Фёдоров, Александр Валерианович

Александр Валерианович Фёдоров
Александр Валерианович Фёдоров
Быдэс нимыз	Александр Валерианович Фёдоров
Вордӥськем нуналыз	13-тӥ тулыспалэ 1933
Вордӥськем интыез	Муско, СССР;
Кулон нуналыз	31-тӥ южтолэзе 2010 (77 лет)
Кулэм интыез	Иж, Россия;
Ужудысэз	инженер-механик, кивалтӥсь
Данъетъёсыз	Росси Федерациысь дано машиностроитель[d]

Алекса́ндр Валериа́нович Фёдоров (13-тӥ тулыспалэ 1933, Муско — 31-тӥ южтолэзе 2010, Иж) — совето но росси инженер-механик, экономика наукаосъя кандидат, техника наукаосъя доктор. НИТИ «Прогресслэн» директорез но генеральной директорез (1972—2001). Россиысь дано машиностроитель, СССР-ысь Министръёслэн Кенешсылэн но Оборонной промышленностья министерстволэн премиосызлэн лауреатэз^[1].

Улон сюресэз

Вордӥськиз 1933-тӥ арын 13-тӥ тулыспалэ Москваын служащейёслэн семьяязы. Шоръёзо школаез йылпумъямез бере Ижысь механической институтлэн машина лэсьтон ёзэтаз дышетскыны пыриз^[2]. 1957-тӥ арын сое «Инженер-механик» квалификациен йылпумъяз но Ижысь машина лэсьтон заводэ уже интыяськиз. Нырысь мастер, собере вошъяськись мастер луыса ужаз, берлогес техникая бюроен кивалтӥз, техникая цехлэн кивалтӥсезлэн воштӥсез но производствоез радъясь кивалтӥсьлэн воштӥсез вал^[3].

1965-тӥ арын куарусён толэзьысен Технологиосъя научно-исследовательской институтын (ИНИТИ) производствоез радъясь ёзэтэн кивалтыны кутскиз. 1969-тӥ арын коньывуон толэзьысен 1972-тӥ арын куартолэзёзь организацилэн парткомаз секретаре бырйиськылӥз, собере быдэсак ИНИТИ-ен кивалтӥз: 1972-тӥ арын инвожо толэзьысен солэн директорез луиз, 1994-тӥ арын инвожоысен — НИТИ «Прогресс» ОАО-лэн генеральной директорез, 2001-тӥ арын инвожоысен 2005-тӥ арын куартолэзёзь — институтысь Директоръёслэн Советсылэн тӧроез^[3]^[2]. ИНИТИ-лэн берло 30 аръёсыз «Фёдоровлэн вапумез» шуыса нимамын вал^[4].

Александр Фёдоров организациын кужмо лабораторно-экспериментальной но производственной инъетъёс кылдытонлэн кичӧлтӥсез луэ, оборонной предприятиослы быдэс кунын нырысетӥ автоматизированной производственной комплексъёс кылдытӥсь, озьы ик Фёдоровлэн кичӧлтэмезъя таӵе мерлыко объектъёс пуктэмын: поликлиника, шутэтскон база, спортивной комплекс^[2]^[4]. Фёдоров кивалтон вакытэ ик институтын ог-сюпӧртэм пумо стрелково-пушечной комплексъёс но ракетной техника, озьы ик граждан продукции, М-412 автомобильёс, К-700 тракторъёс, мотоциклъёс, нимазъям станокъёс поттыны кутскизы^[3]. 85 пумо продукци кылдытэмез, лэсьтэмез но улонэ пыӵатэмез понна Александр Фёдоров СССР-ысь Министръёслэн Советсылэн премиеныз пусъемын^[1].

1996-тӥ арысен 2010-тӥ арозь МВЕУ дышетон учреждениослэн ассоциацизылэн вице-президентэз вал^[2].

Александр Фёдоров — изобретениосын 5 патентлэн авторез но 57 печатлам научной ужъёслэн авторзы луэ, соос пӧлысь 4-ез монография. «Контенант» калыккуспо академилэн член-корреспондентэз, Удмурт Элькунысь инженерной академилэн академикез^[3]^[4]^[2].

2010-тӥ арын 31-тӥ южтолэзе Ижкарын улонысь кошкиз^[2]^[3].

Данъетъёсыз

Росси Федерациысь дано машиностроитель
Удмурт Элькунысь наука удысысь данео ужась
СССР-ысь Министръёслэн Советсылэн премиезлэн лауреатэз, лэйкыт производственной системаос кылдытэмез понна
Росси Федерациысь Оборонной промышленностья министерстволэн премиезлэн лауреатэз
«Знак Почёта» орден
Данлыко орден (1999)
Трудовой Горд Знамялэн орденэз
УАССР-ысь Вылӥ Кенешлэн Президиумезлэн данъян грамотаез^[5]^[3]

Озьы ик учке

Валэктонъёс

↑ ¹ ² Фёдоров Александр Валерианович [ӟуч] КаЛенДарь | Знаменательных и памятных дат Удмуртии.
↑ ¹ ² ³ ⁴ ⁵ ⁶ Алиса Звонкая. Скончался бывший гендиректор НИТИ «Прогресс» Александр Федоров, Аргументы в Ижевске (31.03.2010). Эскеремын: 11 пӧсьтолэзе 2024 арын.
↑ ¹ ² ³ ⁴ ⁵ ⁶ Удмуртия прощается с экс-гендиректором НИТИ «Прогресс» Александром Федоровым, ИА «Сусанин» (31 южтолэзе 2010). Эскеремын: 11 пӧсьтолэзе 2024 арын.
↑ ¹ ² ³ Виртуальная выставка «Директор» (посвящена Федорову А.В.) [рус.] Музейно-выставочный комплекс им. М.Т. Калашникова.
↑ Федоров Александр Валерианович – Награды России, 1999-09-10 [ӟуч]

[:3-1] ¹ ² Фёдоров Александр Валерианович [ӟуч] КаЛенДарь | Знаменательных и памятных дат Удмуртии.

[:1-2] ¹ ² ³ ⁴ ⁵ ⁶ Алиса Звонкая. Скончался бывший гендиректор НИТИ «Прогресс» Александр Федоров, Аргументы в Ижевске (31.03.2010). Эскеремын: 11 пӧсьтолэзе 2024 арын.

[:0-3] ¹ ² ³ ⁴ ⁵ ⁶ Удмуртия прощается с экс-гендиректором НИТИ «Прогресс» Александром Федоровым, ИА «Сусанин» (31 южтолэзе 2010). Эскеремын: 11 пӧсьтолэзе 2024 арын.

[:2-4] ¹ ² ³ Виртуальная выставка «Директор» (посвящена Федорову А.В.) [рус.] Музейно-выставочный комплекс им. М.Т. Калашникова.

[5] Федоров Александр Валерианович – Награды России, 1999-09-10 [ӟуч]

[1]

[2]

[3]

[4]

[5]