Юрмалай
| Гурт | |
| Юрмалай | |
|---|---|
 | |
| 56°08′34″ с. ш. 53°15′45″ в. д.GЯO | |
| Кун | |
| Историез но географиез | |
| Шор интыезлэн ӝуждалаез | 130 |
| Улӥсез | |
| Улӥсез | |
| Цифровой идентификаторъёс | |
| Почта индекс | 427847 |
|
|
|
Юрмалай (ӟуч: Ермолаево )— Кияса ёросысь гурт, пыре Юрмалай интывыл ёзэтэ.
Интыяськемез
Черкоурт интыяськемын Удмурт Элькунлэн лымшор палаз, лысо-куаро нюлэсъёс пӧлын, Сарапул вырйылын[2]. Кияса черкогуртлэсь ог 23 иськемын (шонерак). Зарезь вадьсын ӝуждалаез — 130 метр.
Куазь
Куазез умеренно континентальной. Толалтэ кузь но ӧжыт лымыё, гужем шуныт. Ар ӵоже шоро-куспо температура — 2,3 °С. Тужгес шуныт вакытэ — пӧсьтолэзе — шоро-куспо температура — 18,9 °C (тужгес вылӥез — 38 °C); тужгес кезьыт — толшоре — − 14,3 °C (тужгес кезьытэз — − 48 °C). Ар ӵоже шорлыдын 500—600 мм зор-кот усе, соос пӧлысь 371 миллиметрез — оштолэзьысен коньывуонозь. Лымы 160—165 нунал ӵоже возиське[2].
Историез
Юрмалай починка 1816-тӥ арын кылдытэмын. Со Эльдыбай черке ветлӥсьёс пӧлы пыриз. Бергес гуртын Василий Великий вӧсясьлы сӥзем часовня кылдӥз но 1838-тӥ арын Синодлэн косэтэзъя калыклы усьтӥськиз. Юрмалай Троицкой нимаськыны кутскиз. Выль часовняе ветлӥсьёс пӧлы пыртӥзы Вуж Салья гуртысь, Краснопёрово, Починка, Шаршада, Куӵос, Вужгурт но Ильин починкаосысь калыкез[3].
1839-тӥ арын часовня интые пу черк пуктыны кутскизы. Со 1841-тӥ арын 23-тӥ толшоре дунчылкыт Василий Великийлэн нимыныз вӧсямын вал. Черк сылӥз 1863-тӥ арозь[3].
Из черкез 1849-тӥ арын пуктыны кутскизы, нош йылпумъязы 1862-тӥ арын гинэ. 1941-тӥ арын, УАССР-ысь Вылӥ Кенешлэн президиумезлэн косэтэз вылэ пыкиськыса, дунчылкыт Троицалэн черкез ворсамын вал, нош солэн юртаз школа усьтӥзы[3].
Улӥсьёсыз
Ватка губерниысь 1859-тӥ-1873-тӥ аръёсъя лыдметын пусъемын: со вакытэ Алабго утемысь Пичи Салья шур дурысь Алабго-Малмыж почта трактлэн бур палаз сылӥсь Юрмалай (Троицкое) черкогуртын 67 азбарын 448 адями улӥз: 196 воргорон но 252 нылкышно. Гуртын православной черк но вуко вал[4].
1891-тӥ арлы гуртъёслэн реестразы 720 улӥсь пусъемын ни. Гуртоослэн тужгес ӵем пумиськись фамилиоссы: Шадрин (33), Овчинников (17), Бузанов (15), Королёв (11), Калачников (9), Мартюшев (9), Мерзляков (9)[4].
1884-тӥ-1893-тӥ аръёсы подворной описьын пусъемын:
Пичи Салья шур дурын сылӥсь Юрмалай черкогурт уездной карлэсь 95 иськемын но волостной правленилэсь 18 иськемын интыяскемын. Черкогуртын школазы вань. Улӥсьёсыз 1812-тӥ арысен 1816-тӥ арозь улыны выжем ӟучъёс но кун крестьянъёс луо. Соос лыктэмын Сарапул утемысь Юрино волосте пырись Юрино, Яжбахтино, Мыза, Петровка, Пирогово гуртъёсысь; Пихтово починкаысь; Выезд, Данилово черкогуртъёсысь. Ортчем ревизияя 211 улӥсез лыдъяськиз. Ревизия дыръя музъем люкемын вал 191 люкетлы. 1887-тӥ арын, юртъер возисьёслэсь узырлыксэс лыдэ басьтыса, музъем люкетъёслэн лыдыз 223 луиз. Пудооссы ас коже бусыостӥзы сисько-ветло. Гурт бордын ву вуко вань[4].
1928-тӥ арлэн Урал улосысь гуртъёслэн лыдметазы пусъемын: Алабго утемысь Мушег волостьысь Юрмалай черкогуртын 883 улӥсез: 410 пиосмурт но 473 нылкышно[4].
1970-тӥ арлы гуртын улӥсьёслэн лыдзы 530-озь кулэсмиз[4].
2012-тӥ арын 1-тӥ толшоре гуртын 285 адями лыдъяськиз.
Калыкез
2002-тӥ арын ортчем лыдъян-чотанлэн йылпумъянъёсызъя, 374 адями пӧлысь 69 процентэз ӟучъёс вал, удмуртъёс - 28 процент[5].
Тодмо гуртоос
- Алабужев, Пётр Михайлович (1908—1995) — совето тодосчи-механик, техника наукаосъя доктор. РСФСР-ысь тодос но техника удысысь дано ужась.
Синпелетъёс
2015-тӥ арын 9-тӥ куартолэзе, Вормонлы 70 ар тырмонэз пусйыса, черкогуртын сӥё-дано ужрад ортчиз - выль ожгар мемориалэз усьтон. Мемориал плита вылэ фронтысь бертымтэ 295 гуртоослэн нимъёссы гожтэмын[6].
Валэктонъёс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ 1 2 Схема территориального планирования Киясовского района Удмуртской Республики Официальный сайт администрации Киясовского района.
- ↑ 1 2 3 Православные храмы Удмуртии [ӟуч] Архивы Удмуртии.
- ↑ 1 2 3 4 5 Ермолаево (Троицкое) [ӟуч] Родная Вятка.
- ↑ Коряков Ю. Б. База данных «Этно-языковой состав населённых пунктов России» [ӟуч]
- ↑ «КОМОС ГРУПП» построил к 70-летию Победы воинский мемориал в Киясовском районе [ӟуч] udmgossovet.ru.