Кириленко, Андрей Геннадьевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Кириленко.
Андрей Кириленко
Андрей Кириленко, 2024-тӥ ар
Андрей Кириленко, 2024-тӥ ар
Карьеразэ йылпумъяз
Позициез Секыт форвард
Капчи форвард
Кушемнимыз АК-47
Ӝуждалаез

206

см
Секталаез 105 кг
Кунмуртлыкез

Флаг России Россия

США-лэн флагез США
Вордӥськем дырыз 18-тӥ тулыспалэ 1981({{padleft:1981|4|0}}-{{padleft:2|2|0}}-{{padleft:18|2|0}}) (44 года)
Вордӥськем интыез
Драфт НБА 24-тӥ (1-тӥ раунд), 1999, Юта Джаз

Командаос
1996—1998 Флаг России Спартак (СПб)
1998—2001 Флаг России ЦСКА (Москва)
2001—2011 США-лэн флагез Юта Джаз
2011—2012 Флаг России ЦСКА (Москва)
2012—2013 США-лэн флагез Миннесота Тимбервулвз
2013—2014 США-лэн флагез Бруклин Нетс
2015 Флаг России ЦСКА (Москва)
Ас данъетъёсыз но вормонъёсыз
  • НБА-лэн Вань кизилиослэн матчаз пыриськем мурт (2004)
  • 3 пол пыртэмын вал НБА-лэн защитая вань кизилиосын сборнояз (2004—2006)
  • НБА-лэн выль шудӥсьёсын сборнояз пыртэмын (2002)
  • НБА-лэн яланлыко чемпионатэзлэн блок-шотъёсъя азьветлӥсез (2005)
  • Россилэн чемпионатаз тужгес устоез шудӥсь (2000, 2012)
  • Евробаскетлэн тужгес кулэлыко шудӥсез MVP (2007)
  • Евролигалэн яланлыко сезонэзлэн тужгес кулэлыко шудӥсез MVP (2012)
  • ВТБ-лэн Единой лигаяз яланлыко сезонлэн тужгес кулэлыко шудӥсез MVP (2012)
  • ВТБ-лэн Единой лигаяз "финал четырёхлэн" тужгес кулэлыко шудӥсез MVP (2012)
  • Европа ФИБА-ын Арлэн шудӥсез (2007, 2012)
  • Euroscar-ын арлэн тужгес устоез европейской баскетболистэз (2012)
Медальёсыз
Олимпи шудонъёс[1]
Бронза Лондон, 2012
Европалэн чемпионатъёсыз
Золото Испания, 2007
Бронза Литва, 2011
Кун данъетъёсыз
RUS Medal of the Order For Merit to the Fatherland 2nd class ribbon.svg Россиысь спортъя сӥё-дано мастер
Логотип Викисклада Медиафайлъёс РувикиМедиа пушкын

Андре́й Генна́дьевич Кириле́нко (вордӥськиз 1981-тӥ арын 18-тӥ тулыспалэ Ижкарын) — Россиысь баскетболист. Россиысь спортъя сӥё-дано мастер. Россиысь Баскетболэн шудонъя федерацилэн президентэз (2015-тӥ арын гудырикошконысен)[2].

15 аресысен ӧнерлыко баскетболэн вырыны кутскиз[3], капчи но секыт форвардлэн позициосаз шудӥсь Кириленко берло Россиысь тужгес тодмо баскетбол клублэн — ЦСКА-лэн (Москва) азьветлӥсез луиз. 2000-тӥ арын Россилэн чемпионатаз тужгес устоез шудӥсь шуыса пусйизы. Ар ортчыса, 20 аресъем Кириленкоез НБА-е «Юта Джаз» клублэн пушпӧлаз шудыны ӧтизы. Ӝоген клублэн стартовой пӧлэсаз шедиз. Аслаз троспöртэмлыко луэменыз, нападениын но, защитаын но ассэ умоен возьматӥз.

2007-тӥ арын Еврпопалэн чемпионатаз Россилэн баскетболэн шудонъя сборноезлэн пӧлэсаз Кириленко зарни медальёс утӥз, 2011-тӥ арын Европалэн чемпионатаз — туй узвесь медальёс но 2012-тӥ арын Олимпи шудонъёсын туй узвесь призёр луиз.

Улон сюресэз

[Тупатыны | вики-текстэз тупатыны]

Пинал дырыз[Тупатыны | вики-текстэз тупатыны]

Вордӥськиз 1981-тӥ арын 18-тӥ тулыспалэ. Атаез Геннадий Кириленко— ачиз но спортсмен, футболэн шудонъя «Искра» нылкышно клублэн валтӥсь тренерез (Ленинград улос). Анаез Ольга Кириленко озьы ик баскетболэн тунсыкъяськиз, «Буревестник», «Спартак», «Серп и молот» но «Скороход» нылкышно командаосын шудылӥз. Ольга секытэн дыръя, Геннадий армиын, спортротаын служить кариз, соин, нылпи вайыны Ольга анаез доры, Ижкаре бертӥз[4]. Ньыль толэзь ортчыса, анаез вуоно баскетболистэз Ленинградэ вайиз.

Пинал дыръяз Андрей уянэн, футболэн но гандболэн тунсыкъяськиз. Баскетболэн 1-тӥ классысен вырыны кутскиз. Дышетскиз Ленинградысь Фрунзе ёросысь детско-юношеской спорт школаын; нырысетӥ тренерез — Алексей Владимирович Васильев[5]. 1995-тӥ арын кар командаен валче баскетболэн шудонъя 1981-тӥ арын вордӥськемъёс пӧлын Россилэн чемпионэз луиз[3][6].

1997—1998: Спартак[Тупатыны | вики-текстэз тупатыны]

1997-тӥ арын 18-тӥ толшоре Кириленко аслэсьтыз ӧнер карьеразэ Санкт-Петербургысь «Спартаклэн» пушпӧлаз 1996-тӥ/97-тӥ сезонын кутскиз. 16 аресаз мынӥсь спортсмен Россилэн чемпионатэзлэн первенствоез понна ӵошатсконъёсын турнирлэн быдэс историяз тужгес егитэз шудӥсь луиз. Таяз сезонын куинь матч гинэ шудыса, вуонояз 41-тӥ шудонэ пыриськиз, шорлыдын 11,9 очко люказ, 4,6 подбор, 0,521 процент бросокъёс лэсьтӥз[3]. 1997-тӥ арын Кириленко юниоръёс пӧлын ортчись Европалэн чемпионатаз пыриськиз, шорлыдын 19,5 очко люказ но 10,2 подбор, 3,9 перехват лэсьтӥз. Озьы Кириленко турнирлэн тужгес кулэлыкоез шудӥсез луиз (MVP — англ. Most Valuable Player)[3].

Дышетскиз Анатолий Штейнбок[ru] дорын[7].

1998—2001: ЦСКА[Тупатыны | вики-текстэз тупатыны]

1998-тӥ арын гужем Кириленко ЦСКА-е выжиз. Шоркар клуб понна нырысетӥ сезонын шудыкуз, шудонлэн кутсконысеныз ик яланлыко сезонлэн 26 шудонъёсаз 12,4 очко люказ, 4,2 подбор, 2,1 передача лэсьтӥз но европейской клубной турнирлэн сизьым матчъёсаз 5,3 очко люказ но 1,4 подбор лэсьтӥз[3]. Командаен ӵош Кириленко Россилэн чемпионатаз[ru] нырысьсэ зарни медальёс утӥз. Евролигаын турок «Эфес Пилсенлы» келяса, финаллэн 1/8-аз турнирез дырызлэсь вазь йылпумъяно луиз[8].

1999-тӥ/2000-тӥ яланлыко сезонын Кириленко ЦСКА-лэн азьветлӥсьёсыз пӧлы шедиз, 37 шудонын шорлыдын 13,2 очко люказ но 6,1 подбор, 2,5 передача лэсьтӥз но европейской клубной первенстволэн 19 шудонъёсаз 11,5 очко люказ но 6,2 подбор лэсьтӥз[3], собере аслэсьтыз командазэ Россилэн чемпионатаз но NEBL чемпионатын (Североевропейской баскетбольной лига) вормонозь вуттӥз[3]. Ачиз Кириленко куинь шудон куспын 45 очко люказ но 19 подбор лэсьтӥз[9]. Сезонлэн йылпумъянъёсызъя Кириленко Россилэн чемпионатаз тужгес устоез шудӥсь шуыса пусъемын вал[3].

2001—2011: Юта Джаз[Тупатыны | вики-текстэз тупатыны]

1999-тӥ арын 30-тӥ инвожое «Юта Джаз»[ru] НБА клуб Кириленкоез аслыз 24-тӥ номеро драфтэ бырйиз[3]. Камандаын шудӥсьёс Кириленколы соку ик АК-47 ним сётӥзы, соин сэрен, солы 47-тӥ номер ӵектӥзы[10].

«Ютаын» Кириленколэн дебютэз 2001-тӥ/02-тӥ сезонын ортчиз, солэн йылпумъянъёсызъя, со НБА-лэн 5 тужгес устоосыз выль шудӥсьёс пӧлы пыриз но «новичок года» куара сётонын куинетӥ интые потӥз. Шорлыдын одӥг шудонын 10,7 очко (вань выль шудӥсьёс пӧлын 5-тӥ) люкалляз, 4,9 подбор (командаын 3-тӥ но выль шудӥсьёс пӧлын 5-тӥ), 1,94 блок (НБА-ын 12-тӥ но выль шудӥсьёс пӧлын 2-тӥ) но 1,41 перехват (вань выль шудӥсьёс пӧлын 5-тӥ) лэсьтылӥз. Кириленко сезонлэн ваньмаз 82 шудоназ пыриськиз, соос пӧлысь 40 пол стартовой пятёркаын вал[3]. Кириленколэн командаез плей-оффлэн нырысетӥ раундаз «Сакраменто Кингзлы» 3-1 лыдын келяса, сезонэз йылпумъяз.

2002-тӥ/03-тӥ сезонын Кириленко 82 шудон пӧлысь 80-аз пыриськиз, шорлыдын одӥг шудонын 27,7 минут куспын 12,0 очко люказ но 5,3 подбор лэсьтӥз. Тыбырыз висемен, кыксэ шудонэз кельтоно луиз (15-тӥ шуркынмонэ Детройтын но 17-тӥ шуркынмонэ Торонтоын). Выль шудӥсьёслэн матчазы НБА-лэн «Звёздной уикэндаз»[ru] кыкетсэ пыриськиз, 27 минут куспын 13 очко (6-10) люказ, 5 подбор, 2 перехват но одӥг блок-шот лэсьтӥз[3]. Плей-оффлэн нырысетӥ раундаз «Юта» выльысь «Сакраменто Кингзэн» пумиськиз но вить матч ӵоже 4-1 лыдын келяз.

2003-тӥ/04-тӥ сезон кутскон азьын «Ютаысь» солэн азьвыл азьветлӥсьёсыз Джон Стоктон (карьеразэ йылпумъяз) но Карл Мэлоун («Лос-Анджелес Лейкерс» клубе выжиз) кошкизы, соин валче, командалэн пушказ воштӥськонъёс кылдӥзы. Кириленко, 78 шудонын шудӥз, бур пыд лодӥгазэ золтэмен, ньыльзэ кельтоно луиз. Озьы ке но, «Юта Джазлэн» тужгес устоез шудӥсез чотэ кылиз: очкоосъя (16,2), подборъёсъя (8,1), перехватъёсъя (1,92) но блок-шотъёсъя (2,76). Лигаын блок-шотъёсъя куинетӥ но перехватъёсъя ньылетӥ интыосы потӥз. Кириленко НБА-лэн кыкетӥ оборонительной сборнояз пыриз.

2005-тӥ арын, «Джазын» шудӥсьёс воштӥськемен, Кириленко НБА-лэн нырысетӥ оборонительной сборнояз шедиз но командалэн азьветлӥсез луиз. Вань кизилиослэн матчазы пыриськиз. Гужем «Джаз» ӟуч спортсменэн максимальной суммалы контракт гожтӥз но Россиысь спортсменъёс пӧлысь тужгес вылӥ дунъямонэз луиз. Солэн «Юта Джазын» арскын басьтэм уждунэз 15,3 миллион доллар тыр луиз[11]. 2005-тӥ/06-тӥ сезон росси спортсмен понна тужгес удалтымонэз луиз. Со 69 шудонэ пыриськиз, 63-яз соос пӧлысь нырысь минутъёсысеныз шудӥз, 13-зэ шуккиськеменыз кельтоно луиз. Кириленко НБА-ын блок-шотъёслэн огъя лыдзыя (220) но одӥг шудон куспын блок-шотъёслэн лыдзыя (3,32), азьмынӥсе потӥз, озьы ик кык трипл-дабл лэсьтӥз. Пайдалыкезъя но подборъёсъя (8,0) командаын куинетӥ (15,3), передачаосъя (4,3) кыкетӥ, блок-шотъёсъя (3,19) но перехватъёсъя (1,48) нырысетӥ луиз. Шорлыдын одӥг шудон куспын площадкаын 37,7 минут возиськиз[3].

Сезонъёс вискын Кириленко аслаз тренереныз Джефф Хорнасекен бросокъёс бордын ужаз, озьы ке но, вуоноез сезон баскетболистлэн карьераяз тужгес лябез луиз. «Джазменъёслэн» валтӥсь тренерзы Джерри Слоун саклыксэ выль шудӥсьёс вылэ Карлос Бузер но Дерон Уильямс вылэ выжтӥз. Кириленко азьветлӥсьёс пӧлысь огшоры шудӥсьёслэн радазы выжиз. Командалэн защитникез но резервной бомбардирез луиз. Россиысь ивор вӧлмытӥсь ёзъёслы интервью сётыкуз, баскетболист трос пол вералляз «Юталэн» шудон манерез ӧз ке воштӥськы, мукет клубе выжонэз сярысь. Озьы ке но, со командае ик кылиз. Нош «Джазлэн» командной показательёсыз, азьвыл аръёсын ӵошатыса, шӧдскымон будӥзы.

2008-тӥ/09-тӥ сезонын Кириленко 67 шудонэ пыриськиз (10 пол стартовой пятёркаын шудӥз), шорлыдын одӥг шудон понна 11,6 очко люкалляз, 4,8 подбор, 2,6 передача, 1,24 перехват но 1,15 блок-шот лэсьтылӥз[3].

2009-тӥ/10-тӥ сезонын Кириленколэн показательёсыз, шукиськемъёсыныз сэрен, туж ик умоесь ӧй вал. Со 58 шудонэ пыриськиз (35 старт), шорлыдын 11,9 очко люкалляз, 4,6 подбор, 2,7 передача, 1,43 перехват лэсьтылӥз но площадкаын 28,6 минут ортчытъяз[3].

«Ютаын» берпуметӥ 2010-тӥ/11-тӥ сезонзэ шудыкуз, уждунэзъя ($17,8 млн) Кириленко НБА-лэн дас тужгес вылӥ дунъям шудӥсьёс пӧлы шедиз. Соин валче, солэсь контрактсэ озьы ик тужгес удалтымтэ огкылъёсын но кулэезлэсь вылӥ дунъям шудӥсьёсын рейтингъёсы пыртылӥзы[12]. Таяз сезонын Кириленко 64 шудонэ пыриськиз (62 старт), шорлыдын 11,7 очко люкалляз, 5,1 подбор, 3,0 передача, 1,3 перехват лэсьтылӥз но матч куспын 31,2 минут шудон площадкаын ортчытъяз[3]. Сезон пумын «Юта Джаз» локаутэ сюремен сэрен, Андрей Кириленко ужудыссэ Россиын азьланьтыны мылкыд кариз.

2011—2012: ЦСКА[Тупатыны | вики-текстэз тупатыны]

2011-тӥ арын 4-тӥ коньывуонэ Кириленко ЦСКА-ен куинь аръем контракт гожтӥз[13]. Отын, локаут йылпумъяськем бере, со выльысь НБА-е берытскыны быгатоз шуыса пусъемын вал[14]. 2011-тӥ арын 31-тӥ толсуре Андрей Кириленко ЦСКА-ын 2011-тӥ/12-тӥ сезон пумозь шудоз шуыса, решение кутӥз[15][16]

Командаеныз валче Кириленко Евролигалэн финалаз потӥз, ВТБ-лэн Огъя лигаяз вормиз но Россилэн чемпионатаз зарни медальёс утӥз. Сезон пумын сое Евролигалэн яланлыко сезонысьтыз MVP , Евролигаысь тужгес устоез оборонаын шудӥсь шуыса пусйизы но Евролигалэн нырысетӥ сборнояз пыртӥзы[17]. Кириленко озьы ик яланлыко чемпионатлэн но ВТБ-лэн Огъя лигаысьтыз «Финал четырёхлэн» MVP-ез луиз. Сое Евролигалэн но и БЕКО ПБЛ-лэн символической пятёркаосыз пӧлы пыртӥзы[18]. 2013-тӥ арын 6-тӥ тулыспалэ La Gazzetta dello Sport итальян изданилэн версиезъя Андрей Кириленко 2012-тӥ арын Европаысь тужгес устоез баскетболист шуыса пусъемын; со бырйиськонэ 14 кунъёсысь шудӥсьёс, тренеръёс но журналистъёс пыриськизы. Кириленко Россиысь нырысетӥез баскетболист, кудӥз СССР куашкам бере та данъетэн пусъемын [19]. Толэзь ортчыса, ФИБА Европа баскетбол ассоциация озьы ик Кириленкоез 2012-тӥ арысь тужгес устоез шудӥсь шуыса пусйиз. Та дано спорт данъет спортсменлэн карьераяз кыкетӥез луиз, нырысьсэ та нимын 2007-тӥ арын данъетамын вал[20].

2012—2013: Миннесота Тимбервулвз[Тупатыны | вики-текстэз тупатыны]

2012-тӥ арын 27-тӥ пӧсьтолэзе Андрей Кириленко контрактэзлэн опциеныз пайдаяськыса, выльысь НБА-е берытскиз но «Миннесота Тимбервулвз» клубен контракт гожтӥз[21]. Со клубын ик шудӥз азьвылгес татчы ЦСКА-ысь выжем Россиысь спортсмен — Алексей Швед[18].

2012-тӥ/13-тӥ сезон, нырысетӥ шудонъёсын валтӥсь шудӥсьёслэсь шуккиськонъёссэс лыдэ басьтытэк, «Тимбервулвз» понна удалтымон радъяськиз. Кириленко сезонэз стартовой пӧлэсын кутскиз, защитая валтӥсь ӧнерчи чотын. Озьы ик, тужгес опытноез, командаысь егитъёсты визьнодась луиз. 2013-тӥ арын толшоре, шуккиськеменыз сэрен, командаысь кошконо луиз Кевин Лав[22], сезон пумынгес шуккиськиз Малкольм Ли[23]. Шуккиськеменызы матчъёсты кельтылӥзы Бадингер, Рой, Алексей Швед но Никола Пекович. Звёздной уик-энд азьын ачиз Кириленко но, макес быгытэз шуккиськемен, кӧня ке шудонэз кельтӥз[24]. Солы луыса, тулыспал пумын «Тимбервулвзлэн» вормонъёсыз келямъёсызлэсь дас поллы ӧжытгес луизы (20-33). Шуг-секытысь потон вылысь, «Тимбервулвз» француз форвардэн Микаэль Желабален дас нуналъем контракт гожтӥз[25], Пековичез воштыны ӧтемын вал центровой Крис Джонсон. Озьы ик, кузпалыз висемен, быдэс толшорзэ шудонэ ӧз поталля тренерзы Рик Адельман. Умой шудонъёс вошъяськылӥзы удалтымтэосыныз. Сезон пумын гинэ йӧнатскыса, шудонъёсы пыриськизы Чейз Бадингер но Рики Рубио. Кыкетӥез командалэн азьветлӥсез луиз. Озьы ке но, соослэн усто шудыны быгатэмзы командаез плей-оффе вуттыны ӧз быгаты[26]. Кириленко, «Миннесота» понна шудыкуз, шорлыдын матч куспын 12,4 очко люкалляз, 5,7 подбор но 1,5 перехват лэсьтылӥз. Сезон пумын со «Миннесотаен» контрактсэ ӧз азинты но копак эрико агент луиз.

2013—2014: Бруклин Нетс[Тупатыны | вики-текстэз тупатыны]

«Миннесотаен» 10-миллионъем контрактлэсь палэнтӥськыса, ӟуч ужбергатӥсьлэн Михаил Прохоровлэн «Бруклин Нетс» клубеныз 3,1 миллион доллар тыр одӥг аръем контракт гожтӥз.

2013-тӥ/2014-тӥ сезон йылпумъяськем бере, Кириленко «Бруклинэн» контрактсэ эшшо одӥг арлы азинтӥз но клуб понна 2014-тӥ/2015-тӥ сезонын шудӥз[27].

2014-тӥ арын 11-тӥ толсуре "Бруклин" Кириленкоез но Хорхе Гутьерресэз «Филадельфия Севенти Сиксерс» клубысь шудӥсьёсын воштӥз. Кириленколэн «Филадельфия» понна шудыны паумит луэмысьтыз, клуб сое дисквалифицировать кариз но контрактсэ быдтӥз[28]. 24-тӥ тулыспалэ Кириленко выльысь эрико агент инлык басьтӥз[29][30].

2015: ЦСКА[Тупатыны | вики-текстэз тупатыны]

Со нуналэ ик ЦСКА Андрей Кириленкоез сезон пумозь бордаз кутэмез сярысь ялӥз.

2015-тӥ арын 1-тӥ оштолэзе Кириленко тренер уже выжиз[31].

Командаеныз валче, ВТБ-лэн Огъя лигаяз Россилэн чемпионэз титул басьтэмез бере, Кириленко спорт карьеразэ йылпумъянэз сярысь ивортӥз.

Россилэн сборнояз[Тупатыны | вики-текстэз тупатыны]

2011-тӥ арын Европалэн чемпионатаз Андрей Кириленко туй узвесь медаль басьтӥз

Йӧскалык сборнойлэн пушпӧлаз Кириленко нырысьсэ 2000-тӥ арын шудӥз, Сиднейын Олимпиада ортчыку. Собере Европалэн 2001-тӥ, 2003-тӥ, 2005-тӥ, 2007-тӥ аръёсы ортчем чемпионатъёсаз но 2002-тӥ арын дунне чемпионатэ пыриськиз. Нырысь нуналъёсысеныз ик йӧскалык сборнойлэн азьветлӥсез луиз[32].

Кириленко понна тужгес валтӥсез луиз 2007-тӥ арын Испаниын ортчем Евробаскет. Россилэн сборноез аслаз историяз нырысьсэ (СССР-ысь командалэсь вормонъёссэ лыдэ басьтытэк) континетлэн первенствояз вормисе потӥз. Кириленколэн кӧня ке яркыт матчъёсыз пӧлысь тужгес устоез — полуфиналын Литваен шудэмзы (86:74). Со пумиськонын форвард 29 очко люказ, 11 пӧлысь 9 бросок лэсьтӥз. Турнирлэн йылпумъянъёсызъя Андрей турнирлэн символической сборнояз пыртэмын но турнирлэн MVP шуыса пусъемын[33] вал. Росси Федерациысь спортъя сӥё-дано мастер ним сётэмын.

2008-тӥ арын 8-тӥ гудырикошконэ Пекинын гужем Олимпи шудонъёсты усьтон ужрадын Кириленколы Россилэсь флагзэ нуыны дан усиз[34]. Со Олимпиадае Россилэн туж кужмо сборноез пыриськиз. Нырысетӥ матчын росси команда Иранэз вормиз, собере Хорватилы, Литвалы, Австралилы но Аргентиналы келяса, группаяз витетӥ луиз.

2009-тӥ арын Кириленко Евробаскет 2009 ӵошатсконэ семья ужпумъёсын сэрен пыриськыны ӧз быгаты[35]. Ар ортчыса, баскетболэн шудонъя дунне чемпионатэз но кельтӥз.

2011-тӥ арын Кириленко, Литваын ортчись Европалэн чемпионатаз пыриськон понна, выльысь сборное берытскиз. Соку Россиысь команда дас одӥг матч пӧлысь полуфиналын одӥгзэ гинэ — Францилэн сборноезлы келяз. Куинетӥ инты понна ӵошатскон матчын, Македониез вормыса, туй узвесь медальёс басьтӥз. Евробаскетлэн йылпумъянъёсызъя Кириленко турнирлэн символической сборнояз пыртэмын.

2012-тӥ арыын Андрей Кириленко Лондонын ортчись гужем Олимпи шудонъёсы пыриськиз[36]. Отын Россилэн сборноез туй узвесь медаль басьтӥз.

Групповой турниръя Кириленко командалэн валтӥсь шудӥсьёсыз пӧлысь одӥгез вал. Шудон площадкаын ваньмызлэсь тросгес дырзэ ортчытъяз (33:53), люкам очкоосызъя (17,5) но подборъёсъя (7,5) командалэн азьветлӥсез.

Групповой турнирлэн стартовой матчаз, Великобританиен шудыкузы, Кириленко 35 очко люказ.

Групповой этапын сборной, 5 пӧлысь 4 матчез вормыса, группаяз нырысетӥ интые потӥз.

Финаллэн ньыльмосаз Литваен шудыкузы, Кириленко сборнойлэн тужгес устоез бомбардирез луиз (19 очко). Нош полуфиналын Испанилы келяз, ачиз Кириленко 10 очко сяна люканы ӧз быгаты.

Туй узвесь медальёс понна ӵошатсконын асьме сборной Арентинаез вормиз, Андрей шудон площадкаын 36 минут ӵоже 20 очко люказ.

Первенстволэн йылпумъёсызъя Кириленко турнирлэн символической сборнояз пыртэмын (ESPN телеканаллэн версиезъя).

2012-тӥ арын 13-тӥ гудырикошконэ «физической культураез но спортэз азинтонэ мыло-кыдо пыриськемез но 2012-тӥ арын Лондонын (Великобритания) ортчем XXX Олимпи шудонъёсын вылӥ азинлыкъёсыз понна» Андрей Кириленко «За заслуги перед Отечеством» II степенё орденлэн медаленыз пусъемын [37].

2013-тӥ арын куарусёнэ Россилэн сборнояз карьеразэ йылпумъямез сярысь ивортӥз[38].

2015-тӥ арын гудырикошконэ Россиысь Баскетболэн шудонъя федерацилы президентэ быръемын (РФБ).

Вормонъёсыз

[Тупатыны | вики-текстэз тупатыны]


Сборнойлэн пушпӧлаз[Тупатыны | вики-текстэз тупатыны]

  • 2012-тӥ арын Лондонын ортчем Олимпи шудонъёслэн туй узвесь призёрез.
  • 2007-тӥ арын Европалэн чемпионэз, Евробаскетлэн тужгес кулэлыко шудӥсез (MVP) но турнирысь тужгес устоез нападающий
  • 2011-тӥ арын Европалэн туй узвесь призёрез, турнирлэн символической сборноез
  • 1997-тӥ арын егитъёс пӧлын ортчись Европалэн чемпионатэзлэн азвесь призёрез. Турнирлэн тужгес кулэлыко шудӥсез
  • 1998-тӥ арын вань дуннеысь егитъёс пӧлын ортчем шудонъёслэн азвесь призёрез.

Клубъёсын валче[Тупатыны | вики-текстэз тупатыны]

  • ЦСКА-лэн пушпӧлаз Россилэн куинь полэс чемпионэз (1999-тӥ, 2000-тӥ, 2012-тӥ аръёсы).
  • ВТБ-лэн Единой лигаезлэн чемпионэз (2012-тӥ, 2015-тӥ аръёсы).
  • Санкт-Петербургысь командалэн пушпӧлаз1981-тӥ арозь вордӥськемъёс пӧлын Россилэн чемпионэз (1995-тӥ ар).


Аслаз[Тупатыны | вики-текстэз тупатыны]

  • Европа ФИБА-лэн арлэн шудӥсез (2007, 2012).
  • Евролигалэн яланлыко сезонысьтыз (2012)[39]
  • Евролигалэн оборонаын тужгес устоез шудӥсез (2012)[40]
  • Россилэн чемпионатаз тужгес устоез шудӥсь (2000).
  • ВТБ-лэн Единой лигаяз яланлыко сезонысь MVP (ВТБ-лэн Единой лигаез — 2012)[41].
  • ВТБ-лэн Единой лигаяз "финал четырёхысь" MVP (ВТБ-лэн Единой лигаез — 2012]])[42].
  • НБА-ысь Вань кизилиослэн матчазы пыриськем мурт (2004)
  • НБА-ысь Выль шудӥсьёслэн матчазы пыриськем мурт (2002, 2003).
  • НБА-ысь выль шудӥсьёслэн сборнойзы (2002).
  • НБА-лэн яланлыко чемпионатаз блок-шотъёсъя азьмынӥсез]] (2005).
  • 3 пол пыртэмын НБА-лэн защитаысь вань кизилиосын сборнояз: 2006 (нырысетӥ сборной); 2004, 2005 (кыкетӥ сборной).
  • Россилэн «Кизили матчаз» пыриськем мурт (1999, 2000).
  • Россилэн «Кизили матчаз» вылысен лэсьтэм бросокъёсъя вормись (1999).
  • Европалэн «Кизили матчаз» тужгес егитэз шудӥсь (18 арес 10 толэзь 10 нунал).
  • Евролигалэн «Финала четырёх» ӵошатсконаз пыриськем мурт (2001, 2012).

Ӧнерлыко быгатонлыкъёсыз

[Тупатыны | вики-текстэз тупатыны]
Москва, Бадӟым Кремль дворец. Россилэн президентэз Дмитрий Медведев Россилэн олимпи сборнойысьтыз ёзчиосын пумиськон дыръя

Андрей Кириленколэн быгатонлыкъёсыз троспöртэмлыкоесь. Со огкадь капчиен капчи но секыт форвардлэн позициосаз шудыны быгатэ. Солэн нападениын (12,4 очко но 5,6 подбор НБА-ын 2010-тӥ/2011-тӥ сезонэз йылпумъяку) но оборонаын вылӥ быгатонлыкъёсыз пусъемын. Атакаын Кириленко вожвылчиосызлэн фолъёс люкамзы вылэ пыкиське, соослэсь ӝог висъяськыны быгатэменыз, мурт щит вылын подбор лэсьтэменыз, пас сётъяса шудэменыз но туж ӝог нырысь вамыш лэсьтыны быгатэменыз висъяське. Кириленко ӵемысь партнёръёсызлы атакае потыны луонлык кылдытэ[43]. Оборонаын ӟеч шудыны быгатэменыз сое куинь пол НБА-лэн защитая вань кизилиослэн сборнояз пыртылӥзы. Оборонительной шудонын Кириленко вань кужымзэ сётэ бросокъёслы блок пуктонлы, шонер позициез бырйыны быгатэ но аслаз щитэз улын подбор но перехват лэсьтыны быгатэ (2,0 блок-шот но 1,4 перехват НБА-ын шудыкуз одӥг шудон куспын 2010-тӥ/2011-тӥ сезон пумын). Андрей аслэсьтыз партнёръёссэ ӟеч страховать карыны быгатэ — троссэ блок-шотъёсты со площадкалэн «ляб» палысеныз потыса быдэстэ. Соин валче, Кириленколэн атаковать карон быгатонлыкъёсыз но площадкаез шӧдыны быгатэмез туж вылын. Блок-шотъёсъя Кириленко НБА-лэн быдэс историысьтыз 40 азьмынӥсьёсыз пӧлы пыре[3]. Европеецъёс пӧлысь Владе Дивацлэсь гинэ ӧжытак бере кыле[44]. Андрей Кириленко НБА-лэн историяз 15-тӥез шудӥсь, кудӥз 1000 перехват, 1000 блок-шот но 2000 передача лэсьтӥз.

Аслаз троспӧртэмлыко луэменыз Андрей НБА-лэн историяз куинь пол туж шер луылӥсь статистической показательёс возьматъяз, Уйпал Америкаын сое «вить-пол-вить» нимало (англ. Five-by-five), куке баскетболист матч куспын котькуд статистической показателья витьлэсь трос баллъёс люка— очкоосъя, передачаосъя, подборъёсъя, перехватъёсъя но блок-шотъёсъя. Андрейлы кык пол «вить-пол-вить» показательёсты возьматыны удалтӥз, 2003-тӥ арын толсурлэн кутсконаз одӥг арня куспын кык пол, 2006-тӥ арын 3-тӥ толшоре «Лос-Анджелес Лейкерслы» пумит шудонын (овертаймтэк шудонын) «вить-пол-куать» показателез возьматӥз, котькуд показателья 6 баллэсь трос (14 очко + 8 подбор + 9 передача + 6 перехват + 7 блок-шот). Быдэс историын, 1985-тӥ/86-тӥ сезонъёсысен кутскыса, таӵе показательёс возьматыны удалтӥз вал Хаким Оладжьювонлы гинэ (кык овертаймъёсын матчын). Оладжьювон озьы ик одӥгез гинэ баскетболист, Кириленко сяна, кудӥз быдэс каръераез ӵоже одӥг поллэсь трос «вить-пол-вить» показателез возьматыны быгатӥз — тодмо луэм центровойлэн со 6[45]. Эшшо НБА-ысь 6 баскетболистъёс, 1985-тӥ/86-тӥ сезонысен кутскыса, карьеразы куспын одӥг пол гинэ «вить-пол-вить» лэсьтылӥзы.

Выступлениосызъя статистика

[Тупатыны | вики-текстэз тупатыны]

НБА-лэн одӥг шудонысьтыз тужгес устоосыз показательёс[Тупатыны | вики-текстэз тупатыны]

Статистика НБА-лэн официальной сайтысьтыз басьтэмын

  • Очко — 31 (2004-тӥ арын 17-тӥ тулыспалэ «Майами Хитлы» пумит)
  • Попаданиос — 11 (куинь пол)
  • Бросокъёс — 21 (25 января 2006-тӥ арын 25-тӥ толшоре «Сиэтл Суперсоникслы» пумит)
  • Меӵак куинь очкоем — 5 (2 пол)
  • Куинь очкоем бросокъёс — 9 (2004-тӥ арын 17-тӥ тулыспалэ «Майами Хитлы» пумит)
  • Точной штрафной — 16 (2006-тӥ арын 3-тӥ тулыспалэ «Сакраменто Кингзлы» пумит)
  • Штрафной бросокъёс — 17 (2 пол)
  • Нападениын подборъёс — 8 (2 пол)
  • Защитаын подборъёс — 13 (2 пол)
  • Подборъёс — 18 (2006-тӥ арын 21-тӥ южтолэзе «Финикс Санзлы» пумит)
  • Передачаос — 11 (4 пол)
  • Перехватъёс — 8 (2003-тӥ арын 3-тӥ толсуре «Хьюстон Рокетслы» пумит)
  • Блок-шотъёс — 10 (2006-тӥ арын 25-тӥ южтолэзе «Сакраменто Кингзлы» пумит)
  • Шудыса ортчытэм минутъёс — 50 (2008-тӥ арын 27-тӥ тулыспалэ «Хьюстон Рокетслы» пумит)

Файв-бай-файв[Тупатыны | вики-текстэз тупатыны]

Дырыз Арлыд Команда Счёт Вожвылчи Очкоос Подборъёс Передачаос Перехватъёс Блок-шотъёс Овертайм Чӧлскон
3 декабря 2003 22 Юта Джаз 101:107 Хьюстон Рокетс 19 5 7 8 5 Да (OT) [49]
10 декабря 2003 22 Юта Джаз 95:73 Нью-Йорк Никс 10 12 6 6 5 Нет [50]
3 января 2006 24 Юта Джаз 90:80 Лос-Анджелес Лейкерс 14 8 9 6 7 Нет [51]

Трипл-даблъёс[Тупатыны | вики-текстэз тупатыны]

Сезон Дырыз Клуб Вожвылчи Счёт Минутъёс Очкоос Подборъёс Передачаос Перехватъёс Блок-шотъёс Чӧлскон
2005-тӥ/06-тӥ 17-тӥ толшоре 2006 Юта Джаз Торонто Рэпторс 111:98 46 18 16 11 3 4 [1]
25-тӥ южтолэзе 2006 Юта Джаз Сакраменто Кингз 89:91 40 15 14 3 3 10 [2]
2007-тӥ/08-тӥ 30-тӥ шуркынмонэ 2007 Юта Джаз Лос-Анджелес Лейкерс 120:96 41 20 11 11 6 4 [3]

Ас улонэз

[Тупатыны | вики-текстэз тупатыны]

2001-тӥ арын гужем Андрей Мария Лопатоваен, Андрей Лопатов баскетболистлэн нылыныз кузпалъяськиз. Мария картэзлэсь 8 ареслы бадӟымгес. Ньыль нылпи будэто — Фёдор, Степан, Андрей но Александраез 2009-тӥ арын вордыны басьтӥзы[52].

2002-тӥ арын баскетболистлэн кузпалыз крезьгуро диск гожтӥз, ачиз Кириленко кышноезлэн клипаз гожтӥськиз. НБА-лэн сезонэз мыныку, Кириленкоослэн семьязы Солт-Лейк-Ситиын асьсэ коркаязы улэ, сезонъёс вискын — Москваын но Франциын . 2011-тӥ арын Кириленко кышноеныз валче США-лэсь кунмуртлыксэ басьтӥзы[53].

Теннисистка Мария Кириленколэн верамезъя, соос Андреен ӵыжы-выжы уг луо. Соос 2011-тӥ арын гинэ тодматскиллям, серем карон вылысь, интервьюосын вынын сузэр луо шуыса вералляло.

2012-тӥ арын 9-тӥ тулыспалэ Андрей Кириленко Президентэ ӵектэм муртлэн Михаил Прохоровлэн оскем муртэз шуыса, официально эрикрадъямын вал[54].

2003-тӥ арын Кириленко кузпалъёс США-ын, Солт-Лейк-Ситиын «Kirilenko’s Kids» («Кириленко — Детям!») благотоворительной фонд кылдытӥзы. 2006-тӥ арысен Фонд Россиын юридик ласянь эрикрадъямын[55]. Огазеяськон нылпи эмъюртъёслы, нылпи юртъёслы но интернатъёслы, спорт школаослы, спортысь ветеранъёслы но ӧлексы кылем баскетболистъёслы юрттэт сётэ. Озьы ик массовой непрофессиональной нылпи спортэз азинтыны юрттэ. Фонд кылдэм дырысен сизьым ар куспын трос проектъёс улонэ пыӵатэмын, соос пӧлын школаос куспын баскетболэн шудонъя турниръёс ортчытъян. 2012-тӥ арын Кириленко «ЦСКА» ПБК-ын (2011-тӥ/12-тӥ сезон) контрактъя ужамез понна басьтэм уждунзэ быдэсак «Кириленко — детям!» нылпи фондлы кузьмаз[56].

Валэктонъёс

[Тупатыны | вики-текстэз тупатыны]
  1. ↑ Андрей Кириленко: биография, олимпийские медали, рекорды и возраст(ӟуч)
  2. ↑ Кириленко единогласно выбрали президентом РФБ, Лента.Ру (25.08.2015). Архивировано 25 гудырикошконэ 2015 года. Дата обращения: 25 гудырикошконэ 2015.
  3. ↑ 1 2 3 4 5 6 7 8 9 10 11 12 13 14 15 16 Andrei Kirilenko Bio Page NBA.com. Эскеремын 2013-03-05 аре
  4. ↑ Дмитрий Иванов. Кириленко учился баскетболу в животе у мамы Комсомольская правда. Эскеремын 2013-04-27 аре
  5. ↑ Мария Кравченко. Андрей Кириленко: За границу нужно уезжать уже сложившимся игроком Спорт-Экспресс. Эскеремын 2013-03-08 аре
  6. ↑ Васильев А.В. Путь к мечте. — М.: фонд "Кириленко-Детям", 2011. — 200 с. — ISBN 978-5-91021-022-0.
  7. ↑ ШТЕЙНБОК Анатолий Иосифович | Российские спортсмены и специалисты | Спортивная Россия(ӟуч) infosport.ru. Эскеремын 2017-09-18 аре
  8. ↑ Andrei Kirilenko (CSKA Moscow) - Game-by-game statisticsб 1998/99 season FIBA Europe. Эскеремын 2013-04-28 аре
  9. ↑ Andrei Kirilenko (CSKA Moscow) - Game-by-game statisticsб 1999/2000 season FIBA Europe. Эскеремын 2013-04-28 аре
  10. ↑ Павел Осипов. АК-47: НОВОЕ АМЕРИКАНСКОЕ ПРОЗВИЩЕ КИРИЛЕНКО(ӟуч) Спорт-Экспресс. Эскеремын 2013-02-26 аре
  11. ↑ Светлана Фурман. Миллионы и чемпионы Мировой спорт. Vesti.kz. Эскеремын 2013-03-05 аре
  12. ↑ 7 российских спортсменов с самыми дорогими контрактами(ӟуч) Forbes. Эскеремын 2013-02-26 аре
  13. ↑ Андрей Кириленко: «Сезон должен стартовать в срок» Баскетбол. Sports.ru. Эскеремын 2013-03-04 аре
  14. ↑ Андрей Ватутин: «В течение 30 дней после официального завершения локаута Кириленко может подписать договор с клубом НБА» Баскетбол. Sports.ru. Эскеремын 2013-03-04 аре
  15. ↑ Андрей Кириленко: «Было бы неправильно остановиться на полпути» Баскетбол. Sports.ru. Эскеремын 2013-03-04 аре
  16. ↑ Андрей Кириленко: «Решение вернуться в ЦСКА в 2011 году далось мне легко»
  17. ↑ Кириленко — MVP Евролиги, Крстич — в первой пятёрке, Теодосич — во второй ПБК ЦСКА Москва. Эскеремын 2013-03-04 аре
  18. ↑ 1 2 Удачи в «Миннесоте», Андрей! ПБК ЦСКА Москва. Эскеремын 2013-03-04 аре
  19. ↑ Kirilenko king The Russian is voted Europlayer 2012(англи) La Gazzetta dello Sport. Эскеремын 2013-01-04 аре
  20. ↑ KIRILENKO MEN'S POY 2012(англи) ФИБА Европа. Эскеремын 2013-03-13 аре
  21. ↑ Андрей Кириленко: «Предложение «Миннесоты» оказалось очень интересным» Баскетбол. Sports.ru. Эскеремын 2013-03-04 аре
  22. ↑ Кевин Лав перенесёт операцию на правой руке 15 января Баскетбол: НБА. Чемпионат.com. Эскеремын 2013-03-04 аре
  23. ↑ Ли выбыл из строя до конца сезона НБА-2012/13 Баскетбол: НБА. Чемпионат.com. Эскеремын 2013-03-04 аре
  24. ↑ Кириленко получил травму в матче с «Портлендом» Баскетбол: НБА. Чемпионат.com. Эскеремын 2013-03-04 аре
  25. ↑ Контракт "Миннесоты" и Желабаля рассчитан на 10 дней, championat.com. Архивировано 21 толшоре 2013 года. Дата обращения: 16 куартолэзе 2013.
  26. ↑ Detroit Pistons vs. Minnesota Timberwolves - Recap - April 06, 2013 - ESPN Эскеремын 2013-04-28 аре
  27. ↑ Андрей Кириленко использовал опцию продления контракта с “Бруклином”, Чемпионат.com. Архивировано 20 южтолэзе 2022 года. Дата обращения: 24 инвожое 2014.
  28. ↑ Клуб НБА "Филадельфия" отказался от услуг российского форварда Андрея Кириленко Газета.ру.
  29. ↑ Клуб НБА отказался от Андрея Кириленко(англи), Lenta.ru (22.02.2015). Архивировано 24 тулыспалэ 2015 года. Дата обращения: 25 тулыспалэ 2015.
  30. ↑ Баскетболист Андрей Кириленко подписал контракт с ЦСКА(англи), Lenta.ru (24.02.2015). Архивировано 25 тулыспалэ 2015 года. Дата обращения: 25 тулыспалэ 2015.
  31. ↑ Ганеев, Тимур ЦСКА подтвердил переход Андрея Кириленко(англи) Известия. Эскеремын 2015-02-25 аре
  32. ↑ КИРИЛЕНКО Андрей Геннадьевич Международный объединённый биографический центр. Эскеремын 2013-03-04 аре
  33. ↑ Андрей Кириленко признан лучшим баскетболистом Европы Спорт. Lenta.ru. Эскеремын 2013-03-04 аре
  34. ↑ Осипов, Павел. Андрей Кириленко: «Стать знаменосцем — больше, чем мечта» Новости. Олимпизм. Спорт-Экспресс. Эскеремын 2013-03-04 аре
  35. ↑ Андрей Карташов, Андрей Петухов. «Кириленко будет не хватать» — Андрей Кириленко не поедет на чемпионат Европы Спорт. Газета.Ru. Эскеремын 2013-03-04 аре
  36. ↑ Объявлен состав сборной России по баскетболу на Олимпиаду Российская газета. Эскеремын 2012-09-19 аре
  37. ↑ Указ Президента Российской Федерации от 13.08.2012 № 1165 «О награждении государственными наградами Российской Федерации» Официальный интернет-портал правовой информации. Эскеремын 2012-08-15 аре
  38. ↑ Кириленко завершил карьеру в сборной Эскеремын 2014-06-10 аре
  39. ↑ 2011-12 All-Euroleague First, Second teams announced(англи) EUROLEAGUE BASKETBALL. Эскеремын 2013-03-05 аре
  40. ↑ Head coaches vote CSKA's Kirilenko best defender!(англи) EUROLEAGUE BASKETBALL. Эскеремын 2013-03-05 аре
  41. ↑ Андрей Кириленко — MVP регулярного сезона Единой Лиги ВТБ Единая Лига ВТБ. Эскеремын 2013-03-05 аре
  42. ↑ ЦСКА — чемпион Единой Лиги ВТБ! Единая Лига ВТБ. Эскеремын 2013-03-05 аре
  43. ↑ Андрей Кириленко: досье Баскетбол. Sports.ru. Эскеремын 2013-03-05 аре
  44. ↑ NBA & ABA Career Leaders and Records for Blocks(англи) basketball-reference.com. Эскеремын 2013-05-16 аре
  45. ↑ McGrady is not part of U.S. Olympic plans: Statistician's 'Dream' Houston Chronicle. Эскеремын March 12, 2011 аре
  46. ↑ 1 2 3 4 5 6 7 8 9 10 11 12 13 14 15 16 17 18 19 Andrei Kirilenko(англи) Basketball-Reference. Sports Reference LLC. — Статистика. Эскеремын 2013-02-25 аре
  47. ↑ 1 2 3 4 5 6 7 KIRILENKO, ANDREI(англи) Евролига. — Статистика. Эскеремын 2013-02-25 аре
  48. ↑ Андрей Кириленко #47 | #15(англи) ЦСКА. — Статистика. Эскеремын 2013-02-25 аре
  49. ↑ Utah Jazz at Houston Rockets Boxscore, December 3, 2003 basketball-reference.com. Sports Reference LLC. Эскеремын June 12, 2009 аре
  50. ↑ New York Knicks at Utah Jazz Boxscore, December 10, 2003 basketball-reference.com. Sports Reference LLC. Эскеремын June 12, 2009 аре
  51. ↑ Los Angeles Lakers at Utah Jazz Boxscore, January 3, 2006 basketball-reference.com. Sports Reference LLC. Эскеремын June 12, 2009 аре
  52. ↑ Кирилотенко и Илгаускас взяли детей из детдома.(ӟуч), Свободная Пресса (19 октября 2009). Архивировано 20 куартолэзе 2013 года. Дата обращения: 5 южтолэзе 2013.
  53. ↑ Андрей Кириленко получил гражданство США(ӟуч), Lenta.ru (12 января 2011). Архивировано 15 толшоре 2011 года. Дата обращения: 15 толшоре 2011.
  54. ↑ Постановление ЦИК РФ № 98/784-6, 9 февраля 2012(ӟуч), ЦИК РФ (9 февраля 2012). Архивировано 4 южтолэзе 2016 года. Дата обращения: 12 тулыспалэ 2012.
  55. ↑ Подробнее о фонде «Кириленко – Детям!» Kirilenko’s Kids. Эскеремын 2013-03-05 аре
  56. ↑ Кириленко отдаст все заработанные деньги в ПБК ЦСКА в детский фонд, РИА Новости (04.10.2011). Архивировано 2 тулыспалэ 2014 года. Дата обращения: 5 южтолэзе 2013.

Чӧлсконъёс

[Тупатыны | вики-текстэз тупатыны]
Аслаз данъетъёсыз но вормонъёсыз

Шаблон предназначен для обозначения сезонов НБА в статьях о баскетболистов, баскетбольных тренеров и клубах.

Параметры

[вики-текстэз тупатыны]
  • {{Nbay|1967}} → 1967/68
  • {{Nbay|1967|app=season}} → 1967/68
  • {{Nbay|1967|start}} → 1967
  • {{Nbay|1967|end}} → 1968
  • {{Nbay|1967|nolink=y}} → 1967–68

См. также

[вики-текстэз тупатыны]
  • {{Abay}}

Шаблон:Самый ценный игрок плей-офф Единой лиги ВТБ Шаблон:Самый прогрессирующий игрок чемпионата России по баскетболу

Флаг России Россилэн баскетболэн шудонъя воргорон сборноез калыккуспо ӵошатсконъёсын Флаг России

Шаблон:Мужская баскетбольная сборная России на Олимпийских играх 2000 Шаблон:Мужская баскетбольная сборная России на чемпионате Европы 2001 Шаблон:Мужская баскетбольная сборная России на чемпионате мира 2002 Шаблон:Мужская баскетбольная сборная России на чемпионате Европы 2003 Шаблон:Мужская баскетбольная сборная России на чемпионате Европы 2005 Шаблон:Мужская баскетбольная сборная России на чемпионате Европы 2007 Шаблон:Мужская баскетбольная сборная России на Олимпийских играх 2008 Шаблон:Мужская баскетбольная сборная России на чемпионате Европы 2011 Шаблон:Мужская баскетбольная сборная России на Олимпийских играх 2012

«https://udm.ruwiki.ru/w/index.php?title=Кириленко,_Андрей_Геннадьевич&oldid=293065»-ысь басьтэмын