Кеосаян, Тигран Эдмондович

Википедиысь материал
Тигран Кеосаян
арм. Տիգրան Քեոսայան
Кеосаян Тигран Эдмондович.jpg
Вордскыкуз сётэм нимыз Тигран Эдмондович Кеосаян
Вордӥськем нуналыз 4-тӥ толшоре 1966({{padleft:1966|4|0}}-{{padleft:1|2|0}}-{{padleft:4|2|0}})
Вордӥськем интыез Москва, РСФСР, СССР
Кулэм нуналыз 26-тӥ куарусёнэ 2025({{padleft:2025|4|0}}-{{padleft:9|2|0}}-{{padleft:26|2|0}}) (59 лет)
Кулэм интыез
Кунмуртлыкез
Ужудысэз актёр, кинорежиссёр, сценарист, клипмейкер, телепередачаосты нуись, телепродюсер, театральной режиссёр
Карьераез 1992 — н. в.
Данъетъёсыз Росси Федерациысь искусство удысысь дано ужась
IMDb ID 0449085
Логотип РУВИКИ.Медиа Медиафайлъёс РувикиМедиа пушкын

Тигра́н Эдмо́ндович Кеосая́н (4-тӥ толшоре 1966, Муско — 26-тӥ куарусёнэ 2025, Муско) — телевидениын но киноын шудӥсь совето, росси но армян актёр, кинорежиссёр, сценарист, продюсер, видеоклипъёс пуктӥсь режиссёр, телепередачаосты нуись. Совето кинорежиссёрлэн но сценаристлэн Эдмонд Гарегинович Кеосаянлэн пиез (1936—1994).

Улон сюресэз

Тигран Кеосаян вордӥськиз 4-тӥ толшоре 1966 арын Москваын, кинематографистлэн семьяяз[1]. Атаез — кинорежиссёр Эдмонд Кеосаян (1936—1994), «Неуловимые мстители» тодмо совето фильмлэн режиссёрез. Анаез — актриса Лаура Геворкян (ворд. 1939). Выжыезъя — армянин.

1983-тӥ арын шор ёзо школаез йылпумъяз но «Мосфильм» киностудие ужаны интыяськиз[1].

1984-тӥ арын Кинематографияя Огъясоюзной кун институтлэн (ВГИК) режиссёрской ёзэтаз дышетскыны пыриз, Игорь Васильевич Таланкинлэн мастерскояз дышетскиз[1]. Аресэз тырмыса, армиын срочной службазэ ортчиз[1]. Арми бере вузын дышетсконзэ азьланьтӥз. Соин ӵош одӥг курсын дышетскизы: Александр Баширов, Фёдор Бондарчук, Рената Литвинова но Иван Охлобыстин.

1987-тӥ арысен киноысь эпизодъёсын шудылӥз.

1992-тӥ арын нырысетӥзэ быдэс метражъем «Катька и Шиз» нимо фильмзэ пуктӥз.

1993-тӥ арын Давид выныныз ӵош «Gold Vision» студия кылдытӥзы. Отын ӵош дышетскем эшеныз Фёдор Бондарчукен крезьгуро но рекламной видеоклипъёс пуктылӥзы[2]. Ирина Аллегрова, Михаил Шуфутинский, Игорь Саруханов, Наталья Ветлицкая — росси шоу-бизнесысь тодмо муртъёсын кусыпъяськиз[1]. Берлогес клипмейкерствоен выронлэсь палэнскыса, зэмос кино пуктон уж борды басьтӥськиз[3].

1998-тӥ арын[4] Кинематографияя С. А. Герасимов нимо Огъяросси кун институтэз йылпумъяз (ВГИК) (СССР-ысь калык артистлэсь Юрий Николаевич Озеровлэсь курссэ). ВГИК-ын дышетскыкуз «Солнечный берег» нимо нырысетӥзэ художественной фильмзэ пуктӥз, кыстӥськемезъя со 18 минут. Драма сӥземын «дедовщинаез» чидамтэеныз армиысь пегӟем солдатлы. Та картинаын шудӥз Фёдор Бондарчук[1].

Кеосаян уката тодмо луиз «Бедная Саша» лирической выль ар комедиез (1997-тӥ ар, валтӥсь рольёсын Александр Збруев но Вера Глаголева[5]), но «Мужская работа» приключенческой телесериал (2001-тӥ ар, ГРУ-ысь спецназлэн Чечняын военнорй служба нуэмез сярысь[6][7]) пуктэмез бере.

2000-тӥ арын куартолэзе «Gold Vision» «Видео Интернешнл»[8] продюсерской центрен огазеяськиз, озьы кылдӥз «Студия 2В»[9]. Кеосаян вынъёс та компаниын 2004-тӥ арозь ужазы, пӧртэм сериалъёсты но фильмъёсты продюсировать карылӥзы.

2003-тӥ но 2004-тӥ аръёсы Кеосаян «Россия» телеканалын мынӥсь «Народный артист» крезьгуро проектлэн жюриез вал.

2007-тӥ арысен телепередачаосты нуэ. 2007-тӥ арын южтолэзьысен 2009-тӥ арын шуркынмонозь[10] — «РЕН ТВ» каналын «Вечер с Тиграном Кеосаяном» авторской ток-шоуэз нуись[11] (берло — «…с Тиграном Кеосаяном») . 2007-тӥ арын толсуре со каналын ик Эвелина Блёдансэн парен «Новый год наоборот» выль ар шоуэз нуизы[12]. «РЕН ТВ» каналлэн концепциез воштӥськемен, «Национальная Медиа Группа» (НМГ) холдинглэн решениезъя Кеосаян телеканалысь палэнтэмын вал[13].

2009-тӥ арысен 2010-тӥ арозь нырысетӥ кузпалыныз Алёна Хмельницкаяен ӵош «Россия» телеканалын тодмо муртъёслэн семья улонзы сярысь «Ты и я» телешоуэз нуизы[14].

2009-тӥ арын толсурысен 2010-тӥ арын толсурозь — «ДТВ» телеканаллэн исполнительной продюсерез[15]. 2010-тӥ арын 18-тӥ толшорысен 31-тӥ куартолэзёзь — со каналын ик «Горячий вечер с Тиграном Кеосаяном» авторской ток-шоуэз нуись[16]. Кеосаян ужан вакытэ телеканалын таӵе программаос кылдытэмын вал: «Разрушители пословиц», «Департамент собственной безопасности»[17], «Дорожные войны»[18] но «Улётное видео по-русски», озьы ик «Однажды в милиции» но «Невидимки» сериалъёс[19].

2011-тӥ арын Кеосаян кӧнялы ке «РЕН ТВ» каналэ берытскиз. 2011-тӥ арын 7-тӥ шуркынмонысен 23-тӥ толсурозь — «Хватит молчать!» ток-шоуэз нуись[20]. Та программа ворсаськем бере Кеосаян ньыль ар ӵоже телепередачаос бордын ӧз ужа но экранъёс вылэ ӧз пота[21]. Быдэсак кинобизнес удысэ выжыса[22], выльысь "Голд Вижн"студиязэ улӟытӥз .

2014-тӥ арын 3-тӥ — 4-тӥ коньывуонэ «Каренина. Живое издание» театрализованной онлайн-лыдӟонъёсы пыриськиз[23].

2016-тӥ арын 3-тӥ куарусёнысен — «НТВ» телеканалын ӝыт мынӥсь «Международная пилорама» сатирической шоуэз нуись; программалэн тематикаез — дунне политикаысь югдурез серем пыр возьматон[24][25][26].

2008-тӥ[27] но 2010-тӥ аръёсын Кеосаян кык инфарктэз чидаз.

2025-тӥ арын 8-тӥ толшоре комае усиз[28]. 2025-тӥ арын 26-тӥ куарусёнэ улонысь кошкиз[29].

Семьяез но ас улонэз

Атаез — Эдмонд Кеосаян (9-тӥ коньывуонэ 1936 — 21-тӥ оштолэзе 1994), кинорежиссёр, сценарист. Анаез — Лаура Геворкян (Кеосаян) (ворд. 28-тӥ толшоре 1939), театрын но киноын шудӥсь актриса.

Выныз — Давид Кеосаян (10-тӥ оштолэзе 1961 — 19-тӥ коньывуонэ 2022), киноактёр, кинорежиссёр, сценарист но продюсер.

Племянницаез — Лаура Кеосаян (ворд. 8-тӥ тулыспалэ 1982), актриса театрын но киноын шудӥсь актриса.

Кусып возиз Наталья Ветлицкаяен, со вакытэ ик «Посмотри в глаза» кырӟанэзлы Фёдор Бондарчукен ӵош клип гожтӥзы[30].

Нырысетӥ кузпалыз (1993-тӥ арысен 2014-тӥ арозь) — Алёна Хмельницкая (ворд. 12-тӥ толшоре 1971), театрын но киноын шудӥсь актриса, телепередачаосты нуись. Кузпалъяськизы 1993-тӥ арын[14]. Кызь одӥг ар ӵоже ӵош улон куспазы кык ныл вордӥзы: Александра (ворд. 1994) но Ксения (ворд. 7-тӥ пӧсьтолэзе 2010)[31]. Люкиськизы 2014-тӥ арын[32][33].

Кыкетӥ кузпалыз (2022-тӥ арысен) — Маргарита Симоньян (ворд. 6-тӥ оштолэзе 1980), журналист, «RT» но МИА «Россия сегодня» телеканалъёслэн валтӥсь редакторзы. Ӵош уло 2012-тӥ арысен. Куинь нылпизы[33]: нылзы Марьяна (ворд. 12-тӥ гудырикошконэ 2013)[34], пизы Баграт (ворд. 27-тӥ куарусёнэ 2014)[32], пичиез нылзы Маро (вор. 19-тӥ коньывуонэ 2019)[35].

Санкциос

2022-тӥ арын 28-тӥ тулыспалэ Тигран Кеосаян Европа союзлэн санкциосын лыдметаз пыртэмын (ЕС)[36][37]. 2022-тӥ арын 4-тӥ южтолэзьысен — Швейцарилэн санкциосын лыдметаз[38]. 2022-тӥ арын 15-тӥ южтолэзьысен Великобританилэн санкциосын лыдметаз пыртэмын[39][40]. 2022-тӥ арын 25-тӥ южтолэзе Австралиысь Кунсьӧр ужъёсъя но вузкаронъя министерство Тигран Кеосаянлы автономной санкциос ялӥз[41]. 2022-тӥ арын 27-тӥ оштолэзе Казахстанысь Кунсьӧр ужъёсъя министерство Тигран Кеосаянэз Казахстан Элькунэ пырыны лэзьымтэ муртъёслэн лыдметазы пыртыны малпамез сярысь ивортӥз. Кӧня ке нунал талэсь азьпал аслаз каналаз Кеосаян Казахстанын Вормонлы сӥзем парадэз ортчытыны пумит луэмзы пумысен тазьы вераз вал «Россилэн США-лы но НАТО-лы пумитъяськоназ вынлыко кунъёслы кин пала луэмзы сярысь малпаськыны кулэ», нош Москвалы — сак луоно, кин соин, нош кин ӧвӧл"[42]. 2022-тӥ арын 24-тӥ инвожое Казахстанысь Кунсьӧр ужъёсъя министерство Кеосаянэз «пырыны лэзьымтэ муртъёслын» лыдметэ пыртӥз[43][44]. 7-тӥ пӧсьтолэзе Канадаысь Калыккуспо ужъёсъя министерство сое санкциосын лыдметэ пыртӥз[45]. 2022-тӥ арын 19-тӥ коньывуонэ Украиналэн санкциосын лыдметаз пыртэмын.

Данъетъёсыз

Творчествоез

Актёрской ужъёсыз

  • 1971 — Корона Российской империи, или Снова неуловимые — эпизод;
  • 1989 — Сталинград — совето солдат;
  • 1991 — Джокер — Ашир;
  • 2000 — Ландыш серебристый — клубе лыктэм мурт;
  • 2002 — Главные роли — Никита Бакрадзе;
  • 2005 — Любовница — Сергей;
  • 2006 — Жара — продавец цветов;
  • 2007 — Трюкачи — камео;
  • 2010 — Счастливы вместе (серия «Спасите нашу Дашу») — «Любовная любовь» сериаллэн режиссёрез;
  • 2013 — Море. Горы. Керамзит — камео;
  • 2017 — Актриса — режиссёр;
  • 2018 — Крымский мост. Сделано с любовью! — телепередачаез нуись;
  • 2024 — Семь дней Петра Семёныча[47].

Крезьгуро видеоклипъёсы пыриськемез

  • 1995 — Тигран Кеосаян София Ротарулэн «Ночной мотылёк» кырӟанэзлы гожтэм клипын шудӥз.

Режиссёрской ужъёсыз

Фильмъёс

  • 1992 — Катька и Шиз;
  • 1996 — Дела смешные, дела семейные;
  • 1997 — Бедная Саша[5];
  • 1999 — Президент и его внучка;
  • 1999 — Директория смерти;
  • 2000 — Ландыш серебристый[48];
  • 2001 — Мужская работа;
  • 2002 — Мужская работа 2;
  • 2004 — Ландыш серебристый 2;
  • 2006 — Заяц над бездной;
  • 2008 — Мираж;
  • 2011 — Ялта-45;
  • 2012 — Три товарища;
  • 2013 — Море. Горы. Керамзит[49][50];
  • 2017 — Актриса;
  • 2018 — Крымский мост. Сделано с любовью!
  • 2022 — Бессмертные[51].

Крезьгуро видеоклипъёс

  • «Посмотри в глаза» — Наталья Ветлицкая (Фёдор Бондарчукен ӵош).
  • «Белая песня» — Диана (Ирина Нельсон).
  • «Скрипка-лиса» (1997) (кырӟанлэн нырысь-валысь нимыз — «Скрип колеса»; крезьгурез — Игорь Сарухановлэн, кылъёссэ гожтӥз — Александр Новиков)[52].
  • «Соседка» — Михаил Шуфутинский.
  • «Картонные крылья любви» — «Машина времени» группа.
  • «Ты знаешь, мама» — Диана Гурцкая.
  • «Я тебя отвоюю» — Ирина Аллегрова.

Мукет ужъёсыз

  • 2000 — «Новый», спектакль.
  • 2003 — «12 стульев», мюзикл.

Сценарой ужъёсыз

  • 1996 — Дела смешные, дела семейные.
  • 2000 — Ландыш серебристый.

Продюсерской ужъёсыз

  • 2012 — Три товарища.
  • 2012 — Многодетная семья.
  • 2013 — Общага.

Тлепроектъёсы пыриськемез

  • 1998-тӥ арын Алёна Хмельницкаяен ӵош «НТВ» телеканалын «Устами младенца» телешудонэ пыриськиз.
  • 2002-тӥ арын (эфире потӥз 2003-тӥ арын 9-тӥ толшоре) «Нырысетӥ каналын» мынӥсь «Слабое звено» телешудонлэн нимысьтыз дасям выпусказ вормисе потӥз . 307 сюрс манет утэм уксёез Киноактёръёслэн гильдиязы сётэмын.
  • 2006-тӥ арын «СТС» телеканалын «Слава Богу, ты пришёл!» шоулэн 9-тӥ но 15-тӥ выпускъёсаз пыриськиз .
  • 2007-тӥ арын коньывуонэ кузпалыныз ӵош Алёна Хмельницкаяен но Александра нылынызы «Нырысетӥ каналын» «Стенка на стенку» спортивной шоуэ пыриськиз.
  • 2009-тӥ арын «Нырысетӥ каналын мынӥсь» «Прожекторперисхилтон» шоуэ ӧтем куно чотын пыриськиз.
  • 2010-тӥ арын «Видеобитвы» программаын ждюри.
  • 2010-тӥ арын шуркынмонэ кузпалыныз Алёна Хмельницкаяен «Россия» телеканалын «Десять миллионов» шоуэ пыриськиз.
  • 2014-тӥ арын «Империя иллюзий. Братья Сафроновы» шоулэн съёмкаез ортчиз, солэн яланлыко жюриез луизы Тигран Кеосаян но Дмитрий Шепелев, премьераез ортчиз 2015-тӥ арын 21-тӥ тулыспалэ «СТС» телеканалын.
  • 2016-тӥ арын «Россия-1» телеканалын «Один в один!» шоулэн ньылетӥ сезоназ жюри[53].
  • 2016-тӥ арын 31-тӥ толсуре «НТВ» телеканалын «Своя игра» программалэн выль ар выпусказ Кеосаян, каналэз нуись чотын шудонэ пыриськыса, вормисе потӥз, Сергей Малозёмовез («Чудо техники» но «Еда живая и мёртвая» программаосты нуись) но Джон Уорренэз («Поедем, поедим!» программаез нуись)[54] азьпалтӥз.

«НТВ» телеканаллэн телепроектъёсыз

  • 2015 — «Кофе с молоком»[55].
  • 2015 — «Пропаганда» Елена Милинчичен.
  • 2016 — н. в. — «Международная пилорама».
  • 2019 — н. в. — «Своя правда» Роман Бабаянэн.

Критика

2000-тӥ аръёслэн пумаз — 2010-тӥ аръёслэн кутсконаз телевизионной критика Тигран Кеосаянэз зол ӧз курла[56][57]. Солэн «дунтэм кильтыръяськонэз ӧвӧл» шуыса пусйылӥз.

Тележурналист Владимир Кара-Мурза-старший аслаз статьяяз Кеосаянэз «Международная пилорама» программаяз эфирын кутыны луонтэм кылъёс поттылэ шуыса курлаз.

2018-тӥ арын Кеосаян пумысен тазьы вераз:

Кылзэлэ, со тунсыкъяськон гинэ. Со луонлык сётӥз вераны сое, мае малпасько. Со понна тау каналлы, Лёша Земскойлы но Тима Вайнштейнлы. Со мынам тунсыке гинэ. Со мынам уже шуыса малпанлэсь Инмар мед утёз. Со вал нырысетӥез канал, кытын мон телевидение потӥ – «Ренын». Асьтэос валаськоды ук, отын копак мукет форматъёс. Отын, «Ренын», общественно-политической вал, нош татын быдэсак Comedy Channel, Джон Стюарт но мукетъёс. Со мынам тунсыке. Мынам ужудысэ – режиссёр.

2022-тӥ арын Кеосаян Казахстан пумысь претензиоссэ вераз. Кылсярысь, Кеосаян куриз «малпаськыны», кин пала дурбасьтыны, «кин пала кариськыны валасьтэмъёсты, кудъёсыз эш луисьтэм яке трос пӧртэм сигнал сёто, асьме тушмонъёс пӧлы пыртоно. Уката но экономической но иворлыко доктринаосын». Озьы ик Кеосаян пусйиз: «Украина шоры сак учке, ӟеч-ӟеч малпаське». Казахстанысь МИД солы пумитаз тазьы вазиз[58]:

Кеосаянлэн верамез росси мерлыклэсь куд-ог люкетэзлэсь но политической истеблишментлэсь малпанъёссэ возьматэ ке но, со чик но уг тупа кунъёсмылэн азьветлӥсьёсыз куспын гожтэм огкыллэн пуштросэзлы но асьме кунъёслэн кусыпъяськемзылы, сыӵе вераськонъёс саптало бускель эшъяськонмес но стратегической партнёрстволы пумитъяськисьёслы вормыны луонлык сёто. Малпасько, со Казахстанэ пырыны лэзьымтэ муртъёс пӧлы пыртэмын луоз.

Валэктонъёс

  1. ↑ 1 2 3 4 5 6 Тигран Кеосаян. Биография и фильмография Сетевое издание «Государственный интернет-канал «Россия» // russia.tv.
  2. ↑ Андрей Вульф Тигран Кеосаян: Равный среди лучших или лучший среди равных? Газета «Музыкальная правда».
  3. ↑ Юрий Геворкян Топ-10: клипмейкеры, ставшие режиссёрами. — В этом году «Социальная сеть» Дэвида Финчера числится в основных фаворитах «Оскара» Газета «Аргументы и факты» // aif.ru.
  4. ↑ Кеосаян Тигран Эдмондович. Биография, фильмография, фотографии актёра и режиссёра. Архивная копия от 23 куарусёнэ 2020 на Wayback Machine // ruskino.ru
  5. ↑ 1 2 Антон Чаркин ТВ-6 покажет «Бедную Сашу» «Коммерсантъ».
  6. ↑ Тигран Кеосаян сдерживает вулканический темперамент Газета «Аргументы и факты» // aif.ru.
  7. ↑ Тигран Кеосаян в сладком плену госзаказа Газета «Аргументы и факты» // aif.ru.
  8. ↑ Фабрика грез "Видео Интернэшнл" «Коммерсантъ».
  9. ↑ В «Студии 2В» все отечественное Газета «Труд».
  10. ↑ Тигран Кеосаян сменил «РЕН ТВ» на «ДТВ» «Акадо» // tv.akado.ru.
  11. ↑ Михаил Шабашов Тигран Кеосаян: «Иду на Вы!». — «Являясь микроскопической частичкой населения страны, я выражаю чувства и эмоции, возникающие у народа в связи с какими-то событиями…» Газета «Взгляд» // vzglyad.ru.
  12. ↑ Телевизор на закуску. С кем встречать Новый год, когда от Башмета до Моисеева - расстояние в несколько кнопок? Газета «Аргументы и факты» // aif.ru.
  13. ↑ Арина Бородина, Сергей Соболев «РЕН-ТВ» и «СТС» обменялись кадрами. — С 1 декабря новым исполнительным продюсером телеканала «ДТВ» (входит в холдинг «СТС Медиа») станет известный режиссёр и телеведущий Тигран Кеосаян «Коммерсантъ».
  14. ↑ 1 2 Елена Самойлова Тигран Кеосаян и Алёна Хмельницкая: «Семейная жизнь — не война, чтобы друг друга завоёвывать» Газета «Труд».
  15. ↑ «CTC Media» назначила Кеосаяна генпродюсером «ДТВ» Газета «Взгляд» // vz.ru. Эскеремын 2009-12-03 арын
  16. ↑ Арина Бородина Телевидение в день теракта в Москве «Коммерсантъ.
  17. ↑ Есть и честные милиционеры Комсомольская правда.
  18. ↑ ДТВ запустит «Дорожные войны» Акадо.
  19. ↑ «Мы можем всё. Но не всё сразу»: Тигран Кеосаян — о преобразованиях на канале ДТВ Российская газета.
  20. ↑ Надежда Шульга Тигран Кеосаян призывает: «Хватит молчать!» — С 7 ноября по будням на «РЕН ТВ» стартует новое ток-шоу Газета «Комсомольская правда» в Молдове // kp.md.
  21. ↑ Александр Мельман «Ты не поцеловал девушку!» — Теленеделя с Александром Мельманом Газета «Московский комсомолец» // mk.ru.
  22. ↑ Тигран Кеосаян: «Если бы я боялся сравнений с «Тегераном-43», назвал бы свой фильм по-другому». Режиссёр и ведущий рассказал о своей новой картине «Ялта-45» и объяснил, почему больше не появляется на телеэкране Комсомольская правда.
  23. ↑ «Каренина. Живое издание»: 700 человек в прямом онлайн-эфире прочитали роман Толстого [ӟуч] Официальный сайт Государственного музея Л. Н. Толстого (ГМТ) // tolstoymuseum.ru. Эскеремын 2015-09-26 арын
  24. ↑ О проекте. Продолжая успешно смешивать политику и юмор, «НТВ» запускает новый сатирический проект «Международная пилорама». — Ведущий вечернего развлекательного шоу — известный кинорежиссёр, актёр и сценарист Тигран Кеосаян. Архивная копия от 9 оштолэзе 2020 на Wayback Machine Телекомпания «НТВ» // ntv.ru (3 сентября 2016 года)
  25. ↑ Анна Афанасьева. «Мы никуда не денемся от следователей, полицейских, бандитов». — Гендиректор «НТВ» Алексей Земский об обновлении канала Архивная копия от 17 толсуре 2021 на Wayback Machine // «Коммерсантъ», 14 сентября 2016
  26. ↑ «За вас с нами и за хер с ними!» Lenta.ru. Эскеремын 2021-01-11 арын
  27. ↑ Тигран Кеосаян попал в больницу с инфарктом. — Режиссёру и телеведущему срочно сделали операцию Газета «Комсомольская правда» // nnov.kp.ru.
  28. ↑ Симоньян сообщила о клинической смерти своего мужа Тиграна Кеосаяна, РБК (09.01.2025). Эскеремын: 9 толшоре 2025 арын.
  29. ↑ Умер Тигран Кеосаян, РИА Новости (26 куарусёнэ 2025). Эскеремын: 26 куарусёнэ 2025 арын.
  30. ↑ «У меня были отношения с Наташей»: Кеосаян объяснил, почему они с Бондарчуком сняли клип Ветлицкой | STARHIT
  31. ↑ У Тиграна Кеосаяна и Алёны Хмельницкой родилась вторая дочь «РИА Новости» // ria.ru.
  32. ↑ 1 2 Елена Лаптева Тигран Кеосаян и Маргарита Симоньян назвали сына Багратом. — Режиссёр и редактор снова стали родителями Газета «Комсомольская правда». Эскеремын 2014-10-04 арын
  33. ↑ 1 2 Милена Жарова. Алёна Хмельницкая, Тигран Кеосаян и его новая жена Маргарита Симоньян устроили переполох в Ницце. Архивная копия от 15 оштолэзе 2021 на Wayback Machine Российская электронная газета «Дни.ру» // dni.ru (14 сентября 2016 года)
  34. ↑ Сусанна Альперина. «Марьяна Today». — Маргарита Симоньян родила дочь. Архивная копия от 1 толсуре 2021 на Wayback Machine «Российская газета» // rg.ru (12 августа 2013 года)
  35. ↑ У Кеосаяна и Симоньян родилась дочь Маро. Архивная копия от 27 южтолэзе 2020 на Wayback Machine // vesti.ru (19 октября 2019 года)
  36. ↑ ЕС ввёл санкции против Прилепина и Кеосаяна. Архивная копия от 8 инвожое 2022 на Wayback Machine РИА «Новости» // ria.ru (28 февраля 2022 года). Дата обращения: 8 июня 2022.
  37. ↑ Евросоюз включил в санкционные списки Скабееву, Кеосаяна и Прилепина [ӟуч] // lenta.ru.
  38. ↑ State Secretariat for Economic Affairs SECO Sanctions / Embargos [англи]
  39. ↑ Великобритания ввела санкции против российских журналистов [ӟуч]
  40. ↑ Лица кремлевской пропаганды: Маргарита Симоньян
  41. ↑ Австралия ввела санкции против 22 российских журналистов и сотрудников СМИ. — В частности, ограничения ввели в отношении Маргариты Симоньян, Тиграна Кеосаяна, Ольги Скабеевой Информационное агентство России «ТАСС» // tass.ru.
  42. ↑ МИД Казахстана пригрозил Кеосаяну запретом на въезд [ӟуч] РИА «Новости» // ria.ru.
  43. ↑ Пропагандист Тигран Кеосаян включен в Казахстане в один список с террористами, https://tobolinfo.kz (3 пӧсьтолэзе 2022).
  44. ↑ Тигран Кеосаян в Казахстане оказался в одном списке с террористами, esquire.kz (3 пӧсьтолэзе 2022).
  45. ↑ Канада ввела санкции против патриарха Кирилла и главы Роскомнадзора
  46. ↑ Указ Президента Российской Федерации от 12.04.2024 № 257 "О награждении государственными наградами Российской Федерации"
  47. ↑ На ММКФ представили фильм Тиграна Кеосаяна "Семь дней Петра Семеныча", РИА Новости (23.04.2025). Эскеремын: 26 куарусёнэ 2025 арын.
  48. ↑ Тигран Кеосаян: «Шой-бизне — это люди-клоуны». // «Огонёк» : журнал. — 2004. — 10 коньывуонэ. Архивировано 21 гудырикошконэ 2018 арын.
  49. ↑ Премьера на Первом: сериал о буднях олимпийской стройки в Сочи "Море. Горы. Керамзит" Первый канал.
  50. ↑ Почем керамзит для народа от Тиграна Кеосаяна? Вокруг ТВ.
  51. ↑ Сергей Пускепалис: Волковский театр представит в новом сезоне 9 премьер [ӟуч]
  52. ↑ Ведущий: Иван Цыбин. ВИДЕО. Программа «Утро на 5». Рубрика «Закрома Родины». Игорь Саруханов — «Скрипка-лиса». Режиссёр видеоклипа — Тигран Кеосаян. Выпуск 18 апреля 2013 года. «Пятый канал» (Санкт-Петербург) // 5-tv.ru
  53. ↑ «Один в один!»: Стоцкая растрогала Стоянова ягодичными имплантами Рианны
  54. ↑ Программа «Своя игра», специальный новогодний выпуск — 31.12.2016: Сергей Малозёмов — Тигран Кеосаян — Джон Уоррен. Архивная копия от 1 куартолэзе 2020 на Wayback Machine // svoya-igra.org
  55. ↑ «Нет, Россия, не сегодня»: О заимствовании идей, унижении в юморе и переизобретении журналистики Клуб «33Литра».
  56. ↑ Почему у современных телеведущих не горят глаза?
  57. ↑ Отар Кушанашвили: В смутные времена Тигран Кеосаян нужен на ТВ
  58. ↑ tengrinews.kz Оскорбительное и необъективное выступление - МИД Казахстана о Тигране Кеосаяне [ӟуч]

Чӧлсконъёс

«https://udm.ruwiki.ru/w/index.php?title=Кеосаян,_Тигран_Эдмондович&oldid=493829»-ысь басьтэмын