Савин, Николай Семенович

Николай Семёнович Савин
Николай Семёнович Савин
Вордӥськем дырыз	8-тӥ гудырикошконэ 1917
Вордӥськем интыез	Крымская Слудка черкогурт, Кизнер ёрос, Удмуртия
Кулэм дырыз	23-тӥ южтолэзе 1944 (26 арес)
Кулэм интыез	Ямполь ёрос (Винница улос)
Кунмуртлыкез	СССР
Кыӵе войскоез	Бронетанковой но механизированной войскоос
Служить карон аръёсыз	1941-1944
Званиез
Частез	8-тӥ нимаз гвардейской танковой прорывной полк
Интыужез	танклэн командирез
Ожмаськонъёс/ожъёс	Быдӟым Атыкай ож
	Медиафайлъёс РувикиМедиа пушкын

Николай Семёнович Савин (1917-тӥ арын 8-тӥ гудырикошконэ Кизнер ёросын — 1944-тӥ арын 23-тӥ южтолэзе Украинаын) — гвардиысь лейтенант, Быдӟым Атыкай оже пыриськем мурт, Совето Союзлэн Героез (1944).

Улон сюресэз

Вордӥськиз 1917-тӥ арын 8-тӥ гудырикошконэ Крымская Слудка черкогуртын (али — Удмуртиысь Кизнер ёрос). Старые Ятчи школаысь сизьым классэз йылпумъямез бере, нюлэс техникумын дышетскиз. Собере лесотехник луыса ужаз^[1]. 1941-тӥ арын куарусёнэ Горд Армие басьтӥзы, отысен Челябинскысь танковой училищее дышетскыны ыстӥзы. 1942-тӥ арын соез йылпумъяз но со арын ик шуркынмонысен Быдӟым Атыкай оже пыриськиз^[2]. Фронтэ вуэм бераз ик Сталинград котырысь ожъёсы шедиз^[3].

1944-тӥ арын южтолэзёзь гвардиысь лейтенант Савин 2-тӥ Украин фронтысь 2-тӥ танковой армилэн 3-тӥ танковой куорпуслэн 8-тӥ отдельной гвардейской танковой прорывной полклэн танкезлэн командирез вал ини. Украин ССР-ысь Черкас улосэз мозмытыку, геройлыко ожмаськеменыз висъяськиз. 1944-тӥ арын 9-тӥ южтолэзе выжон уе Савинлэн экипажез ваньмызлэсь азьпал Умань каре пыриз но сое омозмытон ожъёсы пыриськиз, кӧня ке тушмон атакаосты пазьгиз, 600 пала автомашинаоссэ но кӧня ке магазейёссэ киултӥз. 10-тӥ южтолэзе Южный Буг шур вамен выжон палан Савин юлтошъёсыныз тушмонлэсь танксэ но самоходной артиллерийской орудизэ пушкытӥз но шур вамен потӥз. 17-тӥ южтолэзе экипаж ваньмызлэсь азьпал Ямполь каре пырыса, кык тушмон орудиез быдтӥз но Днестр шурез выжон пала потӥз. 18-тӥ южтолэзе огаз ожмаськонын тушмон снаряд пырак Савинлэсь танказ вуиз. Ӝуась машинаез кысыны выронъяз, ачиз секыт сӧсырмыны шедиз. Вить нунал ортчыса, госпитальын кулӥз. Ватэмын Украинаын Винница улосын Ямполь ёросысь Дзыговка гуртын^[2].

Данъетъёсыз

СССР-ысь Вылӥ Кенешлэн Президиумезлэн 1944-тӥ арыын 13-тӥ куарусёнэ гожтэм Косэтэзъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» гвардилэн лейтенантэзлы Николай Савинлы кулэмез бере Совето Союзлэн Героез ним сётэмын. Атыкай ожлэн 1-тӥ степенё но Ленин орденъёсын но медален данъетамын^[2].

Буре ваён

Савинлэн нимыз Кизнерысь одӥгезлы ульчалы но Крымской Слудкаысь школалы сётэмын^[2].
Совето союзлэн Героезлэн нимыз Ижкарысь Ялан ӝуась тыл азьысь мемориал стелаын гожтэмын^[3].

Валэктонъёс

↑ Герои Отечества. Савин Николай Семенович
↑ ¹ ² ³ ⁴ Николай Семенович Савин [ӟуч] «Герои страны» сайт.
↑ ¹ ² [https://izdania.unatlib.ru/heroes/vdata/g069.html Национальная библиотека Удмуртской Республи. Савин Николай Семенович]

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои-освободители Черкасщины. — Днепропетровск: Промінь, 1980.
ГСС, ГРФ, ПКОС — наши земляки. — Ижевск, 1995.
Кулёмин И. Г. Героев наших имена. Ижевск, 1975.

[1] Герои Отечества. Савин Николай Семенович

[wh-2] ¹ ² ³ ⁴ Николай Семенович Савин [ӟуч] «Герои страны» сайт.

[НБУ-3] ¹ ² [https://izdania.unatlib.ru/heroes/vdata/g069.html Национальная библиотека Удмуртской Республи. Савин Николай Семенович]

[1]

[2]

[3]