Касимов, Энвиль Владимирович

Энвиль Владимирович Касимов
Вордӥськем нуналыз	23-тӥ толшоре 1961({{padleft:1961|4|0}}-{{padleft:1|2|0}}-{{padleft:23|2|0}})
Вордӥськем интыез	Балезино
Кулон нуналыз	24-тӥ пӧсьтолэзе 2020({{padleft:2020|4|0}}-{{padleft:7|2|0}}-{{padleft:24|2|0}}) (59 лет)
Кулэм интыез	Иж, Россия
Кун	СССР  Россия
Ужудысэз	суредаськись, журналист, политик, кылбурчи, валтӥсь редактор, редактор

Энви́ль Влади́мирович Каси́мов (23-тӥ толшоре 1961, Балезино — 24-тӥ пӧсьтолэзе 2020, Иж) — росси политик, журналист, суредась. Удмурт Элькунысь лулчеберет удысысь дано ужась. Удмурт Элькунысь Кун Кенешлэн кыкетӥ—витетӥ ӧтчамысьтыз депутат. Йӧскалык политикая, кышкытлыклэсь утиськонъя, регламентъя но элькун парламентлэсь ужзэ радъянъя комиссилэн кивалтӥсез. «Известия Удмуртской Республики» (2003—2012) но «Удмуртская правда» (2017—2020) газетъёслэн валтӥсь редакторез.

Улон сюресэз

Вордӥськиз 1961-тӥ арын 23-тӥ толшоре Удмурт АССР-ысь Балезино ёросысь Балезино каргуртын. Выжыезъя — чупчи бигер.

Удмурт кун университетэз «сурадаськонлы дышетӥсь» ӧнеръя йылпумъяз. Озьы ик Мускоысь В. И. Суриков нимо академической суредаськонъя кун институтэз «суредась-живописец» ӧнеръя быдтӥз.

«Лодка» но «Танатос» арт-группае пыриськылӥз. «Ижевский завод» рекламая фирмалэн кивалтӥсез, «Городской стиль» газетлэн редакторез луыса тыршиз, «АСК-монтаж» огазеяськонлэн иворъёсъя но аналитикая ёзэныз кивалтӥз. Педагогика удысысь кичӧлтонъёсты азинтыны юрттонъя «Лицей» огазеяськонлэн улосысь дышетон программаосъя директорез луыса ужаз.

1994-тӥ арысен мерлыко уже но политикае пыриськиз, «Удмуртия наркотикъёстэк» РУОД-лэн огез тӧроез вал.

1999-тӥ арын оштолэзе Удмурт Элькунысь Кун Кенешлэн кыкетӥ ӧтчамаз (1999—2003) депутатэ бырйиськиз.

2003-тӥ арысен 2012-тӥ арозь «Известия Удмуртской Республики» газетлэн валтӥсь редакторез вал.

2012-тӥ арын коньывуонэ йӧскалык политикая, кышкытлыклэсь утиськонъя, регламентъя но элькун парламентлэсь ужзэ радъянъя комиссилы кивалтӥсе бырйизы, таин валче «Известия Удмуртской Республики» газетлэн валтӥсь редакторезлэсь интызэ мозмытоно луиз.

2017-тӥ арын шуркынмонысен — «Удмуртская правда» газетлэн валтӥсь редакторез.

Кема висемез бере 2020-тӥ арын 24-тӥ пӧсьтолэзе Ижкарын улонысь кошкиз. Люкиськон ужрад Удмуртиысь Кун Кенешын ортчиз.

Ватэмын Балезино ёросысь Кестым гуртысь шайвылын.

Творчествоез

1988-тӥ арын Энвиль Касимов Мускоын ортчем «Кунмылэн егит вакытыз» (ӟуч: Молодость нашей страны) адӟытонэ пыриськиз, 1989-тӥ арын ужъёсыз экспонатъёс чот Ижысь авангард искусствоя «Да!» нимо нырысетӥ адӟытонэ поттэмын вал. 1990-тӥ арын радъясь но суредась сямен пыриськиз таӵе адзытонъёсы: «Пыж» Ижкарын, «XX даурлэн синъёсыныз гольык» Ижкарын но Мускоын, «Lines soft and hard» Мускоын, «Сьӧд шаманлэн тӧдьы куншетэз» нимо перформанс Ижкарын, «Mastaba» Мускоын, «Druo» Парижын. 1991-тӥ арын солэн суредам ужъёсыз поттэмын вал Ижын, Мускоын но Берлинын ортчем «Монохром» адӟытонэ, «X-Annet» (Иж), «Танатос» (Муско) возьматонъёсы, озьы ик Ижын радъяськиз «Росомаха» нимо персональной адӟытонэз. 1992-тӥ арын со пыриськиз «10 уровень», «Tanatos-Murt» нимо муско но иж адӟытонъёсы, Палеонтологияя музейысь муско возьматонэ, США-ысь но Франциысь «Druo» нимо аукционъёсы. Со аре ик ульча скульптураосъя галерея кылдытӥз, соос Ижысь нылпи творчествоя дворецлэсь парксэ чеберъязы. Энвиль Касимовлэн суредам ужъёсы Россиын, СНГ-ын, Германиын, США-ын, Норвегиын, Австралиын, Чехиын, Канадаын, Франциын, ЮАР-ын, Шри-Ланкаын частной коллекциосын утисько.

Аслаз адӟытонъёсыз

• 2021 — «Энвиль. Кутскон» (ӟуч: Энвиль. Начало). «Галерея» адӟытонъя центр, Ижкар;
• 2019 — «Интервенция #сугон» (ӟуч: Интервенция #лук). Удмурт Элькунысь изобразительной искусствоосъя музей, Ижкар;
• 2012 — «Киын лэсьтэм» (ӟуч: Рукотворное). Туалет-музей, Ижкар;
• 2011 — «Энвиль Касимовлэн гожтэтъёсыныз адӟытон» (ӟуч: Выставка личных писем Энвиля Касимова). Ижкар.
• 2011 — «Кошким» (ӟуч: Поехали). «Галерея» адӟытонъя центр, Ижкар.
• 2010 — «Кионъёс» (ӟуч: Волки). «Известия Удмуртской Республики» газетлэн галереяез, Ижкар.
• 2009 — «Пичи дырысь» (ӟуч: Детское). Е. К. АртБюро, Муско;
• 2008 — «Мон яратӥсько соосты» (ӟуч: Я люблю их). Суредасьлэн валтӥсь юртэз, Муско;
• 1991 — «Росомаха», Ижкар.

Группаосын адӟытонъёс

• 2019 — «Интервенция#сугон», Пермь;
• 2019 — «Земля музъем», PERMM, Пермь;
• 2018 — «ДАР», УРМИИ, Ижкар;
• 2018 — «Ньыль книга» (ӟуч: Четыре книги), Каширкаысь галерея, Муско;
• 2017 — «EX’PORT», Вулы сӥзем музей, Ижкар;
• 2014 — «Зиккурат любви», Уфа;
• 2014 — «БАРдтО: веарськонысь опыт» (ӟуч: БАРдтО: опыт диалога), Ижкар;
• 2014 — «Россиысь император садъёс» (ӟуч: Императорские сады России), Санкт-Петербург;
• 2014 — «ПРОСТРАНСТВОВРЕМЯ», Ижкар;
• 2013 — «ДА» нимо нырысетӥ адӟытонлы 25 ар, Ижкар;
• 2013 — «Ижысь Интервенция» стирт-артъя фестиваль, Ижкар;
• 2012 — «Пермьысь тӧдьы уйёс» (ӟуч: Белые ночи Перми), Пермь;
• 2012 — «Iжевск», Муско;
• 2012 — «Ижысь завоТ» (ӟуч: Ижевский завоТ), Санкт-Петербург;
• 2011 — «Пермьысь тӧдьы уйёс», Пермь;
• 2011 — Старкиын стирт-артъя фестиваль, Ижкар;
• 2009 — «Курег Рай. Курег Край» (ӟуч: Куриный Рай. Куриный Край) проект, Ижкар, Пермь, Кузон, Муско, Самара;
• 2009 — «Omne animal», 3-тӥ Муско Биеннале — параллельной программа, Муско зоопарк;
• 2008 — «Удмуртлэн нуналыз» (ӟуч: День Удмурта) АРТ форум, Ижкар;
• 2008 — «Ижысь Арсенал» (Ваньмыз писпулэсь) (ӟуч: «Ижевский Арсенал» (Все из дерева)) АРТ-ассамблея, Ижкар;
• 2007 — «Удмуртлэн нуналыз» АРТ форум, Ижкар;
• 2007 — «Ижысь Арсенал» (Ваньмыз писпулэсь) АРТ-ассамблея, Ижкар;
• 1992 — «10 уровень», «Tanatos-Murt», Муско;
• 1991 — «X-Annet», «Танатос», «Монохром», Ижкар, Муско, Берлин;
• 1990 — «XX даурлэн синмыныз гольык», Ижкар, Муско;
• 1990 — «Mastaba», Муско;
• 1990 — «Druo», Париж;
• 1990 — «Lines soft and hard», Муско;
• 1990 — «Пыж», Ижкар;
• 1989 — «Да!», Ижкар;
• 1988 — «Кунмылэн егит вакытыз», Муско.

Книгаосыз

• Э. В. Касимов. Апология Любви. — Ижевск, 2020. — 76 с.
• Э. В. Касимов. Правдивые истории из жизни великого композитора Петра Ильича Чайковского в изложении Энвиля Касимова (Быль). — Ижевск: Известия Удмурт. Респ., 2010. — 101 с.
• Э. В. Касимов. Не буду первым.... — Ижевск: Известия Удмурт. Респ., 2011. — 36 с.

Ӵектосъёсты валтӥсь (Энвиль Касимов ӵектэмъя быдэстэм проектъёс)

• 2020 — «Ижысь Лосьёс» (ӟуч: Ижевские Лоси) акция;
• 2020 — «Удмурт Йӧ» (ӟуч: Удмуртский лёд) куинетӥ фестиваль;
• 2019 — «100 ар! Удмуртилэн егит вакытыз» (ӟуч: 100 лет! Молодость Удмуртии) нимо егитъёслэн искусствозылы сӥзем адӟытон;
• 2019 — «Удмурт Йӧ» кыкетӥ фестиваль;
• 2019 — «PRO Родники» экспедиция;
• 2018 — «Удмурт Йӧ» нырысетӥ фестиваль;
• 2016 — «Вераське Ижевск» (ӟуч: Говорит Ижевск), егит искусствоя Мускоысь V калыккуспо биенналэн нимысьтыз проектэз;
• 2015 — «Улонысь одӥг нунал. Ижкар» (ӟуч: Один день из жизни. Ижевск) туспуктон форум;
• 2013 — Ижкарын егитъёслэн АртРезиденцизылэн кылдэмез (ӟуч: Появление в Ижевске молодёжной АртРезиденции);
• 2013 — АРТ-Квадрат;
• 2012 — АРТПАРАД;
• 2012 — Кыкетӥез «Теория относительности» нимо крезьгуро фестиваль;
• 2011 — Нырысетӥез «Теория относительности» нимо крезьгуро фестиваль;
• 2010 — Эмир Кустурицалэн но «The No Smoking Orchestra» концертсы.

Цитатаос

Сое зэмен ик быдэс элькун тодэ вал. Со улон шоры аспӧртэм учконэн паймымон адями вал. Котькинлэн тодэ ваёнъёсаз со кылёз таланто журналист, харизмаен политик, яркыт суредась сямен.

— Александр Бречалов

Муское но Европае но кошкыны луонлыкъёсыз вал, отын, конешно, суредасьлы трослы капчигес, Россиысь туала провинциын сярысь, но со ваньзэсты Иже кыскыны выриз.

— Марат Гельман

Данъетъёсыз

• Удмурт Элькунлэн Данъян грамотаез;
• Удмурт Элькунысь Кун Кенешлэн Данъян грамотаез;
• Наркотикъёсты вӧлмытонэз чакланъя федерал службалэн Данъян грамотаез;
• Россиысь каръёслэн историяя ваньбурзэс утёнэ пыриськемез понна медаль;
• Росси Федерациысь граждан оборона ужпумъёсъя министерстволэн гадьпусэз;
• Россиысь Журналистъёслэн огазеяськонзылэн гадьпусэз;
• «Меценаты столетия» нимо МБФ-лэн медалез;
• Удмуртиысь лулчеберет удысысь дано ужась.

Буре ваён

2020-тӥ арын куарусёнэ Ижысь Киров нимо ульчаысь ошмеслы Энвиль Касимовлэн нимыз сётэмын.

2021-тӥ арын тулыс, суредасез буре вайыса, кылдӥз «Энвиль Касимовлэн АртCикез» (ӟуч: АртЛес Энвиля Касимова): Удмуртиысь Вотка ёроссэ кӧня ке сюрс кыз удъёсты мерттӥзы.

Валэктонъёс

Чӧлсконъёс

• Энвиль Касимов [ӟуч]

• Касимов Энвил Владимирович [ӟуч]