Перевощиков, Генрих Ксенофонтович

Генрих Ксенофонтович Перевощиков
Генрих Ксенофонтович Перевощиков
Вордӥськем нуналыз	14-тӥ куарусёнэ 1937
Вордӥськем интыез	Верх-Нязь[d], Россия;
Кулон нуналыз	23-тӥ коньывуонэ 2016 (79 лет)
Кулэм интыез	Иж, Россия;
Кун	СССР; Россия;
Ужудысэз	гожъяськись, журналист
Данъетъёсыз	;

Эскерем гожтос

Файл:Генрих Перевощиков.jpg

Генрих Перевощиков

Генрих Ксенофонтович Перевощиков — тодмо удмурт гожъяськись, Россиысь культура удысысь дано ужась, Эшъяськон Орденлэн кавалерез^[1].

Улон сюресэз

Генрих Ксенофонтович Перевощиков вордскиз Верх-Нязь гуртын. Тӧдьы гырлы» книга поттӥз. Собере гражданско-публицистической очеркъёсын «Кыдазы егитъёс» но «Куашетӥз сильтӧл» книгаосыз потӥзы. 1976—1978-тӥ аръёсы АССР-ысь Гожъяськисьёслэн огазеяськоназы литконсультант луыса тыршиз, 1978-тӥ арын солэн правлениезлы тӧрое бырйизы^[5]. 1992-тӥ арысен "Кенеш" журналын проза ёзэтэн кивалтӥз^[4].

Улонысь кошкиз 2016-тӥ арын 23-тӥ коньывуонэ, Ижын^[6].

Творчествоез

Генрих Перевощиков — туала удмурт литератураысь валтӥсь прозаикъёс пӧлысь одӥгез. Йыбыртты музъемлы» книгазэ, со ик луиз тетралогилэн нырысетӥ люкетэз. 1970-тӥ аръёсы Россиысь калыкъёслэсь литературазэс дунъян ужын одӥг «гожтымтэ курон» кузёяськиз: вань-а отын (ӟуч литератураын сямен!) бадӟым жанрен гожтэм произведениос. со куронлы тупась ужъёс ӧвӧл ке, литература быдэ вуымтэен лыдъяськиз. Та сюлмаськонэз палэнтон вылысь. Генрих Ксенофонтович «Йыбыртты музъемлы» тетралогия борды кутсконо кариськиз.

Г. Перевощиков, удмурт литератураын вань сыӵе ужпумъёс но характеръёс, кудъёсыз одӥг яке кык романэ гинэ уг тэро, романъёслэн сузьетазы курисько шуыса возьматӥз. Югдонын» ӟардэ», собере — «Тулкымлы пумит» (1981) но «Нуназе азьын» (1986). "Прозаик умой возьматӥз, мар со косъяськон-приказъяськон (командно-административной) сӧзнэт но тоталитаризм, кыӵе мугъёсъя социализмо шаерын ужась адямилы уг луы лэсьтыны шудо улон. Со сярысь вера литературатодосчи Виктор Шибанов:

«Улонмылэсь кыӵе палъёссэ гинэ уг усьты Г. Перевощиков, кыӵе вормон гинэ колхозын ужасьёс уг басьто, — котькытын кылдо но возьматӥсько социализмлэн „вужеро“ палъёсыз, адямилы пумит луись инъетъёсыз».

1989-тӥ арын потӥз «Йӧвалег» роман-дилогиез. Владимир Емельянов «Йӧвалег» роман сярысь тазьы гожтэ:

«Мынам малпамея, со (Генрих Перевощиков — П. Ш.) удмурт литераторъёс пӧлысь нырысез ӟеч-ӟеч басьтӥськиз ноку быронтэм, весяк улӥсь темаос борды — ог-огдэ жалян, ог-огедлы юрттон, адямилык. Созэ но пусйыны кулэ, писатель романзэ гожтӥз „огинтыын лёгаськон“ шуон вакытлэн буй-буй пушъён аръёсаз…»

«Йӧвалег» дилогиын гожъясьчи-журналист Роман Овчинников улон югдурлэсь инъетсэ валаны тыршэ, сюлмаське, кызьы калык пӧлын адямилыкез утёно. Романын аспӧртэмлыко луэ сюреслэн образэз, татын со адӟонэн герӟаське. Татын Генрих Перевощиков астэ ачид быдтон (суицид) ужпумез но ӝутэ.

«Тӧдьы куака» романын возьматӥське Выльдӥськон вакыт. Романлэн валтӥсь героез Николай Ушаков. Со Афган ож бере вордскем гуртаз бертэ но котькытысь шонерлык утчаны кутске. Романлэн пумаз сое виё. Куд-огез Ушаковлэсь образзэ дунне литератураысь «дон-кихотъёслэн» сузьетазы но пырто.

2006-тӥ арын Финляндиысь М. Кастрен нимо огазеяськон Россиын берпуметӥ аръёсы гожтэм финн-угор произведениос пӧлын ӵошатскон ортчытӥз. Жюри Г. Перевощиковлэн «Узы сяськаян вакытэ» повестезлы нырысетӥ инты сётӥз но премиен пусйиз. Та произведение дуннеысь «улонлы йылпумъян лэсьтон» романъёсын (роман подведения итогов) одӥг радэ пуктэмын (Т. И. Зайцева). Повестьлэн валтӥсь героез заводысь цехен кивалтӥсь Назаров. Со котьку зэмлык понна сылэ но ноку ас принципъёсызлэсь уг палэнтӥськы. Солэн укыр шонер сямыз кышнозэ но заводысь куд-ог ужасьёсты бадӟым кайгуэ вуттэ. Секыт висьыны кутскыса, Назаров ортчем улонэз шоры выль синмын учке, улонэз берыктыны луысал ке, троссэ отысь воштысал, шуыса куректэ.

Данъетъёсыз

Удмуртиысь Комсомол премилэн лауреатэз (1968)
Удмурт Элькун премилэн лауреатэз (1987)
Удмуртиысь Калык гожъясьчи (1994)
Росси Федерациысь культура удысысь дано ужась (1998)
М. А. Кастрен нимо финн культурая дэменлыклэн валтӥсь литературной премиез (Финляндия) (2005)
Эшъяськон Орден (2006)^[7]^[1]
Эгра ёрослэн дано муртэз (2008)^[4]

Валэктонъёс

↑ ^1,0 ^1,1 ^1,2 Генрих Ксенофонтович Перевощиков izdania.unatlib.ru.
↑ ^2,0 ^2,1 Генрих Перевощиков(удм.) Институт удмуртской филологии, финно-угроведения и журналистики УдГУ.
↑ Перевощиков Генрих Ксенофонтович — Писатели и поэты Удмуртии, UDM.travel. Дата обращения: 1 коньывуонэ 2024.
↑ ^4,0 ^4,1 ^4,2 Почетные граждане Игринского района Официальный сайт Администрации Игринского района.
↑ Калыкысь писатель Централизованная библиотечная система Шарканского района.
↑ Скончался народный писатель Удмуртии Генрих Перевощиков. Культура Известия Удмуртской Республики.
↑ Указ Президента Российской Федерации от 13 февраля 2006 года № 103 «О награждении государственными наградами Российской Федерации»

[:0-1] 1,0 ^1,1 ^1,2 Генрих Ксенофонтович Перевощиков izdania.unatlib.ru.

[:1-2] 2,0 ^2,1 Генрих Перевощиков(удм.) Институт удмуртской филологии, финно-угроведения и журналистики УдГУ.

[:4-3] Перевощиков Генрих Ксенофонтович — Писатели и поэты Удмуртии, UDM.travel. Дата обращения: 1 коньывуонэ 2024.

[:2-4] 4,0 ^4,1 ^4,2 Почетные граждане Игринского района Официальный сайт Администрации Игринского района.

[:3-5] Калыкысь писатель Централизованная библиотечная система Шарканского района.

[6] Скончался народный писатель Удмуртии Генрих Перевощиков. Культура Известия Удмуртской Республики.

[7] Указ Президента Российской Федерации от 13 февраля 2006 года № 103 «О награждении государственными наградами Российской Федерации»

[1]

[5]

[4]

[6]

[7]