Михайлов, Василий Михайлович (Совето Союзлэн Героез)

Василий Михайлович Михайлов
Василий Михайлович Михайлов
Вордӥськем дырыз	10-тӥ толшоре 1921
Вордӥськем интыез	Вотка, Сарапул утем, Пермь губерния[d], РСФСР[d];
Кулэм дырыз	19-тӥ шуркынмонэ 1944 (23 года)
Кулэм интыез	Белград, Королевство Югославия[d];
Кунмуртлыкез	СССР
Кыӵе войскоез	Рабоче-крестьянской Горд Армилэн авиациез (ВВС]]) СССР-лэн Ожгар-омыр Кужымъёсыз
Служить карон аръёсыз	1939—1944
Званиез	майор
Частез	306-тӥ штурмовой авиационной дивизия,; 9-тӥ суро авиационной корпус,; 17-тӥ воздушной армия,; 3-тӥ Украин фронт
Интыужез	672-тӥ штурмовой авиационной полклэн эскадрильяезлэн командирез
Ожмаськонъёс/ожъёс	Быдӟым Атыкай ож; Белград операция
	Медиафайлъёс РувикиМедиа пушкын

Василий Михайловлэн шайгуэз

Василий Михайлович Михайлов (1921-тӥ арын 10-тӥ толшоре Вотка каргуртын — 1944-тӥ арын 19-тӥ шуркынмонэ Югославиын) — совето ожгар лётчик, Быдӟым Атыкай оже пыриськем мурт, майор. Совето Союзлэн Героез (3514-тӥ номеро медаль).

Улон сюресэз

Вордӥськиз 1921-тӥ арын 10-тӥ толшоре Ватка губерниысь Сарапул уездысь Вотка ёросысь Вотка каргуртын ужасьёслэн семьяязы^[1]. Ӟуч. 15-тӥ номеро школаысь 7 классэз йылпумъямез бере, ФЗУ-ын дышетскиз, собере Воткалась машина лэсьтон заводын ужаз но огвакыт аэроклубын дышетскиз. Комсомоллэн путёвкаезъя 1939-тӥ арын Пермьысь пилотъёсты дасянъя военной авиационной школае дышетскыны пыриз, сое лётчик-инструктор ӧнерен йылпумъяз. Тылож кутскемен, Военно-воздушной академиын дышетскон сярысь малпанэз ӧз быдэмы^[2].

1942-тӥ арысен Огъяросси коммунист партилэн(б) ёзчиез. Ожмаськиз уйин лобась 672-тӥ бомбардировочной полкын (1942-тӥ арын пӧсьтолэзьысен — 672-тӥ штурмовой авиационной полкын). 1943-тӥ ар пумозь 120 пол азинлыко боевой лобанъёсы потаз, ньыль тушмон самолётэз пушкытӥз.

Подвигез

Геройлыко ожмаськеменыз тужгес висъяськиз 1943-тӥ арын 15-тӥ но 16-тӥ гудырикошконэ Краматорск кар котырын тушмон аэродромез пушкытъяку. Ил-2 самолётъёслэн группаен валче 3 пол боевой лобанъёсы потаса, 60 пала тушмон самолетэз пушкытӥзы, 6-сэ соос пӧлысь гомӟытӥзы (1-зэ Михайлов ачиз пушкытӥз), боеприпасъёсын 2 магазеез, зенитной артиллерилэсь куинь точказэ но загражденилэсь аэростатсэз быдтӥзы^[1].

СССР-ысь Вылӥ Кенешлэн Президиумезлэн «Совето Союзысь Горд Армилэн ожгар-омыр кужымъёсысьтыз офицер составлы Совето Союзлэн Героез дано ним сётон сярысь» 1944-тӥ арын 4-тӥ тулыспалэ гожтэм Косэтэзъя «командованилэсь боевой заданиоссэ ӟеч быдэсъямез но фронтын немецко-фашистской захватчикъёсын геройлыко ожмаськемез понна» Василий Михайлов Совето Союзлэн Героез нимын русъемын но Ленин орденэн но «Зарни Кизили» медален данъетамын (№ 3514)^[3].

1944-тӥ арын 19-тӥ шуркынмонэ, Югославилэн музъем вылаз ожмаськонъёс мынон дыръя, Михайловлэн самолётэз пушкытэмын вал. Вылӥ быгатонлыкен лётчик сӧриськем самолётсэ аслаз аэродромаз вуттыны быгатӥз, пуксьыкуз, управленизэ ыштэменыз, музъем вылэ усиз, ачиз пилот секыт шуккиськыса, бырыны шедиз.

Ватэмын Белградын (Сербия), Белградэз мозмытӥсьёслы сӥзем шайвылын.

Данъетъёсыз

«Зарни Кизили» медаль;
Ленин орден;
Горд Знамялэн кык орденэз;
Александр Невскийлэн орденэз;
Атыкай ожлэн 1-тӥ степенё орденэз;
медальёсыз.

Валэктонъёс

↑ ¹ ² Герои Отечества. Михайлов Василий Михайлович
↑ Национальная библиотека Удмуртской Республики. Михайлов Василий Михайлович
↑ Указ Президиума Верховного Совета СССР «О присвоении звания Героя Советского Союза офицерскому составу военно-воздушных сил Красной Армии» от 4 февраля 1944 года // Ведомости Верховного Совета Союза Советских Социалистических Республик : газета. — 1944. — 17 тулыспалэ (№ 10 (270)). — С. 1.

Чӧлсконъёс

Василий Михайлович Михайлов [ӟуч] «Герои страны» сайт.

[Герои-1] ¹ ² Герои Отечества. Михайлов Василий Михайлович

[2] Национальная библиотека Удмуртской Республики. Михайлов Василий Михайлович

[3] Указ Президиума Верховного Совета СССР «О присвоении звания Героя Советского Союза офицерскому составу военно-воздушных сил Красной Армии» от 4 февраля 1944 года // Ведомости Верховного Совета Союза Советских Социалистических Республик : газета. — 1944. — 17 тулыспалэ (№ 10 (270)). — С. 1.

[1]

[2]

[3]