Зайцев, Василий Петрович

Википедиысь материал
Василий Петрович Зайцев
Зайцев Василий Петрович.gif
Вордӥськем дырыз 26-тӥ тулыспалэ 1916(1916-02-26)
Вордӥськем интыез
Кулэм дырыз 15-тӥ коньывуонэ 1944(1944-10-15) (28 арес)
Кулэм интыез Ширвиндт, Шундыӝужанпал Пруссиын, нацизмо Германия
Кунмуртлыкез СССРRed Army flag.svg СССР
Кыӵе войскоез пехота[d]
Служить карон аръёсыз 1936—1944
Званиез
Старший лейтенант ВС СССР
Командовать кариз ротой
Ожмаськонъёс/ожъёс
Данъетъёсыз

Василий Петрович Зайцев — Быдӟым Атыкай оже пыриськем мурт, 3-тӥ Белорусс фронтысь 5-тӥ армилэн 184-тӥ Краснознамённой Духовщинской стрелковой дивизилэн 297-тӥ стрелковой полклэн 2-тӥ батальонлэн 4-тӥ ротаезлэн командирез, Совето Союзлэн Героез.

Улон сюресэз

Вордӥськиз 1916-тӥ арын 26-тӥ тулыспалэ Ижкарын (мукет тодэтъёсъя —1915-тӥ арын 11-тӥ южтолэзе Ватка губерниысь[1] Лудӟийыл гуртын ) удмурт крестьян семьяын. Школаысь сизьым классэз йылпумъяса, колхозын почтальон луыса ужаз, собере сельсоветлэн тӧроез вал.

1937-тӥ арын Горд Армие басьтӥзы, Дальней Востокын СССР-лэн НКВД-езлэн пограничной войскоосаз служить кариз[2]. Арми бере Ижкарын улӥз, Шор почта юртын ужаз.

Быдӟым Атыкай ож

1941-тӥ арын пӧсьтолэзьысен Быдӟым Атыкай ожлэн фронтъёсаз вуиз . 1942-тӥ арын младшой лейтенантъёсты дасясь курсъёсты йылпумъяз. 1943-тӥ арын толсурысен 184-тӥ стрелковой дивизилэн 297-тӥ стрелковой полклэн стрелковой ротаеныз командовать кариз. Западной но 3-тӥ Белорусс фронтъёсын Смоленскез, Белоруссиез мозмытонэ пыриськиз. Вить пол сӧсырмыны шедьылӥз. 1944-тӥ арын 17-тӥ гудырикошконэ Зайцевлэн ротаез Науместис (Литва) карлэсь кӧняке уйпалагес ваньмызлэсь азьпал Шундыӝужанпал Пруссиен кунгож дуре потӥз[2], солэн командирез Вылӥ Главнокомандующийлы Иосиф Сталинлы исторической рапорт сётӥз:

«Мон Тӥледлы службая но сюлэмыя раппорт сётӥсько. 17-тӥ гудырикошконэ 7 час 30 минутэ асьме социализмо Россиен но гитлеровской Германиен кунгож дуре Горд знамя ӝутыны мыным шуд усиз… Тушмонэз быдтыны кулэ шуыса ми тодӥськомы. Соин, Германиез куашкатон понна, мон ачим но мынам ожгарчиосы жалятэк улонмес сётыса пумозяз нюръяськом»[1].

1944-тӥ арын коньывуон толэзе, совето войскоос Шундыӝужанпал Пруссие потыку, огаз ожмаськонын секыт сӧсырмыны шедиз но кӧня ке нунал ортчыса, госпитальын басьтэм яраослэсь кулӥз. Ватэмын Каунас карын[2].

Данъетъёсыз

  • «Зарни Кизили» медаль (1945-тӥ арын 24-тӥ южтолэзе гожтэм Косэт);
  • Ленин орден;
  • Горд Знамялэн орденэз;
  • Александр Невскийлэн орденэз;
  • Быдӟым Атыкай ожлэн II степенё орденэз;
  • Горд Кизили орден.

Буре ваён

1965-тӥ арын 28-тӥ оштолэзе Ижысь кар кенешлэн исполкомезлэн решениезъя, Бессарабской урамлэн нимыз Василий Зайцев нимын воштэмын[3].

2014-тӥ арын 12-тӥ куарусёнэ Дэри черкогуртысь Шор площадьын Василий Зайцевлы синпелет-бюст усьтэмын[4].

Дэриысь историяя но лулчеберетъя музей В. П. Зайцевлы сӥзем адӟытонъёс радъялля.

Валэктонъёс

  1. ↑ 1 2 Зайцев Василий Петрович Книги Удмуртии. Эскеремын 2012-11-06 арын
  2. ↑ 1 2 3 Герои Отечества из числа бывших воспитанников органов и войск правопорядка, погибшие в боях за Восточную Пруссию Сведения о погибших на территории Калининградской области. Эскеремын 2012-11-06 арын
  3. ↑ Зайцев Василий Петрович. Улица Зайцева Информационный сайт по Ижевску, Удмуртской республике. Эскеремын 2012-11-06 арын
  4. ↑ Памятник Герою Советского Союза установили в Завьялово Susanin.udm.ru. Эскеремын 2014-09-12 арын

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Воробьёв Е.3. Тридцать три богатыря. — М., 1977. — С. 157—164.
  • Герои Советского Союза — наши земляки. — Ижевск, 1962. — С. 49—51.
  • Голубев В. В. Шаги в бессмертие. — Ижевск, 1978. — С. 91—123.
  • Кулёмин И. Г., Сентемова Л. Ф., Ислентьева Р. А. Герои Советского Союза — наши земляки. — Устинов, 1985. — С. 46—47.

Чӧлсконъёс

«https://udm.ruwiki.ru/w/index.php?title=Зайцев,_Василий_Петрович&oldid=431674»-ысь басьтэмын