Заманов, Хасан Заманович

Хасан Заманов
Хасан Заманов
Вордӥськем дырыз	14-тӥ куарусёнэ 1912
Вордӥськем интыез	Кузякино черкогурт, Семиостровской волость, Мензелинск уезд, Уфа губерния, Росси империя
Кулэм дырыз	20-тӥ шуркынмонэ 1951 (39 арес)
Кулэм интыез	Баяновка каргурт, Североуральской горсовет, Свердловск улос, РСФСР, СССР
Кунмуртлыкез	СССР
Кыӵе войскоез	пехота
Служить карон аръёсыз	1942—1945
Званиез
Ожмаськонъёс/ожъёс	Быдӟым Атыкай ож

Хасан Заманов^[1] (14-тӥ куарусёнэ 1912 — 20-тӥ шуркынмонэ 1951) — красноармеец, Быдӟым Атыкай оже пыриськем мурт, Совето Союзлэн Героез (1944).

Улон сюресэз

Вордӥськиз 1912-тӥ арын 14-тӥ куарусёнэ Кузякино черкогуртын (али — Татарстанысь Актаныш ёросэ пыре).

Улӥз Ижкарын, ужаз машина поттон заводын.

1942-тӥ арын Горд Армие басьтӥзы. 1943-тӥ арын инвожо толэзьысен фронтын ожмаськиз. Воронеж фронтысь 38-тӥ армилэн 167-тӥ дивизилэн 465-тӥ стрелковой полклэн стрелокез вал. Сэзь луэменыз висъяськиз Днепр понна ожмаськонын^[2].

1943-тӥ арын 25-тӥ куарусёнэ ас подразделениеныз ӵош Днепр шур вамен Киевлэсь уйпалагес потыса, солэн шундыпуксёнпал ярдураз плацдармез басьтон оже пыриськиз. Сое киултэм бере, толэзь пала немец атакосты пезьгытъяса возиз. 1943-тӥ арын 3-тӥ шуркынмонэ Пуща-Водица понна ожмаськонын секыт сӧсырмыны шедиз^[2].

СССР-ысь Вылӥ Кенешлэ Президиумезлэн 1944-тӥ арын 10-тӥ толшоре «Горд Армиысь генералъёслы, офицер, сержант но рядовой составлы Совето Союзлэн Героез дано ним сётон сярысь» Косэтэзъя «командованилэсь боевой заданиоссэ ӟеч быдэсъямез но фашистъёсын геройлыко ожмаськемез понна» Заманов Хасанлы Совето Союзлэн Героез дано ним сётэмын^[2]^[3]. Озьы ик пусъемын «За отвагу» медален (17.08.1944) но мукет данъетъёсын^[2] .

Ужкагазъёсаз янгыш гожтэмен, Ленин орден но «Зарни Кизили» медаль ӧвӧл сётэмын^[4]. Совето Союзлэн Героез дано ним сётон сярысь Грамота солэн ӵыжы-выжыезлы 1968-тӥ арын гинэ вуиз^[4].

Сӧсырмеменыз демобилизовать каремын. Фронтысь бертэмез бере, кӧня ке Ижкарын улӥз, собере Покровск-Уральский каргуртэ улыны выжиз (али — Североуральск пушкы пыре). 1950-тӥ арын коньывуон толэзьысен Богословской рудоуправленилэн «Первомайской» шахтаяз электросварщик луыса ужаз.

1951-тӥ арын 20-тӥ шуркынмонэ дырызлэсь вазь кулӥз^[5]. Ватэмын Североуральскысь шайвылын.

Североуральскын Замановлы синпелет пуктэмын^[6].

2018-тӥ арын 1-тӥ куарусёнэ Покровск-Уральский каргуртын 2-тӥ номеро школаын (Ленин урам, 10-тӥ номеро юрт) Совето Союзлэн Героезлы Заманов Хасанлы но Афганистанын ожмаськем Рылов Владимирлы буре ваён пул юнматэмын^[7].

Данъетъёсыз

«Зарни Кизили» медаль;
Ленин орден (03.11.1943);
«За отвагу» медаль (19.08.1944)^[8].

Валэктонъёс

↑ Совето Союзлэн Героез дано ним сётон сярысь Косэтын Саманов Хасан шуыса гожтэмын
↑ ¹ ² ³ ⁴ [www.az-libr.ru/Persons/000/Src/0007/8cd6686f.shtml Заманов Хасан] [ӟуч] AZ Library. Эскеремын 2013-04-03 арын
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 толшоре (№ 3 (263)). — С. 1. Архивировано 7 толсуре 2021 арын.
↑ ¹ ² Помним своих героев [ӟуч] Североуральск-инфо. Эскеремын 2013-04-03 арын
↑ Хасан Заманович Заманов [ӟуч] «Герои страны» сайт.
↑ Обелиск Заманову
↑ Мемориальная доска Рылову и Заманову
↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 30. Л. 4, 142, 143)..

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои Советского Союза — наши земляки. — Казань, 1982, кн. 1. — с. 194—197.
Кулемин И. Г. Героев наших имена. 2-е изд. — Ижевск, 1975. — с. 35—37.
Ракипов Ш. 3. Хранить вечно. — Казань, 1980. — с. 83—114.
Кулёмин И. Г., Сентемова Л. Ф., Ислентьева Р. А. Герои Советского Союза — наши земляки. — Устинов, 1985. — с. 48—49.

Чӧлсконъёс

[1] Совето Союзлэн Героез дано ним сётон сярысь Косэтын Саманов Хасан шуыса гожтэмын

[зх-2] ¹ ² ³ ⁴ [www.az-libr.ru/Persons/000/Src/0007/8cd6686f.shtml Заманов Хасан] [ӟуч] AZ Library. Эскеремын 2013-04-03 арын

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 толшоре (№ 3 (263)). — С. 1. Архивировано 7 толсуре 2021 арын.

[си-4] ¹ ² Помним своих героев [ӟуч] Североуральск-инфо. Эскеремын 2013-04-03 арын

[5] Хасан Заманович Заманов [ӟуч] «Герои страны» сайт.

[6] Обелиск Заманову

[7] Мемориальная доска Рылову и Заманову

[8] Наградные документы в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 30. Л. 4, 142, 143)..

[1]

[2]

[3]

[4]

[5]

[6]

[7]

[8]