Русских, Афанасий Афанасьевич

Рувикиын таӵе фамилиен мукет муртъёс сярысь гожтосъёс вань. Учке: Русских.

Афанасий Афанасьевич Русских
Вордӥськем дырыз	19-тӥ куарусёнэ 1923(1923-09-19)
Вордӥськем интыез	Балезино ёросын, Вотской АО, РСФСР, СССР
Кулэм дырыз	17-тӥ южтолэзе 1945(1945-03-17) (21 арес)
Кулэм интыез	Белков черкогурт, гау Померания, Великогерманской империя; (али Западно-Поморской воеводство, Польша)
Кунмуртлыкез	СССР СССР
Кыӵе войскоез	пехота
Служить карон аръёсыз	1941—1945
Званиез	старшой сержант
Ожмаськонъёс/ожъёс	Быдӟым Атыкай ож
Данъетъёсыз

Афанасий Афанасьевич Русских (1923-тӥ арын 19-тӥ куарусёнэ Балезино ёросын—1945-тӥ арын 17-тӥ южтолэзе Польшаын) — Быдӟым Атыкай оже пыриськем мурт, 1-тӥ Белорус фронтысь 61-тӥ армилэн 397-тӥ стрелковой дивизилэн 26-тӥ отдельной истребительно-противотанковой дивизионлэн орудиезлэн командирез, Совето Союзлэн Героез (1945). 1944-тӥ арысен коммунист партилэн (б) ёзчиез.

Улон сюресэз

Вордӥськиз 1923-тӥ арын 19-тӥ куарусёнэ Вотской Автономной областьын Глаз уездысь Балезино волостьысь (али Удмурт Элькунысь Балезино ёрос) Оросово гуртын удмурт крестьян семьяын. Сизьым классъем школаез быдтыса, нырысь колхозын ужаз, собере — Балезино станциын чугун сюрес лэсьтонын.

1941-тӥ арын куарусёнэ Балезино ёрос военкомат ыстэмъя Горд Армие мынӥз. 1942-тӥ арын коньывуонысен Сталинград фронтын ожмаськиз. Сӧсырмыны шедиз. Йӧнамез бере, Брянск, 1-тӥ но 2-тӥ Белорус, 1-тӥ Украин, 1-тӥ но 3-тӥ Прибалти фронтъёсын ожмаськиз. Брянск карез мозмытон ожъёсын сэзь луэмез понна «За отвагу» медален пусъемын. Десна но Днепр шуръёсты ожмаськыса потӥз, Украинаысь Сарны карез мозмытонэ пыриськиз.

Польшаез мозмытыку геройлыко ожмаськеменыз висъяськиз. 1945-тӥ арын 14-тӥ толшоре 1-тӥ Белорус фронтысь войскоос Висла шурлэн шундыпуксёнпал ярдураз Магнушевской плацдармысен азьлане донгиськизы. А. А. Русскихлэн орудиез пехоталэн боевой порядокез пӧлын азьланьскиз. Магерова-Воля гурт котырын орудийной расчёт танкоопасной направлениын тушмонлэсь контратакаоссэ пазьгылӥз. Ньылетӥ контратака бӧрсьы расчётын кык муртсяна ӧз кыльы — командирез но снаряд вайылӥсез, озьы ке но, орудие дугдылытэк ыбылӥз. 3 тушмон танкез 2 станковлой пулемётэз но 200 пала солдат-офицерез быдтӥз.

А. А. Русских аслаз орудиеныз быдэс Польшаез ортчиз. 1945-тӥ арын 17-тӥ южтолэзе Белков гурт котырын (али Bielkowo, гмина Сянув, Кошалинский повят, Западно-Поморской воеводство, Польша) Восточно-Померанской операци улсын ожмаськонын бырыны шедиз. Ватэмын Грыфино поляк карын.

Данъетъёсыз

• СССР-ысь Вылӥ Кенешлэн Президиумезлэн 1945-тӥ арын 27-тӥ тулыспалэ гожтэм Косэтэзъя, командованилэсь боевой заданиоссэ ӟеч быдэсъямез но геройлыко ожмаськемез понна, старшой сержант Русских Афанасий Афанасьевич Совето Союзлэн Героез нимын пусъемын.
• «Зарни Кизили» медаль (1945-тӥ арын 27-тӥ тулыспалэ);
• Ленин орден (1945-тӥ арын 27-тӥ тулыспалэ);
• Горд Кизили орден;
• «За отвагу» медаль.

Буре ваён

А. Русскихлэн нимыз Ижкарын Ялан ӝуась тыл азьысь Совето Союзлэн Геройёсызлы сӥзем Мемориал стелаын гожтэмын.. Вордӥськем гуртаз Геройлэн бюстэз пуктэмын, одӥгез урам солэсь нимзэ нуллэ. Дышетскем школа юртаз буре ваён пул юнматэмын. Балезино ёрос центрын одӥгезлы ульчалы но пролкалы Дано улосчизылэн нимыз сётэмын. 2011-тӥ арлэн кутсконаз Балезино ёросын А. А. Русскихлы сӥзем куасэн бызьылонъя ӵошатсконъёс ортчизы.

Геройлэн подвигезлы сӥзем публикациос

• Кузнецов Н. С. Русских Афанасий Афанасьевич // Великой славы светлая память / Н. С. Кузнецов. — Ижевск, 2012. — С. 299.
• Кулемин И. Г. А победа была совсем близко… // Героев наших имена / И. Г. Кулемин. — Ижевск, 1975. — С. 96-97.
• Русских Афанасий Афанасьевич // Наши земляки : Герои Советского Союза, Герои Российской Федерации, Полные кавалеры ордена Славы. — Ижевск, 1995. — С. 136.
• Творцы победы // Между Чепцой и Камой. Взгляд сквозь годы и века. Балезинский район. — Ижевск, 2002. — С. 156.

Валэктонъёс

Чӧлсконъёс

Афанасий Афанасьевич Русских [ӟуч] «Герои страны» сайт.