Чугуевский, Василий Сергеевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Чугуевский.
Василий Сергеевич Чугуевский
Чугуевский В. С.jpg
Вордӥськем нуналыз 20-тӥ оштолэзе 1940(1940-04-20)
Вордӥськем интыез Ставрополь улосысь Кисловодскын, РСФСР
Кулон нуналыз 16-тӥ куарусёнэ 2002(2002-09-16) (62 арес)
Кулэм интыез Ижкар, Удмуртия
Кунмуртлыкез СССРFlag of the Soviet Union.svg СССР → РоссияFlag of Russia.svg Россия
Ужудысэз машина лэсьтон, Ижысь механикая заводэн кивалтӥсь
Данъетъёсыз
«За заслуги перед Отечеством» 4-тӥ степенё орден Данлыко орден
Ленин нимо орден Ужысь Горд Знамя нимо орден «Знак Почёта» орден
РСФСР-ысь машина лэсьтон удысысь дано ужась СССР-ысь Тазалыкез утён удысысь отличник

Васи́лий Серге́евич Чугуе́вский (1940-тӥ арын 20-тӥ оштолэзе Ставрополь улосысь Кисловодскын, РСФСР — 2002-тӥ арын 16-тӥ куарусёнэ Ижкарын, Удмуртия, Россия) — совето но росси промышленник, Ижысь механикая заводлэн валтӥсь директорез (1980—2002)[1]. 14 изобретениослэн авторзы, росси но калыккуспо куинь академиослэн академиксы[2]. РСФСР-ысь машина лэсьтон удысысь дано ужась[ru] (1990).

Улон сюресэз

В. С. Чугуевский 1940-тӥ арын 20-тӥ оштолэзе Ставрополь улосысь Кисловодскын вордӥськиз. 1957-тӥ арын шор ёзо школаез йылпумъяз но Ижысь механикая институтысь машина лэсьтон факультетэ пыриз. Вузэз 1962-тӥ арын йылпумъяз, инженер-механик луиз. Ижысь механикая заводэ ыстэмын вал[2].

Заводын Василий Чугуевский инженер ужлэсь котькуд палзэ ас вылаз мертаз: производствоез дасянъя 45 номеро цехысь вошъясь мастер но, инженер-технолог но, ракетаослы двигательёс лэсьтон цехлэн кивалтӥсезлэн воштӥсез но кивалтӥсез но вал, производствоен но кивалтӥз, 1974-тӥ арысен валтӥсь инженер луыса тыршиз. 1980-тӥ арын толсуре 40 аресказ сое предприятилы валтӥсь директоре юнматӥзы. Василий Сергеевич быдэс министерствоын тужгес егитэз кивалтӥсь луиз. 1980-тӥ аръёслэн кутсконазы заводын 25 сюрс мурт тыршиз. Чугуевский кивалтэм улсын предприятие производствозэ кык поллы йылтӥз[1][2].

Василий Сергеевич сюлмаськемен, заводын выль ӧрын но ужаны, выль вуз поттыны кутскизы, озьы ик азьвыл производствоез но юнматӥз но паськытатӥзы. Со сяна, завод больницаос, спорткомплексъёс, санаторийёс, культурая юртъёс, пионерлагерь, улоно коркаос, школаос, нылпи садъёс но мукет соцобъектъёс пуктӥз[3].

В. С. Чугуевский — Россиысь пыӵалтӥрлык лэсьтӥсьёслэн огазеяськонзылэн вице-президентэз, промышленностья но экономикая «Развитие» ассоциацилэн тӧроез[1], Удмурт Элькунлэн Президентэзлэн промышленность удысысь юанъёсъя советникез.

Заводын ньыльдон арлэсь кема ужаз[2].

Пери шуккем бере Мускоысь огаз клиникаын улонысь шӧдтэк шорысь кошкиз[4]. Василий Сергеевичез берпуметӥ сюресаз келяны дас сюрслэсь ятыр адямиос лыктӥзы — Ижын улӥсьёс, промышленной предприятиосын кивалтӥсьёс но ужасьёс, озьы ик США-ысь, Кипрысь, Казахстанысь, Украинаысь, Россиысь трос каръёсысь валче ужась компаниосысь кивалтӥсьёс[5]. Ижысь Хохрякысь шайвылысь дано муртъёс радэ ватэмын[6].

Данъетъёсыз

Буре ваён

2003-тӥ арын, Василий Чугуевскиез сӥлы карыса, Ижысь огез ульчалы солэсь нимзэ сётӥзы[1][2].

2022-тӥ арын Михаил Калашникова нимо улосвылкуспо калык фонд ӵектэмъя но юрттэмъя, Ижысь Красноармейской ульчаысь 171 номеро юрт борды мемориал пул шуккемын — ӵапак татын Василий Чугуевский ас вакытаз улӥз[1][2][7].

Пневматикая пыӵалысь ыбылӥськонъя Россиысь кубоклэн финалэз Чугуевскийлы сӥземын — та ӵошатскон Василий Сергеевич ӵектэмъя 1990-тӥ арысен ортчылэ[8].

Валэктонъёс

  1. ↑ 1 2 3 4 5 «Он каждый день готов был спорить с конструкторами про винтики, гаечки, резьбы»: в Ижевске открыли доску памяти Василию Чугуевскому Деловой квадрат.
  2. ↑ 1 2 3 4 5 6 7 ​В Ижевске открыли памятную доску директору Ижевского механического завода Василию Чугуевскому Официальный сайт Администрации города Ижевска.
  3. ↑ Сергей Чугуевский: «Мне стыдно перед отцом за происходящее с заводом» (17.04.2020). Эскеремын: 20 гудырикошконэ 2024 арын.
  4. ↑ Ижевск. Состоялись похороны генерального директора Ижевского механического завода Василия Чугуевского, Регнум (19.09.2002). Эскеремын: 20 гудырикошконэ 2024 арын.
  5. ↑ Мемориальную доску в честь Василия Чугуевского открыли в Ижевске, Рамблер/новости (05.12.2022). Эскеремын: 20 гудырикошконэ 2024 арын.
  6. ↑ Анастасия Захарова. Имена улиц Ижевска: кем был Василий Чугуевский?, Ижлайф (29.05.2023). Эскеремын: 20 гудырикошконэ 2024 арын.
  7. ↑ Мемориальная доска В.С. Чугуевскому Союз Российских оружейников.
  8. ↑ Открыта мемориальная доска легендарному директору ИМЗ Василию Чугуевскому Концерн «Калашников».

Чӧлсконъёс

«https://udm.ruwiki.ru/w/index.php?title=Чугуевский,_Василий_Сергеевич&oldid=482649»-ысь басьтэмын