Туризм но куно пумитан (йӧскалык проект)

Википедиысь материал

«Туризм но куно пумитан» йӧскалык проект (ӟуч: Национа́льный прое́кт «Тури́зм и гостеприи́мство») — Россилэн йӧскалык проектъёсыз пӧлысь одӥгез, кутскемын 2021-тӥ арын, выльдэмын 2024-тӥ арын. Экономикаын турист удысэз ӝутон но 2030-тӥ арозь турист поездкаослэсь лыдзэс 140 миллионозь вуттон — проектлэн валтӥсь ужпумез луэ[1].

Историез

Нырысь-валысь проект «Туризм но куно пумитан индустрия» шуыса нимаськиз. Со кылдытэмын вал 2020-тӥ арын, COVID-19  [ӟуч] (удм. вӧлмон вакытэ. Россилэн президентэз Владимир Путин сое умоен лыдъяз[2]. Улонэ пыӵатыны кутскемын 2021-тӥ арын[3].

Солэн инъетаз куинь кичӧлтон пусъемын:

  • Турист инфраструктураез азинтон,
  • Турист услугаосты паськыт вӧлмытон,
  • Туризм удысын кивалтонлэсь ӟечлыксэ ӝутон[4].

2022-тӥ арын коньывуон толэзе Россилэн президентэзлэн косэтэзъя со йӧскалык проектэз кылдытӥсь ведомство — Туризмъя федерал агентство  [ӟуч] (удм. (Ростуризм) быдтэмын вал. Солэн ужез Экономикаез азинтонъя министерстволы сётэмын[5]. Йӧскалык проектлэн кураторез азьвылэз ик кельтэмын — вице-премьер Дмитрий Чернышенко.

Азьнапал йылпумъянъёс

«Туризм но куно пумитан индустрия» проект 2024-тӥ ар пумаз быдэстэмын. Со арын ик шуркынмон толэзе Чернышенко, огъя йылпумъянъёс лэсьтыкуз, со проектэз быдэстон понна федерал коньдэтысь 200 млрд манет висъямын вал шуыса пусйиз:

Вань показательёсъя ӟеч динамика чаклаське. Кылсярысь, 2020-тӥ арын кун пушкын турпоездкаослэн лыдзы 45 млн ке вал, 2023-тӥ арын со 84 млн луиз. 2024-тӥ ар пумозь 92 млн луоз шуыса малпаськом.

Проектлэн тужгес кулэ решениосыз пӧлысь со гостиницаос возись туроператоръёсты но соослэсь услугаоссэс 2027-тӥ арозь дуныз борды ватсам налоглэсь (НДС) мозмытонэз но 2030-тӥ арозь гостиницаослы нулевой НДС-эз азьланьтонэз пусйиз[6].

Нацпроект кутсконаз азинлыко антикризисной инструмент вал шуыса ивортӥз Максим Решетников

Проектлэсь быдэсмемзэ дунъяса, экономикаез азинтонъя министр Максим Решетников тодэ вайытӥз, нырысь кутсконаз ик проект антикризисной инструмент вал шуыса. Со удыслы коронавирус пандемиен кылдэм шуг-секытъёсты вормыны юрттӥз:

Кутэм ужрадъёслы луыса, удысэз утем гинэ ӧвӧл, инфраструктураез азинтонъя планъёсты улонэ пыӵатыны луонлык кылдӥз. Гостиницаос пуктонъя капчиятэм кредитъёс но модульной гостиницаослы субсидиос сётонъя программаос ужаны кутскизы. Шаерамы туризм ӝоггес азинскыны кутскиз. Ужбергатон будӥсь кулэяськонъёсъя ужаны кутскиз: будӥзы инвестициос. 2024-тӥ арлэн нырысетӥ палараз 377 миллиард манет поттэмын, кылем арын та вакытэн ӵошатыса, со 60%-лы тросгес[7].

Проект сярысь

Выльдэмез йӧскалык проект «Туризм но куно пумитан» шуыса нимамын, со пушкы вить федерал проект пыртэмын:

  • Номерной фонд кылдытон,
  • Зарезь курортъёс,
  • Кунлэн туризм ласянь синмаськымон луэмез,
  • Кадръёс,
  • Туризмлы промышленность ласянь юрттон[1].

Йӧскалык проект 2030-тӥ арозь чакламын. Президент туризмлэсь люкетсэ ВВП-ын 5 %-тозь будэтыны ужпум пуктӥз[8].

Валтӥсь ужрадъёс

Экономикаез азинтонъя министерстволэн йӧскалык проектэз улсын, Максим Решетников верамъя, валтӥсь саклык висъяське снабжениез азинтонлы — улон интыос кылдытон но паськытатон, туристъёслы тунсыко луись выль интыос усьтон[7]. Кылсярысь, куасэн бызьылонъя курортъёс, аквапаркъёс но быдэс ар ӵоже ужась шутэтскон паркъёс. 59 сюрс выль номеръёс кылдытыны, нош шутэтскон интыосы арлы быдэ 23 миллион адями ветлоз шуыса чакламын[1]. Со сяна, озьы ик чакламын:

  • Быдэс ар ӵоже ужась зарезь курортъёс кылдытон — Росси Федерацилэн 9 субъектъёсаз 11 проект: 72 сюрслэсь трос выль номеръёс но 80 сюрслэсь трос ужан интыос.
  • Модульной улон интыос кылдытон — 10 сюрс выль номеръёс.
  • Росси Федерациысь субъектъёслы событийной ужрадъёс ортчытон, каръёслэсь исторической центръёссэс умоятон, пляжъёсты но турмаршрутъёсты азинтон но некапитальной причал инфраструктура кылдытон понна огъя субсидия сётон, со туристъёслэсь мынон-ветлонзэс 7,4 миллионлы йылэтыны кулэ.
  • Туризм удысысь 57 ужъюртъёсын «Шыръясь производство» ӧръя ужлэсь пайдалыксэ будэтонъя проектъёс.
  • Учебно-методической комплексъёс кылдытон но туризмъя но куно пумитан удысъя кадръёсты дасян (студентъёслэсь лыдзэс 53 сюрсозь вуттон)[1].

Проектэз быдэстонэз дунъян

2021-тӥ арын толсуре президент Владимир Путин йӧскалык проектлэсь быдэсмемзэ курлаз. Чиновникъёс висъям уксёлэсь 83,1 %-зэ кутэмзы сярысь отчёт сётӥзы, нош уксёлэн бадӟым люкетэз зэмос ужъёсты быдэстэм интые (инфраструктураез но объектъёсты пуктон), «Туризм.рф» корпорацилэн уставной капиталаз взнос интые келямын (кылдытэмын 2020-тӥ арын толсуре, премьер-министрлэн Михаил Мишустинлэн косэмезъя, внутренней но въездной туризмез азинтон понна). Соин валче, валтӥсь ужъёс 51 %-лы гинэ быдэстэмын[9].

Валэктонъёс

  1. ↑ 1 2 3 4 Основные показатели и мероприятия национального проекта «Туризм и гостеприимство» [ӟуч]
  2. ↑ Путин поддержал разработку нацпроекта по туризму, Коммерсантъ (16 шуркынмонэ 2020). Эскеремын: 26 тулыспалэ 2025 арын.
  3. ↑ Интерфакс-Туризм Путин поручил кабмину обеспечить нацпроект по развитию туризма финансированием до 2030 года
  4. ↑ Национальныепроекты.рф Туризм и индустрия гостеприимства
  5. ↑ Путин упразднил Ростуризм. Что важно знать, РБК. Эскеремын: 26 тулыспалэ 2025 арын.
  6. ↑ В России одобрили паспорт нового национального проекта «Туризм и гостеприимство» - Газета.Ru | Новости, Газета.Ru. Эскеремын: 26 тулыспалэ 2025 арын.
  7. ↑ 1 2 Дмитрий Чернышенко: Положительная динамика есть по всем показателям нацпроекта «Туризм и индустрия гостеприимства» [ӟуч]
  8. ↑ Представлена структура обновленного нацпроекта «Туризм и гостеприимство» до 2030 года, Lenta.RU. Эскеремын: 26 тулыспалэ 2025 арын.
  9. ↑ Вести Путин о туристическом нацпроекте: деньги пошли не на реальную работу
«https://udm.ruwiki.ru/w/index.php?title=Туризм_но_куно_пумитан_(йӧскалык_проект)&oldid=506695»-ысь басьтэмын