Нырысетӥ Май
Материалъёс басьтэмын Б.Н. Ельцин нимо библиотекаысь
| Нырысетӥ Май | |
|---|---|
 | |
| Валатонэз | СССР-ын но Росси Федерациын Быдэс дуннеысь ужась калыклэн праздник нуналыз. |
| Пусъё | Калыккуспо праздник |
| Пусъён ужрадъёс | демонстрациос, митингъёс |
| Герӟаськемын | Хеймаркетын ортчем бугыръяськонэн, Чикаго |
 Медиафайлъёс РувикиМедиа пушкын | |
Нырысетӥ Май — тросаз кунъёсын арлы быдэ 1-тӥ куартолэзе пусйиськись калыккуспо нунал. Солэн кылдэмез герӟаськемын 1886-тӥ арын 4-тӥ куартолэзе Чикагоын ортчем ужасьёслэн демонстрациенызы. Россиын ужась калыкъёслэн огъя луон калыкыкуспо нуналзы чотын нырысьсэ пусйиськиз 1890-тӥ арын[1]. Котькуд кунын пӧртэм нуналъёсы пусъиське но, котьку сямен, шутэтскон нунал луэ.
2025-тӥ арын Россиын Тулыслы но Ужлы сӥзем нунал покчиарнялы тупа, соин шутэтскон нуналъёс ньыль нунал ӵоже 4-тӥ куартолэзёзь кыстӥськозы[2]
Историез
Туала тусъем Первомай XIX даурлэн шорысеныз кылдӥз, ужась калыклэн ужан нуналэз тямыс часозь вакчиятыны куронзы бордысен. Нырысьсэ сыӵе куронэн вазиськизы Австралиысь ужасьёс 1856-тӥ арын 21-тӥ оштолэзе. Со дырысен Австралиын та нунал арлы быдэ пусйиське.
Соослэсь адӟем карыса[3], 1886-тӥ арын 1-тӥ куартолэзе США-ысь но Канада-ысь анархизмо огазеяськонъёс митингъёс но демонстрациос радъязы. 1886-тӥ арын 4-тӥ куартолэзе Чикагоысь сыӵе демонстрациез зӥбломытыны турттыку, куать мурт бырыны шедиз. Мукет нуналаз полицилэн кужмысь каронэзлы пумитъяськыса, трос калык люкаськиз. Тодмотэм муртъёс бомба куштэмен, полициын ужась 8 мурт бырыны шедиз, 50 палаез сӧсырмиз, сокугес ик ӝутскем ыбылӥськонын 4 ужась мурт быриз (куд-ог тодэтъёсъя витьтон палаез). Пушкытонэз дасянын янгыше уськытыса, 8 ужась муртэз ошыса виыны пумкылъямын. Куиньзэ соос пӧлысь 15 арлы каторгае келязы (берлогес, ужез сэрттыса-пертчыса, вием муртъёс янгыш вылымтэ шуыса тодмо луиз, со нуналлы соос забастовка гинэ чаклаллям вылэм)[4].
Со учырын бырем анархистъёсты буре вайыса но Америкаысь ужасьёслэн куремзыя, II Интернационаллэн Париж конгрессэз (1889-тӥ ар пӧсьтолэзь) быдтэм муртъёсын 1890-тӥ арын 1-тӥ куартолэзьлы чаклам ужуретон нуналэз Быдэс дуннеысь ужась калыклэн огъя луон нуналэныз ялӥз. Та нуналэ тямыс часъем ужан нунал но мукет мер утён ласянь куронъёсын демонстрациос ортчытъяны дэмламын вал[5]. Австралиын сямен ик, татын но праздникез арлы быдэ пусйылыны кутскизы[3][6].
Россиын/СССР-ын
Росси империя
Росси империын Нырысетӥ Маез, Быдэс дуннеысь ужась калыклэн огъя луон нуналэз шуыса, нырысьсэ пусъемын вал 1890-тӥ арын Варшаваын. Со нуналэ 10 сюрс ужась мурт забастовкае потӥз. 1897-тӥ арысен май праздникъёс политикаен герӟаськемын вал. 1901-тӥ арын Петербургын, Тифлисын, Гомельын, Харьковын но мукет каръёсын ортчем ужасьёслэн первомай люкаськонъёсазы нырысьсэ кутӥськизы: «Долой самодержавие!», «Да здравствует республика!» лозунгъёс, ожчиосын вачевуонъёс кылдӥзы (кылсярысь, 1901-тӥ арын «Обуховской оборона» ортчиз).
1912-тӥ—1914-тӥ аръёсы первомай демонстрациосы 400 сюрслэсь трос ужась калык потаз. 1917-тӥ арын, Февраль революци бере, Первомаез нырысьсэ шара пусйизы: миллион пала ужась калык эрик понна но нюръяськонэз пумозяз вуттыны ӧтись лозунгъёсын ульчаосы потӥз. Петроградысь Марсовой поле нимо площадьын демонстрантъёсты ӟечкылаз Александр Керенский. Со дыре ик большевикъёс «Долой министров-капиталистов», «Вся власть Советам», «Долой империалистические войны!» лозунгъёсын потӥзы.
1917-тӥ арын Россиысь куд-ог каръёсын Нырысетӥ Маез пусъёнэ духовенство но пыриськылӥз.
Маёвкаос
Маёвкаослэн кылдэмзы шонерак Нырысетӥ Маен герӟаськемын. Праздникез кырын, инкуазьын пусъён сям революцилэсь азьпал ик Россиын вӧлмемын ни вал. Маёвкаос улсын ужасьёслэн лушкем пумиськылонъёссы ортчылӥзы. Солы луыса, эксэйлыко Россиын Маёвкаос алэмын вал[7].
РСФСР но СССР
Праздник нуналлы Первомай Октябрь революци бере гинэ пӧрмиз. РСФСР-ын со нырысь «Интернационаллэн нуналыз» шуыса нимаськиз[8], 1972-тӥ арысен «Нырысетӥ Май — ужась калыкъёслэн огъя луон калыккуспо нуналзы» нимазы, 1-тӥ но 2-тӥ куартолэзе пусйылӥзы[9]. РСФСР-ысь Ужан Кодексын (собере СССР-ын) 1-тӥ куартолэзь 1918-тӥ арысен шутэтскон нунал шуыса пусъемын[8], СССР-ысь Калык комиссаръёслэн комитетсылэн 1928-тӥ арын 23-тӥ оштолэзе гожтэм «Интернационаллы сӥзем праздник нуналъёс но нимысьтыз шутэтскон нуналъёс сярысь» Пуктэтэзъя, 2-тӥ куартолэзь но шутэтскон нуналэн ялэмын[10][11]. 1-тӥ куартолэзе ужасьёслэн демонстрациоссы но военной парадъёс ортчылӥзы (Горд Армилэн нырысетӥ первомай парадэз 1918-тӥ арын Ходынской поле площадьын ортчиз). Кыкетӥ нуналаз быдэс кунын, котькытын сямен, «маёвкаос» — инкуазьын трос калыко юмшанъёс ортчылӥзы.
Вань элькунъёсын сӥё-дано ужрадъёс ортчылӥзы[12]. 1933-тӥ арын Мускоын Горд площадьын воздушной парад ортчиз[12]. Отын АНТ-20 «Максим Горький», И-16 но мукет сакмолётъёс возьматэмын вал. Собере со сям СССР-ысь мукет каръёсы но выжтэмын вал.
Быдӟым Атыкай ож аръёсы нокыӵе мынэтъёс но парадъёс ӧз ортчытъяськылэ[13].
«Азинскем социализм» вакытэ СССР-ын первомай демонстрациос валатонзыя пӧртэмгес луизы[11].
СССР-лэн вань кунъёсаз каръёсысь шор урамъёс кузя ужась калык маршен ортчылӥз. Громкоговорительёс пыр котькытын дикторъёслэн куараоссы, политика лозунгъёс но КПСС-лэн кивалтӥсьёсызлэн ӟечкыланъёссы чузъяськизы. Мускоысь Горд площадьын радъям демонстрациез вань теле- радиоканалъёс кузя возьматъязы.
Берпуметӥез официальной демонстрация ортчиз 1990-тӥ арын 1-тӥ куартолэзе. 1991-тӥ арын 1-тӥ куартолэзе Горд площадьын дунъёсты ӝутонлы пумит митинг ортчиз. Сое радъязы Мускоысь профсоюзъёслэн федерацизы но Эрико профсоюзъёслэн ассоциацизы (Мавзолей трибуна сьӧрын М. Горбачёв, А. Лукьянов но мукетъёсыз кивалтӥсьёс сылӥзы)[14].
Совето вакыт бере
- 1993-тӥ арын луэм учыръёс
1993-тӥ арын митинг мынэтлы пӧрмиз но Ленин проспектэ люкаськемъёс ОМОН-эн вачевуизы. Ужрадэз радъязы Йӧскалык спасения фронт, Трудовая Москва дэменлык но Росси Федерациысь Коммунист парти[15][прим. 1].
ОМОН оцеплениез пазьгемзы бере, демонстрантъёс проспект кузя мынонзэс азьланьтӥзы. Знамяослэсь бодыоссэс кутыса лек жугиськизы. Котыртэмъёсты грузовикъёсын донгазы. Соку ик ОМОН-ысь сержант Владимир Толокнеев секыт сӧсырмыны шедиз но ньыль нунал ортчыса кулӥз. Ивор вӧлмытон ёзъёсын нырысь шуккиськемъёслэн лыдзы 150 шуыса пусъемын вал, ӝоген со лыдпус ньыль поллы йылӥз[15].
Со нуналъёсы официальной статистика аспӧртэм вал: милици ласянь шуккиськемъёслэн огъя лыдзы возьматэмын ке вал, демонстрантъёс эмъяськонниосы вазиськемъёслэсь лыдзэс гинэ ивортылӥзы. Соин сэрен, тодэтъёс туж пӧртэмесь луизы. «„Правда“ газетлэн 6-тӥ куартолэзе потэм номераз митинге люкаськемъёс пӧлын шуккиськемъёс но эмъяськонниосын быремъёс ӧвӧл шуыса гожтэмын»[15].
- Со учыр бере ортчылӥсь акциос
Ужасьёслэсь огъя луон калыккуспо нуналзэс коммунистъёс, анархистъёс но мукет огазеяськонъёс арлы быдэ 1-тӥ куартолэзе пусъё. Со ужрадъёсы мерлыкен но политикаен герӟаськем лэчыт лозунгъёс поттыло («Правительство банкротов — в отставку!», «МЫ не хотим платить за ВАШ кризис!», «Самоорганизация! Самоуправление! Самозащита!» но мукет[16][17]).
Тулыслэн но ужлэн кун праздникез улсын, профсоюзъёс, партиос но пӧртэм ӧрысь партиос асьсэ лозунгъёсын политикаен герӟаськем акциос ортчытъяло («Единая Россия» (ФНПР-ен но МГЕР-ен огазеяськыса), «Справедливая Россия», «КПРФ», «Яблоко», «Солидарность», ЛДПР но Автономное действие).
Официальной ужрадъёсын кутӥськись лозунгъёс азьвыл первомай демонстрациослэсь туж пӧртэмесь луо: «План Путина — план Победы!», «Бонусы — пенсионерам», «Три малыша в семье — это норма!».
2009-тӥ арын та праздникез пусъён сярысь меӵак малпанзэ шараяз «Правое дело» партилэн шоркар ёзэтэзлэн азьветлӥсез Игорь Трунов: «Шонерзэ вераса, 1-тӥ Май праздникез туж ик уг поты вал пусъем, малы ке шуоно, мон Чикагоысь ужасьёсын огъя уг луиськы, нош праздник ӵапак отысь вуэмын»[18].
2013-тӥ арын 1-тӥ куартолэзе Россиысь кар ульчаосы ог сю сюрс ужасьёс потӥзы. Москваын первомай демонстрацие 100 сюрслэсь ятыр адями пыриськиз.
2016-тӥ арын Первомай но Великтэм одӥг нуналэ тупазы[19], соин сэрен, куд-ог улосъёсын первомай ужрадъёсты палэнтӥзы.
Мукет кунъёсын
1-тӥ Маез йӧскалык чотын таӵе кунъёсын пусъё: Австрия, Албания, Алжир, Аргентина, Армения, Аруба, Бангладеш, Белоруссия, Бельгия, Болгария, Боливия, Босния но Герцеговина, Бразилия, Венгрия, Венесуэла, Вьетнам, Гватемала, Германия, Греция, Гондурас, Гонконг, Доминикан Республика, Египет, Замбия, Зимбабве, Индия, Иордания, Ирак, Исландия, Испания, Италия, Казахстан, Камерун, Кения, Киргизия, Китай, КНДР, Колумбия, Коста-Рика, Кот-д’Ивуар, Куба, Латвия, Ливан, Литва, Люксембург, Маврикий, Малайзия, Мали, Мальта, Марокко, Мексика, Молдавия, Мьянма, Непал, Нигерия, Норвегия, Пакистан, Панама, Парагвай, Перу, Польша, Португалия, Гаити Республика, Кипр Республика , Республика Корея, Росси Федерация, Румыния, Сальвадор, Уйпал Македония, Сербия, Сингапур, Сирия, Словакия, Словения, Таиланд, Турция, Украина, Уругвай, Филиппины, Финляндия, Франция, Хорватия, Черногория, Чехия, Чили, Швейцария, Швеция, Шри-Ланка, Эквадор, Эстония, ЮАР.
2025-тӥ арын Ижкарын 1-тӥ куартолэзьлы чаклам ужрадъёс
- 1-тӥ куартолэзе Ижкарын ортчоз 56-тӥез традиционной кольцевой велогонка[20].
- Нырысетӥ куартолэзе, куазь тупамон луиз ке ( 5 градуслэсь салкым но тӧло медаз луы), Шор площадьысь "Кырӟась фонтанэз" усьтыны чакламын. Али плейлистын 46 крезьгур. Туэ, классической гуръёс сяна, отчы туала крезьгур ватсамын луоз[21].
- Удмурт Йӧскалык музейын 1-тӥ куартолэзьысен 11-тӥ куартолэзёзь "Звенящий оберег" адӟытон ужалоз. Со адӟытон нылкышно кильтыриослы сӥземын. Экспонатоъёслэн хронологизы: III даурысен XXI даурозь возьматэмын[22].
- Кар сьӧрын бакча возисьёс понна 1-тӥ куартолэзьысен дачной автобусъёслэн маршрутъёссы усьтӥськозы. Соос 30-тӥ куарусёнозь ветлозы. Кылем арын 11 маршрут 1-тӥ коньывуонозь ужаз[23].
Озьы ик учке
Валэктонъёс
- Комментарийёс
- ↑ Вачевуон кык мугъя кылдӥз: «ужрадэз радъясьёс мэриен лэзем маршрутлэсь палэнскизы», нош муско кивалтэт «колонналэн Ленин проспект кузя мынэмезлы» пумит султыны малпаз. Берло малызэ меӵак валэктыны кивалтэт ӧз быгаты: мынэт карлэн шорысеныз радъямын вал. «Демонстрантъёс Горбачёвлэсь дачазэ пазьгыны медо» шуыса малпан юнматытэк кылиз.
Октябрь площадьысен кутскыса, Ленин проспект кузя мынӥсь демонстрантъёс, грузовикъёсын пытсам сюресэз но милициын но ОМОН-ын служить карисьёслэс кылдытэм оцеплениез синйылтыса, радзэс воштӥзы, 500—600 мурт азьпала потӥз, солэн бадӟым люкетаз Йӧскалык спасенилэн фронтысьтыз люкаськемъёс вал. Кордон доры матэктыкузы, вамышсэс йылэтӥзы но оцепленениез капчиен пазьгизы.
Учке «Мемориаллэсь» цитататосын отчётсэ.
- валэктонъёс
- ↑ 1 мая - Праздник весны и труда. Справка, РИА Новости (9 оштолэзе 2025). Дата обращения: 5 оштолэзе 2025.
- ↑ Началась последняя полная рабочая неделя перед майскими праздниками. На следующей неделе будет всего три рабочих дня РБК Life.
- ↑ 1 2 Роза Люксембург. Каково происхождение 1 мая. Sprawa Robotnicza, 1894 http://propaganda-journal.net/5346.html Архивная копия от 3 толсуре 2013 на Wayback Machine
- ↑ Бессмертный К. С. История Дня Гнева (Первомая). Архивная копия от 21 южтолэзе 2012 на Wayback Machine
- ↑ О международной манифестации 1 Мая 1890 г., I конгресс II Интернационала в Париже (14 — 21 июля 1889)
- ↑ 1 мая — Праздник весны и труда. Справка
- ↑ Маёвка // Толковый словарь русского языка : в 4 т. / гл. ред. Б. М. Волин, Д. Н. Ушаков (т. 2—4) ; сост. Г. О. Винокур, Б. А. Ларин, С. И. Ожегов, Б. В. Томашевский, Д. Н. Ушаков ; под ред. Д. Н. Ушакова. — М. : Государственный институт «Советская энциклопедия» (т. 1) : ОГИЗ (т. 1) : Государственное издательство иностранных и национальных словарей (т. 2—4), 1935—1940.
- ↑ 1 2 Кодекс законов о труде 1918 года Эскеремын 2015-05-01 аре
- ↑ ДЕНЬ (КАЛЕНДАРНАЯ ДАТА) // Большая Советская Энциклопедия, 3-е изд. / Гл. ред. А. М. Прохоров. — М.: Советская Энциклопедия, 1972. — Т. 8. Дебитор — Евкалипт. — С. 99—100.
- ↑ Текст постановления ЦИК «О праздничных днях, посвященных дню Интернационала, и об особых днях отдыха» от 23 апреля 1928 года Архивная копия от 4 южтолэзе 2016 на Wayback Machine на сайте КонсультантПлюс
- ↑ 1 2 Первое Мая // Большая Советская Энциклопедия, 3-е изд. / Гл. ред. А. М. Прохоров. — М.: Советская Энциклопедия, 1972. — Т. 19. Отоми — Пластырь. — С. 359—360.
- ↑ 1 2 История 1 мая. Как отмечали в СССР и что празднуют в России, РБК Life. Дата обращения: 9 оштолэзе 2025.
- ↑ Первое мая: история появления праздника, традиции, как его отмечают, РИА Новости (27 оштолэзе 2023). Дата обращения: 9 оштолэзе 2025.
- ↑ http://www.net-film.ru/ru/film-9920/ Архивная копия от 30 южтолэзе 2015 на Wayback Machine Фильм студии ЦСДФ (РЦСДФ) о Митинге 1 мая 1991
- ↑ 1 2 3 Предварительный отчёт о массовых беспорядках, имевших место в Москве 1 мая 1993 года. // «Мемориал», официальный сайт.
- ↑ Лозунги 1 мая 2009
- ↑ Лозунги 1 мая 2008
- ↑ Анна Закатнова. Москву 1 мая наглухо перекроют около 17 митингов, шествий и демонстраций Российская газета. Эскеремын 2010-08-14 аре
- ↑ День святой Пасхи Архивная копия от 6 куартолэзе 2016 на Wayback Machine // РИА Новости, 1 мая 2016 г.
- ↑ ПОСТАНОВЛЕНИЕ О проведении спортивного мероприятия по велосипедному спорту на территории МО «Город Ижевск» в мае 2025 года
- ↑ Udm-info. Фонтан на Центральной площади Ижевска запустят 1 мая
- ↑ Национальный музей Удмуртской Республики. Выставка «Звенящий оберег» (6+)
- ↑ Udm-info. В Ижевске с 1 мая запустят дачные автобусы
Литература
- Роза Люксембург Праздник Первого мая: пер. с польского. — СПб., 1895. — 16 с.
Архивная копия от 27 куарусёнэ 2020 на Wayback Machine
- Календарные обряды и обрядовая поэзия Воронежской области. Афанасьевский сборник. Материалы и исследования. — Вып. III / Сост. Пухова Т. Ф., Христова Г. П. — Воронеж: Изд-во ВГУ, 2005. — 249 с.
- Мельников-Печерский П. И. В лесах. Книга вторая. — М., 1875.
- Фурсова Е. Ф. Традиционализм и неотрадиционализм в современной культуре восточнославянских народов Сибири // Материалы международной научно-практической конференции «Регионы России для устойчивого развития: образование и культура народов Российской Федерации». — Новосибирск: ЗАО ИПП «Офсет», 2010. — Т. 1. — С. 882—892. — ISBN 5-7133-0704-2.
Чӧлсконъёс
- Энциклопедические
- Первое мая — статья из Большой советской энциклопедии.
- Харьковская маёвка 1900 — статья из Большой советской энциклопедии.
- Исторические
- Марти, Хосе «Трагические события в Чикаго»
Архивная копия от 30 куарусёнэ 2007 на Wayback Machine, в память которых на I конгрессе II Интернационала (июль 1889) было решено ежегодно отмечать Первомай.
Архивная копия от 24 шуркынмонэ 2007 на Wayback Machine / журнал «Наука и жизнь»
 | ||||
|---|---|---|---|---|
| ||||
