Обухов, Николай Феоктистович

Николай Феоктистович Обухов
Николай Феоктистович Обухов
Вордӥськем дырыз	21-тӥ куартолэзе 1921
Вордӥськем интыез	Нолинск уезд[d], Ватка губерния, РСФСР[d];
Кулэм дырыз	11-тӥ шуркынмонэ 1990 (69 лет)
Кулэм интыез	Черновцы, Украин ССР, СССР;
Кунмуртлыкез	СССР
Кыӵе войскоез	пехота[d]
Служить карон аръёсыз	1940—1953
Званиез
Частез	212-тӥ воздушно-десантной бригада
Ожмаськонъёс/ожъёс	Быдӟым Атыкай ож;
	Медиафайлъёс РувикиМедиа пушкын

Николай Феоктистович Обухов (1921-тӥ арын 21-тӥ куартолэзе Власово гуртын — 1990-тӥ арын 11-тӥ шуркынмонэ Черновцы карын) — 212-тӥ воздушно-десантной бригадалэн стрелокез (40-тӥ армия, Лымшор-Ӝытшор фронт), красноармеец, Совето Союзлэн Героез (1941).

Улон сюресэз

Вордӥськиз 1921-тӥ арын 21-тӥ куартолэзе Власово гуртын^{[К 1]} огшоры ӟуч крестьян семьяын^[2].

1937-тӥ арысен Ижкарын улӥз (Удмуртия). Машина лэсьтон заводын слесарь луыса ужаз. Комсомол радэ пыриз. Огдыре ик аэроклубын дышетскиз, но тазалыкез лябен, лётчик луыны ӧз кылды^[2].

1940-тӥ арын Ижысь кар военкомат Горд Армие басьтӥз. Нырысь Дальней Востокын воздушно-десантной корпусын служить кариз, война кутскон азьын корпусэз Украинае выжтӥзы^[2].

1941-тӥ арын инвожо толэзьысен Быдӟым Атыкай оже пыриськиз. 1942-тӥ арысен ВКП(б)/КПСС-лэн ёзчиез луиз.

Рядовой Обухов сэзь ожмаськеменыз висъяськиз 1941-тӥ арын куарусёнэ, Любитово (Сумы улос Кролевец ёрос) черкогурт котырын ожъёс мыныку. «1941-тӥ арын 8-тӥ куарусёнэ 212-тӥ воздушно-десантной бригадалэн стрелокез (40-тӥ армия, Лымшор-Ӝытшор фронт) рядовой Обухов, разведкае мыныкуз, тушмон котретэ шедиз. Кема малпаськытэк, сое котыртӥсь гитлеровецъёс шоры гранатаен лэзиз но ачиз пегӟыны быгатӥз. 9-тӥ куарусёнэ выжон уе 2 тушмон танкез пушкытӥз». 1941-тӥ арын 20-тӥ шуркынмонэ СССР-ысь Вылӥ Кенешлэн Президиумезлэн Косэтэзъя Совето Союзлэн Героез дано ним сётэмын^[3].

1941-тӥ ар пумын Обухов секыт сӧсырмыны шедиз. Кӧня ке толэзь ӵоже Старый Осколысь госпитальын йӧнатсконо луиз.

1943-тӥ арын В. И. Ленин нимо Военно-политической академиысь 1-тӥ курссэ йылпумъяз,. тылож кутскемен, со академия Мускоысь Башкирие Белебей каре эвакуировать каремын вал.

1944-тӥ арын Вылӥ военно-политической курсъёсты йылпумъямез бере, берен фронтэ кошкиз. Тылож бырон азьын выльысь сӧсырмыны шедиз.

1953-тӥ арысен старшой лейтенант Н. Ф. Обухов — запасэ лэземын. Улӥз Украинаысь Черновцы карын.

Улонысь кошкиз 1990-тӥ арын 11-тӥ шуркынмонэ. Ватэмын Черновцы карысь Шор шайвылын^[4].

Данъетъёсыз

Совето Союзлэн Героезлэн «Зарни Кизили» медалез (20.11.1941)
Ленин орден (20.11.1941).
Атыкай ожлэн 1-тӥ степенё орденэз (06.04.1985).
Медальёс.

Буре ваён

Ижысь машина лэсьтон заводлэн пырон азяз Николай Обуховлы сӥзем мемориал пул юнматэмын^[4].

Комментарийёс

↑ Власово гурт нырысь пыре вал Нолинск уездысь Тумановской, собере — Богородской волосте, бӧрысь Киров улосысь Богородской ёросысь Тумановской сельсоветэ пыртэмын; быремын^[1].

Валэктонъёс

↑ Балабанов П. Власово (Власова Заимка) [ӟуч] Родная Вятка. Эскеремын 2019-08-19 арын
↑ ¹ ² ³ Национальная библиотека Удмуртской Республики. Обухов Николай Феоктистович
↑ Герои Отечества. Обухов Николай Феоктистович
↑ ¹ ² Герои страны. Обухов Николай Феоктистович

Литература

Несокрушимые. — Уфа, 1985.
Славные сыны Башкирии. — Уфа, 1979.
Башкирская энциклопедия / Гл. ред. М. А. Ильгамов. — Уфа: Башкирская энциклопедия, 2008. — Т. 4: Л-О. — 672 с. — ISBN 978-5-88185-068-5.

Чӧлсконъёс

Сайт Богородского района: Обухов Николай Феоктистович.
Николай Феоктистович Обухов [ӟуч] «Герои страны» сайт.

[2] Власово гурт нырысь пыре вал Нолинск уездысь Тумановской, собере — Богородской волосте, бӧрысь Киров улосысь Богородской ёросысь Тумановской сельсоветэ пыртэмын; быремын^[1].

[1] Балабанов П. Власово (Власова Заимка) [ӟуч] Родная Вятка. Эскеремын 2019-08-19 арын

[библиотека-3] ¹ ² ³ Национальная библиотека Удмуртской Республики. Обухов Николай Феоктистович

[4] Герои Отечества. Обухов Николай Феоктистович

[Герои-5] ¹ ² Герои страны. Обухов Николай Феоктистович

[К 1]

[2]

[3]

[4]

[1]