Пушина, Феодора Андреевна

Википедиысь материал
Федора Андреевна Пушина
Федора Пушина.jpg
Вордӥськем дырыз 13-тӥ шуркынмонэ 1923(1923-11-13)
Вордӥськем интыез Удмуртия Якшур-Бӧдья ёрос Иж-Забегалово черкогурт
Кулэм дырыз 6-тӥ шуркынмонэ 1943(1943-11-06) (19 арес)
Кулэм интыез Киев, Украин ССР, СССР
Кунмуртлыкез СССРFlag of the Soviet Union.svg СССР
Кыӵе войскоез пехота
Служить карон аръёсыз 1942-тӥ—1943-тӥ аръёс
Званиез медициная службаысь лейтенант
Частез 1-тӥ Украин фронтысь 38-тӥ армилэн 167-тӥ стрелковой дивизиезлэн 520-тӥ стрелковой полкез
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
Ленин нимо орден Горд Кизили орден
Логотип РУВИКИ.Медиа Медиафайлъёс РувикиМедиа пушкын

Федора (Феодора) Андреевна Пушина[1] (13-тӥ шуркынмонэ, 1923 — 6-тӥ шуркынмонэ, 1943) — Совето Союзлэн Героез, военфельдшер, эм службаысь лейтенант[2].

Биографиез

Вордӥськиз 1923-тӥ арын 13-тӥ шуркынмонэ Иж-Забегалово черкогуртын[3] (али дыре Удмуртиысь Якшур-Бӧдья ёрос) трос нылпиё крестьян семьяын. Укмысэтӥез нылпи. Бӧрысь Фенялэн семьяез Тукмачи гуртэ улыны выжиз, татын ик пинал дырыз но школаын дышетскон вакытэз ортчиз[4].

Большеошворцинской сизьым классъем школаез йылпумъяз[4].

1939-тӥ арын Ижысь фельдшерско-акушерской школае дышетскыны пыриз[4]. Дышетсконзэ йылпумъяса, 1942-тӥ арын толшор толэзе Федораез Кекоранысь фельдшерско-акушерской пунктэ (Кекоран черкогуртэ) ужаны келязы. Татын со висисьёсты йӧнатӥз, школалэсь но гурт возёслэсь санитарной югдурзэс чаклса возиз, калык пӧлын тазалыко улон сярысь кенешонъёс ортчытъяз. Огдыре хирург, терапевт, акушер но педиатр луыса ужаз.

Комсомол радэ пыриз[2][4].

1942-тӥ арын оштолэзе Горд Армие басьтӥзы[4].

Быдӟым Атыкай ожлэн фронтъёсаз 1942-тӥ арын гудырикошкон толэзьысен шедиз. 167-тӥ стрелковой дивизиезлэн 520-тӥ стрелковой полказ военфельдшер луыса служить кариз. Ӵош ожмаськем эшъёсыз сое Фаина нималлязы [5].

1943-тӥ арын 7-тӥ толсуре Воронеж фронтысь 38-тӥ армилэн 167-тӥ стрелковой дивизиезлэн 520-тӥ стрелковой полклэн ротаезлэн фельдшерез, Курск улосысь Мантуровской ёросысь Прилепы гурт котырн лек ожъёс мыныку, 45 сӧсырмем ожгарчиез поттыны быгатӥз. 11-тӥ тулыспалэ Пузачи гуртысь передовой медпунктын со 57 сӧсырмем ожгарчиослы но командиръёслы эмъюрттэт сётӥз. Пузачи гуртысь совето частьёс чигнаса кошкыку, со вань йӧнатон арбериосты но эмъюмъёсты поттыны быгатӥз. Та учыр понна, 1943-тӥ арын 14-тӥ южтолэзе, 520-тӥ стрелковой полклэн командирезлы, майор Придачлы «Сэзь ожмаськемез понна» медаль сётыны курыса вазиськизы, нош 167-тӥ стрелковой дивизилэн командирезлэн, генерал-майорлэн И.И. Мельниковлэн решениезъя. Пушина Горд Кизили орденэн пусъемын вал (1943-тӥ арын 15-тӥ оштолэзе)[6][7].

1943-тӥ арын шуркынмонэ Киевын П. Г. Акулов полковниклэн кивалтэмез улсын полк, тушмонлэсь кужымзэ ас вылаз басьтыса, секыт наступательной ожъёс нуиз. Со дыре полклэн медчастез Киев котырысь Святошино гуртын интыяськемын вал[5].

1943-тӥ арын 6-тӥ шуркынмонэ ӵукнапал тушмон бомбардировщикъёс гуртэз пушкытъяны кутскизы. Одӥгез пуштон снаряд полевой госпиталь интыяськем юртэ шедиз но юртэз тылпу басьтӥз[4]. Санитарной роталэн командирез Николай Копытёнков но Феня Пушина сӧсырмемъёсты поттыны кутскизы. Тылпуысь 30 пала секыт сӧсырмемъёсты поттыны вуттӥз, берпуметӥосыз дуре пырыкуз, ӝуась юрт куашканы шӧтаз. Николай Копытёнков, берпум визэ шедьтыса, Пушинаез тылысь поттӥз. Феня юн сӧсырмыны шедиз, ӝуам яраослэсь ӵош ожмаськем эшъёсызлэн ки вылазы кулӥз [5].

СССР-ысь Вылӥ Кенешлэн Президиумезлэн 1944-тӥ арын 10-тӥ толшоре гожтэм «Горд Армилэн генералъёсызлы, офицер, сержант но рядовой составлы Совето Союзлэн Героез ним сётон сярысь» Косэтэзъя «фашистской захватчикъёслы пумит нюръяськонлэн фронтаз командованилэсь ожгар ужъёссэ адӟем карымон быдэстэмез но сэзь но геройлыко луэмез понна» Пушина Федора кулэмез бере Совето Союзлэн Героез нимын пусъемын[8].

Ватэмын Киевысь Святошинской шайвылын[4].

Данъетъёсыз но званиосыз

Буре ваён

  • училищее пырон азьын синпелетэз пуктэмын
  • 1975-тӥ арын Киевысь Святошинской ёросысь одӥгез урам Феодора Пушиналэн нимыныз нимамын.
  • Большие Ошворцы гуртысь Пушиналэн дышетскем шоръёзо школаезлы геройлэн нимыз сётэмын[10].

Валэктонъёс

  1. ↑ Совето Союзлэн Героез ним сётон сярысь КосэтынПутина Федора Андреевна шуыса гожтэмын
  2. ↑ 1 2 История второй мировой войны 1939—1945 (в 12 тт.) / редколл., гл. ред. А. А. Гречко. том 7. М., Воениздат, 1976. стр.258
  3. ↑ Артамонов А., Куляшов П. Повесть о землячке. — Ижевск: Удмуртия, 1975. — 108 с.
  4. ↑ 1 2 3 4 5 6 7 Широбоков В. На рассвете // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — Вып. 2. — М.: Политиздат, 1969. — 463 с.
  5. ↑ 1 2 3 Военные медики Сайт Алёны Дружининой. Эскеремын 2012-11-29 арын
  6. ↑ Наградной лист Ф. А. Пушиной с представлением к награждению медалью «За боевые заслуги», 14 марта 1943. ОБД «Подвиг Народа». Номер записи в базе данных: 150145601 (фонд 33, опись 682526, единица хранения 209).
  7. ↑ Приказ частям 167-й стрелковой дивизии 38-й армии Воронежского фронта № 016/Н от 15 апреля 1943 года. ОБД «Подвиг Народа».
  8. ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 толшоре (№ 3 (263)). — С. 1.
  9. ↑ История / официальный сайт Ижевского медицинского колледжа
  10. ↑ МБОУ Большеошворцинская средняя общеобразовательная школа им. Ф. А. Пушиной / образовательный портал Республики Удмуртия

Литература

  • Пушина Федора Андреевна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — С. 335. — 863 с. — 100 000 экз. — ISBN 5-203-00536-2.

Чӧлсконъёс

«https://udm.ruwiki.ru/w/index.php?title=Пушина,_Феодора_Андреевна&oldid=480389»-ысь басьтэмын