Маслов, Иван Васильевич

Иван Васильевич Маслов
Иван Васильевич Маслов
	; Иван Васильевич Маслов
Вордӥськем дырыз	12-тӥ (25‑тӥ) шуркынмонэ 1912
Вордӥськем интыез	Пермь губерния Капкан гурт
Кулэм дырыз	26-тӥ пӧсьтолэзе 1963 (50 арес)
Кулэм интыез	Удмуртия
Кунмуртлыкез	СССР
Кыӵе войскоез	сухопутной войскоос
Служить карон аръёсыз	1934—1937, 1941—1945
Званиез
Ожмаськонъёс/ожъёс	Быдӟым Атыкай ож
	Медиафайлъёс РувикиМедиа пушкын

Ива́н Васи́льевич Масло́в (1912-тӥ арын 12-тӥ (25-тӥ) шуркынмонэ)^[1]^[2] — 1963-тӥ арын 26-тӥ пӧсьтолэзе) — Быдӟым Атыкай оже пыриськем мурт, 1-тӥ Белорус фронтысь33-тӥ армилэн 362-тӥ стрелковой дивизилэн 1210-тӥ стрелковой полклэн ротаезлэн парторгез, сержант. Совето Союзлэн Героез (1945).

Улон сюресэз

Вордӥськиз 1912-тӥ арын 12-тӥ (25-тӥ) шуркынмонэ УАССР-ын Каракулино ёросысь Пинязь гуртын^[3] (мукет тодэтъёсъя Пермь губерниысь Капкан гуртын^[4]) ӟуч крестьян семьяын. Пинал дырыз вордӥськем гуртаз ортчиз, атаезлы юртъер котырын юрттӥськиз. Собере Ижкаре улыны кошкиз.1932-тӥ арын Ижысь корт поттон заводэ уже интыяськиз. 1934-тӥ арын Горд Армие басьтӥзы. Арми бере Ижысь машина лэсьтон заводын ужаз. 1938-тӥ арын Пермь улосысь Чернушка ёросэ анай-атаез доры улыны кошкиз. Отын нырысь кебитын ужаз, собере колхоз тӧролэн воштӥсез луиз.

1941-тӥ арын гудырикошкон толэзе Масловез выльысь армие басьтӥзы. Шуркынмонысен Быдӟым Атыкай оже пыыриськиз. Калинин, Степной, 2-тӥ Украин, 1-тӥ, 2-тӥ но 3-тӥ Белорус фронтъёсын ожмаськиз. Нырысь миномётной батареяын телефонист луыса, собере 1210-тӥ стрелковой полклэн 1-тӥ ротаезлэн командирез луиз. 1943-тӥ арын, коммунист парие пыриз, 1944-тӥ арын сӥзьыл роталы парторге юнматӥзы. Нелидово но Белый каръёс но Оленино станци котырын ожмаськонъёсы, Харьков но Днепропетровск улосъёсты, Белоруссиез но Литваез мозмытонэ, Днепр понна ожмаськонъёсы пыриськиз^[5].

Отделенилэн командирез сержант Маслов Висло-Одерской операцилэн нырысь нуналъёсаз ик сэзь луэменыз висъяськиз. 1945-тӥ арын 14-тӥ толшоре Нова-Мшадла гурт котырын (Польшаысь Заволень карлэсь 12 иськемлы шундыӝужан палагес) тушмон дзотэз но пулемётной расчётэз быдтӥз. Каролин гурт котырын (Зволень карлэсь 6 иськемлы лымшор палагес) тушмон засадаез пазьгыны быгатӥз. Неман шурез ожмаськыса выжыку, роталэн вань офицеръёсыз бырыны шедизы, соку сержант Маслов командованиез ас вылаз басьтӥз^[3]. Ньыль нунал ӵоже рота тушмон атакаослы пумит ожмаськиз. 20-тӥ толшоре Одер шур дурын плацдармез паськытатонъя ожмаськонын Маслов секыт сӧсырмыны шедиз. Сое госпитале эвакуировать каризы^[6]. СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе гожтэм Косэтэзъя, командованилэсь боевой заданиоссэ ӟеч быдэсъямез но немецко-фашистской захватчикъёсын геройлыко ожмаськемез понна, сержант Маслов Иван Васильевичлы Совето Союзлэн Героез дано ним сётэмын, Ленин орденэн но «Зарни Кизили» медален данъетамын (4785-тӥ номер).

Госпитальын йӧнатӥськемез бере вордӥськем гуртаз бертӥз.Отын колхоз бригадир луыса ужаз. Собере Удмуртие кошкиз. Сарапул ёросысь Яромасска сплав участокын ужаз. Улонысь кошкиз 1963-тӥ арын 26-тӥ пӧсьтолэзе.

Данъетъёсыз

«Зарни Кизили» медаль (24.03.1945, 4785-тӥ номер).
Ленин орден (24.03.1945).
«За отвагу» медаль (10.08.1943).
«1941-тӥ—1945-тӥ аръёсы Быдӟым Атыкай ожын Германиез вормем понна» медаль (09.05.1945).

Иван Васильевич Масловлэн бюстэз Чернушка карысь Данлыко Аллеяын

Буре ваён

И. В. Масловлэн бюстэз Чернушка ёросысь Совето Союзлэн 12 Геройез но Слава орденлэн 2 полной кавалеръёсыз пӧлы пыртэмын, Чернушка карын Данлыко Аллеяын сӥё-дано усьтэмын 2010-тӥ арын 9-тӥ куартолэзе.
И. Масловлэн нимыз Ижкарысь Ялан ӝуась тыл дорысь Совето Союзысь Геройёслы сӥзем стелаын но машина лэсьтон заводлэн буре ваён пул вылаз пыртэмын.

Валэктонъёс

↑ Кулёмин И. Г. Героев наши имена. — Ижевск: Удмуртия, 1975. — С. 44. — 212 с.
↑ Кулёмин И. Г. , Сентемова Л. Ф. , Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 2005. — С. 100. — 272 с. — ISBN 5-7659-0639-7.
↑ ¹ ² Ими гордится Удмуртия. Маслов Иван Васильевич
↑ Пермский государственный архив социально-политической истории. Маслов Иван Васильевич
↑ Герои Отечества. Маслов Иван Васильевич
↑ Наши земляки : Герои Советского Союза, Герои Российской Федерации, Полные кавалеры ордена Славы. Маслов Иван Васильевич.

Чӧлсконъёс

Иван Васильевич Маслов [ӟуч] «Герои страны» сайт.

Н. А. Козлова. История Чернушинского района: Материалы к урокам по историческому краеведению / под общ. ред. к.и.н. Н. Д. Волошина. — Пермь: Пермское книжное издательство, 2006. — 152 с. — 1000 экз.
Кузнецов Н. С. Маслов Иван Васильевич // Великой славы светлая память / Н. С. Кузнецов. – Ижевск, 2012. – С. 225–226.
Кулемин И. Г. От Волги до Одера // Героев наших имена / И. Г. Кулемин. – Ижевск, 1975. – С. 44–45.
Маслов Иван Васильевич // Удмуртская Республика : энциклопедия. – 2-е изд., испр. и доп. – Ижевск, 2008. – С. 466.

[1] Кулёмин И. Г. Героев наши имена. — Ижевск: Удмуртия, 1975. — С. 44. — 212 с.

[2] Кулёмин И. Г. , Сентемова Л. Ф. , Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 2005. — С. 100. — 272 с. — ISBN 5-7659-0639-7.

[Ими_гордится-3] ¹ ² Ими гордится Удмуртия. Маслов Иван Васильевич

[4] Пермский государственный архив социально-политической истории. Маслов Иван Васильевич

[5] Герои Отечества. Маслов Иван Васильевич

[6] Наши земляки : Герои Советского Союза, Герои Российской Федерации, Полные кавалеры ордена Славы. Маслов Иван Васильевич.

[1]

[2]

[3]

[4]

[5]

[6]