Голдобин, Николай Иванович

Николай Иванович Голдобин
Вордӥськем дырыз	15-тӥ коньывуонэ 1921(1921-10-15)
Вордӥськем интыез	Удмуртия Сьӧлта ёрос Зорино гурт
Кулэм дырыз	15-тӥ толсуре 1956(1956-12-15) (35 арес)
Кулэм интыез	Львовын
Кунмуртлыкез	СССР СССР
Кыӵе войскоез	авиация
Служить карон аръёсыз	1939—1947
Званиез
Ожмаськонъёс/ожъёс	Быдӟым Атыкай ож
Данъетъёсыз

Николай Иванович Голдобин (1921—1956) — Совето Армиысь капитан, Быдӟым Атыкай оже пыриськем мурт, Совето Союзлэн Героез (1943-тӥ ар).

Улон сюресэз

Николай Голдобин вордӥськиз 1921-тӥ арын 15-тӥ коньывуонэ Зорино гуртын (али — Удмуртиысь Сьӧлта ёросэ пыре) крестьян семьяын. Школаысь 7 классэз йылпумъяса, Ижысь металлургической заводын ужаз, со дыре ик аэроклубын дышетскиз. 1939-тӥ арн армие басьтӥзы. 1940-тӥ арын со Молотовысь пилотъёсты дасясь авиацияя военной школаез быдтӥз. Быдӟым Атыкай ожлэн нырысетӥ нуналъёсысеныз фронтын.

1943-тӥ арын коньывуон толэзе гвардилэн старшой лейтенантэз Николай Голдобин 4-тӥ Украин фронтысь 8-тӥ воздушной армилэн 2-тӥ гвардейской уйин лобась бомбардировочной авиадивизилэн 61-тӥ гвардейской уйин лобась бомбардировочной авиаполклэн эскадрильяезлэн командирезлэн воштӥсез луиз. 1943-тӥ арын 25-тӥ коньывуон толэзёзь со 54 пол уйин боевой лобанъёсы но огазе люкаськем тушмон техникаез но солдат-офицерез пушкытъянъёсы потаз.

СССР-ысь Вылӥ Кенешлэн Президиумезлэн 1943-тӥ арын 1-тӥ шуркынмонэ гожтэм Косэтэзъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» гвардилэн старшой лейтенантэзлы Николай Голдобинлы Совето Союзлэн Героез дано ним сётэмын но Ленин орденэн но «Зарни Кизили» медален пусъемын (1269-тӥ номер).

Война бырем бере Голдобин Офицеръёслэной Лётно-тактической Вылӥ курсъёсазы дышетскиз. 1947-тӥ арын капитан званиен запасэ лэземын. Улӥз Львовын. Улонысь кошкиз 1956-тӥ арын 15-тӥ толсуре, ватэмын Львовысь Лычаковской шайвылын.

Озьы ик пусъемын Горд Знамялэн орденэныз, 1942-тӥ арын 15-тӥ гудырикошконэ Сталинград фронтъя гожтэм 11/н номеро Косэтъя но Быдӟым Атыкай ожлэн 1-тӥ степенё орденэныз но медальёсын: «За отвагу», СССР-лэн Вылӥ Кенешезлэн Президиумезлэн 1941-тӥ арын 10-тӥ гудырикошконэ гожтэм Косэтэзъя, «Сталинградэз утем понна» СССР-лэн Вылӥ Кенешезлэн Президиумезлэн 1942-тӥ арын 22-тӥ толсуре гожтэм Косэтэзъя.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Кулемин И. Г. Героев наших имена. Ижевск, 1975.
• Кулемин И. Г. и др. Герои Советского Союза — наши земляки. Устинов, 1985.