыса, ас кожаз тупатыны быгатэ.

Со дэмланъёсъя, четвертной дышетон система понна 2025/2026-тӥ дышетон аръёсы каникулъёслы таӵе дыръёс тупатэмын[16]:

  • сӥзьыл — 25-тӥ коньывуонысен 2-тӥ шуркынмонозь;
  • толалтэ — 1-тӥ толсурысен 11-тӥ толшорозь;
  • тулыс — 28-тӥ южтолэзьысен 5-тӥ оштолэзёзь;
  • гужем — 27-тӥ куартолэзьысен 31-тӥ гудырикошконозь.

Нырысетӥ классын дышетскисьёс понна куинетӥ четвертьын ватсаса шутэтскон дыр сётӥське—16-тӥ тулыспалысен 22-тӥ тулыспалозь.

Триместровой системая дышетон ар куиньлы люкиське, котькудӥз соос пӧлысь кыстӥсьткемзыя огкадь модульёслы люкисько. Школьникъёс вить арня ӵоже дышетско но одӥг арня шутэтско.

Триместровой системаез кутӥсьёслы Росси Федерациысь Калыкез дышетонъя министерство таӵе шутэтскон дыръёсты пусйиз[16]:

  • нырысетӥез — 4-тӥ коньывуонысен 12-тӥ коньывуонозь;
  • кыкетӥез —15-тӥ шуркынмонысен 23-тӥ шуркынмонозь;
  • куинетӥез — 31-тӥ толсурысен 11-тӥ толшорозь;
  • ньылетӥез — 21-тӥ тулыспалысен 1-тӥ южтолэзёзь;
  • витетӥез — 28-тӥ южтолэзьысен 4-тӥ оштолэзёзь.

Каникулъёс сяна, кун праздникъёс дыръя ватсаса шутэтскон нуналъёс сётӥсько. Сыӵеос пӧлы пыртэмын: Калыкъёслэн огъя луон нуналзы, Атыкай музъемез утисьёслэн нуналзы, Вормон нунал но мукет.

Лулчеберетын

Кинематографын

  • «Добро пожаловать, или Посторонним вход воспрещён» (1964);
  • «Каникулы Бонифация» (1965);
  • «Сто дней после детства» (1975);
  • «Каникулы в Простоквашино» (1980);
  • «Каникулы Петрова и Васечкина, обыкновенные и невероятные» (1984);
  • «Королевство полной луны» (2012);
  • «Camp Rock: Музыкальные каникулы» (2008).

Литератураын

  • Николай Носов «Шурик у дедушки» (1956);
  • Юрий Нагибин «Эхо» (1960);
  • Рене Госсини, Жак-Жак Сампе «Каникулы малыша Николя» (1962);
  • Анатолий Алексин «В Стране Вечных Каникул» (1966);
  • Любовь Воронкова «Гуси-лебеди» (1966);
  • Евгений Носов «Варька» (1967);
  • Владислав Крапивин «Бегство рогатых викингов» (1975);
  • Анатолий Гладилин «Секрет Жени Сидорова» (1975);
  • Юз Алешковский «Кыш и я в Крыму» (1975);
  • Сильвия Труу «Месяц как взрослая» (1978);
  • Евгений Велтистов «Миллион и один день каникул» (1979);
  • Кир Булычёв «Гостья из будущего. Каникулы в космосе или планета Пять-Четыре» (1986);
  • Анатолий Рыбаков «Каникулы Кроша» (1998);
  • Тамара Михеева «Асино лето» (2008);
  • Наринэ Абгарян «Манюня пишет фантастичЫскЫй роман» (2011);
  • Давид Гроссман «С кем бы побегать» (2011);
  • Тинатин Мжаванадзе «Лето, бабушка и я» (2022)[17];
  • Наталья Евдокимова «Лето пахнет солью» (2023);
  • Ольга Бочкова «Правдивые истории из жизни Никиты» (2024).

Валэктонъёс

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — P. 22. — ISBN 0-387-48941-X.
  2. ↑ Каникула // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  3. ↑ Вакация. — Толковый словарь живого великорусского языка : в 4 т. / авт.-сост. В. И. Даль. — 2-е изд.. — СПб., 1880—1882 гг..
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд. — М.: Наука, 1986. — С. 126.
  5. ↑ Каникула. — Толковый словарь живого великорусского языка : в 4 т. / авт.-сост. В. И. Даль. — 2-е изд.. — СПб., 1880—1882 гг..
  6. ↑ Воронцова, Ю.. Школы в дореволюционной России: гимназия, реальное училище, земское училище…, sibmama.ru (25 куарусёнэ 2023). Эскеремын: 15 куарусёнэ 2025 арын.
  7. ↑ 1 2 Борта, Юлия. Школа выживания. Какие каникулы есть у учеников разных стран, AiF. Эскеремын: 15 куарусёнэ 2025 арын.
  8. ↑ 1 2 Бурт, В.. «Девочки могли отвлекать мальчиков от учебы, но об этом не говорили». Как начинали учебный год при царе и в СССР, Мослента (27 гудырикошконэ 2023). Эскеремын: 15 куарусёнэ 2025 арын.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970 [ӟуч] docs.cntd.ru. Эскеремын 15 куарусёнэ 2025 арын
  10. ↑ Федеральный закон "Об образовании в Российской Федерации" от 29.12.2012 N 273-ФЗ [ӟуч] КонсультантПлюс. Эскеремын 15 куарусёнэ 2025 арын
  11. ↑ 1 2 Платят ли стипендию студентам во время летних каникул, Банки.ру. Эскеремын: 15 куарусёнэ 2025 арын.
  12. ↑ Школьные каникулы и отпуск учителей в разных странах, Repit Блог (4 инвожое 2023). Эскеремын: 15 куарусёнэ 2025 арын.
  13. ↑ School Holidays in the US 2024-2025 [англи] www.tutorchase.com. Эскеремын 15 куарусёнэ 2025 арын
  14. ↑ Каникулы в филиппинских школах [ӟуч] TravelAsk. Эскеремын 15 куарусёнэ 2025 арын
  15. ↑ Как работает система образования в Танзании? [ӟуч] Forbes.ru. Эскеремын 15 куарусёнэ 2025 арын
  16. ↑ 1 2 График школьных каникул в 2025/26 учебном году, Известия (19 гудырикошконэ 2025). Эскеремын: 15 куарусёнэ 2025 арын.
  17. ↑ Книги о лете и о летних каникулах, рекомендуемые для чтения детям и подросткам [ӟуч] VK. Эскеремын 15 куарусёнэ 2025 арын

Литература

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Logo-bie.svgИшимова А. И. Каникулы 1844 года, или Поездка в Москву // Санкт-Петербург: тип. Имп. Акад. наук. — 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — 2021. — №. 2. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Чӧлсконъёс

«https://udm.ruwiki.ru/w/index.php?title=Каникул&oldid=496859»-ысь басьтэмын