Италмас (ансамбль)
| Италмас | |
|---|---|
 | |
| Огъя тодэтъёс | |
| Кун |
 Россия |
| Кылъёсыз | Удмурт, ӟуч |
| Кивалтӥсез | Владимир Фирстов |
| Данъетъёсыз | |
Кырӟанъя но эктонъя «Италмас» ансамбль (ӟуч: Анса́мбль пе́сни и та́нца «Италма́с») — Удмурт Элькунысь академической ансамбль. Быдэс нимыз — Удмурт Элькунысь кырӟанъя но эктонъя Калыкъёслэн Эшъяськон ордензылэн «Италмас» кун ансамбль[1].Чеберлыкъя кивалтӥсез но валтӥсь дирижёрез — Владимир Фирстов, валтӥсь балетмейстерез — Евгения Ваторопина.
Историез
1936-тӥ арын куарусёнэ УАССР-ысь Калык Комиссаръёслэн Советсы удмурт калыклэсь культуразэ Россиын но солэн палэназ вӧлмытон но паськытатон понна эктонъя но хор кырӟанъя ансамбль кылдытон сярысь решение кутӥз[2]. Нырысь Удмурт кун хор но эктонъя ансамбль шуыса нимамын вал. Берлогес — УАССР-ысь кырӟанъя но эктонъя ансамбль[2].
1940-тӥ арын ансамбль нырысьсэ вуылӥз Сибире но Дальней Востоке. Со вакытэ ансамбльын 52 мурт кырӟа-эктэ ни вал. Быдӟым Атыкай ож аръёсы коллективе нылкышноос гинэ кылизы, воргоронъёсты ваньзэс фронтэ басьтӥзы[3]. Концертъёсын Офицеръёслэн юртъёсазы, госпитальёсы, воинской частьёсы поталлязы.
«Италмас» ним 1968-тӥ арын понэмын, Мамонтовлэн дэмламезъя. 1997-тӥ арысен «аАкадемической» шуыса нимаськыны кутскиз[4].
1969-тӥ арын УАССР-лэн премиеныз пусъемын. 1978-тӥ арын кырӟанъя но эктонъя ӧнерлыко ансамбльёс куспын огъя росси вожвылъяськонын вормись луиз. 1985-тӥ арын Калыкъёслэн эшъяськон орденэнызы данъетамын[5][1][6][2]. 2019-тӥ арын Удмурт Элькунысь кырӟанъя но эктонъя «Италмас» академической ансамбльлы Анатолий Мамонтовлэн нимыз сётэмын[7].
2021-тӥ арын ансамбльлы 85 ар тырмиз. Соин валче 18-тӥ шуркынмонэ Удмурт кун филармониын Бадӟым юбилейной концерт ортчиз. Юбилей азьын нимысьтыз удмурт пужыосын чебермам яркыт-горд дэремъёс вуремын вал. Со арын ик шуркынмон толэзьлэн кутсконаз, Удмуртилэн кунлык басьтон нуналыз азьын, «Италмас» ансамбль элькунысь Данъян пул вылэ пыртэмын вал. 17 мурт Удмурт Элькунысь культурая министерстволэн но Кивалтэтлэн грамотаосыныз пусъемын, Ольга Карповалы но Игорь Микрюковлы «Удмурт Элькунысь сӥё-дано артист» ним сётэмын[8].
Кивалтӥсьёс
Аесамблез кылдытӥзы А. В. Каторгин но Д. С. Васильев-Буглай, Г. И. Титовлэн но М. Н. Бывальцевлэн юрттэмзы улсын. Нырысетӥез чеберлыкъя кивалтӥсез вал А. В. Каторгин[4][3].
Пӧртэм аръёсы коллективен пӧртэм адямиос кивалтӥзы:
- Г. А. Корепанов — удмурт крезьгурчи, РФ культура удысысь сӥё-дано ужась, Удмурт Элькун Кивалтэтлэн премиезлэн лауреатэз;
- Р. А. Анкудинова — Удмурт Элькунысь искусство удысысь сӥё-дано ужась;
- А. Ф. Бабанкин — Удмурт Элькунысь иськусство удысысь сӥё-дано ужась;
- А. В. Мамонтов — Россиысь но Удмуртиысь калык артист, РФ искусство удысысь сӥё-дано ужась, Удмуртилэн Дано муртэз;
Анатолий Мамонтов 1962-тӥ арысен 2015-тӥ арозь ансамбльлэн чеберлыкъя кивалтӥсез луыса тыршиз. 2015-тӥ арысен 2019-тӥ арозь — чеберлыкъя дано кивалтӥсь вал[4][2][3]. Берло дыре коллективлэн чеберлыкъя кивалтӥсез луэ Владимир Аркадьевич Фирстов — Удмурт Элькунысь сӥё-дано артист.
Составез
Коллективын 70 артист лыдъяське: хор группа — 30 мурт, балет группа — 25 мурт, оркестр группа — 15 мурт. Россиысь сӥё-дано но Удмуртиысь калык артисткалэн Л. В. Мамонтовалэн кичӧлтэмезъя «Италмас» ансамбль улсын калык эктонъя нылпи школа-студия кылдытэмын, отын ог 100 пала нылпи дышетске[6][5].
Балетмейстеръёс: А. Бондарев, Д. Исупов, Л. Мамонтова, А. Иловайская, В. Подшивалов но мукетъёс. Берло вакытэ — Евгения Ваторопина[1].
Хормейстеръёс: А. Г. Прокопенко, В. Я. Митрофанов — Удмурт Элькунысь культура удысысь сӥё-дано ужась.
Репертуарез
Корллективлэн репертуараз бадӟым инты басьто удмурт калык кырӟанъёс но эктонъёс[2][6]. Озьы ик мукет фин-угор калыкъёслэн лулчеберетысьтызы басьтэм кырӟан-эктонъёс, чузъясько Удмуртиын вордӥськем П. Чайковскийлэн произведениосыз.
Ансамбль пыриськылӥз «Московские звёзды», «Русская зима» (1976), «Белорусская осень» (1979), «Киевская весна» (1975, 1980) фестивальёсы; Москваын ортчем XXII Олимпи шудонъёслэн культурной программаяз но Егитъёслэн но студентъёслэн дунневыл фестивалязы но мукет бадӟым ужрадъёсы [4][3]. Пӧртэм аръёсы концертъёсын вуылӥз Чехие, Словакие, Германие, Финляндие, Японие, Таиландэ, США-е, Францие, Италие[6].
Валэктонъёс
- ↑ 1 2 3 Государственный Ордена Дружбы Народов Академический ансамбль песни и танца Удмуртской Республики «Италмас» Ансамбль «Италмас».
- ↑ 1 2 3 4 5 Кто есть кто в Удмуртии. Справочное издание / Гл. ред. Тонкова А.. — 3-е издание, переработанное и дополненное. — Ижевск: Регион-Пресс, 2006. — С. 295. — 448 с. — 10 000 экз. — ISBN 5-93595-0042.
- ↑ 1 2 3 4 Загребин, 2012, с. 217.
- ↑ 1 2 3 4 Туганаев, 2008, с. 371.
- ↑ 1 2 Загребин, 2012, с. 218.
- ↑ 1 2 3 4 Государственный академический ансамбль песни и танца Удмуртской Республики «Италмас» Администрация Главы и Правительства Удмуртской Республики.
- ↑ Ансамбль «Италмас» из Удмуртии получил имя Анатолия Мамонтова [ӟуч], ИА Сусанин (6-06-2019). Эскеремын: 4 шуркынмонэ 2025 арын.
- ↑ Анна Вардугина. Ансамблю песни и танца «Италмас» исполнилось 85 лет! [ӟуч], Удмуртская правда (29-11-2021). Эскеремын: 4 шуркынмонэ 2025 арын.
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
Чӧлсконъёс
- Ю. Капитанов, А. Мусин По Удмуртии. Воткинск. Дворец культуры «Юбилейный». Удмуртский ансамбль песни и танца «Италмас»