Логинов, Аркадий Петрович

Рувикиын таӵе фамилиен мукет муртъёс сярысь гожтосъёс вань. Учке: Логинов.

Аркадий Петрович Логинов
Вордӥськем дырыз	12-тӥ шуркынмонэ 1921(1921-11-12)
Вордӥськем интыез	Поздеево, Глаз уезд, Вотской автономной область, РСФСР
Кулэм дырыз	24-тӥ пӧсьтолэзе 1987(1987-07-24) (65 арес)
Кулэм интыез	Армавирын, Краснодар шаер, РСФСР, СССР
Кунмуртлыкез	СССР СССР
Кыӵе войскоез	авиация
Служить карон аръёсыз	1940—1946, 1951—1972
Званиез
Частез	91-тӥ гвардейской штурмовой авиационной полк]]
Ожмаськонъёс/ожъёс	Быдӟым Атыкай ож  • Днепр понна ожмаськон
Данъетъёсыз

Аркадий Петрович Логинов (вордӥськиз 1921-тӥ арын 12-тӥ шуркынмонэ Глаз ёросын —1987-тӥ арын 24-тӥ пӧсьтолэзе Армавирын) — военной лётчик, Быдӟым Атыкай оже пыриськем мурт, Совето Союзлэн Героез.

Улон сюресэз

Вордӥськиз 1921-тӥ арын 12-тӥ шуркынмонэ Глаз уездысь Поздеево гуртын ӟуч крестьян семьяын. Сизьым классъем школаез йылпумъямез бере, Глазкарысь Гурт возёсъя техникуме дышетскыны пыриз. Огвакытэ ик планерной секциын дышетскиз. Собере Ижысь аэроклубын дышетскиз. 1939-тӥ —1940-тӥ аръёсы Вотка заводын слесарь луыса ужаз. 1940-тӥ арын армие басьтӥзы. Отысен Балашовоысь пилотъёсты дасянъя военно-авиационной школае ыстӥзы.

1942-тӥ арын толсур толэзьысен фронтэ шедиз. 5-тӥ штурмовой авиационной корпуслэн 91-тӥ но 235-тӥ гвардейской штурмовой авиаполкъёссэн пушпӧлазы Калининской, 1-тӥ но 2-тӥ Украин фронтъёсын ожмаськиз. Белгородско-Харьковской направлениысь ожъёсы пыриськиз, тушмонлэсь 6 танксэ, 2 дзотсэ но 3 артиллерийской батареязэ быдтӥз.

Днепр вамен ожъёсын потыку, сэзь луэменыз висъяськиз: 1943-тӥ арын 8-тӥ толсурысен 12-тӥ толсурозь Киевлэсь уйпалангес 52 пол азинлыко боевой лобанъёсы потаз. 5 нунал куспын 12 тушмон танкез, немец ожгарчиосын но боеприпасъёсын тырмытэм 24 автомашинаез, 3 магазеез, 4 артиллерийской батареяез, 6 вагонэз но 1 паровозэз пушукытӥз. 1944-тӥ арын 4-тӥ тулыспалэ, Умань карлэсь аэродромзэ пушкытыку, Логиновлэн звеноез 8 тушмон самолётэз быдтӥз. Омыр ожын ачиз 2-сэ но группаен валче 3-зэ немец самолётэз быдтӥз. 1945-тӥ арын, командованилэсь заданиоссэ ӟеч быдэсъямез понна, Совето Союзлэн Героез дано нимын пусъемын.

Озьы ик Польшаез но Венгриез мозмытон ожъёсы пыриськиз. Тылож бырыку, Австриын вадьсаськиз. Ваньзэ-ӧвӧлзэ 260 пол боевой лобанъёсы потаз. Атыкай ож йылпумъяськем бере, 1946-тӥ арозь службазэ СССР-лэн Ожгар-Омыр кужымъёсаз азьланьтӥз. 1951-тӥ арын выльысь армие басьтӥзы. Со вакыт ик Военно-Воздушной академиын дышетскиз, 1956-тӥ арын сое йылпумъяз. 1969-тӥ—1972-тӥ аръёсы Армавирысь авиацияя вылӥ военной училищелэн штабеныз кивалтӥз.

1972-тӥ арысен гвардилэн полковникез Логинов запасэ лэземын. Улӥз Краснодар шаерысь Армавир карын. Секыт весостроения «Весоизмеритель» заводын кадръёсъя директорлэн воштӥсез луыса ужаз. Улонысь кошкиз 1987-тӥ арын 24-тӥ пӧсьтолэзе. Ватэмын Армавирын.

Данъетъёсыз

• «Зарни Кизили» медаль (1945-тӥ арын 23-тӥ тулыспалэ гожтэм Косэт, 2283-тӥ номер);
• Ленин орден;
• Горд Знамялэн куинь орденэз;
• Атыкай ожлэн I степенё орденэз;
• Атыкай ожлэн II степенё орденэз;
• Горд Кизили орден;
• медальёс.

Буре ваён

Геройлэн бюстэз пуктэмын Глазкарын но Вотка карын Геройёслы сӥзем аллеяын. Нимыз пырак азелы гожтэмын Глазкарысь 2-тӥ номеро школаын дышетскисьёслэн лыдметазы. Озьы ик Ижкарын Ялан ӝуась тыл азьысь Совето Союзлэн Геройёсызлы сӥзем стелаын пыртэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Кулемин И. Г. Героев наших имена. — Ижевск, 1975.
• Герои Советского Союза, Герои Российской Федерации, полные кавалеры ордена Славы — наши земляки. — Ижевск, 1995.
• Сонина Р. М. Дорогой отцов-героев. — Ижевск, 1995.
• Говорит память. — Глазов, 2004.
• Кузнецов Н. С. Славы воинской творцы. — Ижевск, 2009. — С. 185.

Чӧлсконъёс

• Логинов Аркадий Петрович Информационный сайт по Ижевску, Удмуртской республике. Эскеремын 2012-11-05 арын

• Логинов Аркадий Петрович Книги Удмуртии. Эскеремын 2012-11-06 арын