Ожмегов, Григорий Фёдорович

Рувикиын таӵе фамилиен мукет муртъёс сярысь гожтосъёс вань. Учке: Ожмегов.

Григорий Фёдорович Ожмегов
Вордӥськем дырыз	2-тӥ оштолэзе 1911({{padleft:1911|4|0}}-{{padleft:4|2|0}}-{{padleft:2|2|0}})
Вордӥськем интыез	Ботаниха[d], Глаз утем, Ватка губерния, Росси империя[d]
Кулэм дырыз	23-тӥ куарусёнэ 1944({{padleft:1944|4|0}}-{{padleft:9|2|0}}-{{padleft:23|2|0}}) (33 года)
Кулэм интыез	Сату-Маре[d], Румыния
Кунмуртлыкез	СССР СССР
Кыӵе войскоез	пехота[d]
Служить карон аръёсыз	1944
Званиез
Частез	278-тӥ гвардейской стрелковой полк 93-тӥ гвардейской стрелковой дивизия
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Григо́рий Фёдорович Ожме́гов (1911-тӥ арын 2-тӥ оштолэзе Ватка губерниысь Ботаниха гуртын — 1944-тӥ арын 23-тӥ куарусёнэ Румыниын) — Быдӟым Атыкай оже пыриськем мурт, Совето Союзлэн Героез (1945, кулэмез бере).

Улон сюресэз

Вордӥськиз 1911-тӥ арын 2-тӥ оштолэзе Ватка губерниысь Глаз уездысь Ботаниха гуртын (али дыре — Удмуртиысь Красногорье ёрос) крестьян семьяын. Сизьым классъем школаез йылпумъямез бере, Воткалась машина лэсьтон заводэ ужаны интыяськиз. Комсомол огазеяськонлэн дэмламезъя Пермьысь кун университетэ инженер-геологлы дышетскыны пыриз. 1936-тӥ арын, дышетсконзэ йылпумъяса, Татарстанысь геологи трестын ужаз, собере — Грозный карын, 1940-тӥ арысен — Украин ССР-ысь одӥгаз геологи трестын. Быдӟым Атыкай ож кутскыку, со Киевын ужаз.

Быдӟым Атыкай ож

Киевез тушмон киултэм бере, Ожмегов партизан отрядэ пыриськиз но подрывникъёслэн группаязы ожмаськиз. 1943-тӥ арын, Киевез мозмытэм бере, Киев улосысь Ракитное райвоенкомат Ожмеговез Горд Армие басьтӥз, сое соку ик 2-тӥ Украин фронтысь 27-тӥ армилэн 93-тӥ гвардейской стрелковой дивизилэн 278-тӥ гвардейской стрелковой полклэн взводэзлы командире пуктӥзы. Корсунь-Шевченковской наступательной, Бухарестско-Арадской наступательной, Ясско-Кишинёвской но мукет операциосы пыриськиз. Бурпал ярдур Украинаез но Уманез мозмытон понна ожмаськиз, Южный Буг, Днестр, Прут шуръёсты ожъёсын потӥз.

Подвигез

1944-тӥ арын 22-тӥ куарусёнэ Румыниысь Агриш черкогурт котырын Сату-Маре жудецын вырйылэз киултон понна ожъёс мыныку, гвардилэн сержантэз Ожмегов, тушмон укреплениос пала лушкем матэктыса, солэн огневой точкаосаз ыбылыны но гранатаос зӥръяны кутскиз. Озьы асьме роталы наступление потыны луонлык кылдытӥз. Со ыбылӥськонын Ожмегов ачиз кык пол сӧсырмыны шедиз, озьы ке но, ротазэ азьпал валтӥз, ачиз берпум шокчытозяз тушмон шоры ыбылӥз, 2 станковой пулемётэз но ог кызё пала немец солдат-офицерез быдтӥз, тямыссэ пленэ басьтӥз. Вырйыл асьмелэнъёсын киултэмын вал. Секыт сӧсырмем Григорий Ожмеговез медсанбатэ нуизы, отын со 23-тӥ куарусёнэ басьтэм яраослэсь кулӥз.

1945-тӥ арын 24-тӥ южтолэзе СССР-ысь Вылӥ Кенешлэн Президиумезлэн Косэтэзъя Ожмегов Григорий Фёдоровичлы кулэмез бере Совето Союзлэн Героез ним сётэмын. СССР-ысь обороная министрлэн 1959-тӥ арын 30-тӥ толсуре гожтэм Косэтэзъя солэн нимыз пыраклы пыртэмын 110-тӥ гвардейской полклэн лыдметаз.

Ватэмын Риметя гурт дорын, Турда карлэсь лымшор-ӝытшор палагес.

Данъетъёсыз

• «Зарни Кизили» медаль (24 марта 1945-тӥ ар24-тӥ южтолэзь, 8821-тӥ номер)
• Ленин орден.

Буре ваён

Г. Ожмеговлэн бюстэз, Красногорское черкогурт

• Григорий Ожмеговлэн бюстэз Вотка карысь но Красногорское черкогуртысь Геройёслэн Аллеяязы пуктэмын.
• Пермь кун университетлэн юртаз буре ваён пул юнматэмын, мукетыз — Ботаниха гуртысь вордӥськем юртаз.
• Солэн нимыз Ижын Ялан ӝуась тыл дорысь Совето Союзлэн Геройёсызлы сӥзем стелаын гожтэмын.
• 2010-тӥ арын 23-тӥ оштолэзе Г. Ожмеговлэн нимыз Курьялась школалы сётэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Ожмегов Григорий Фёдорович // Удмуртская республика: Энциклопедия / гл. ред. В. В. Туганаев. — Ижевск: Удмуртия, 2000. — С. 526. — 800 с. — 20 000 экз. — ISBN 5-7659-0732-6.

Чӧлсконъёс

• Информация на сайте Память народа