Уддяди
| Гурт | |
| Уддяди | |
|---|---|
 | |
| 56°18′33″ с. ш. 53°04′10″ в. д.GЯO | |
| Кун | |
| Историез но географиез | |
| Часовой поясэз | UTC+04:00 |
| Улӥсез | |
| Улӥсез | |
| Цифровой идентификаторъёс | |
| Почта индекс | 427845 |
|
|
|
Уддяди (ӟуч: Карамас-Пельга) — Кияса ёросысь удмурт гурт. Интыяськемын Ижлэн лымшорпалаз 66 иськеме но Кияса черкогуртлэн лымшор-шундыпуксёнпалаз 6 иськеме. Пыре Уддяди муниципал кылдытэтэ но луэ солэн администраци центрез.
2010-тӥ арын ортчытэм лыдъян-чотанъя, отын 575 улӥсьёсыз вал.
Историез
Гуртлэн нимыз нырысьсэ пумиське 1710-тӥ арын ортчытэм лыдъян-чотанын. Соку Курмас-Пелгаын (ӵапак таӵе нимын гожтэмын ужкагазэ) 3 юрт лыдъяське вылэм.
Историкъёс лыдъяло, Уддяди гуртэз XVII даурлэн пумаз Вуж Сальяысь, озьы ик Итешысь но Судамес-Пельга гуртъёсысь вуэмъёс кылдытӥзы шуыса. Пельга но Салья выжыос нимаз интыяськиллям. Соос 2 пӧртэм урамъёсын улӥллям, но революция дорозь со урамъёсты 2 пӧртэм гуртэн лыдъяллям: Уддяди-Салья но Карамас-Пельга.
Туала улон
Гуртын вань шор ёзо школа, нылпи сад, эмъяськон пункт, клуб, библиотека но Удмурт культурая центр.
Уддяди школа
Нылпи сад
Нылпиослы площадка
Гуртысь тодмо адямиос
- Андриянов Андрей Алексеевич (1926—2020) — Быдӟым Атыкай ожысь ветеран.
- Гузнищева Надежда Геннадьевна — медицина тодосъёсъя кандидат, врач-инфекционист
- Мазитова Зоя Алексеевна (1920—2003) — тодмо куиськись
- Пилоян Максим Николаевич (1940—2015) — Ужысь ветеран, 1967-тӥ арысен 1990-тӥ арозь Уддяди сельсоветысь «Ленинец» колхозлэн йырыз вал. Пусъемын Ужъя Горд Знамя орденэн, «За трудовое отличие» но «Ветеран труда» медальёсын.
- Соловьёва Ольга Николаевна яке Ӝакы апай (1932—2018) — «Инвожо» ансамбльлэн ёзчиез. Солы луыса Уддядиысь но со котырысь гуртъёсысь уно вашкала кырӟанъёс, вӧсьгуръёс, вӧськылъёс гожтыса кельтэмын. Ӝакы апай пусъемын Калыкъёслэн эшъяськон орденэнызы, «За трудовую доблесть» но «Ветеран труда» медальёсын.
- Тукаев Иван Петрович (1925—2011) — дышетӥсь, педагогика тодосъёсъя кандидат, УАССР-ысь просвещениея министр, РСФСР-ысь калык просвещениысь отличник, Удмуртиысь калыкез дышетон удысысь дано ужась.
- Тукаева Мария Кузьмовна (1939—2009) — Кияса ёросысь гурт возёс удысысь азьветлӥсь. 1979-тӥ арысен 1983-тӥ арозь СССР-ысь Вылӥ Кенешлэн депутатэз вал. Данъямын «Победитель социалистического соревнования» пусэн, СССР-ысь Гурт удысъя министерстволэн данъян дипломъёсыныз, «Ветеран труда» медален но «Знак Почета» орденэн.
- Уткин Николай Николаевич (1960—2000) — удмурт кырӟась но кырӟанъёс гожъясь.
Озьы ик гурт тодмо луэ «Инвожо» калык фольклор ансамбльлы луыса.