Микрюков, Виталий Васильевич
| Виталий Васильевич Микрюков | ||||||||||
|---|---|---|---|---|---|---|---|---|---|---|
 | ||||||||||
| Вордӥськем дырыз | 25-тӥ коньывуонэ 1923 | |||||||||
| Вордӥськем интыез | Сьӧлта уезд, Вотка АО, РСФСР, СССР | |||||||||
| Кулэм дырыз | 4-тӥ оштолэзе 1945 (21 год) | |||||||||
| Кулэм интыез | ||||||||||
| Кунмуртлыкез |
 СССР |
|||||||||
| Кыӵе войскоез |
 Ожгар-омыр Кужымъёс |
|||||||||
| Служить карон аръёсыз | 1941—1945 | |||||||||
| Званиез |
 |
|||||||||
| Ожмаськонъёс/ожъёс | Быдӟым Атыкай ож | |||||||||
| Данъетъёсыз |
|
|||||||||
Виталий Васильевич Микрюков (1923-тӥ арын 25-тӥ коньывуонэ — 1945-тӥ арын 4-тӥ оштолэзе) — Быдӟым Атыкай ожысь лётчик, 3-тӥ Украин фронтысь 17-тӥ воздушной армилэн 288-тӥ истребительной авиционной дивизилэн 897-тӥ Кишинёвской истребительной авиационной полклэн экадрильяезлэн командирезлэн воштӥсез, Совето Союзлэн Героез, капитан. 1943-тӥ арысен коммунист партилэн ёзчиез.
Улон сюресэз
Вордӥськиз 1923-тӥ арын 25-тӥ коньывуонэ Вотка автономи округын Сьӧлта уездысь Бикербей гуртын[К 1] ӟуч крестьян семьяын. Дышетскиз Ижкарысь 25-тӥ номеро школаын но аэроклубын.
1941-тӥ арын Краснодарысь пилотъёсты дасянъя военной авиационной школаез йылпумъяз. 1943-тӥ арын инвожо толэзьысен действующей армиын. Нырысь боевой лабанъёсаз Одесса палась ожъёсы потаз. Отын ик куать тушмон самолётэз пушкытӥз. Со понна Горд Знамялэн орденэныз пусъемын.
1943-тӥ арын 17-тӥ гудырикошконэ, Изюм кар котырысь наземной войскоосты вылласянь утьыкузы, ньыль асьме истребительёс 16 тушмон Ме-109 самолётэн пумиськизы. Младшой лейтенантлэн Микрюковлэн командаезъя, звено тушмон самолётъёсты атаковать кариз. Куинез соос пӧлысь соку ик пушкытэмын вал, мукетъёсыз пасьтана кариськизы. Асьме четвёрка аэродроме ыштонъёстэк берытскиз.
Боевой лобанъёсыз
1945-тӥ арын тулыспал толэзёзь капитан Микрюков 226 пол боевой лобанъёсы потаз. 20-ез соос пӧлысь разведкае, 99-эз штурмовикъёсты но бомбардировщикъёсты келяса, 21-эз на эрико охотае но штурмовкае, 86-ез наземной войскоосты но соослэсь базироваться кариськон интыоссэс но переправаосты вылласянь утён. Быдтэмын: 49 автомашина, 2 паровоз, железнодорожной путеразрушитель, военной магазей, 50 пала немец солдат-офицеръёс, 4 зенитной установка, 34 омыр ожмаськонын 16 тушмон самолётэз пушкытӥз.
Лётчиклэн огъя лыдметаз 284 боевой лобанъёс, 44 омыр ожмаськон, 22 пушкытэм самолёт[3].
Быремез
Совето вакытысь публикациосъя, 1945-тӥ арын 4-тӥ оштолэзе Микрюковлэн четвёркаез 15 тушмон самолёт улэ шедиз. Асьме лётчикъёс кыксэ пушкытыны быгатӥзы, но Микрюков ачиз секыт сӧсырмыны шедиз. Сӧриськем самолётэныз асьме аэродром пала лобыны турттыса, 7 иськем отчы вуытэк, эриктэм пуксёно луиз. Лётчикез аслаз полказ вуттӥзы, но басьтэм яраослэсь со нуналэ ик кулӥз.
Али дыре тодмо луиз, 1945-тӥ арын 4-тӥ оштолэзе капитан Микрюков шудтэм учыре шедьыса бырем — лётчикез Традсдорф аэродромын (Вена, Австрия)[4] пистолетысь ыбыса вием мукет частьысь лётчик, Совето Союзлэн Герое Александр Бондарь. Ватэмын Одессаын Данлыко Аллеяысь Тодмотэм матрослы сӥзем синпелет дорын[5].
Данъетъёсыз
СССР-ысь Вылӥ Кенешлэн Президиумезлэн 1945-тӥ арын 29-тӥ инвожое гожтэм Косэтэзъя, немецко-фашистской захватчикъёсын геройлыко ожмаськемез понна, капитан Виталий Микрюков кулэмез бере Совето Союзлэн Героез дано нимын пусъемын[6].
Командованилэсь боевой заданиоссэ ӟеч быдэсъямез понна пусъемын:
- Ленин орденэн
- Горд Знамялэн куинь орденэныз
- Александр Невскийлэн орденэныз
- Атыкай ожлэн I степенё орденэныз
- Горд Кизили орденэн
- медальёсын.
Буре ваён
Педпал суредъёс
- 1968-тӥ арын Ижкарысь авиационной спортивной клублэн аэродромаз сӥё-дано усьтэмын синпелет-стела, отын зарниям букваосын гожтэмын: «Татын инбаме сюрессэ кутскиз Совето Союзлэн Героез Виталий Микрюков»[4].
- Ижкарысь 25-тӥ номеро школа азьын буре ваён пул шуккемын[7].
- В. Микрюковлэн нимыз Ижкарысь Ялан ӝуась тыл дорысь Совето Союзлэн Геройёсызлы сӥзем Мемориал стелаын гожтэмын[8].
Комментарийёс
- ↑ Бикербей гурт (Бекербей[1]), Ватка губерниысь Малмыж уездысь Копки (Кирчим-Копкинской) волосте пыре вал, берлогес Сьӧлта / Иж уездысь Копки сельсоветэ пыртэмын[2], быремын; али дыре — Удмуртиысь Сьӧлта ёрослэн интывылаз лыдъяське.
Валэктонъёс
- ↑ См. на карте 1884-го года
- ↑ Бикербей [ӟуч] Родная Вятка. Эскеремын 2020-03-14 арын
- ↑ Быков М. Ю. Все Асы Сталина 1936—1953 гг. — Научно-популярное издание. — М.: Яуза-пресс, 2014. — С. 784. — 1392 с. — (Элитная энциклопедия ВВС). — 1500 экз. — ISBN 978-5-9955-0712-3.
- ↑ 1 2 Микрюков Виталий Васильевич [ӟуч] Красные соколы. Эскеремын 2012-11-20 арын
- ↑ У Вечного огня. Сборник очерков. — Одесса: Маяк, 1975. — 88 с.
- ↑ Национальная библиотека Удмуртской Республики. Микрюков Виталий Васильевич
- ↑ Iz-article. Герой Советского Союза летчик-истребитель Виталий Васильевич Микрюков.
- ↑ Герои Отечества. Микрюков Виталий Васильевич
Литература
- Микрюков Виталий Васильевич // Удмуртская республика: Энциклопедия / гл. ред. В. В. Туганаев. — Ижевск: Удмуртия, 2000. — С. 483. — 800 с. — 20 000 экз. — ISBN 5-7659-0732-6.
Чӧлсконъёс
 | |
|---|---|
| Генеалогия но некрополистика |
- Тодмо муртъёс алфавитъя
- Сьӧлта ёросын вордӥськемъёс
- 25-тӥ коньывуонэ вордӥськемъёс
- 1923-тӥ арын вордӥськемъёс
- 4-тӥ оштолэзе кулэмъёс
- 1945-тӥ арын кулэмъёс
- Авиацилэн капитанъёсыз (СССР)
- Совето Союзлэн Героез
- Ленин орденлэн кавалеръёсыз
- Горд Знамялэн орденэзлэн кавалеръёсыз
- Александр Невскийлэн орденэзлэн кавалеръёсыз (СССР)
- Атыкай ожлэн I степенё орденэзлэн кавалеръёсыз
- Горд Кизили орденлэн кавалеръёсыз
- «Сталинградэз утем понна» медален пусъемъёс
- Краснодарысь Лётчикъёсты дасянъя вылӥ военной авиационной училищеын дышетскемъёс
- Быдӟым Атыкай ожын звеноослэн командиръёссы
- Курск ожмаськонэ пыриськемъёс
- Днепр понна ожмаськонэ пыриськемъёс
- КПСС-лэн ёзчиосыз
- Яраослэсь кулэмъёс
- Данлыко Аллеяын ватэмъёс (Одесса)
- Совето Союзлэн Геройёсыз (Удмуртия)