Троеглазово

Гурт
Троеглазово
56°19′09″ с. ш. 53°00′20″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Кияса
Шор интыезлэн ӝуждалаез	146 м
Улӥсез
Улӥсез	14 мурт (2020)
Цифровой идентификаторъёс
Почта индекс	427845
Код ОКАТО	94228888004
Код ОКТМО	94528000251
Троеглазово Москва

Троеглазово — Удмурт Элькунысь Кияса ёросысь гурт.

Троеглазовысь тӧдьы сирень

Интыяськемез

Интыяськемын элькунлэн лымшорпал люкетаз, лысо но куаро писпуо интыын, Сарапул вырйылын, Иж шурлэсь шундыӝужан палагес, Кияса черкогуртлэсь лымшорен шундыпуксён вискын 6 иськемын (шонерак потыса). Ижкарозь 79 иськем, шонерак потыса — 62 км. Тужгес ӝужыт интыез — 146 метр.

Куазь

Куазь шоро-куспо континентальной. Тол кема кыстӥське, кезьыт но ӧжыт лымыё. Гужем вакчи но шуныт. Ар ӵоже омырлэн шорлыко температураез — 2,3 °С. Пӧсьтолэзе омырлэн температураез 18,9 °C-озь ӝутӥське (абсолютной максимум — 38 °C); толшоре −14,3 °C-озь лэзиське (абсолютной минимум −48 °C). Будон-пушъён вакыт 130—135 нунал кыстӥське. Ар куспын шорлыдын 500—600 мм зор-кот усе. Лымы музъем вылын 160—165 нунал кылле.

Часовой пояс

Троеглазово,быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Историез

Гуртын вордӥськем но улэм М. В. Овчинниковлэн тодэ ваёнъёсызъя, 1919-тӥ арозь Троеглазово котырын «Аннушкин хутор» вылэм, отын помещик кышно, Анна Шамшурина улэм, ныл дыр фамилиезъя — Сапожникова. Соин азьвыл «Сапожников хутор» шуыса нимаськиз. Анна музъем ужен но скал вордонэн вырылӥз. Хуторын вӧй шуккон, сепаратор но бетонлэсь бадӟым йӧгу лэсьтэмын вал.

1919-тӥ арын матысь Темеево гуртын Ленин нимо колхоз кылдытэмын вал, нош хуторез «совхозлэн 2-тӥ фермаез» шуыса нимазы. 1957-тӥ арын 2-тӥ ферма «Троеглазово посёлок» нимамын. 1924-тӥ арын совхозлэн вань юртъеръёсыз ӝуаса быризы, соин валче центральной усадьба Троеглазовое выжтэмын вал. 30-тӥ аръёсы выльысь мукет интые, Подгорной черкогуртэ выжтэмын.

Нимыз

Троеглазоволэн нимыз сярысь пӧртэм малпанъёс вань. Кылсярысь, нимыз кылдэмын интыяськемезъя, гурт пуксемын куинь нюкъёс вискын. Гуртын улӥсьёслэн верамзыя, со «син выллем» адӟиське.

Мукетыз малпан нырысетӥезлы тупа: Троеглазово интыяськемын куинь сюресъёс вожын Кияса — Карамас-Пельга — Тимеево.

М. Г. Ашировлэн мадемезъя, калык пӧлын эшшо одӥг мадёс вань на: «Куке-соку гуртын кык вынъёс улӥллям. Соос котьку жугиськылӥллям. Огпол одӥгез мукетызлэсь синзэ пыльтчытэм. Собере но жугиськемысь ӧвӧл дугдӥллям. Кыӵе ке шуметэмез кылыса, калык ог-огезлэсь юа, пе: „Кин отын кесяське?“, мукетыз солы вазе: „Ма, куинь синмоос жугисько яке Троеглазовъёс жугисько“. Озьы ик улон инты борды Троеглазово ним лякиськем».

Куд-ог гожтэмъёсын Троеглазово посёлок шуыса пумиське, официально — со гурт луэ.

Улӥсез

Улӥсь калыклэн лыдыз

2002	2010	2012	2020
43	↘27	↗29	↘14

10

20

30

40

50

2002

2010

2012

2020

2002-тӥ арын ортчытэм калыкез лыдъян-чотанъя, 43 мурт пӧлысь 79 %-эз ӟучъёс вылэм.

Уьчаос

• Лесной;
• Полевой.

Аспӧртэмлыкез

Троеглазово гуртлэн шундыпуксён палаз Иж шурлэн паллянпал возьвылъёсаз «Троеглазовские ландшафты» улос инлыкен инкуазь синпелет интыяськемын. Ачиз синпелет нюлэсо интыосын интыяськемын ке но, татын степьёсын будӥсь турын-куаръёс пумисько. Ортчытэм эскеронъёсын ог 600 пала будосъёс синйылтэмын. Соос пӧлысь 2 пумоез Удмуртилэн Горд Книгаяз пыртэмын, 2 пумоез Удмурт шаер понна чылкак выль луэ, 45-ез Троеглазовской ландшафтъёсы но алигес вуэмын.

Троеглазово гурт инкуазь синпелетэныз сяна, отын тросэн будӥсь тӧдьы сиренен тодмо луэ. Со куак котькуд юртъер бордын мерттэмын.

Валэктонъёс