Зуева-Измайлова, Анна Сергеевна
| Анна Сергеевна Зуева-Измайлова | |
|---|---|
 | |
| Нимтулыз | Анна Сергеевна Измайлова |
| Вордӥськем дырыз | 1-тӥ шуркынмонэ 1949 (76 арес) |
| Вордӥськем интыез | д. Иткулат, Сьӧлта ёрос, Удмурт АССР, СССР |
| Кун |
 СССР Россия |
| Тодос удысэз | литературоведение |
| Ужан интыез | УдГУ |
| Учёной степенез | филологи тодосъёсъя доктор |
| Учёной званиез | профессор |
| Данъетъёсыз | Удмурт Элькунлэн премиез (2002) |
А́нна Серге́евна Зу́ева-Изма́йлова (вордӥськиз 1949-тӥ арын 1-тӥ шуркынмонэ Сьӧлта ёросысь Иткулат гуртын) — удмурт литературатодосчи. Филологи тодосъёсъя доктор (1998), профессор. Удмурт Элькунысь лулчеберет удысысь сӥё-дано ужась (1995). Россиысь гожъяськисьёслэн огазеяськонзылэн ёзчиез (1994), Литературая финн дэменлыклэн ёзчиез (1990). Удмурт Элькун премилэн лауреатэз (2002).
Улон сюресэз
Зуева Анна Сергеевна вордӥськиз 1949-тӥ арын 1-тӥ шуркынмонэ УАССР-ысь Сьӧлта ёросын Иткулат гуртын. Анай-атаез дышетӥсь луыса ужазы.
Тямыс классэз йылпумъямез бере, Анна Можга педучилищее дышетскыны пыриз. Собере, 1968-тӥ арын Удмурт кун пединститутын дышетсконзэ азьланьтӥз. Дышетскыкуз Ленинской стипендиат, студентъёслэн Москваын ортчем 1-тӥ Всесоюзной слетазы делегат но Удмурт кун университетысь комсомол комитетлэн секретарез вал. Кык пол Индустри ёрос Кенеше депутатэ бырйылэмын, озьы ик комсомоллэн Удмурт обкомезлэн бюроезлэн ёзчиез вал. СССР-ысь Тодосъёсъя Академилэсь А. М. Горький нимо Дунне литературая институтаз аспирантураез йылпумъяз, 1977-тӥ арын кандидат диссертацизэ утиз, 1988-тӥ арын — доктор диссертацизэ[1].
Зуевалэн научно-педагогической ужудысэз 1988-тӥ арысен Удмурт кун университетэн герӟаськемын: 2003-тӥ—2007-тӥ аръёсы — журналистикая ёзэтлэн деканэз, 2003-тӥ арысен литературно-художественной критикая но СМИ-осын гожъяськон кылъя кафедраен кивалтэ.
Ужъёсыз но творчествоез
60 пала научной ужъёсыз поттэмын, соос пӧлын удмурт литератураысь классикъёс сярысь рецензиос, литературной портретъёс но статьяос (Г.Е. Верещагин, Кедра Митрей, Кузебай Герд, М.А. Коновалов, Г.Д. Красильников, Д.А. Яшин но мукет). Аслаз кылбуръёсыз элькун, союзной но кунгожсьӧр изданиосын поттэмын. Докторской диссертациез. 2002-тӥ арын пиеныз ӵош «Мифопоэтические традиции как ресурс развития удмуртской литературы» статья гожтӥзы.
2003-тӥ арын Зоя Алексеевна Богомоловалы сӥзем «Женщина на Олимпе: З. А. Богомолова. Жизнь. Творчество. Эпоха» книга поттӥз.
Литература
- Зуева (Измайлова) Анна Сергеевна // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 334. — 768 с. — 2200 экз. — ISBN 978-5-7659-0486-2.
- Христолюбова Л. С. Измайлова (Зуева) Анна Сергеевна // Удмуртские женщины. XX век : (Биографический справочник). — Ижевск : Удмуртский институт истории, языка и литературы УрО РАН, 2002. — С. 136—137. — 448 с. — 600 экз. — ISBN 5-7691-1149-6.
- Зуева-Измайлова Зуева Анна Сергеевна : к 55-летию со дня рождения : библиогр. указ. / сост. Л. М. Васильева; комп. вёрстка: И. В. Артанова — Ижевск, 2004. — 50 с.