Ужан данлыкен город
| Ужан данлыкен город | |
|---|---|
| Кун |
 Россия |
| Тип | почётное звание Российской Федерации[d] |
| Кинлы сётӥське | Россиысь городъёслы, кудъёсызлэн улӥсьёссы сюлмысь но геройлыко тыршеменызы Быдӟым Вормонэз матэктыны зол юрттӥзы |
| Ма понна сётӥське | предприятиос но предприятиосын тыршемъёс 1941-тӥ-1945-тӥ аръёсы геройлыко ужамзы, ужын азинсконъёссы понна кун данъетъёсын пусъемын ке |
| Статистика | |
| Ку кылдытэмын | 2020 арын 1-тӥ южтолэзе |
| Нырысетӥ пусъён | 2020 арын 2-тӥ пӧсьтолэзе |
| Берпуметӥ пусъён | 2025 арын 15-тӥ толшоре |
| Кӧня пол пусъемын | 70 |
 Медиафайлъёс РувикиМедиа пушкын | |
Ужан данлыкен город — Росси Федерациысь дано ним, со 2020-тӥ арын 1-тӥ южтолэзе[1] юнматэмын вал федерал законэн «1941-тӥ-1945-тӥ аръёсы Быдӟым Атыкай ож вакытэ ож мышкын тыршемъёслэсь подвигзэс шараян но историе кельтон понна»[2]; та нимын Росси Федерациысь сыӵе каръёс пусйисько, кудъёсызлэн улӥсьёссы «1941-тӥ-1945-тӥ аръёсы зол юрттӥзы Быдӟым Вормонэз матэктыны, городазы интыяськем предприятиосын дугдылытэк ожгар но граждан продукция поттыса, асьсэды геройлыко но юн сямо возьматыса»[3].
«Ужан данлыкен кар» нимез сётон понна мугъёс:
1) предприятиос кун данъетъёсын но (яке) Обороная кун комитетлэн Горд знамяосыныз пусъемын;
2) ужын азинсконъёссы понна предприятиосын ужасьёс кун данъетъёсын пусъемын;
3) городын улӥсьёслэн 1941-тӥ-1945-тӥ аръёсы геройлыко ужамзы сярысь гожтыса кельтэм фактъёс[4].
«Ужан данлыкен кар» нимын пусъем городын:
1) городлэн гербеныз но городлы та нимез сётон сярысь Президентлэн косэтысьтыз текстэн стела пуктэмын;
2) 1-тӥ куартолэзе (Ужлэн но Тулыслэн нуналыз), 9-тӥ куартолэзе (Вормон нунал), озьы ик Карлэн нуналаз калык ужрадъёс но салютъёс радъясько[5].
«Ужан данлыкен кар» ним Россия Федерацилэн азьмуртэзлэн косэтэзъя сётӥське[6].
Ним сётонлэн радлыкез
Росси Федерациысь городлы «Ужан данлыкен кар» ним сётон сярысь ӵектонэн вазиськыны быгатэ Россилэн кунмуртэз яке мерлыко огазеяськон[7]. Городысь кивалтӥсьёс, та кичӧлтонлы дурбасьто ке, ӵектонэз улосвыл парламентазы но администрациязы сёто[8], отын сое эскеро но Росси Федерацилэн азьмуртэзлы вазиськон сярысь решение куто яке куриськонэз палэнто[9].
Улос кивалтӥсьёс, Россилэн азьмуртэзлы вазиськыны малпало ке, куриськон бордазы Россиысь наукаосъя академилэсь заключенизэ юнматыны кулэ, ужкагазын городлы дано нимез сётон понна тырмыт мугъёс вань шуыса верамын мед луоз[10].
«Ужан данлыкен кар» ним сётон сярысь вазиськонэз Россиысь «Победа» оргкомитет эскере[10], нош дано ним Россия Федерацилэн президентэзлэн косэтэзъя сётӥське, ӵемысь Ужлэн но Тулыслэн нуналыз азьын (1-тӥ куартолэзе)[6].
Кичӧлтонлэн историез
Быдӟым Атыкай ож дыръя ас тыршеменызы висъяськем городъёсыз пусъён сярысь кичӧлтонъёсын уно пол вазиськылӥзы пӧртэм мерлыко но политика удысысь ужасьёс. Куд-ог мерлыко огазеяськонъёс кылдытъязы асьсэлэсь данъетъёссэс.
2009-тӥ арын «Герой-городъёслэн калыккуспо союззы» (тӧроез – Совето Союзысь кык полэс Герой, космонавт Виктор Горбатко) «Город Трудовой Доблести и Славы» калыккуспо мерлыко ним кылдытӥз но со пумысен положение юнматӥз[11]. Огазеяськон кӧня ке каръёсты со мерлыко нимын пусйиз[12].
Россиын «Ужан данлыкен город» дано ним кылдытон сярысь федерал законъёслы ӵектонъёсын вазиськылӥзы: 2007-тӥ арын Росси Федерациысь Кун Думаысь депутатъёс Валентин Варенников но Валерий Востротин[13], 2008-тӥ арын Челябинск улосысь Законодательной Собрание[14], 2014-тӥ арын Кун Думаысь депутатъёс Виктор Шрейдер, Борис Зубицкий, Сергей Каргинов, Вячеслав Тимченко, Сергей Поддубный, Федерацилэн Кенешезлэн ёзчиез Валерий Шнякин[15][16], 2016-тӥ арын Кун Думаысь депутат Олег Смолин[17].
2017-тӥ арын «Ужан данлыкен город» дано нимез юнматон сярысь кичӧлтон «Россиысь мерлыко кичӧлтон» порталын поттэмын вал[18].
2019-тӥ арлэн нырысетӥ палараз Удмуртиысь Кун Кенеш Росси Федерациысь Кун Думае «Ужан но ожгар данлыкен город» Росси Федерациысь дано ним сярысь» федерал законлэсь ӵектоссэ, нош Нижний Новгород улосысь Законодательной Собрание – «Ожгар но ужан данлыкен город» Росси Федерациысь дано ним сярысь» федерал законлэсь ӵектоссэ сётӥзы[19].
2019-тӥ арын 14-тӥ толсуре «Ужан данлыкен город» Росси Федерациысь дано ним сярысь» федерал законлэсь ӵектоссэ Кун Думае Россилэн азьмуртэз Владимир Путин сётӥз[20]. 2020-тӥ арын 20-тӥ тулыспалэ катӵектос Россиысь Кун Думаын куинетӥ (берпуметӥ) лыдӟемен кутэмын вал, 2020-тӥ арын 26-тӥ тулыспалэ Россиысь Федерацилэн Кенешаз юнматэмын, нош 2020-тӥ арын 1-тӥ южтолэзе 41-ФЗ «Ужан данлыкен город» Росси Федерациысь дано ним сярысь» катэз Россилэн президентэз Владимир Путин кинюртӥз[21].
2020-тӥ арын 29-тӥ инвожое СНГ-ысь парламентъёслэн кенешсы Россиын «Ужан данлыкен город» ним сётонэз ӟечен лыдъяз но дэмлаз та амалэз мукет кунъёслы но пыӵатыны[22].
Пусъем городъёс
2020
2020-тӥ арын 2-тӥ пӧсьтолэзе «Ужан данлыкен город» ним сётэмын Боровичи, Екатеринбург, Иваново, Ижкар, Иркутск, Казань, Магнитогорск, Нижний Новгород, Нижний Тагил, Новокузнецк, Новосибирск, Омск, Пермь, Самара, Саратов, Томск, Ульяновск, Уфа, Челябинск, Ярославль каръёслы[23].
2021
2021-тӥ арын 20-тӥ куартолэзе «Ужан данлыкен город» ним Россиысь 12 каръёслы сётэмын: Барнаул, Каменск-Уральский, Киров, Коломна, Комсомольск-на-Амуре, Красноярск, Магадан, Пенза, Рыбинск, Северодвинск, Тюмень, Чебоксары[24].
Со арын ик 10-тӥ куарусёнэ пусъемын эшшо 12 городъёс: Алдан, Бологое, Воркута, Дзержинск, Кемерово, Кострома, Лысьва, Мончегорск, Оха, Ступино, Сызрань но Чита[25].
2022
2022-тӥ арын 15-тӥ шуркынмонэ «Ужан данлыкен город» дано ним Россиысь 7 каръёслы сётэмын: Астрахань, Вологда, Златоуст, Каспийск, Норильск, Орск но Якутск. Озьы ик та нимын пусйизы Горловкаез но Луганскез[26].
2023
2023-тӥ арын 11-тӥ куарусёнэ «Ужан данлыкен город» дано нимын Россиысь 10 городъёс пусъемын: Владимир, Воткинск, Находка, Новомосковск, Подольск, Прокопьевск, Рязань, Рубцовск, Улан-Удэ но Ханты-Мансийск[27].
2025
2025-тӥ арын 15-тӥ толшоре «Ужан данлыкен город» дано ним сётэмын Россиысь 7 каръёслы: Верхняя Пышма, Зеленодольск, Ишимбай, Курган, Ленинск-Кузнецк, Миасс но Салехард[28].
Карта
Уксё вылын
2021-тӥ-2023-тӥ аръёсы Россилэн банкез «Ужан данлыкен город» сериысь 12 манет поттӥз[29]. 2024-тӥ арын со сериысь ик эшшо 4 манетъёс поттэмын вал[30].
- Россилэн банкезлэн манетъёсыз
Валэктонъёс
- ↑ Федеральный закон от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Преамбула Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Часть 1 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Часть 2 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Часть 3 статьи 2 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ 1 2 Часть 4 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Часть 1 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-21 аре
- ↑ Часть 2 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-21 аре
- ↑ Часть 3 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-21 аре
- ↑ 1 2 Часть 3 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“» Эскеремын 2020-04-16 аре
- ↑ Положение о почётном международном звании «Город Трудовой Доблести и Славы»
- ↑ Города Трудовой Доблести и Славы
- ↑ Законопроект № 487496-4 «О почетном звании Российской Федерации „Город трудовой славы“» Архивная копия от 5 коньывуонэ 2019 на Wayback Machine, СОЗД ГАС «Законотворчество»
- ↑ Законопроект № 54645-5 «О почетном звании Российской Федерации „Город трудовой славы“» Архивная копия от 5 коньывуонэ 2019 на Wayback Machine, СОЗД ГАС «Законотворчество»
- ↑ Звание «Город трудовой славы» будут присваивать за вклад в Победу Архивная копия от 14 толсуре 2019 на Wayback Machine, «Российская газета», 18.04.2014
- ↑ Законопроект № 502288-6 «О почетном звании Российской Федерации „Город трудовой славы“» Архивная копия от 5 коньывуонэ 2019 на Wayback Machine, СОЗД ГАС «Законотворчество»
- ↑ Предлагается установить почетное звание «Город трудовой славы»
- ↑ Установить почетное звание «Город трудовой славы» Архивная копия от 14 толсуре 2019 на Wayback Machine, Российская общественная инициатива
- ↑ Законопроект № 724173-7 «О почетном звании Российской Федерации „Город военно-трудовой славы“» Архивная копия от 30 куарусёнэ 2019 на Wayback Machine, СОЗД ГАС «Законотворчество»
- ↑ Путин внес в Госдуму законопроект о звании «Город трудовой доблести»
- ↑ Федеральный закон от 01.03.2020 № 41-ФЗ Эскеремын 2020-03-03 аре
- ↑ В странах СНГ могут появиться города трудовой доблести
- ↑ Указ о присвоении почётного звания Российской Федерации «Город трудовой доблести»
- ↑ Указ о присвоении почётного звания Российской Федерации «Город трудовой доблести»
- ↑ Указ о присвоении почётного звания «Город трудовой доблести»
- ↑ Указ Президента Российской Федерации от 15.11.2022 № 829 ∙ Официальное опубликование правовых актов ∙ Официальный интернет-портал правовой информации
- ↑ Указ Президента Российской Федерации от 11.09.2023 № 668 ∙ Официальное опубликование правовых актов ∙ Официальный интернет-портал правовой информации(ӟуч)
- ↑ Указ Президента Российской Федерации от 15.01.2025 № 16 ∙ Официальное опубликование правовых актов(ӟуч)
- ↑ База данных по памятным и инвестиционным монетам. Банк России cbr.ru. Эскеремын 2023-03-18 аре
- ↑ Серия «Города трудовой доблести»: новые монеты. Банк России cbr.ru. Эскеремын 2024-05-05 аре