Александров, Александр Александрович

Александр Александрович Александров
Вордӥськем дырыз	25-тӥ коньывуонэ 1919({{padleft:1919|4|0}}-{{padleft:10|2|0}}-{{padleft:25|2|0}})
Вордӥськем интыез	Гольцово, Бежица уезд, Тверь губерния, РСФСР
Кулэм дырыз	26-тӥ пӧсьтолэзе 2010({{padleft:2010|4|0}}-{{padleft:7|2|0}}-{{padleft:26|2|0}}) (90 лет)
Кулэм интыез	Ижкар, Удмурт Элькун, Россия
Кун	СССР СССР → Россия Россия
Тодос удысэз	удмурт но урал промышленностьлэн, наукалэн но техникалэн, лулчеберетлэн историез
Учёной степенез	история наукаосъя кандидат
Учёной званиез	доцент
Данъетъёсыз

Алекса́ндр Алекса́ндрович Алекса́ндров (25-тӥ коньывуонэ 1919, Гольцово^[d], Бежица уезд^[d], Тверь губерния^[d], РСФСР — 26-тӥ пӧсьтолэзе 2010, Иж) — совето но росси тодосчи, историк но шаерчи, дышетӥсь. История наукаосъя кандидат (1958), доцент. 1965-тӥ арысен — СССР-ысь Наукаосъя академилэн философияя но естествознанилэн но техникалэн историезъя йӧскалык комитетысь ёзчиез. Удмурт Элькунысь калыкез дышетон удысысь дано ужась (1996). Быдӟым Атыкай оже пыриськем мурт.

Александровлэн эскеронъя валтӥсь темаосыз пӧлын вал удмурт но урал промышленностьлэн, наукалэн но техникалэн историезлы, Пугачёв кивалтэм улсын Удмуртиын пуромем Крестьян ожлы сӥзем юанъёс. Ижкарысь историкъёс пӧлысь огез нырысетӥез лыдъяське.

Улон сюресэз

Пичи но егит дырыз

Вордӥськиз Тверь губерниысь Бежица уездысь Гольцово гуртысь крестьян семьяын. Сизьым аръем школаез йылпумъямез бере Ленинградэ выжиз, татысь сваркая техникумын дышетскиз. 1939-тӥ арын сое Горд армилэн радъёсаз басьтӥзы, Быдӟым Атыкай ожлэн нырысетӥ нуналъёсысеныз фронтын рядовой вал. Уйпал но Волхов фронтъёсын немец фашист захватчикъёсын ожмаськиз 7-тӥ танковой дивизиысь 315-тӥ автотранспортной батальонын, котыртэме шедьылӥз. 1942-тӥ арын пӧсьтолэзе, пехота пумитэ пуктэм мина пуштэмен, Александр Александровлэн бур пыдыз сӧсырмиз, таин валче пӧсьтолэзьысен куарусёнозь эмъяськиз Кузонысь 2783 номеро эвакогоспитальын. Азьланяз службазэ азинтыны ярантэм лыдъямын вал, инвалидность сётӥзы.

Дышетскемез

1942-тӥ арын куарусёнэ Александров пыриз Кузон кун университетысь историяя но филологияя факультетлэн историяя ёзэтаз. Вузэз йылпумъямез бере распределениен Иже вуиз но Педагогикая удмурт кун институтысь историяя факультетын ассистент луыса тыршыны кутскиз, нош 1948-тӥ арысен 1950-тӥ арозь ини деканлэсь ужзэ быдэсъяз.

1957-тӥ арын Ленинград кун университетысь историяя факультетысь аспирантураез йылпумъяса, Александр Александров «Иж завод» нимо (ӟуч: Ижевский завод) наукая лыдӟымон очерксэ поттӥз, нош 1958-тӥ арын «Иж завод (1760-тӥ—1917-тӥ аръёс)» темая кандидат диссертацизэ утиз.

Наукая но педагогикая ужез

Пӧртэм аръёсы Александров СССР-ысь историяя кафедраын (1982-тӥ арысен — революцилэсь азьвыл атыкай историяя кафедра) ассистент, бадӟымез дышетӥсь, доцент, деканлэсь ужзэ быдэсъяз луыса ужаз, историяя но филологияя (историяя) факультетлэн деканэз, УдГУ-ысь историяя музейлэн директорез, УдГУ-ысь Дышетонъя, наукая но лулчеберетъя историлэн центрысьтыз валтӥсь утись вал. Со аслаз студентъёсызлы «Империализм вакытысь СССР-лэн историез», «Удмурт АССР-лэн историез», «Наукалэн но техникалэн историез», «Историяя шаертодон» но мукет курсъёсты дасяз но лыдӟиз.

Котьма ке но со понна нырысетӥ интыын вал наука. Со удмурт но урал промышленностез азинтонэн, тужгес но — корт но ожтӥрлык поттонэз азинтонэн, наукалэн но техникалэн историенызы герӟаськем юанъёсын тунсыкъяськиз. Уноез наукая ужъёсыз сӥземын вал Пугачёвлэн ӝутскемезлы но удмуртъёслэн отчы пыриськемзылы, озьы ик Удмуртилэн мерлыко но политикая историезлы.

Наукалы но обществолы туж тунсыко луо солэн историын бадӟым пытьы кельтэм тодмо адямиос сярысь эскеронъёсыз. Озьы трос статьяоссэ Александров сӥзиз тодмо оружейник Фёдор Токаревлы, химик Вера Богдановскаялы, партийной ужась Ефим Бабушкинлы но трос мукетъёсызлы. Тужгес но тодмо луиз солэн андан ӵыжатонъя ӟуч усточи сярысь «Семён Иванович Бадаев» нимо монографиез, сое 1971-тӥ арын Мускоын печатлазы.

Мерлыко ужез

Александр Александров туж мыло-кыдо но ужась адями вал. 1942-тӥ арысен 1949-тӥ арозь со ВЛКСМ-лэн ёзчиез вал, нош 1950-тӥ арын шуркынмонэ ВКП(б)-лэн радъёсаз пыриз. Озьы ик быдэс Союзысь политикая но наукая тодон-валанъёсты вӧлмытонъя обществолэн (Знание), СССР-ысь ДОСААФ-лэн ужъёсаз пыриськиз, Россиысь историяя но лулчеберетъя синпелетъёсты утёнъя обществолэн Удмурт Элькунысь ёзаз мыло-кыдо тыршиз, УдГУ-ысь первичной организациезлэн тӧроез, обществолэн элькун ёзэтаз пропагандая секцилэн тӧроез луыса, историяя, кун пуш но палэнысь политикалэн ужпумъёсызъя республикаысь предприятиосын но огазеяськонъёсын лекциос лыдӟылӥз.

Кулонэз

Александр Александров 2010-тӥ арын 26-тӥ пӧсьтолэзе Ижкарын улонысь кошкиз.

Валтӥсь библиографиез

Александр Александров — 7 книгаослэн но 200-лэсь ятыр наукая статьяослэн авторез, соос пӧлын кӧня ке кузя гожтэмъёсыз но вань:

• Александров А. А. Ижевский завод. — Ижевск: Удмурт. кн. изд-во, 1957. — 128 с.
• Александров А. А. Семён Иванович Бадаев. — М.: Наука, 1971. — 120 с.
• Александров А. А. В борьбе и труде. — Ижевск: Удмуртия, 1972. — 99 с. — 3000 экз.
• Крестьянская война под предводительством Емельяна Пугачёва в Удмуртии / Удмурт. науч.-исслед. ин-т истории, экономики, лит. и яз. при Совете Министров Удмурт. АССР, Удмурт. отд-ние Всерос. о-ва охраны памятников истории и культуры; сост., авт. предисл. А. А. Александров; редкол.: М.А. Садаков (отв. ред.) и др.. — Ижевск: б. и., 1974. — 354 с. — 1000 экз.
• Александров А. А. Первомайский район / Администрация Первомайского р-на г. Ижевска. — Ижевск: Удмуртия, 2001. — 135 с. — 5000 экз. — ISBN ISBN 5-7659-0081-Х.

Данъетъёсыз но дано нимъёсыз

• «1941-тӥ—1945-тӥ аръёсы Быдӟым Атыкай ожын Германиез вормем понна» медаль (1946);
• РСФСР-ысь калыкез югдытон удысысь отличник (1967);
• Быдӟым Атыкай ожысь II степенё орден (1985);
• Жуковлэн медалез (1995);
• Удмурт Элькунысь калыкез дышетон удысысь дано ужась (1996);
• юбилей медальёс.

Валэктонъёс

Литература

• Александров Александр Александрович // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 176. — 768 с. — 2200 экз. — ISBN 978-5-7659-0486-2.

Чӧлсконъёс

• Александров Александр Александрович [ӟуч]