Горячёв, Владимир Петрович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Горячёв.
Владимир Петрович Горячёв
Горячев Владимир Петрович.gif
Вордӥськем дырыз 6-тӥ толшоре 1923(1923-01-06)
Вордӥськем интыез Ижкар, Вотской автономной область, РСФСР, СССР
Кулэм дырыз 12-тӥ куартолэзе 1943(1943-05-12) (20 арес)
Кулэм интыез Княжино гурт дорын, Рудня ёрос, Смоленск улос, РСФСР, СССР
Кунмуртлыкез СССРFlag of the Soviet Union.svg СССР
Кыӵе войскоез сапёр
Служить карон аръёсыз 1941—1943
Званиез Старшой сержант
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
Ленин нимо орден Атыкай ожлэн I степенё орденэз Медаль «За отвагу» (СССР)
Логотип РУВИКИ.Медиа Медиафайлъёс РувикиМедиа пушкын

Владимир Петрович Горячёв (вордӥськиз 1923-тӥ арын 6-тӥ толшоре Ижкарын — 1943-тӥ арын 12-тӥ куартолэзе, Смоленск улосын Княжино гурт дорын) — Быдӟым Атыкай оже пыриськем мурт, Совето Союзлэн Героез.

Улон сюресэз

Вордӥськиз 1923-тӥ арын 6-тӥ толшоре Ижкарын огшоры ӟуч ужась семьяын. 1929-тӥ арысен Омскын улӥз. Отысь 6-тӥ номеро школаез йылпумъяз[1]. 1941-тӥ арын инвожое Горд Армие басьтӥзы. 1942-тӥ арын пӧсьтолэзе сержант званиен Новосибирскысь пехотной школаез йылпумъяз [2]. Собере ик действующей армие вуиз. Шундыпуксёнпал но Калинин фронтъёсын ожмаськиз. Нырысь отделениен командовать кариз, собере взводлэн командирезлэн воштӥсез луиз. Тушмонэз дезорганизовать карон понна, Горячёвез ӵемысь фронт мышкы ысъяллязы. Командованилэсь боевой заданиоссэ ӟеч быдэсъямез понна Атыкай ожлэн I степенё орденэныз но «За отвагу» медален данъетамын[3].

1943-тӥ арын куартолэзьлэн кутсконаз Смоленск улосысь Рудня ёросысь чугун сюрес выжез пушкытон понна[1], 6 муртлэсь асьме диверсионной группа Смоленск — Орша чугун сюрес линия котыре тушмон мышкы куштэмын вал[2]. 12-тӥ куартолэзе Княжино гурт котырын тушмон Горячёвлэсь группазэ синйылтӥз. Кык час пала кыстӥськись ожмаськонын гордармеецъёс ог 300 немец солдатэз быдтӥзы но асьсэос одӥгтэм быризы[3].

Данъетъёсыз

  • СССР-ысь Вылӥ Кенешлэн Президиумезлэн 1944-тӥ арын 4-тӥ инвожое гожтэм Косэтэзъя, кулэмез бере, Горячёв Владимир петрович Совето Союзлэн Героез дано нимын пусъемын.
  • «Зарни Кизили» медаль (1944-тӥ арын 4-тӥ инвожое гожтэм Косэт, кулэмез бере).
  • Ленин орден.
  • Атыкай ожлэн I степенё орденэз.
  • «За отвагу» медаль.
Микулиноын Горячёвлэн шайгуэз.

Буре ваён

  • 1946-тӥ арын бырем солдатъёслэн шӧйёссы Микулино гуртысь шайвылэ выжтэмын. Отын ик буре ваён обелиск пуктэмын.
  • 1953-тӥ арын 17-тӥ гудырикошконэ СССР-ысь обороная министрлэн косэтэзъя, куать геройлыко минёръёслэн нимъёсы пырак азелы гвардейской батальонлэн личной составезлэн лыдметаз пыртэмын[1].
  • 1975-тӥ арын 9-тӥ куартолэзе Омскын Геройлы синпелет пуктэмын[1]. Со арын ик 9-тӥ куартолэзе Владимир Горячёвлэн нимыз Ижкарын Ялан ӝуась тыл азьысь Совето Союзлэн Геройёсызлы сӥзем стелае пыртэмын[4].
  • 2014-тӥ арын 12-тӥ южтолэзе Омскысь 12-тӥ номеро гимназилы Совето Союзлэн Героезлэн Владимир Петрович Горячёвлэн нимыз сётэмын[5].

Валэктонъёс

  1. ↑ 1 2 3 4 Памятник Герою Советского Союза В. П. Горячёву Омская государственная научная областная библиотека. Эскеремын 2012-11-23 арын
  2. ↑ 1 2 Горячев Владимир Петрович Книги Удмуртии. Эскеремын 2012-11-23 арын
  3. ↑ 1 2 Владимир Петрович Горячёв [ӟуч] «Герои страны» сайт.
  4. ↑ Национальная библиотека УР.Горячев Владимир Петрович
  5. ↑ Сайт департамента образования Администрации города Омска «Омский образовательный портал» Архивная копия от 12 куартолэзе 2014 на Wayback Machine.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • [В боях с немецко-фашистскими захватчиками…] // Навечно в строю: альбом. — М., 1971. — Вып. 1. — С. 102—103: портр.
  • Вакунов С. Герои не умирают // Ом. правда. — 1984. — 12 мая.
  • Воскресенский Ф. Шестеро отважных // Ом. правда. — 1966. — 16 февр.
  • В. П. Горячев (1923—1943) // Их именами названы улицы Омска. — Омск, 1988. — С. 59-61: портр.
  • Горячев Владимир Петрович // Герои Советского Союза: крат. биогр. слов. — М., 1987. — Т. 1. — С. 360: портр.
  • Горячев Владимир Петрович // Книга Памяти / Рос. Федерация, Омская обл. — Омск, 1995. — Т. 2. — С. 21: портр.
  • Горячев Владимир Петрович // Омичи в боях за Родину: рек. указ. лит. / Ом. обл. науч. б-ка им. А. С. Пушкина. — Омск, 1984. — С. 48.
  • Здериглазов Ю. В школе, где учился Герой // Ом. правда. — 1970. — 8 мая.
  • Питерский Л. Подвиг шестерки // Ом. правда. — 1962. — 10 февр.
  • Титов В., Кощеев В. Их было только шестеро // Ом. вестн. — 2004. — 13 окт. — С. 8: ил.
  • Шелемин Е. Памятник герою // Ом. правда. — 1975. — 13 мая. — Ил.
  • Шлевко Г. Стояли насмерть // Ради жизни на земле. — Омск, 1972. — С. 71-74: портр.

Чӧлсконъёс

«https://udm.ruwiki.ru/w/index.php?title=Горячёв,_Владимир_Петрович&oldid=486749»-ысь басьтэмын