Семёнов, Иосиф Ефимович

Рувикиын таӵе фамилиен мукет муртъёс сярысь гожтосъёс вань. Учке: Семёнов.

Иосиф Ефимович Семёнов
Вордӥськем нуналыз	9-тӥ куартолэзе 1924({{padleft:1924|4|0}}-{{padleft:5|2|0}}-{{padleft:9|2|0}})
Вордӥськем интыез	Туймыйыл, Можга утем, Вотской АО, РСФСР, СССР
Кулон нуналыз	20-тӥ оштолэзе 2003({{padleft:2003|4|0}}-{{padleft:4|2|0}}-{{padleft:20|2|0}}) (78 лет)
Кулэм интыез	Туймыйыл, Алнаш ёрос, Удмурт Элькун, Россия
Кунмуртлыкез	СССР СССР → Россия Россия
Ужудысэз	колхозлэн тӧроез
Данъетъёсыз

Иосиф Ефимович Семёнов (9-тӥ куартолэзе 1924, Туймыйыл, Удмурт Автономной Советской Социалистической Республика — 20-тӥ оштолэзе 2003, Туймыйыл, Удмурт Элькун) — совето вакытысь гурт удысэз валтӥсь, мерлыко ужась, политик. 1950—1980-тӥ аръёсы — Удмуртиысь Алнаш ёросысь «Прогресс» колхозлэн тӧроез. УАССР-ысь Вылӥ Кенешлэн 5-тӥ ӧтчамысьтыз депутат.

Социалистической Ужысь Герой (1966). Алнаш ёрослэн дано муртэз (1967). Удмурт Элькунлэн дано муртэз (2000). Быдӟым Атыкай оже пыриськем мурт.

Улон сюресэз

Иосиф Ефимович Семёнов вордӥськиз 1924-тӥ арын 9-тӥ куартолэзе Вотской автономной областьысь Можга уездысь Туймыйыл гуртын. Сизьым аръем школаез йылпумъямез бере, 1938-тӥ арын куарусёнэ 14 арескысеныз ужаны ӧдъяз Туймыйыл сельсоветысь «Социализм» колхозын счетовод луыса.

1942-тӥ арын гудырикошконэ Алнаш ёрос военкомат Горд армилэн радъёсаз кутӥз, 1943-тӥ арын оштолэзёзь со Ленинградысь 3-тӥ пехотной училищелэн курсантэз лыдъяськиз, ож вакытэ дышетсконни Удмурт АССР-ысь Воткаын интыяськылӥз. Училищеез йылпумъямез бере младшой лейтенант Семёнов взводлэн командирез чотын 1-тӥ Украинской фронтэ ыстэмын вал. 1943-тӥ арын 6-тӥ куарусёнэ Сумской улосысь Дмитровка черкогуртэз штурмен басьтыкузы, пуля пыртӥз потэмен, эвакогоспитальёсын эмъяськиз, отӥяз 1944-тӥ арын южтолэзе тазалыкез лябӟемен запасэ келязы но вордскем палъёсаз берытскиз. 1944-тӥ арын Вишур гуртысь «Кузили» колхозын счетовод луыса тыршиз, нош ар пумын сое Туймыйыл сельсоветысь депутатъёслэн исполкомзылы тӧрое юнматӥзы.

1950-тӥ арын пӧсьтолэзе «Трактор» колхозлы (1963-тӥ арысен — «Прогресс») ужасьёслэн огъя кенешазы председателе быръемын, соин 30 ар ӵоже вошъяськытэк кивалтӥз, колхозэз Алнаш ёросын но быдэс Удмуртиын экономика ласянь юн но кужмо хозяйствоос радэ ӝутӥз. 1962-тӥ арын, производстволэсь люкиськылытэк, Сарапулысь гурт удысъя техникумез «Агрономия» специальностья йылпумъяз.

СССР-ысь Вылӥ Кенешлэн Президиумезлэн 1966-тӥ арын 30-тӥ куартолэзе кутэм указэзъя, «шундыберган, етӥн, кенэм, зумыт но мукет техника культураосты будэтонэз но поттонэз йылтэмез понна но вормонъёс басьтэмез понна» Семёнов Иосиф Ефимовичлы Социалистической Ужысь Герой ним сётӥзы, Ленин нимо орденэн но «Серп и Молот» зарни медален сӥлы каризы.

Гурт удысэз азинтэм сяна, мерлыко улонэ но политикае мыло-кыдо пыриськиз. УАССР-ысь Вылӥ Кенешлэн 5-тӥ ӧтчамысьтыз депутат вал (1959—1962), кӧня ке пол бырйиськылӥз райкомлы но КПСС-лэн райкомысьтыз бюрое ёзчие, ёрос но сельсовет кенешъёсысь депутатэ, колхоз парткомлы ёзчие.

Кун Кенешлэн Тӧроезлэн 2000-тӥ арын 24-тӥ коньывуонэ кутэм 602-II номеро пуктэтэныз Иосиф Ефимович Семёновлы Удмурт Элькунысь дано кунмурт ним сётэмын.

Данъетъёсыз

• Ленин нимо орден (1966);
• Октябрь Революцилы сӥзем орден (1971);
• Горд Кизили орден (1983);
• Атыкай ожысь II степенё орден (1985);
• «Ужын висъяськемез понна» орден (1958);
• «Ӟеч ужамез понна. В. И. Ленинлэн вордскемез дырысен 100 арез пусъён» медаль (1970);
• СССР-ысь Вылӥ Кенешлэн Президиумезлэн Данъян грамотаез;
• Удмурт АССР-ысь Вылӥ Кенешлэн Президиумезлэн куинь Данъян грамотаез.

Валэктонъёс

Литература

• Семёнов Иосиф Ефимович // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 609. — 768 с. — 2200 экз. — ISBN 978-5-7659-0486-2.