Вениамин (Пуцек-Григорович)

Википедиысь материал
Вениамин митрополит
Вениамин митрополит
Вениамин митрополитлэн портретэз,
1775-тӥ ар бӧрсьы
25-тӥез Кузон епархиысь митрополит
(1775-тӥ арын 16-тӥ толшорысен — архиепископ)
25-тӥ пӧсьтолэзьысен 1762 — 
17-тӥ южтолэзёзь 1782
Черк Ӟуч православной черк
Азьпалчиез Гавриил (Кременецкий)
Бӧрысьчиез Антоний (Герасимов-Зыбелин)
Санкт-Петербург епархиысь архиепископ
15-тӥ куарусёнысен 1761 — 
25-тӥ пӧсьтолэзёзь 1762
Азьпалчиез Сильвестр (Кулябка)
Бӧрысьчиез Гавриил (Кременецкий)
Псков епархиысь епископ
2-тӥ оштолэзьысен 1758 — 
15-тӥ куарусёнозь 1761
Азьпалчиез Симон (Тодорский)
Бӧрысьчиез Гедеон (Криновский)
Тверь епархиысь епископ
28-тӥ тулыспалысен 1753 — 
2-тӥ оштолэзёзь 1758
Азьпалчиез Митрофан (Слотвинский)
Бӧрысьчиез Афанасий (Волховский, Пётр)
Нижегородской епархиысь епископ
14-тӥ гудырикошконысен 1748 — 
28-тӥ тулыспалозь 1753
Азьпалчиез Димитрий (Сеченов)
Бӧрысьчиез Феофан (Чарнуцкий)
Дышетскемез Киевысь духовной академия
Вордӥськыкуз сётэм нимыз Василий Григорьевич Пуцек-Григорович
Вордӥськемез 1706
Кулэмез 21-тӥ инвожое 1785({{padleft:1785|4|0}}-{{padleft:6|2|0}}-{{padleft:21|2|0}})
Монашествое пыремез 1740-тӥ ар
Епископской хиротония 14-тӥ гудырикошконэ 1748
Логотип РУВИКИ.Медиа Медиафайлъёс РувикиМедиа пушкын

Митрополи́т Вениами́н (улонын Васи́лий Григо́рьевич Пу́цек-Григоро́вич; 1706, Лохвица[d], Ӟуч эксэй кун[d] — 21-тӥ инвожое 1785, Седмиозерной пустынь[d], Кузон провинция[d], Кузон наместничество[d], Росси империя[d]) — Ӟуч православной черкысь епископ, Кузонысь но Свияжскысь митрополит.

Улон сюресэз

Дворянъёс пӧлысь потэмын. 1706-тӥ арын Полтава губерниысь Лохвица черкогуртысь пичи ӟуч Лубенской казак полкысь значковой товарищлэн (казак войскоосын унтер-офицерлэн чинэз) семьяяз вордӥськемын.

Киевысь духовной академиез  [ӟуч] (удм. йылпумъяз. 1733-тӥ арын Кузонысь духовной семинарилы дышетӥсе юнматэмын.

1740-тӥ арын монашествое ӵышкемын но Свияжскысь выль вӧсям конторалэн Д. Сеченов кивалтӥсезлы юрттӥсе пуктэмын.

1741-тӥ арысен — семинариысь префект .

1744-тӥ арын 6-тӥ толсуре Кузонысь Спасо-Преображенской монастырьлы архимандритозь ӝутэмын но Кузонысь духовной семинарилы ректоре юнматэмын. Дышетон аръёсаз ни отец Вениамин усто проповедник сямен усьтӥськиз, епархиысь кивалтӥсьёслэн куремзыя, миссионер сямен кӧня ке пол мусульманъёс но инородец-язычникъёс доры вуылӥз, вакчи дыр куспын уно черемисъёсты, мордваосты, вотякъёсты но бигеръёсты югдытӥз, православие берыктӥз.

1746-тӥ арын вӧсяськон службаос ортчытъянэ выльысь кыскемын, кык ар ӵоже Санкт-Петербургын улӥз.

1748-тӥ арын 14-тӥ гудырикошконэ Нижний Новгородысь но Алатырьысь епископе ӝутӥзы.

1753-тӥ арын 2-тӥ южтолэзе Тверьысь епископе юнматӥзы, Вӧсьлыко Синодэ ёзчие пыртӥзы.

1758-тӥ арын 2-тӥ оштолэзьысен — Псковысь, Нарваысь но Изборысь епископ.

1761-тӥ арын 15-тӥ куарусёнысен — Санкт-Петербургысь архиепископ но Александр Невскийлэн лавраысьтыз архимандрит.

1762-тӥ арын 26-тӥ пӧсьтолэзьысен — Кузонысь но Свияжскысь архиепископ.

Архиерей кафедраын вӧсям Вениаминлэн ужан вакытэз тупаку, пичи ӟуч духовенстволэн Россиысь иерархияя властьын аслаз монополиез вал. Но императрица Екатерина II кивалтыны кутскон дыръяз ик иерархиысь вылӥ интыосы Мускоысь духовной академиын дышетскемъёсты пуктыны ӧдъязы, мукет интыосысь потэм муртъёс кужымзэс ыштылӥзы.

Вениамин архиепископлэн портретэз, 1761-тӥ—1775-тӥ аръёс

Императрица Екатерины II тронэ вуэм бере архиепископ Вениамин одӥг толэзь гинэ Петербургын возиськиз. Та вакчи дыр куспын императрица азьын ик Никольской зарезь соборлэсь вылӥ (Инмар возьматъяськем) черкез вӧсяз, со вал 1762-тӥ арын 20-тӥ пӧсьтолэзе.

1762-тӥ арын 25 пӧсьтолэзе со Екатерина II ярасьтэм «черкасс» архиерей сямен Кузонэ выжтэмын, указын ачиз куриськиз шуыса пусъемын ке но вал.

1771-тӥ арын калыкез быдтӥсь пуромем яраосын нюръяськон вылысь солэн куремезъя Кузонэ Седмиезерной пустыняын утиськись Инмар Анайлэн Смоленскысь чудотворной мудорез вуттэмын, со городэз кышкыт черлэсь мозмытӥз.

Кузон кафедраын дыръяз пӧяськыса пӧрам ӝожтӥськонэн валче Емельян Пугачевен кушласькемез пумысен янгыше уськытэмын. Пугачёв ужез эскерись комиссия солы ыштэм осконзэ вераз, озьы со юртъераз арест улэ кельтэмын. Но, кызьы тодӥськом, пугачёв бугыръяськонъёс дыръя архиепископ Вениамин епархие Пугачёвлы пумит ивортонъёс ысъялляз, Инмарлы вазиськон сиё-дано служба дыръя солэсь куштӥськиз, черклэсь люкиз.

Отӥяз Вениамин архиепископез янгыше уськытэмысь дугдӥзы, со пытсэт улысь поттэмын но 1775-тӥ арын 26-тӥ толшоре митрополитозь ӝутэмын.

1782-тӥ арын 17-тӥ южтолэзе шутэтскыны келямын, Кузонысь Седмиезерной Вознесенской пустыняен кивалтыны луонлык сётэмын.

Митрополит Вениаминэз ӟеч тодӥсь Спас монастырьысь архимандрит Платон (Любарский) пусъемъя, Вениамин «чылкыт сюлэмо, лякыт, зэмлыкез яратӥсь, гажась-жалясь, Инмарлы оскись, ужъёссэ азинтыны мыло-кыдо, шырыт сямо, наукая но тодослыко адямиосты гажась, ас ужасьёссэ но мукет куанер улӥсьёсты утьыны тыршись, куно пумитась, котькыӵе удысын ултӥянэз чидасьтэм — ог кылын вераса, санлэн вань умой сямъёсыныз узыр мурт» вал.

1785-тӥ арын 21-тӥ инвожое (Строевъя — 1783-тӥ арын) Кузонысь Седмиезерной Вознесенской пустыняын (али — Татарстанысь Высокогорской ёросысь Семиозёрка черкогурт) улонысь кошкиз.

Седмиезерной пустыняысь Собор черкын (лымшор палысьтыз гутёын) ватэмын. 1917-тӥ ар бӧрсьы черк куашкатэмын, ватэм инты ыштэмын.

Кылъёсты эскеронын но азинтонын кужымез

Вениамин кӧня ке ужъёссэ печатлаз (ачиз ик валтӥсь автор но редактор вал шуыса чаклало)[1][2], со ужъёсын Волга котырысь калыкъёслэн — удмуртъёслэн (вотякъёслэн), поръёслэн (черемисъёслэн), чувашъёслэн — вордскем кыл грамматиказы сярысь нырысьсэ верамын но туала гожъяськонзылы инъет сётэмын[3][4]. Со кивалтэм улсын Кузон семинариын Волга котырысь калыкъёслэн вордскем кылынызы аспӧртэм кылбуръёс нырысьсэ гожтэмын — со чуръёс Екатерины II Кузонэ вуэмезлы сӥземын[4]. 10-тӥ толсуре Марий Эл республикаын кун праздниксэс пусъё — Пор кыллэн кылдэмезлы сӥзем нунал (Марий тиште кече), ӵапак та нуналэ 1775-тӥ арын Санкт-Петербургысь книга вузан лавкаосы нырысетӥ пор «Сочинения, принадлежащие к грамматике черемисского языка» грамматика вуиз[5].

Ужъёсыз

Валэктонъёс

  1. ↑ Егоров В. Г. Первая печатная грамматика чувашского языка 1769 г. // Тюркологический сборник. I. М.-Л., 1951.
  2. ↑ Димитриев В. Д. Документы об издании книги «Сочинения, принадлежащие к грамматике чувашского языка» // Уч. зап. ЧНИИ. Вып. XXXIV. Ч., 1967.
  3. ↑ Бажин В. В. Из истории марийской письменности. К 235-летию знаменательного события в жизни марийского народа // Вестник архивиста. — 2009. — ISSN 2073-0101. Архивировано 10 оштолэзе 2021 арын.
  4. ↑ 1 2 Салмин А. К. Первые грамматики языков народов Урало-Поволжья // Ежегодник финно-угорских исследований. — 2020. — Т. 14, вып. 1. — С. 124—130. — doi:10.35634/2224-9443-2020-14-1-124-130. Открытый доступ
  5. ↑ Государственный праздник Республики Марий Эл «МАРИЙ ТИШТЕ КЕЧЕ» День марийской письменности 10 декабря. — Национальная библиотека имени С. Г. Чавайна Республики Марий Эл, 2021.
  6. ↑ Хузангай А. П. «Сочинения, принадлежащие к грамматике чувашского языка» Архивная копия от 22 шуркынмонэ 2021 на Wayback Machine / Чувашская энциклопедия.

Литература

  • При написании этой статьи использовался материал из Русского биографического словаря А. А. Половцова (1896—1918).
  • С. З. Байкулова, Я. Ю. Матвеева. Руководители Санкт-Петербурга
  • ВЕНИАМИН // Православная энциклопедия. — М., 2004. — Т. VII : «Варшавская епархия — Веротерпимость». — С. 644-645. — 752 с. — 39 000 экз. — ISBN 5-89572-010-2.
  • Гусаров Ю. В. Вениамин / Чувашская энциклопедия.
  • Кононов А. Н. Биобиблиографический словарь отечественных тюркологов: Дооктябрьский период. — М., 1989. — 2-е изд. — С. 193—194.
«https://udm.ruwiki.ru/w/index.php?title=Вениамин_(Пуцек-Григорович)&oldid=507751»-ысь басьтэмын