Аникин, Анатолий Егорович
| Анатолий Егорович Аникин | |
|---|---|
 | |
| Вордӥськем нуналыз | 20-тӥ толшоре 1947 (79 лет) |
| Вордӥськем интыез | |
| Кун | |
| Ужудысэз | скульптор, педагог |
| Данъетъёсыз | |
Анато́лий Его́рович Ани́кин (ворд. 20-тӥ толшоре 1947, Пороз гурт, Удмурт Автономной Советской Социалистической Республика) — совето но росси суредась-скульптор, дышетӥсь. Профессор, Удмурт АССР-ысь искусство удысысь дано ужась, К. Герд нимо но Т. Борисов нимо йӧскалык премиослэн лауреатэз[1]. Уралысь но Шундыпуксён Сибирьысь монументальной искусствоя эксперт кенешлэн (ЭСМИ) ёзчиез.
Улон сюресэз
Вордӥськиз 1947-тӥ арын 20-тӥ толшоре Удмурт АССР-ысь Шаркан ёросысь Пороз гуртын. Школаез йылпумъямез бере 1965-тӥ арын Педагогикая удмурт кун институтысь суреданъя но графикая факультетэ дышетскыны пыриз. Студент вакытаз графикаен выриз, живописья диплом утьыны медэ вал. Но отӥяз скульптураен тунсыкъяськыны кутскиз, та предметъя ик «Чипчирганэн пияш» нимо диплом ужзэ быдэстӥз[2].
1970-тӥ арын диплом басьтыса, Анатолий Аникин Дэбесысь педучилищеысь суреданъя но графикая факультетэ дышетӥсе интыяськиз, но ӝыны ар ортчем бере Удмурт пединститутысь (1972-тӥ арысен — Удмурт кун университет) худграфе ӧтемын вал[3][2].
1974-тӥ арын С. Г. Строганов нимо университетысь академической скульптурая ёзэтын стажировка ортчиз, дышетӥсьёсыз Г. Шульц но Ю. Поммер профессоръёс вал[2].
1978-тӥ арын Анатолий Аникинэз Удмуртиысь Суредасьёслэн огазеяськонзылы тӧрое бырйизы. Та ужинтые сое эшшо кык пол юнматъязы на[4][3]. 1975-тӥ арысен — СССР-ысь Суредасьёслэн огазеяськонзылэн ёзчиез[4][3].
1987-тӥ арын Удмурт кун университетэ берытскиз но дышетон ужзэ азинтӥз[3]. 1994-тӥ арысен искусствоосъя факультетысь доцент луиз[4][3]. 2002-тӥ арын Удмурт кун университетысь Искусствоосъя но дизайнъя институтлы директоре юнматӥзы, бӧрысьгес та интызэ мозмытӥз но выльысь дышетыны кутскиз[1].
Творчествоез
Пуэн, кортэн, гранитэн ужа, ӵемысь — портрет жанрын[1].
Удмурт гожъяськисьёслы П. Черновлы (2002), Э. Батуевлы (2004), К. Гердлы (2005) синпелетъёс лэсьтӥз, озьы ик Быдӟым Атыкай ожын бырем Можга ёросысь Сидоров агай-вынъёслы но мукет синпелетъёсты быдэстӥз[1].
«Бадӟым Волга» (Горький, 1974), «Советской Россия» (Муско, 1975), «Ижысь коллекция-91» но мукет адӟытонъёсы пыриськиз[1][2].
Данъетъёсыз но дано нимъёсыз
- Удмурт АССР-ысь искусство удысысь дано ужась;
- К. Герд нимо удмурт йӧскалык премилэн лауреатэз;
- Т. Борисов нимо йӧскалык премилэн лауреатэз[1].
Валэктонъёс
- ↑ 1 2 3 4 5 6 Аникин Анатолий Егорович [ӟуч] services.unatlib.ru. Эскеремын 04.10.2025 арын
- ↑ 1 2 3 4 75 лет со дня рождения А. Е. Аникина, скульптора, заслуженного деятеля искусств [ӟуч] sharkan-cbs.ru (18.02.2022). Эскеремын 04.10.2025 арын
- ↑ 1 2 3 4 5 Аникин Анатолий Егорович [ӟуч] urmii.ru. Эскеремын 04.10.2025 арын
- ↑ 1 2 3 70 лет со дня рождения Аникина Анатолия Егоровича [ӟуч] lib.udsu.ru. Эскеремын 04.10.2025 арын
Литература
- Художники Удмуртии — Удмуртиысь суредасьёс / Гартиг В. О., Виноградова, Е. П.. — Ижевск: Удмуртия, 2015. — С. 28. — 198 с. — ISBN 978-5-7659-0569-2.
- Скульпторы Удмуртии: каталог / Емшанова Н. А.. — Ижевск: РИО Госкомиздата УАССР, 1988. — С. 4—6. — 23 с.
- Удмуртия в изобразительном искусстве: живопись, графика, скульптура: альбом репродукций / Поляк А. И., Ёлкин П. В.. — Ижевск: Удмуртия, 2001. — С. 10—13. — 139 с. — ISBN 5-7659-0691-5.
- Поляк А. И. Скульпторы Удмуртии. — Ижевск: Удмуртия, 1982. — С. 5—45. — 62 с. — 2000 экз.
- Шумилов Е. Ф. Большая наука. — Ижевск: Удмуртский университет: Институт компьютерных исследований, 2006. — С. 234. — 202 с. — ISBN 5-93972-551-1.
- Удмуртская Республика: культура и искусство / Загребин А. Е.. — Ижевск: Удмуртский институт истории, языка и литературы УрО РАН, 2014. — С. 19. — 583 с. — ISBN 978-5-498-00266-8.
- Удмуртская Республика: энциклопедия / Туганаев В. В.. — Ижевск: Удмуртия, 2008. — С. 182. — 767 с. — ISBN 978-5-7659-0486-2.
- Золотухин А. Непроторёнными тропами (рус.) // Удмуртская правда. — 1992. — 25 инвожое.
- Ирина Хомич. Памятники не пачкаются (рус.) // Удмуртская правда. — 2007. — 9 тулыспалэ. — С. 13.
- Пинегина Р. Вдохновение приходит во время труда (рус.) // Вестник. — 1990. — 6 шуркынмонэ.
- Пинегина Р. Скульптор (рус.) // Вестник. — 2007. — 23 толшоре.