Маев, Сергей Александрович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Маев.
Сергей Александрович Маев
MaevSergey.jpg
Флаг
Россиысь ДОСААФ-лэн тӧроез
2009-тӥ арын 28-тӥ оштолэзе — 2014-тӥ арын 17-тӥ толсуре
Элькунлэн тӧроез Дмитрий Анатольевич Медведев
Владимир Владимирович Путин
Азьпалчиез Юрий Филиппович Камышанов
Бӧрысьчиез Александр Петрович Колмаков
Флаг
Оборон заказъя федерал службалэн директорез
Флаг
2006-тӥ арын 11-тӥ куартолэзе — 2009-тӥ арын 24-тӥ куартолэзе
Элькунлэн тӧроез Владимир Владимирович Путин
Дмитрий Анатольевич Медведев
Азьпалчиез Андрей Юрьевич Бельянинов
Бӧрысьчиез Александр Петрович Сухоруков
Флаг
Обороная министерстовлэн Валтӥсь автобронетанковой управлениеныз кивалтӥсь
Флаг
1996-тӥ арын — 2004-тӥ арын
Элькунлэн тӧроез Борис Николаевич Ельцин
Владимир Владимирович Путин
Азьпалчиез Александр Александрович Галкин
Бӧрысьчиез Владислав Александрович Полонский
Вордӥськемын 13-тӥ пӧсьтолэзе 1944(1944-07-13) (82 арес)
21-тӥ Октябрь нимо каргурт, Грак ёрос, Удмурт АССР, РСФСР, СССР
Дышетскемез Омскысь танковой инженерной институт
Ужудысэз военный
Данъетъёсыз
Военной службаез
Служить карон аръёсыз 1961-тӥ арысен
Званиез
RAF A F8ColGen after2010h.png
генерал-полковник
Логотип РУВИКИ.Медиа Медиафайлъёс РувикиМедиа пушкын

Ма́ев Серге́й Алекса́ндрович (ворд. 1944-тӥ арын 13-тӥ пӧсьтолэзе) — совето но росси военачальник, генерал-полковник (1992). Удмурт Элькунлэн дано кунмуртэз, озьы ик Можга но Нижний Тагил каръёсысь дано мурт. Ивортодэт технологиос удысысь наукая доктор (2007), техника наукаосъя кандидат (1998), Росси Федерациысь дано ожгар специалист. «СССР-ысь Ожгар кужымъёсын Атыкай музъемез утёмез понна» орденлэн кавалерез, Горд Кизили орденлэн кык полэс кавалерез, «За заслуги перед Отечеством» IV степенё орденлэн, Данъян орденлэн но Эшъяськон орденлэн кавалеръёсыз[1][2].

Улон сюресэз

Статс-секретарь — РФ-ысь обороная министрлэн воштӥсез Н. А. Панков но Россиысь ДОСААФ-лэн тӧроез С. А. Маев

С. А. Маев Удмурт АССР-ысь Грак ёросысь 21-тӥ Октябрь нимо каргуртын Александр Сергеевич но Наталья Ивановна ужасьёслэн семьяязы вордӥськиз[3][4].

Шор ёзо школаысь берпуметӥ классъёссэ вордскем палъёсызлэсь кыдёкын йылпумъяз — нырысь Котловка гуртын, собере Грак черкогуртын. 6-тӥ классысен сборной командаосын куасэн бызьылонъя вань ӵошатсконъёсы пыриськылӥз. Элькун ӵошатсконъёсын бадӟымъёс пӧлын спортъя 2-тӥ разряд басьтӥз. Умой дышетскиз. Техникаен тунсыкъяськиз но танкист луон сярысь малпалляз[5].

Пичи дырысеныз ваньмон дырзэ лесопунктлэн гаражаз ортчытъяз, со хозяйствоын 1950-тӥ аръёслэн шоразы усьтӥськиз, татчы ньыль трелёвочной тракторъёсты вуттэмзы бере. Бӧрысь газогенератор автомобильёс кылдӥзы. Пиналъёсты бодаз кыскись мукетыз инты — со кебит вал. Маевъёс понна атаезлэн «Иж-49» мотоцикл басьтэмез бадӟым шумпотон луиз[5].

1961-тӥ арын пӧсьтолэзе Омскысь танково-технической училищее  [ӟуч] (удм. дышетскыны пыриз. Дышетскон висказ спорт ӵошатсконъёсы пыриськылӥз. Маев курсант училищелэн сборнояз пыртэмын вал. Нырысетӥ таукаронзэ гарнизонлэн первенствояз куасэн бызьылонын вормемез понна басьтӥз, 1964-тӥ арын Сибирь военной округлэн сборноезлэн командаяз шедиз.

Училищеез йылпумъямез бере Германиысь совето войскоослэн группаязы ыстэмын вал. Службазэ нуиз роталэн командирезлэн техника понна кылкутӥсь воштӥсез луыса.

1967-тӥ—1972-тӥ аръёсы Совето Союзысь Маршал Р. Я. Малиновский нимо бронетанковой войскоосъя ожгар академиын  [ӟуч] (удм. старшой лейтенант званиын дышетскиз. 1972-тӥ—1975-тӥ аръёсы Мускоысь ожгар округлэн 4-тӥ гвардейской Кантемировской танковой дивизияз танковой батальонлэн командирезлэн техника понна кылкутӥсь воштӥсез, танковой полклэн командирезлэн техникая воштӥсез луыса службазэ нуиз.

Тодон-валанзэ Совето Союзысь Маршал Р. Я. Малиновский нимо бронетанковой войскоосъя ожгар академилэн инженер составен кивалтон факультетаз будэтӥз, сое 1978-тӥ арын йылпумъяз. Дышетскемез бере 60-тӥ Севско-Варшавской танковой дивизилэн техникая командирлэн воштӥсез — техникая частьлэн кивалтӥсез вал, отӥяз Мускоысь ожгар округлэн 4-тӥ гвардейской Кантемировской танковой дивизиезлэн командирлэн техника люкетэзъя воштӥсез — техникая кивалтӥсез вал.

1982-тӥ—1984-тӥ аръёсы Ожгар кужымъёслэн Генерал штабзылэн К. Е. Ворошилов нимо ожгар академиын  [ӟуч] (удм. дышетскиз. Академиез йылпумъяса, 5-тӥ гвардейской танковой армилэн командующиезлэн вооружениея воштӥсез луиз, отӥяз Белорус ожгар округысь 28-тӥ огъя войсковой армилэн командующиезлэн воштӥсез луиз.

1985-тӥ арын Афганистанысь Демократической Республикае службазэ азьланьтыны ыстэмын, ожтӥрлыкъя 40-тӥ армилэн командирезлэн воштӥсез — ожтӥрлыкъя кивалтӥсь луиз (Туркестан ожгар округ). Нимысьтыз ожгар ужрадын 40-тӥ огъя войсковой армиын техникаез радъямез понна Горд Кизили кык орденэн пусйизы, генерал-майор звание сётӥзы.

1987-тӥ арын Закавказьеысь ожгар округысь войскоослэн командующизылэн вооружениея воштӥсез — округлэн вооружениея кивалтӥсе юнматэмын. 1989-тӥ арын СССР-ысь Обороная министерствоысь валтӥсь бронетанковой управленилэн кивалтӥсезлэн воштӥсез — радъян но чаклан управленилэн кивалтӥсез луиз. Та дыр ӵоже Горд Кизили кык орденэн пусъемын, генерал-майор звание сётэмын.

1989-тӥ арысен — Сухопутной войскоослэн Главнокомандующийзылэн вооружениея воштӥсез — вооруженилэн кивалтӥсез луиз. 1996-тӥ арысен — РФ-ысь Обороная министерстволэн валтӥсь автобронетанковой управлениезлэн кивалтӥсез. 1999-тӥ арысен Ожгар кужымъёсысь ожтӥрлыкез но ожгар техникаез уже кутонъя кивалтӥсь — РФ-ысь Обороная министерстволэн валтӥсь автобронетанковой управлениезлэн кивалтӥсез луиз.

1992-тӥ арын генерал-полковник званиен пусъемын.

2004-тӥ—2006-тӥ аръёсы — Кун комитетлэн обороная заказъёсъя тӧроезлэн 1-тӥ воштӥсез, 2006-тӥ—2009-тӥ аръёсы —Обороная заказъёсъя федерал службалэн директорез[3]. Рособоронзаказлэн директорез луыса карьеразэ йылпумъятозяз, яке умойтэм, яке чакламтэ 10 млрд манетлэсь трос кутэм коньдон кунлы берыктэмын вал. Со сяна, ракетной но бронетанковой техникая, ожгар герӟетъя (связья) но кивалтонъя разработкаослы коньдон висъян пумысен дэмланъёс сётӥз, оглом обороная кун заказэз кылдытыны но дыраз радъяны рос-прос ӵектонъёс сётӥз.

2009-тӥ арын Россиысь ДОСААФ-лэн  [ӟуч] (удм. тӧроез луиз. 2009-тӥ—2014-тӥ аръёсы солэн кивалтэмез улсын огазеяськонлэсь азьвыл ыштэм ваньбурзэ берыктон понна бадӟым уж лэсьтэмын, материально-технической базаез выльдэмын, егитъёс пӧлын ожгар патриотизмез гажан мылкыд пыӵатон вылысь паськыт ужрадъёс ортчытэмын. Улосъёсын егитъёслы военно-патриотической визьноданъя центръёс кылдытэмын.

2015-тӥ арысен та дырозь РФ-ысь ГНЦ-лэн «НАМИ» ФГУП-лэн нимысьтыз проектъёссэ быдэсъясь директор луэ.

2016-тӥ арысен — ФАС-лэн обороная кун заказъя экспертной кенешлэн тӧроез.

Ивортодэт технологиосъя удысысь наукая доктор (2007), техника наукаосъя кандидат (1998), РФ-ысь Дано ожгар ӧнерчи, Удмуртиысь, озьы ик Нижний Тагил но Можга каръёслэн дано кунмуртсы. Маев сюлмаськемен, Можгаын, Можга но Грак ёросъёсын дун-чылкыт Николай Чудотворецлы сӥзем черк но ожгар комиссариат пуктэмын. Озьы ик со «Можга» авиаклублы юрттэт сётэ[1].

Калык ужез

8 ар ӵоже Сергей Маев Мускоысь Удмурт землячествоен кивалтӥз, татысь кивалтонысь кошкемез бере, огазеяськонлэн дано тӧроез луэ[5][2].

Ас улонэз

Кышнояськемын, пиез но нылз вань[4].

Ваньмон дыръяз чорыга, пӧйшура, классика произведениосты лыдӟе[4].

Россиысь ДОСААФ-лэн ЦК-лэн тӧроез Маев С. А. усьтэ Россиысь ДОСААФ-лэсь «Россилэн адӟоназ — мынам адӟонэ» автопробегзэ

Данъетъёсыз

Кун данъетъёс
  • «Горд Кизили» орден (1986);
  • «Горд Кизили» орден (1987);
  • «СССР-ысь Ожгар кужымъёсын Атыкай музъемез утёмез понна» III степенё орден, № 6650 (1975);
  • «За заслуги перед Отечеством» IV степенё орден, № 1614 (2000);
  • Данъян орден, № 18437 (2010);
  • Эшъяськон орден (2014);
  • «Ожгар заслугаос понна» орден (1995).
РФ-ысь обороная министр С. К. Шойгу но Россиысь ДОСААФ-лэн ЦК-лэн тӧроез С. А. Маев
Улосвыл данъетъёс
  • Иван Калита нимо орден (13.07.2009)[6];
  • «Удмурт Элькунлэн дано кунмуртэз» ним (УР-ысь Президентлэн 2011-тӥ арын 31-тӥ коньывуонэ юнматэм 209 номеро указэз)[7];
  • «Удмурт Элькунысь промышленность удысысь дано ужась» дано ним (2004).
Ведомственной данъетъёс
  • «Росси Федерациысь транспорт удысысь дано ужась» гадьпус, № 4247 (1999);
  • «Ожгар доблесть понна» 1-тӥ степенё медаль (2000);
  • «Росси Федерациысь Кышкытлыкъя Кенеш» гадьпус (2003);
  • «Бронетанковой вооружениез но техникаез лэсьтэмез понна» гадьпус (2004);
  • «Рособоронзаказысь дано ужась» отличия пус (2006);
  • «Дано Уралвагонзаводовец» гадьпус, дано ним (2011);
  • «Мугорез кыдатон культураез но спортэз азинтэмез понна» гадьпус (2014).
Наукая данъетъёс
  • Ракета но артиллерияя наукаосъя Росси академиысь корреспондент ёзчилэн дипломез (№ 258-ЧК);
  • Мускоысь финансово-юридической университетлэн дано профессорезлэн дипломез (№ 7-5/1) (2014).

Сӥлы карон

2019-тӥ арын Сергей Маевлэсь нимзэ Можгалась 10 номеро школалы сётӥзы, ӵапак татын 2003-тӥ арын солэн кичӧлтэмезъя кадет классъёс но ожгар автомобилистлэн клубзы усьтэмын вал. Сӥё-дано ужрадэ ачиз генерал-полковник пыриськиз[3][1][8].

Валэктонъёс

  1. ↑ 1 2 3 Имени Маева Сельская новь.
  2. ↑ 1 2 Маев Сергей Александрович [ӟуч] КаЛенДарь | Знаменательных и памятных дат Удмуртии.
  3. ↑ 1 2 3 Елена Перевощикова Имя генерал-полковника Сергея Маева присвоили школе в Удмуртии ИА "Удмуртия".
  4. ↑ 1 2 3 Виктор Худолеев Генерал-полковнику Сергею Маеву – 70! [ӟуч] Объединение ветеранов войн и Вооруженных Сил Главного автобронетанкового управления Министерства обороны Российской Федерации.
  5. ↑ 1 2 3 Три академии генерала Маева ИА "Удмуртия".
  6. ↑ Постановление Губернатора Московской области от 13.07.2009 № 88-ПГ «О награждении Маева С. А. Орденом Ивана Калиты»
  7. ↑ Почётные граждане Удмуртской Республики
  8. ↑ Можгинской школе №10 присвоено имя генерал-полковника Сергея Александровича Маева Известия Удмуртской Республики.

Чӧлсконъёс

Литература

  • Козлов М. М. Колыбель генерала Маева. — Ижевск, 2004. — 93 с.
  • Удмуртская Республика: энциклопедия. — Ижевск, 2008. — C. 458.
«https://udm.ruwiki.ru/w/index.php?title=Маев,_Сергей_Александрович&oldid=507415»-ысь басьтэмын