Краев, Владимир Павлович

Владимир Павлович Краев
Владимир Павлович Краев
Вордӥськем дырыз	18-тӥ пӧсьтолэзе 1921
Вордӥськем интыез	Лекма[d], Слободской ёрос, Ватка губерния, РСФСР;
Кулэм дырыз	10-тӥ тулыспалэ 1944 (22 года)
Кулэм интыез	Витебск ёрос[d], Белорус ССР, СССР;
Кунмуртлыкез	СССР
Кыӵе войскоез	бронетанковой войскоосын
Служить карон аръёсыз	1940—1944
Званиез
Частез	143-тӥ танковой бригада
Ожмаськонъёс/ожъёс	Быдӟым Атыкай ож

Влади́мир Па́влович Кра́ев (1921-тӥ арын 18-тӥ пӧсьтолэзе Лекма гуртын (Киров улос Слободской ёрос) — 1944-тӥ арын 10-тӥ тулыспалэ Витебск кар палан (Белорус ССР Витебск улос) — Быдӟым Атыкай оже пыриськем мурт, танклэн командирез, Совето Союзлэн Героез (кулэмез бере).

Улон сюресэз

Вордӥськиз 1921-тӥ арын 18-тӥ пӧсьтолэзе Лекма гуртын (Киров улосысь Слободской ёрос) ужасьёслэн семьяязы. Выжыезъя ӟуч. Анаез — Алевантина Николаевна Князева. Краевъёслэн семьязы кӧня ке дыр ӵоже Нагорскын улӥз, собере Удмуртие улыны кошкиз. Улӥз, дышетскиз но ужаз татысь Сарапул, Иж но Вотка каръёсын. Воткаын ик 7 классэз йылпумъямез бере машиностроительной техникумын дышетскиз, собере машина поттон заводын машинист луыса ужаз.

1940-тӥ арын Горд Армие басьтӥзы. 1943-тӥ арын Харьковысь танковой училищеез йылпумъяз. Тулыспал толэзьысен Калинин фронтын 4-тӥ ударной армилэн 143-тӥ танковой бригадаезлэн 259-тӥ танковой батальоназ ожмаськиз. 1943-тӥ арын сӥзьыл Псков улосэз мозмытон ожъёсын сэзь луэменыз висъяськиз.

1943-тӥ арын 6-тӥ коньывуонэ Невель ёросысь Расседенье, Большая Будница но Жуково гуртъёс котырысь тушмон оборонаез пазьгыкузы, лейтенант Краевлэн экипажез тушмонлэсь противотанковой пушказэ но куинь огневой точказэ пушкытӥз. 10-тӥ коньывуонозь солэн танкез передовой отряд пӧлын, ожъёсын 40 иськемез ортчиз, 15 улон интыосты мозмытонэ пыриськиз. Марченки гурт котырын кык час ӵоже тушмон гарнизонэн ожмаськиз. Тушмонлэсь 2 противотанковой пушказэ но 5 пулемётсэ быдтӥз, 2 автомашинаоссэ киултӥз, Германие нуыны поттэм 170 пала совето гражданъёсты мозмытӥз. 4 нунал куспын 40 иськемез ортчиз, фашистъёсын киултэм 15 улон интыез мозмытӥз. Сӧсырмыса пумозяз ожмаськиз. Совето Союзлэн Героез нимын данъетамын.

1944-тӥ арын 2-тӥ тулыспалысен 10-тӥозь 259-тӥ танковой батальонлэн адъютантэз старшой лейтенант Краев азьпал радысь чаклан пунктэ юнматэмын вал. Герӟетэз вис карытэк возиз, азьпал радысь частьёсы дыраз горюче-смазочной материалъёс но боеприпасъёс вуттылӥз, танк ожмаськонэн кивалтӥз. 1944-тӥ арын 10-тӥ тулыспалэ Витебск пала мынонын одӥгаз ожын старшой лейтенант Краев, тушмон снаряд улэ сюрыса, бырыны шедиз. Кулэмез бере пусъемын Атыкай ожлэн I степенё орденэныз (1944-тӥ арын 6-тӥ южтолэзе^[1]).

Данъетъёсыз

«Зарни Кизили» медаль (1944-тӥ арын 4-тӥ инвожое, кулэмез бере).
Ленин орден (1944-тӥ арын 4-тӥ инвожое, кулэмез бере).
Атыкай ожлэн I степенё орденэз (1944-тӥ арын 6-тӥ южтолэзе, кулэмез бере).

Буре ваён

Геройлэн нимыз Кировысь мемориал пул вылын, Пионер Дворецлэн парказ

Геройлэн нимыз Киров улосын вордӥськем Совето Сорюзлэн Геройёсыз мемориал пул вылэ пыртэмын, Кировысь Пионер Дворецлэн парказ.
Геройлэн нимыз зарниям букваосын гожтэмын Быдӟым Атыкай ожлы сӥзем Шор музейлэн Данлыко бӧлетаз, Москваысь Вормон паркын.

Геройлэн шайгу вылаз синпелет пуктэмын.
Ватэмын Витебск улосысь Старое Село гуртын.
Ижысь кар кенешлэн исполкомезлэн решениезъя 1965-тӥ арын 28-тӥ оштолэзе азьвыл Прасов пролкалы Владимир Краевлэн нимыз сётэмын^[2].

Валэктонъёс

↑ Приказ бронетанковым и механизированным войскам 4-й ударной армии 1-го Прибалтийского фронта № 08/Н от 6 марта 1944 года. ОБД «Подвиг Народа».
↑ Национальная библиотека Удмуртской Республики. Краев Владимир Павлович

Литература

Воткинск. Летопись событий и фактов. — Устинов, 1985;
Письма огненных лет. — Устинов, 1985;
Герои Советского Союза, Герои Российской Федерации, полные кавалеры ордена Славы — наши земляки. — Ижевск, 1995.
Кузнецов Н. С. Славы воинской творцы. — Ижевск, 2009. — С.159.

Чӧлсконъёс

[1] Приказ бронетанковым и механизированным войскам 4-й ударной армии 1-го Прибалтийского фронта № 08/Н от 6 марта 1944 года. ОБД «Подвиг Народа».

[2] Национальная библиотека Удмуртской Республики. Краев Владимир Павлович

[1]

[2]