Меркушев, Василий Афанасьевич

Василий Афанасьевич Меркушев
Василий Афанасьевич Меркушев
Вордӥськем дырыз	25-тӥ оштолэзе 1910
Вордӥськем интыез	Малмыж утем, Ватка губерния, Росси империя[d];
Кулэм дырыз	20-тӥ гудырикошконэ 1974 (64 года)
Кулэм интыез	Иж, РСФСР, СССР;
Кунмуртлыкез	СССР
Кыӵе войскоез	Ожгар- Омыр Кужымъёс (ВВС)
Служить карон аръёсыз	1931—1954
Званиез
Частез	270-тӥ истребительной авиационной полк (152-тӥ гвардейской истребительной авиационной полк), 1-тӥ штурмовой авиационной корпус)
Командовать кариз	авиаци полкын
Ожмаськонъёс/ожъёс	Быдӟым Атыкай ож;

Васи́лий Афана́сьевич Мерку́шев (1910-тӥ арын 25-тӥ оштолэзе Сюмси ёросысь Кучей гуртын — 1974-тӥ арын 20-тӥ гудырикошконэ Ижкарын) — Быдӟым Атыкай ожысь лётчик, подполковник, Совето Союзлэн Героез (1943).

Улон сюресэз

Вордӥськиз 1910-тӥ арын 25-тӥ оштолэзе Кучей^{[К 1]} гуртын куанер крестьян семьяын. 15 аресысен пу кораса ветлӥз.

1928-тӥ арын, Комсомоллэн Сьӧлта волостьысь комитетэзлэн дэмламезъя, Ижкарысь партшколае дышетскыны пыриз. Сое йылпумъямез бере, комсомоллэн кар комитетаз секретарь луыса ужаз, собере Ижкар фабрикалэн парткомезлэн секретарез вал.

1931-тӥ арын Горд Армие басьтӥзы. Отын нимазъям наборъя Ленинградысь, собере Одессаысь авиационной училищее дышетскыны ыстӥзы. 1933-тӥ арын Одессаысь пилотъёсты дасясь военной авиационной школаез йылпумъяз. 1938-тӥ арын Москваысь В. И. Ленин нимо Военно-политической академилэн авиаци ёзэтаз дышетскыны пыриз,1941-тӥ арын сое йылпумъяз^[3].

Быдӟым Атыкай ож

Быдӟым Атыкай ожлэн 3-тӥ нуналысеныз старшой политрукез Меркушевез 1-тӥ штурмовой авиационной корпуслэн 247-тӥ истребительной авиаполказ комиссаре юнматӥзы. 1943-тӥ арын южтолэзьысен 270-тӥ истребительной авиационной полкен командовать кариз (со полк 1944-тӥ арын тулыспалэ 152-тӥ гвардейской иап шуыса нимамын).

Василий Меркушев огъя ог 400 пол боевой лобанъёсы потаз; 2 тушмон Messerschmitt Bf.109 пушкытӥз, ваньмыз ӧвӧлэз, Меркушевлэн 24 пушкытэм тушмон самолётэз лыдъяське^[4] (мукет тодэтъёсъя: 29^[3]) . Ассэ но пушкытъязы, ӝуалляз но, Сиваше но усьылӥз. Выльысь лобаз.

СССР-ысь Вылӥ Кенешлэн Президиумезлэн 1943-тӥ арын 2-тӥ куарусёнэ гожтэм Косэтэзъя, немецко-фашистской захватчикъёсын геройлыко ожмаськемез понна Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (1491-тӥ номер)^[3].

1944-тӥ арын 4-тӥ инвожое, Ясско-Кишинёвской операци мынон дыръя Меркушевлэсь самолётсэ пушкытӥзы но ассэ, секыт сӧсырмем совето лётчикез румын ожгарчиос пленэ басьтӥзы но 4-тӥ герман воздушной армилэн разведотделаз 40 нунал ортчыса гинэ допрос ортчытӥзы. Со дыр ӵоже фронтын югдур юн воштӥськиз но тодэтъёслэн кулэлыксы быриз шуыса, тушмон ки улэ сюрем записной книжкаысьтыз гожъямъёсызлэсь Меркушев ӧз танӥськы. Концлагерьын Власовлэн армияз пырыны ёртэмзылы чутрак пумит кариськемысьтыз кык пол кужмысь виён сярысь пумкылъязы. Нырысяз сое кулонлэсь утиз военнопленнойёс пӧлысь эмчи Черкизов. Со лагерь кивалтэтэз Меркушев туберкулёзэн висе шуыса оскытӥз но зэмлыко луисьтэм диагноз пуктӥз; кыкетӥзэ Меркушевлы концлагерьын бырем узниклэсь документъёссэ сётӥзы но Вайдан карысь мукет концлагере интыязы; озьы Меркушев гестапо понна кулэм муртэн лыдъяськиз. 1945-тӥ арын 23-тӥ оштолэзе лагерьысь пытсэтамъёсты американ ожгарчиос мозмытӥзы.

Тылож бере

Быдӟым Атыкай ож йылпумъяськем бере ВВС-ын службазэ азьланьтӥз. 1949-тӥ арын, американецъёс СССР-лы допрос протоколъёсын архивез сётэмзы бере, Меркушевез пытсэт улэ басьтӥзы. Внесудебной радлыкъя Василий Меркушевез 10 арлы Усольской исправительно-трудовой лагере келязы но Совето Союзлэн Героез нимызлэсь палэнтӥзы. СССР-ысь Вылӥ Кенешлэн Президиумезлэн Тӧроез К. Е. Ворошилов но, И. В. Сталин но юнме шорысь янгыш каремзы сярысь^[3] лётчиклэсь куронъёссэ санэ ӧз басьтэ.

1954-тӥ арын Валтӥсь военной прокуратуралэн ортчытэм эскеронъёсызъя, Меркушевлэн немец командованилы сётэм ивортодэтъёсыз шонертэмесь вал шуыса, 1-тӥ инвожое сое мозмытӥзы, Совето Союзлэн Героез нимзэ, запасысь подполковник званизэ берентӥзы но вань басьтэм данъетъёссэ: «Зарни Кизили» медальзэ, Горд Знамя но Горд Кизили орденъёссэ берыктӥзы.

1954-тӥ арысен подполковник А. М. Меркушев запасэ лэземын. Улӥз но ужаз Ижкарын. 1954-тӥ—1955-тӥ аръёсы Ижысь автомотоклубен кивалтӥз. 1965-тӥ арын пенсие потӥз. Улонысь кошкиз 1974-тӥ арын 20-тӥ гудырикошконэ Ижкарын. Ватэмын Хохряки шайвылын.

Реабилитация

Валтӥсь военной прокуратаралэн реабилитацияя Р-428-тӥ номеро архив ужъя выльысь ортчытэм эскеронъёсызъя, 2002-тӥ арын 23-тӥ коньывуонэ, кулэмез дырысен 28 ар ортчыса, быдэсак реабилитировать каремын^[3].

Данъетъёсыз

«Зарни Кизили медаль» (02.09.1943),
орденъёсыз:
- кык Ленин орденэз (17.06.1943 и 02.09.1943),
- Горд Знамялэн орденэз (21.01.1944),
- Горд Кизили орден (1957),
мукет медальёсыз.

Буре ваён

Сюмси черкогуртын В. А. Меркушевлэн нимыз одӥгезлы ульчалы сётэмын.
Ижысь Хохряки шайвылын Геройёслэн Аллеяязы Меркушевлэн шайгу вылаз синпелет пуктэмын.
Арлы быдэ ортчытъясько Совето Союзлэн Героезлы Меркушевлы сӥзем куасэн бызьылонъя ӵошатсконъёс^[5].
2020-тӥ арын Меркушевлэн вордӥськем юрт интыяз мемориал плита ӝутэмын^[6]

Тунсыко зэмослыкъёс

Режиссёрлэн Леонид Быковлэн «В бой идут одни старики» тодмо фильмаз пыртэмын В. А. Меркушев но С. Д. Луганский кивалтэм улсын ожмаськем «стариклэн» тодэ ваёнъёсыз. Кылсярысь, Быковен шудэм эпизодын, кудаз герой трофейной немец самолётэн разведкае лобе но сое асьме пехотинецъёс пушкыто, ассэ лётчикез юн жуго, зэмзэ но Меркушевен луэм учыр возьматэмын.
Василий Афанасьевич Меркушев ӵемысь вералляз: «Нырысь Сталинлэн ӧрӟиез шуыса данъязы, бӧрысь ю-тысез сямен сталин кӧос пыр поттӥзы..»^[3]

Комментарийёс

↑ Кучей гурт, азьвыл Малмыж уездысь Сюмси волосте пыре вал, берло Сюмси ёросысь Гуртлуд сельсоветэ пыртэмын ^[1]; 1982-тӥ арын учёт тодэтъёсысь палэнтэмын^[2].

Валэктонъёс

↑ Кучей [ӟуч] Родная Вятка. Эскеремын 2020-04-23 арын
↑ Кучей, деревня (Сюмсинский район, Удмуртская Республика) [ӟуч] Letopisi.Ru. Эскеремын 2020-04-23 арын
↑ ¹ ² ³ ⁴ ⁵ ⁶ Меркушев Василий Афанасьевич Архивная копия от 11 куартолэзе 2012 на Wayback Machine.
↑ М. Ю. Быков в своих исследованиях указывает на 24 личные победы лётчика.
↑ Биография В. А. Меркушева на сайте «Герои страны» Архивная копия от 8 куартолэзе 2012 на Wayback Machine.
↑ ОТКРЫТИЕ МЕМОРИАЛА Сегодня, 23 августа.. | МО "Гуртлудское" Сюмсинского района УР | ВКонтакте Эскеремын 2020-11-25 арын

Литература

Звягинцев В. Е. Глава 8. За измену Родине // Трибунал для «сталинских соколов». — М.: Терра, 2008. — С. 144—151. — (Двуликая Клио: Версии и факты). — ISBN 978-5-275-01612-3.
Быков М. Ю. Советские асы 1941—1945. Победы Сталинских соколов. Сборник. — М.: Яуза: Эксмо, 2008. — 608 с. — ISBN 978-5-699-30919-1.

Чӧлсконъёс

Василий Афанасьевич Меркушев [ӟуч] «Герои страны» сайт.

Меркушев Василий Афанасьевич.

[3] Кучей гурт, азьвыл Малмыж уездысь Сюмси волосте пыре вал, берло Сюмси ёросысь Гуртлуд сельсоветэ пыртэмын ^[1]; 1982-тӥ арын учёт тодэтъёсысь палэнтэмын^[2].

[1] Кучей [ӟуч] Родная Вятка. Эскеремын 2020-04-23 арын

[2] Кучей, деревня (Сюмсинский район, Удмуртская Республика) [ӟуч] Letopisi.Ru. Эскеремын 2020-04-23 арын

[airaces-4] ¹ ² ³ ⁴ ⁵ ⁶ Меркушев Василий Афанасьевич Архивная копия от 11 куартолэзе 2012 на Wayback Machine.

[5] М. Ю. Быков в своих исследованиях указывает на 24 личные победы лётчика.

[6] Биография В. А. Меркушева на сайте «Герои страны» Архивная копия от 8 куартолэзе 2012 на Wayback Machine.

[7] ОТКРЫТИЕ МЕМОРИАЛА Сегодня, 23 августа.. | МО "Гуртлудское" Сюмсинского района УР | ВКонтакте Эскеремын 2020-11-25 арын

[К 1]

[3]

[4]

[5]

[6]

[1]

[2]