Таначев, Василий Александрович

Василий Александрович Таначев
Василий Александрович Таначев
Вордӥськем дырыз	1-тӥ южтолэзе 1924
Вордӥськем интыез	Сарапул ёрос, Сарапульский округ[d], Урал область (РСФСР), РСФСР, СССР;
Кулэм дырыз	29-тӥ коньывуонэ 1943 (19 арес)
Кулэм интыез	Петровский район[d], Кировоградская область[d], Украин ССР, СССР;
Кунмуртлыкез	СССР
Ожмаськонъёс/ожъёс	Быдӟым Атыкай ож;
	Медиафайлъёс РувикиМедиа пушкын

Василий Александрович Таначев (1924—1943) — Степной фронтысь 7-тӥ гвардейской армиысь 225-тӥ гвардейской стрелковой полкысь стрелковой взводлэн командирез. Гвардиысь покчи лейтенант. Совето Союзысь Герой.

Улон сюресэз

Вордӥськиз 1924-тӥ арын 1-тӥ южтолэзе (мукет ивортодэтъя — 8-тӥ южтолэзе) Савино гуртын (али — Удмуртиысь Сарапул ёросысь Ершовка черкогурт) ӟуч крестьян семьяын^[1]^[2].

Пичи дыръяз анай-атаеныз Кострома улосэ улыны выжиз. Будӥз но дышетскиз Гольши гуртын (али Шарья карлэн оглюкетэз). 1941-тӥ арын инвожое басьтӥз 7 классэз йылпумъямез сярысь свидетельство. Быдӟым Атыкай ож кутскемен ужаны кутскиз нюлэсэз шур кузя лэзёнын^[1]^[2].

1942-тӥ арын коньывуонэ Горд армие басьтэмын но Воткае эвакуировать карем ожгар училищее дышетскыны келямын. 1943-тӥ арын тулыс йылпумъяз Ленинградысь ожгар пехотной училищеез. Таначев покчи лейтенантэз 78-тӥ гвардейской стрелковой дивизие пулемётной взводэ командире юнматӥзы. Пыриськиз Курск оже но Левобережной Украинаез мозмытонэ.

Висъяськиз Днепр вамен выжон дыръя но бур палысьтыз плацдармез паськытатонъя ожъёсын.

1943-тӥ арын 24-тӥ куарусёнэ гвардиысь покчи лейтенант Таначев нырысьёсыз пӧлын Домоткань черкогурт дортӥ Днепр шур вамен выжиз. Ожгарчиос шур дурысь укреплениосысь немецъёсыз уллязы но плацдармез киултӥзы. Взвод пулемёт тылэн нырысетӥ отрядлы сюресэз сузяз.

25-тӥ куарусёнэ тушмонъёс контратакае ӝутскизы. Гвардеецъёс пулемётъёсын нуналскын 13 атакаосты палэнтӥзы. Взводлэн командирез Таначев быгатыса валтӥз пулемётчикъёсты, кык пол сӧсырмиз. Куке одӥг пулемёт дорысь валтӥсез ожгарчи быриз, Таначев ачиз, виясь вирез шоры учкытэк, пулемёт доры султӥз но тушмонэз ыбылӥз. Снарядъёссы бырем бере Таначев куинь пол гвардеецъёсты киын ожмаськонэ ӝутылӥз. Ожгарчиос плацдармзэс возизы но 40 пала тушмон солдатъёсты но офицеръёсты быдтӥзы. Ньылетӥзэ сӧсырмемез бере гинэ командирез ож бусыысь поттӥзы^[3].

СССР-ысь Вылӥ Кенешлэн президиумезлэн 1943-тӥ арын 26-тӥ коньывуонэ поттэм косэтэзъя Днепр вамен выжон но бур палысьтыз плацдармез паськытатон дыръя возьматэм мужествоез но дӥсьтӥсь луэмез понна гвардиысь покчи лейтенантлы Василий Александрович Таначевлы Совето Союзысь Герой ним сётэмын.

Но данъетсэ со басьтыны ӧз вутты. Косэт потэм бере куинь нунал ортчыса, 1943-тӥ арын 29-тӥ коньывуонэ, гвардиысь лейтенант Таначев Кировоград улосысь Петрово ёросын ожмаськонын быриз^[1].

Ленин орденэн пусъемын.

Ватэмын берпуметӥ ожмаськон интыяз вынлыко шайгуын^[1].

Буре ваён

Геройлэсь нимзэ нулло Шарья кар кенешысь Ветлужский каргуртысь ульча но Шарья карысь 7 номеро школа.
Россиысь военно-исторической общество Шарья карысь 7 номеро школалэн юртэз борды (отын дышетскиз Таначев) буре ваён пул шуккиз.
Озьы ик Геройлэн нимыз пусъемын Ижысь Ялан ӝуась тыл дорысь буре ваён пул вылын но Сарапул ёросысь Ершовка черкогуртысь Граждан но Быдӟым Атыкай ожъёсын быремъёслы сӥзем обелискын^[2].

Валэктонъёс

↑ ¹ ² ³ ⁴ «Дороги войны»: загадка гибели лейтенанта Таначева Северная правда
↑ ¹ ² ³ Таначев Василий Александрович Герои Отечества
↑ «Дороги войны»: загадка гибели лейтенанта Таначева — Газета «Северная правда» [ӟуч] Эскеремын 2020-04-09 арын

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Голубев Е. П. Боевые звёзды. — Ярославль: Верх.-Волж. кн. изд., 1972.
Зубарев С. П. В боях за Родину. — Ижевск, 1990. — С. 262.
Кузнецов Н. С. Таначев Василий Александрович // Великой славы светлая память / Н. С. Кузнецов. — Ижевск, 2012. — С. 345.
Таначев Василий Александрович // Наши земляки: Герои Советского Союза, Герои Российской Федерации, Полные кавалеры ордена Славы. — Ижевск, 1995. — С. 172.
Таначев Василий Александрович (08.03.1924-29.10.1943) // Сарапул: эпоха Великой Отечественной. — Сарапул, 2010. — С. 102.
Утовин Б. И. Через все испытания. М.: Воениздат, 1986.
Черных А. Ф. Отважный командир взвода // Сарапульский район. История и современность / А. Ф. Черных. — Сарапул, 2000. — С. 167—169.

[:0-1] ¹ ² ³ ⁴ «Дороги войны»: загадка гибели лейтенанта Таначева Северная правда

[:1-2] ¹ ² ³ Таначев Василий Александрович Герои Отечества

[3] «Дороги войны»: загадка гибели лейтенанта Таначева — Газета «Северная правда» [ӟуч] Эскеремын 2020-04-09 арын

[1]

[2]

[3]