Кривокорытов, Павел Тимофеевич

Рувикиын таӵе фамилиен мукет муртъёс сярысь гожтосъёс вань. Учке: Кривокорытов.

Павел Тимофеевич Кривокорытов
Вордӥськем дырыз	29-тӥ гудырикошконэ 1915({{padleft:1915|4|0}}-{{padleft:8|2|0}}-{{padleft:29|2|0}})
Вордӥськем интыез	Орловка гурт, Малмыж уезд, Ватка губерния, Росси империя
Кулэм дырыз	7-тӥ гудырикошконэ 1996({{padleft:1996|4|0}}-{{padleft:8|2|0}}-{{padleft:7|2|0}}) (80 лет)
Кулэм интыез	Николаев, Украина
Кунмуртлыкез	СССР СССР
Кыӵе войскоез	артиллерия
Служить карон аръёсыз	1936—1955
Званиез
Ожмаськонъёс/ожъёс	Быдӟым Атыкай ож
Данъетъёсыз

Па́вел Тимофе́евич Кривокоры́тов (1915—1996) — Совето Армилэн майорез, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Павел Кривокорытов вордӥськиз 1915-тӥ арын 7-тӥ куарусёнэ Орловка гуртын. Волипельга школаысь сизьым калассэз йылпумъяса, Можгаысь фельдшеръёсты дасянъя курсъёсты ортчиз. Собере Ижысь медициная институтысь син эмъянъя кык аръем ёзэтаз дышетскиз. Дышетсконзэ быдтыса, Бемыжысь тазалыкез утёнъя ёрос отделын инструктор луыса ужаз. 1936-тӥ арын толсуре Рабоче-крестьянской Горд Армие басьтӥзы. Отын полковой школаез но младшой лейтенантъёсты дасянъя курсъёсты ортчиз. 1941-тӥ арысен — Быдӟым Атыкай ожлэн фронтъёсаз ожмаськиз. 1945-тӥ арын толшор толэзёзь капитан Павел Кривокорытов 2-тӥ Прибалти фронтысь 22-тӥ армилэн 1040-тӥ армейской истребительно-противотанковой артиллерийской полклэн батареяеныз командовать кариз. Латви ССР-ын мынӥсь ожмаськонъёсы пыриськиз.

1945-тӥ арын 5-тӥ —9-тӥ толшоре Кривокорытовлэн батареяез Тукум ёросысь Брувере гурт котырын котретысь пегӟыны турттӥсь немец войскоосын ожмаськиз. Вить нунал ӵоже мынӥсь ожъёсын 17 немец атакаосты пазьгиз, 23 тушмон танкез, 1 бронетранспортёрез но ог сю пала немец солдат-офицерез быдтӥз. Ожлэн тужгес лек вакытаз Кривокорытов нырысь тушмонэз ас вылаз узатӥз, собере артиллеристъёсты атакае ӝутӥз. Со ожын ик секыт сӧсырмыны шедиз.

СССР-ысь Вылӥ Кенешлэн Президиумезлэн 1945-тӥ арын 29-тӥ инвожое гожтэм Косэтэзъя «немец захватчикъёсын геройлыко ожмаськемез но командованилэсь боевой заданиоссэ ӟеч быдэсъямез понна» капитан Павел Кривокорытов Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (6933-тӥ номер).

Тылож бырем бере Кривокорытов службазэ Совето Армиын азьланьтӥз. 1946-тӥ арын со Вылӥ офицерской артиллерийской школаез йылпумъяз. 1955-тӥ арын майор званиен запасэ лэземын. Улӥз Николаевын (Украина), Николаевской областной Добровольной пожарной обществоен кивалтӥз. Улонысь кошкиз 1996-тӥ арын 7-тӥ гудырикошконэ.

Озьы ик данъетамын Горд Знамялэн орденэныз, Горд Кизили орденэн, Александр Невскийлэн кык орденэныз, Атыкай ожлэн 1-тӥ но 2-тӥ степенё орденъёсыныз но мукет медальёсын.

Буре ваён

• П.Т.Кривокорытовлэн нимыз Ижкарысь Ялан 6уась тыл азьын Совето Союзлэн геройёсызлы с-зем Мемориал стела вылын гожтэмын.
• П.Т.Кривокорытовлэн нимыз сётэмын Кизнерысь одӥгездлы ульчалы. Отын ик Геройёслэн Аллеяязы пыртэмын.
• Украинаысь Добровольной Пожарной Обществолэн дано муртэз.

Комментарийёс

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• ГСС, ГРФ, ПКОС — наши земляки. — Ижевск, 1995.
• Кулёмин И. Г. Героев наших имена. — Ижевск, 1975.